DAP Business

បច្ចេកវិទ្យា

Google លុបចោល មតិ Reviews របស់កម្មវិធី TikTok នៅលើ Play-Store ដើម្បីឲ្យការវាយតម្លៃ មានតុល្យភាព

មុននឹង អោយអ្នកយល់ពីដំណឹងនេះ អ្នកត្រូវដឹងថា អ្វីទៅ ជាសញ្ញាក្នុងការណែនាំ អោយអ្នកយល់ពី Reviews (ការបញ្ចេញមតិ) នៅលើ Play-Store ។

សម្រាប់ប្រជាពលរដ្ឋខ្មែរយើង នៅមិនទាន់បានយល់ជ្រាបច្បាស់នោះទេ ចំពោះគោលគំនិត របស់អ្នកបង្កើតកម្មវិធី ដែលបានដាក់បញ្ចូល អោយអ្នកអាចប្រើបាន ត្រូវកំណត់តាមច្បាប់ របស់ ក្រុមហ៊ុន Play-Store ដោយ ត្រូវមានការ បញ្ជាក់ពី ការលើកឡើងជាមតិ ក្នុងការណែនាំ ទៅដល់អ្នកដទៃទៀត អោយទាញយក មកប្រើប្រាស់ ។

ជាការពិតណាស់ សម្រាប់ប្រជាពលរដ្ឋខ្មែរ មួយចំនួន​តែងតែ ធ្វើការពិនិត្យទៅលើ មតិលើកឡើងជាមុន មុននឹងធ្វើការទាញយកកម្មវិធីអ្វីមួយ កុំអោយខាតបង់ពេលវេលា និង ចង្អៀតដល់ទូរស័ព្ទដៃ ឬឧបករណ៍ផ្សេងៗបាន ដោយឡែក នៅមានអ្នកប្រើប្រាស់​មួយចំនួនទៀត អាចនឹងទាញយកកម្មវិធីអ្វីមួយ ដោយពុំបានពិនិត្យទៅលើ Reviews នោះទេ អាស្រ័យតាមការណែនាំ របស់មិត្តភក្តិផ្ទាល់ ឬអ្នកធ្លាប់បានប្រើប្រាស់ លើកសរសើរពីកម្មវិធីនោះតែម្តង (វាអាចនិយាយបានថា ការអានក្នុង Reviews ឬណែនាំដោយមនុស្សជុំវិញខ្លួន ប្រហាក់ប្រហែលនឹងគ្នាដែរ) ប៉ុន្តែសម្រាប់​ជនបរទេសវិញ ច្បាស់ណាស់ គេនឹងត្រួតពិនិត្យ មតិលើកឡើង និងការវាយតម្លៃជាសញ្ញាផ្កាយ នៅលើ Play Store ជាមុន មុននឹងគេធ្វើការទាញយកវា ។

យោងទៅតាម ការផ្សព្វផ្សាយ របស់ គេហទំព័រ indiatoday បានឲ្យដឹងថា មតិលើកឡើង របស់អ្នកប្រើប្រាស់ TikTok ត្រូវបានទម្លាក់ចោល ពី Play Store ពីចំនួន ២៧លាន មកត្រឹម២២លាន ត្រឹមរយៈពេល១សប្តាហ៍ ។​ នៅប៉ុន្មានសប្តាហ៍ថ្មីៗនេះ វាត្រូវបានបង្កជាបញ្ហា ដ៏អាក្រក់បន្តិចបន្តួច ចំពោះកម្មវិធី កម្សាន្ត ដ៏ពេញនិយម TikTok ។ ជនជាតិចិន ដែលបានបង្កើតកម្មវិធី ធ្វើវីដេអូ នេះឡើង បានធ្វើឲ្យមាន​ភាពចម្រូងចម្រាស បណ្តាលឲ្យប្រជាប្រិយភាពមានការធ្លាក់ចុះ ហើយវាត្រូវបាន​លើកមកជជែក ចំពោះការប្រើប្រាស់ ខុសគោលដៅ ។

ក្នុងនោះដែរ Hashtags (ហាសស្ថែក) ដែលជួយជម្រុញដល់ការ ចុចទៅកម្មវិធី TikTok ត្រូវបានហាមឃាត់ ដោយភ្នាកងារប្រឆាំ នៃប្រទេសឥណ្ឌា ដោយចាប់ផ្តើមមានទំនោរ និន្នាការទៅលើកម្មវិធី សម្សាន្ត Twitter វិញ ។

