“ពួកយើងបានធ្វើតាមបែបបទដំណើរការ ដែលម៉ត់ចត់រហូតមក ដោយមិនមានរំលង រឺលេងផ្លូវកាត់អ្វីនោះទេ ចំពោះការវិវត្តន៍និងតេស្តសាកល្បង ផលិតផលរបស់យើង. ម៉ូតូរបស់ពួកយើងជាប្រភេទ លំដាប់ពិភពលោក ពួកវាមានគុណភាព ប្រហាក់ប្រហែលនឹងម៉ូតូជប៉ុន ហើយនឹងអាល្លឺម៉ង់,” ពាក្សសម្តីរបស់លោក Siddhartha Lal, នាយកគ្រប់គ្រងរបស់ Eicher Motors Ltd ដែលបាននិយាយ កាលពីខែឧសភា ឆ្នាំ២០២១ (https://auto.economictimes.indiatimes.com/news/two-wheelers/motorcycles/royal-enfield-bikes-are-equivalent-to-japanese-german-offerings-sid-lal/83031176). Royal Enfield ម៉ាកយីហ៊ោ ដែលមានអាយុកាលច្រើនឆ្នាំ មកហើយចាប់តាំងពីឆ្នាំ ១៩០១ បានបង្ហាញវត្តមាន ម៉ូឌែលទាំង៦របស់ខ្លួន នៅលើទីផ្សារសព្វថ្ងៃ។
ជាមួយនឹងការបញ្ចេញម៉ូឌែល មានចំនួនយឺតបន្តិច ប៉ុន្តែម៉ាកយីហ៊ោមួយនេះ មានការជឿជាក់ទៅលើគុណភាព យូរអង្វែងច្រើនជាងបរិមាណ (មកយឺតជាមួយគុណភាព ប្រសើរជាងមកច្រើន ជាមួយនឹងគុណភាពទាប)។ ប្រសិនបើយើងប្រៀបធៀប ជាមួយនឹងម៉ាកយីហ៊ោជប៉ុន scoter ដែលបំពាក់ទៅដោយបច្ចេកវិទ្យា updated ជារៀងរាល់ឆ្នាំ ប៉ុន្តែចុងក្រោយទទួលបាន នូវស្ទីលដែលមានកំណត់ ក្នុងរយៈពេលប៉ុន្មានឆ្នាំ វាពិតជារឿងមួយ ដែលមិនសូវចំណេញពិតៗ។ តម្រូវការក្នុងសង្គម ដែលភាគច្រើនទាមទារ នូវស្ទីលនិងម៉ូតថ្មីៗរហូតជាកត្តាមួយជះឥទ្ធិពល ដល់និងជម្រុញអោយម៉ូតូម៉ាកជប៉ុន ដូចជាប្រភេទ Scoter បញ្ចេញនូវម៉ូឌែលថ្មីៗជាច្រើន នៅក្នុងវិស័យម៉ូតូ។
សព្វថ្ងៃនេះយើងសង្កេតឃើញថា មានក្រុមអ្នកជិះហើយ ទិញម៉ូតូពីរប្រភេទ, មួយដែលដឹងច្បាស់ពីខ្លួនឯងថា ពួកគេចង់បានម៉ូតូអ្វីនិងមួយចំនួនទៀត ដែលទិញម៉ូតូតាមទំនោរសង្គម និងការនិយមរបស់ក្រុមអ្នកជិះម៉ូតូដូចគ្នា ដែលជាហេតុធ្វើអោយពួកគេ មិនយល់ច្បាស់ថា តើគួរជ្រើសរើសម៉ូតូបែបណា។ ប្រសិនបើអ្នកជាមនុស្ស ដែលសន្សំសំចៃ និងគិតគូរវែងឆ្ងាយ អ្នកច្បាស់ជាសំលឹងរកយីហ៊ោម៉ូតូ ដែលទាមទារលើគុណភាព ការផលិតហើយអ្នកអាចប្រើវា ពីមួយជំនាន់ទៅមួយជំនាន់។
នេះជាហេតុផល ដែលម៉ូឌែលដូចជា Royal Enfield Bullet 500 ម៉ូតូមួយ ដែលមានកំលាំងម៉ាស៊ីនធន់, បំពង់បញ្ចេញផ្សែង ដែលខ្ពស់ល្អ ហើយជាជម្រើសដ៏ត្រឹមត្រូវ គ្រប់ស្ថានភាពផ្លូវ សាកសមនឹងនៅក្នុងការ សម្រេចចិត្តរបស់អ្នក។ ភាពដែលជាខ្លួនឯង របស់ម៉ូតូមួយនេះ គឺរក្សានូវកេរ្តិ៍ដំណែលរបស់ខ្លួន តាំងពីការគូសរចនាដោយដៃ នៅលើប្រអប់ធុងសាំង, កំលាំងម៉ាស៊ីន បែបក្លាសិកការប៊ុយរ៉ាត័រ (Carburetor) និងការរចនាដ៏ផ្ទិតផ្ទង់។ ប្រណិតភាពនៃការធ្វើឡើង ពីលោហះដែក ដែលកកើតមានឡើង តាំងពីឆ្នាំ ១៩៣២ បានបន្តជានិមិត្តរូប អោយអ្នកជិះម៉ូតូគ្រប់គ្នា បានឃើញរហូតមកដល់សព្វថ្ងៃ។
មនុស្សជាច្រើនបានសម្រេចចិត្ត ទិញម៉ូតូទៅតាមការចង់បានភ្លាមៗ អារម្មណ៍មួយឆាវ រឺក៏ព្រោះតែក្រុមពួកម៉ាក របស់គេមានវាដូចជាប្រភេទ Scoter Suzuki, Honda & Yamaha, ទាំងបីម៉ាកនេះ គឺត្រូវបានទទួលស្គាល់ថា មកពីជប៉ុន។ យ៉ាងណាមិញ សម្រាប់ទីផ្សារសេរី សព្វថ្ងៃនេះជាពិសេសទីផ្សារ ដែលធំទូលាយដូចជាប្រទេសចិន អាចនឹងធ្វើការផលិតប្រភេទម៉ូតូ Scoter នេះច្រើនជាងគេ ហើយបើនិយាយ ពីគុណភាពវិញ គឺមិនសូវជាច្បាស់លាស់ល្អ ហើយម៉ត់ចត់ត្រឹមត្រូវនោះទេ។
អ្នកអាចប្រថុយជាមួយនឹង ម៉ាស៊ីនល្អ រឺម៉ាស៊ីនមិនសូវល្អ ព្រោះម៉ូតូពួកនេះ ច្រើនតែយកមកលក់ ដោយឈ្មួញច្រើនជាង អ្នកចែកចាយផ្លូវការផ្តាច់មុខ។ ជាមួយនឹងប្រព័ន្ធស៊ីឡាំងទាប អ្នកអាចនឹងទទួលបាន ម៉ូតូដែលធ្វើពីជ័រផ្លាស្ទិក Scooter ច្រើនជាងម៉ូតូដែល រចនាឡើងពីដែកលោហះ។ សរុបមកវិញជាមួយនឹង ជម្រើសដ៏វ័យឆ្លាត អតិថិជនអាចធ្វើការជ្រើសរើស រវាងម៉ាកយីហោ Royal Enfield រឺក៏ម៉ាកយីហោ scooter របស់ជប៉ុន៕
