នៅសល់តែ៨៧ថ្ងៃទៀតតែប៉ុណ្ណោះ ព្រឹត្ដិការណ៍កីឡាអាស៊ានប៉ារ៉ាហ្គេម ២០២៣ ដែលព្រះរាជាណាចក្រកម្ពុជា ធើ្វជាម្ចាស់ផ្ទះនោះ នឹងឈានចូលមកដល់ ពោលគឺរំលងជិត១ខែប៉ុណ្ណោះ ក្រោយការប្រកួតស៊ីហ្គេមបានបញ្ចប់។
នេះគឺជាលើកដំបូងដែលកម្ពុជា មានសិទ្ធិក្នុងការរៀបចំការប្រកួតកីឡាជនពិការធំជាងគេក្នុងតំបន់ អាស៊ីអាគ្នេយ៍ ខណៈវិញ្ញាសាដែលមានសក្កានុពលមួយចំនួនដូចជា ហែលទឹក, បាល់ទះអង្គុយ, បាល់បោះ និងកីឡាជាច្រើនទៀតនឹងត្រូវបានដាក់បញ្ចូល។
អ្វីដែលពិសេស និងបង្កើតបានជាប្រវត្ដិសាស្រ្ដក្នុងព្រឹត្ដិការណ៍កីឡាអាស៊ានប៉ារ៉ាហ្គេមនេះ គឺវិញ្ញាសា កីឡាអេឡិចត្រូនិក ឬ E Sports នឹងត្រូវដាក់បញ្ចូលផងក្នុងការប្រកួតនេះ ជាលើកដំបូងបំផុត។
កីឡាអេឡិចត្រូនិក គឺជាទម្រង់នៃការប្រកួតប្រជែងដោយប្រើប្រាស់វីដេអូហ្គេម និងត្រូវបានគេចាត់បញ្ចូលជា ប្រភេទវិញ្ញាសាកីឡាម្យ៉ាងដែលមានបរិបទប្រកួតប្រជែងស្រដៀងនឹងកីឡាទូទៅដែរ។ E-Sports អាចជា ប្រធានបទថ្មីក្នុងប្រទេសកម្ពុជា ប៉ុន្តែវាមិនមែនជារឿងថ្មីឡើយសម្រាប់អន្តរជាតិ ដោយមានប្រទេសជាច្រើន មានការរីកចម្រើននិងគាំទ្រខ្លាំងក្នុងវិស័យមួយនេះគួរឲ្យកត់សម្គាល់ ដូចជាប្រទេសចិន អាមេរិក រុស្សី ម៉ាឡេស៊ី និងបណ្តាប្រទេសជាច្រើននៅទ្វីបអ៊ឺរ៉ុប។
នាប៉ុន្មានឆ្នាំចុងក្រោយនេះ វិស័យ E-Sports ក្នុងប្រទេសកម្ពុជាមានការរីកចម្រើនខ្លាំង គួរឲ្យកត់សម្គាល់ ហេតុនេះហើយ ទើបធើ្វឲ្យកម្ពុជាសម្រេចដាក់បញ្ចូលវិញ្ញាសា E-Sports ចូលទៅក្នុងកីឡាអាស៊ានប៉ារ៉ាហ្គេម ហើយវាក៏ជាលើកទី១ផងដែរ ដែលព្រឹត្ដិការណ៍កីឡាជនពិការអាស៊ីអាគ្នេយ៍នេះ មានវិញ្ញាសារដ៏គួរឲ្យ ចាប់អារម្មណ៍ ដែលមនុស្សជាច្រើនធ្លាប់តែឃើញកីឡាមួយនេះ ក្នុងកម្មវិធីស៊ីហ្គេម និងព្រឹត្ដិការណ៍កីឡាផ្សេងៗតែប៉ុណ្ណោះ។
ទោះបីជាការដាក់បញ្ចូលដំបូងនេះ ជាការប្រកួតបែប សាកល្បង(Demo Sports)ដោយមិនមានការរាប់បញ្ចូល ជ័យលាភីមេដាយក្ដី ប៉ុន្តែនេះពិតជាសមិទ្ធផលដ៏ធំមួយ សម្រាប់ប្រទេសកម្ពុជាដែលបានក្លាយទៅជាប្រទេស ដំបូង ជាអ្នករៀបចំក្នុងការដាក់បញ្ចូលកីឡា E-Sportsនេះចូលទៅក្នុងវិញ្ញាសាប្រកួតកីឡាជនពិការធំជាងគេ ក្នុងអាស៊ាន។ នេះគឺជាកេរ្តិ៍ដំណែលមួយដែលប្រទេសកម្ពុជាបានធ្វើឡើងសម្រាប់បន្តទៅប្រទេសផ្សេងៗទៀត ហើយសមិទ្ធផលនេះ នឹងត្រូវបានគេរំលឹកឡើងគ្រប់ពេលដែលគេនិយាយពី វិញ្ញាសាកីឡាអេឡិចត្រូនិក (E-Sports) ក្នុងកីឡាអាស៊ានប៉ារ៉ាហ្គេម។
ធីមធូ (Team Two) ដែលជាក្រុមហ៊ុនផ្សព្វផ្សាយទីផ្សារតាមរយៈប្រព័ន្ធឌីជីថលធំមួយក្នុងប្រទេសកម្ពុជា ដែលរួម មានក្រុមការងារជំនាញផ្នែកកីឡាអេឡិចត្រូនិក Next Level Entertainment នឹងក្លាយជាដៃគូរដ៏សំខាន់ជាមួយ គណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេម ទៅលើវិញ្ញាសារ E-Sports នៅក្នុងឆ្នាំ២០២៣ ខាងមុខនេះ។
