សភាពាណិជ្ជករអន្តរជាតិកម្ពុជា រៀបចំ មហាសន្និបាតប្រចាំឆ្នាំ២០១៨ ដ៏អធិកអធម នៅថ្ងៃ១០ វិច្ឆិកា ខាងមុខនេះ

ភ្នំពេញ៖ នៅថ្ងៃទី១០ ខែវិច្ឆិកា ឆ្នាំ២០១៨ ខាងមុខនេះ គឺនឹងមាន ព្រឹត្តិការណ៍ប្រចាំឆ្នាំមួយ របស់ អង្គការក្រៅរដ្ឋាភិបាល អន្តរជាតិ ដែលមិនយកប្រាក់ចំណេញ Junior Chamber International Cambodia (សភាយុវពាណិជ្ជករអន្តរជាតិកម្ពុជា) ហៅកាត់ថា JCI Cambodia ដែលត្រៀម នឹងរៀបចំ ព្រឹត្តិការណ៍មួយនេះ ឡើងយ៉ាងអធិកអធម។

ជាមួយគ្នានេះដែរ សភាយុវពាណិជ្ជករ អន្តរជាតិកម្ពុជា (JCI Cambodia) មានបំណង ចង់ឲ្យសមាជិកសភា យុវពាណិជ្ជករអន្តរជាតិកម្ពុជា និងដៃគូរសហប្រតិបត្តិការទាំងអស់ ឲ្យចូលរួម ក្នុងពិធីមហាសន្និបាត របស់សភាយុវពាណិជ្ជករ អន្តរជាតិកម្ពុជានេះ ដែលនឹងប្រារព្ធ ដើម្បីបូកសរុប លទ្ធផលការងារប្រចាំឆ្នាំ ដែលបានបែងចែកជាពីរដំណាក់កាល៖ ដំណាក់កាលទី១៖ ចាប់ពីម៉ោង ១២:៣០នាទីរសៀល រហូតដល់ម៉ោង៥:០០នាទីល្ងាច គឺដំណើរការនៃកម្មវិធី មហាសន្និបាត របស់សភាយុវពាណិជ្ជករ អន្តរជាតិកម្ពុជា នៅសណ្ឋាគារសុខាភ្នំពេញ។

ដំណាក់កាលទី២៖ចាប់ពី ៥:៣០នាទី ល្ងាច រហូតដល់ម៉ោង ៩:០០យប់ នឹងមានការបរិភោគ អារហារពេលល្ងាច លក្ខណៈមិត្តភាព នៅសណ្ឋាគារសុខាភ្នំពេញដដែរ។

ដំណើរកា គម្រោងមហាសន្និបាត បូកសរុបលទ្ធផលការងារនេះមានបំណងក្នុងការបង្ហាញ របាយការណ៍អំពីសមិទ្ធផលរបស់ខ្លួន ក្នុងឆ្នាំ២០១៨ និងការតែងតាំងក្រុមប្រឹក្សាភិបាលឆ្នាំ២០១៩ គ្រប់សាខាទាំងអស់ របស់ JCI Cambodia។ អ្វីដែលពិសេសមួយ ទៀតក្នុងកម្មវិធីនេះ JCI Cambodia បានបង្កើតសាខារបស់ JCI ថ្មីមួយទៀតក្នុងឆ្នាំថ្មីនេះគឺ JCI សុវណ្ណាភូមិ ព្រមទាំងមានការឡើងថ្លែងសន្ទុរកថា ពីផែនការថ្មី ឆ្នាំ២០១៩របស់ប្រធានអង្គភាព ក្រុមព្រឹក្សាភិបាល តាមសាខានិមួយៗ ដែលត្រូវបានតែងតាំង ក្នុងកម្មវិធីនោះផងដែរ។

គួររំលឹកផងដែរ ថា Junior Chamber International គឺជាអង្គការក្រៅរដ្ឋាភិបាល ដែលមិនយកប្រាក់ចំណេញ ដែលមានសមាជិក អាយុមានចន្លោះចាប់ពី១៨ ដល់ ៤០ឆ្នាំ។ សព្វថ្ងៃ Junior Chamber International មានប្រមាណជាង ៥០០០ សហគមន៍ នៅ ១២៤ប្រទេស ទូទាំងពិភពលោក។ មកដល់បច្ចុប្បន្ន JCI មានអាយុកាល ១០៣ឆ្នាំ មកហើយបើគិតតាំង ពីការចាប់ផ្តើមថ្ងៃទី១៣ ខែតុលា ឆ្នាំ១៩១៥មក ហើយ JCI បានបង្កើត ជាផ្លូវការក្នុងប្រទេសកម្ពុជានៅក្នុង ឆ្នាំ២០១២។ បើគិតមកដល់ពេលនេះ JCI CAMBODIA មានសាខា ចំណួន ៤ បូករួមទាំងការបង្កើតសាខាថ្មីក្នុងឆ្នាំ២០១៨នេះ និងមានសមាជិកចូលរួមជាង២០០ នាក់ទូទាំងប្រទេស។ JCI Cambodia បានជួយជាដំណោះស្រាយជាច្រើន ទៅដល់សហគមន៍ទូទាំងកម្ពុជាហើយអ្វីដែលពិសេស នោះគឺកំពុងតែដើរតួនាទីមួយយ៉ាងសំខាន់ក្នុងការជំរុញនិងជួយដល់សហគមន៏កម្ពុជាត្រឹមតែរយៈពេល៦ឆ្នាំចុងក្រោយនេះ៕