ភ្នំពេញ៖ នារសៀលថ្ងៃទី១៦ ខែកក្កដា ឆ្នាំ២០២៣ នៅសាកលវិទ្យាល័យន័រតុន មានរៀបចំពិធីប្រគល់វិញ្ញាបនបត្រ បញ្ចប់ថ្នាក់សិក្សាវគ្គខ្លី ស្តីអំពី «វគ្គណែនាំនៃស្ថាបត្យកម្មអគារបៃតង» ក្រោមអធិបតីភាពដ៏ខ្ពង់ខ្ពស់ របស់លោកសាកលវិទ្យាធិការ នៃសាកលវិទ្យាល័យន័រតុន, លោកគ្រូជំនាញអគារបៃតង, លោកសាស្ត្រាចារ្យ លោកគ្រូ អ្នកគ្រូ និងនិស្សិតដែលបានបញ្ចប់វគ្គសិក្សាខ្លីដោយជោគជ័យប្រមាណចំនួន៨៣នាក់។
តាមរបាយការណ៍ របស់លោកស្រីបណ្ឌិត សូ សុគន្ធារី ប្រធានកិត្តិយសផ្នែកស្ថាបត្យកម្ម និងជាក្រុមប្រឹក្សានៃសមាគមស្ថាបត្យករកម្ពុជា បានបង្ហាញឲ្យឃើញថា វគ្គបណ្តុះបណ្តាលខ្លីនេះត្រូវបានទទួលនិស្សិតផ្នែកស្ថាបត្យកម្ម និងនគរោបនីយវិទ្យា ចុះឈ្មោះចូលរៀនដំបូងចំនួន២១៨នាក់ និងត្រូវរៀនរយៈពេល៥ខែ ចាប់ពីខែវិច្ឆិកា ឆ្នាំ២០២២ ដល់ខែមីនា ឆ្នាំ២០២៣ ហើយចុងបញ្ចប់នែវគ្គនេះ មានការប្រលងដើម្បីដឹងពីកម្រិតយល់ដឹង របស់និស្សិតផងដែរ ។
គោលបំណង នៃការនាំមកនូវការបណ្តុះបណ្តាល «វគ្គណែនាំនៃស្ថាបត្យកម្មអគារបៃតង» នេះគឺចង់ឲ្យនិស្សិតស្ថាបត្យកម្ម បានយល់ពីអត្ថប្រយោជន៍នៃការប្រើប្រាស់អំណោយផលពីធម្មជាតិបានផ្តល់ឲ្យ ដូចជាទឹក ដី ខ្យល់ ពន្លឺ និងបរិស្ថាន ដើម្បីបញ្ចូលទៅក្នុងគំនិត នៃការបង្កើត និងគូរប្លង់។ លើសពីនេះ គឺធ្វើយ៉ាងណា ការប្រើប្រាស់សម្ភារៈសំណង់ដែលមិនបំភាយកាបូនប៉ះពាល់ដល់បរិស្ថាន និងបំពុលដល់ភពផែនដី។
តាមការមតិចំណាប់អារម្មណ៍របស់លោក Bernard Sagaiyaraj គ្រូបង្គោលជំនាញស្ថាបត្យកម្ម អគារបៃតង មកពីប្រទេសម៉ាឡេស៊ី ដែលបង្រៀនវគ្គខ្លីនេះបានឲ្យដឹងថា ការគូរប្លង់ និងការជ្រើសរើសប្រើប្រាស់វត្ថុធាតុក្នុងការសាងសង់ គឺត្រូវធ្វើយ៉ាងណា កាត់បន្ថយផលប៉ះពាល់ នៃការបំភាយកាបូនដល់បរិស្ថាន និងយោងលើគោលដៅរបស់ពិភពលោកឲ្យមានសូន្យកាបូនក្នុងឆ្នាំ២០៥០។ លើសពីនេះ លោក ជា ប៊ុនសៀង ជាគ្រូបង្គោល និងជាអ្នកជំនាញពីក្រុមប្រឹក្សាអគារបៃតងកម្ពុជា ហើយជា សមាជិកក្រុមប្រឹក្សា នៃសមាគមស្ថាបត្យករកម្ពុជា បានធ្វើចំណាប់អារម្មណ៍បន្ថែមលើវគ្គសិក្សានេះ ថាជាជំនាន់ទី១នៃការផ្តើមវគ្គបណ្តុះបណ្តាល ចំណេះដឹងអំពីស្ថាបត្យកម្ម អគារបៃតង ដើម្បីកសាងធនធានមនុស្សលើជំនាញនេះ ធ្វើយ៉ាងណាឲ្យប្រទេសយើង ដើរលឿន និងរត់ទាន់ប្រទេសក្នុងតំបន់អាស៊ី ដែលរចនាសាងសង់អគារកាបូនទាប៕
Home›អត្ថបទពាណិជ្ជកម្ម›សាកលវិទ្យាល័យន័រតុន មានរៀបចំពិធីប្រគល់ វិញ្ញាបនបត្រ បញ្ចប់ថ្នាក់សិក្សា វគ្គខ្លី ភ្នំពេញ៖ នារសៀលថ្ងៃទី១៦ ខែកក្កដា ឆ្នាំ២០២៣ នៅសាកលវិទ្យាល័យន័រតុន មានរៀបចំពិធីប្រគល់វិញ្ញាបនបត្រ បញ្ចប់ថ្នាក់សិក្សាវគ្គខ្លី ស្តីអំពី «វគ្គណែនាំនៃស្ថាបត្យកម្មអគារបៃតង» ក្រោមអធិបតី…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026ទិញឡាន ឈ្នះផ្ទះវីឡា ឈ្នះឡាន ពី GAC CAMBODIAOctober 19, 2026