ការចុះហត្ថលេខាលើអនុស្សរណៈយោគយល់គ្នារវាងគណៈកម្មាធិការរៀបចំកីឡាអាស៊ានប៉ារ៉ាហ្គេម (CAMAPGOC) និងក្រុមហ៊ុនធីមធូរ (Team Two) បានធើ្វឡើងនៅព្រឹកថៃ្ងទី២១ ខែធ្នូ នៅទីស្នាក់ការគណៈកម្មាធិការជាតិ អូឡាំពិកកម្ពុជា ដោយបានធ្វើឡើងដោយមានការចូលរួមពី ឯកឧត្តម វ៉ាត់ ចំរើន អគ្គលេខាធិការ នៃគណៈកម្មាធិការជាតិ CAMSOC និង អ្នកស្រី ហាក់ សំបូរ នាយកប្រតិបត្តិនៃក្រុមហ៊ុនធីមធូ។
ធីមធូរ ដែលបានបង្កើតឡើងកាលពីឆ្នាំ២០១៥ នៅរាជធានីភ្នំពេញ នឹងដើរតួនាទីយ៉ាងសំខាន់ក្នុង ការជ្រើសរើសកីឡាករល្អៗ និងគ្រូបង្វឹកឆ្នើមៗ ដើម្បីត្រៀមខ្លួនក្នុងការប្រកួតប្រជែងយកជ័យជំនះ។ ត្បិតក្រុមហ៊ុនមួយនេះក៏ធ្លាប់ជាដៃគូជាមួយក្រុមហ៊ុនធំៗក្នុងស្រុកមួយចំនួន ក្នុងការរៀបចំការប្រកួត ថ្នាក់ជាតិ និង អន្តរជាតិ ជាច្រើនដងផងដែរ សម្រាប់កីឡាអេឡិចត្រូនិកនេះ។
ដូច្នេះការសហការគ្នារវាងគណៈកម្មាធិការរៀបចំកីឡាអាស៊ានប៉ារ៉ាហ្គេមកម្ពុជា (CAMAPGOC) និងក្រុមហ៊ុន ធីមធូ នឹងក្លាយជារឿងដ៏ល្អ ក្នុងការពង្រីកវិសាលភាពនៃកីឡាអេឡិចត្រូនិកនេះក្នុងប្រទេសកម្ពុជា។
អំពី Team Two Co., Ltd
ធីមធូរ Team Two Co., Ltd. គឺជាក្រុមហ៊ុនផ្សព្វផ្សាយទីផ្សារតាមរយៈប្រព័ន្ធឌីជីថល ដែលបានបង្កើតចាប់ តាំងពីឆ្នាំ ២០១៥ ស្ថិតនៅក្រោមបុត្រសម្ព័ន្ធរបស់ WML+ គ្រុប។
WML+ គ្រុប គឺជាសម្ព័ន្ធក្រុមហ៊ុនដែលកំពុងដំនើរអាជីវកម្មលើវិស័យជាច្រើនរួមមាន វិស័យកម្សាន្ត លើការនាំចូល និងចែកចាយភាពយន្តអន្តរជាតិនៅក្នុងស្រុក (Westec Media Limited) និង នាំចូល និងចែកចាយមាតិកាអន្តរជាតិនៅក្នុងស្រុក (Jaikon Entertainment) វិស័យផ្សព្វផ្សាយទីផ្សារតាមរយៈប្រព័ន្ធឌីជីថល (Team Two) ផែ្នកផលិតវីដេអូផ្សព្វផ្សាយ (No Name Production) និងផ្នែកបណ្តុះបណ្តាលទេពកោសល្យ (Starlight Media)៕
Home›អត្ថបទពាណិជ្ជកម្ម›កីឡាអេឡិចត្រូនិក(E-Sports) នឹងដាក់បញ្ចូលជាលើកដំបូងក្នុងប្រវត្ដិសាស្រ្ដ អាស៊ានប៉ារ៉ាហ្គេមក្នុងប្រទេសកម្ពុជា នៅសល់តែ៨៧ថ្ងៃទៀតតែប៉ុណ្ណោះ ព្រឹត្ដិការណ៍កីឡាអាស៊ានប៉ារ៉ាហ្គេម ២០២៣ ដែលព្រះរាជាណាចក្រកម្ពុជា ធើ្វជាម្ចាស់ផ្ទះនោះ នឹងឈានចូលមកដល់ ពោលគឺរំលងជិត១ខែប៉ុណ្ណោះ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
ជំពូកថ្មីនៃជីវិត៖ ដំណើរតស៊ូរបស់លោក ជិន វាសនា ឆ្ពោះទៅរកឯករាជ្យភាពហិរញ្ញវត្ថុជាមួយ foodpandaNovember 1, 2026SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026