ការវាយតម្លៃ តាមរយៈការអោយសញ្ញាផ្កាយ (ពីផ្កាយ១ ដល់ផ្កាយ៥) ចំពោះកម្មវិធី កម្សាន្ត TikTok ត្រូវបានធ្លាក់ចុះផងដែរ ដោយគេសង្កេតឃើញថា ពីចន្លោះ ផ្កាយ៤ ធ្លាក់មកត្រឹម ផ្កាយ២ ហើយនឹងបន្តធ្លាក់បន្ថែមទៀត មកត្រឹម ១.២ផ្កាយ ។ ការវាយតម្លៃនេះ នឹងបន្តធ្លាក់ចុះ រហូតតែពួកគេទទួលបាន​ ការស្រោចស្រង់ឡើងវិញ​បន្តិចម្តងៗ ។

ស្ថិតក្នុង ការវិវត្តន៍ចុងក្រោយ ការវាយតម្លៃនៃកម្មវិធីនេះ ត្រូវបានកំណត់ ត្រឹម១.៥ផ្កាយ ជាមួយនឹង ការបញ្ចេញមតិ​ ២២លានអ្នកប្រើប្រាស់ ។ ហើយនេះក៏អាច ជាហេតុផលមួយ ដែលនាំអោយ Google ធ្វើការលុបចេញខ្លះ នៃចំនួន បញ្ចេញមតិនេះ ដើម្បីឲ្យការបញ្ចេញមតិ និងការវាយតម្លៃ មានតុល្យភាព ។

លោក Nobert Elekes ជាអ្នកប្រើប្រាស់ Twitter ទទួលបានការផ្ទៀងផ្ទាត់មួយរូប (Verified User) និងជាអ្នកគ្រប់គ្រង់ទិន្ន័យម្នាក់ បានអះអាងថា លោកបានគត់សម្គាល់ឃើញថា ” ជាក់ស្តែង Google បានលុបចោលចំនួន ការបញ្ចេញមតិ លើសពី១លានមតិ ត្រឹមមួយយប់ ដែលជាហេតុធ្វើឲ្យ កំណត់ត្រា ការវាយតម្លៃ មានការកើនឡើងវិញ ពី១.២ ទៅ ១.៦ផ្កាយ” ។

លោក Nobert Elekes បានបង្ហាញ រូបភាព ដែលលោកបានថតទុក ដែលបង្ហាញឲ្យឃើញថា នៅពេលដែរ Play Store បង្ហាញពីចំនួនបញ្ចេញមតិ រហូតដល់ ២៨លានមតិ នោះការវាយតម្លៃ មានត្រឹម ១.២ផ្កាយ ខណៈដែលរូបភាពមួយទៀត ដែលមានការបញ្ចេញមតិ បន្ថយត្រឹម ២៧លានមតិ នោះ ការវាយតម្លៃ បានកើនឡើង មកវិញ​នៅចំនួន ១.៦ផ្កាយ”

ជាក់ស្តែង Play Store លោត ការបញ្ចេញមតិ ត្រឹម២២លានមតិ ដើម្បីឲ្យកម្មវិធីកម្សាន្ត TikTok ទទួលបាន ១.៥ផ្កាយ ដែលមានន័យថា ចាប់ពីសប្តាហ៍មុន Google បានលុបចោលប្រមាណជាង ៥លានមតិអ្នកប្រើប្រាស់ ។ (ចំនួននេះ មានការថយចុះ​ជាបន្តបន្ទាប់ ដើម្បីទទួលបាន សញ្ញាផ្កាយកើនឡើងវិញ) ។

ទោះយ៉ាងណាក៏ដោយ​ក្រុមហ៊ុន Google មិនបានបញ្ជាក់​ពីមូលហេតុ នៃការដកចេញ នូវការបញ្ចេញមតិទាំងនេះទេ ប៉ុន្តែវាពិតជាបានធ្វើឱ្យប្រសើរឡើង នូវការវាយតម្លៃ នៃកម្មវិធី ទោះបីជាវាស្ថិតក្នុង កម្រិតណាក៏ដោយ ។

គួររំលឹកថា មានមនុស្សមួយចំនួន អាចនឹងពិចារណា ​ចំពោះការទាញយក​ កម្មវិធីណាមួយ តាមរយៈការមើល ការបញ្ចេញមតិ និងការវាយតម្លៃ ដោយផ្អែកទៅលើសញ្ញាផ្កាយ ដែលត្រូវបានគេកំណត់ថា ផ្កាយទាប មានន័យថា មិនសូវល្អ​ ក្នុងការប្រើប្រាស់ ប្រសិនបើមានផ្កាយច្រើន រហូតដល់ផ្កាយ៥ បង្ហាញអោយឃើញថា កម្មវិធីនេះ​កំពុងមានការពេញនិយម៕


ប្រភព៖ indiatoday.com / សម្រួលអត្ថបទដោយ៖ ម៉ៅ ដារាត់

Most Popular

DAP Business cover entrepreneurs, business flow, strategy marketing that can help readers to improve their businesses Copyright © 2016-2019

To Top