(ហាណូយ ថ្ងៃទី ១២ ខែធ្នូ ឆ្នាំ ២០២៣) – ក្រុមហ៊ុន Vietjet បានប្រកាសពីពិធីសម្ពោធផ្លូវហោះហើរ សំខាន់មួយតភ្ជាប់ខេត្តសៀមរាបដែលជាទីក្រុងបេតិកភណ្ឌរបស់ព្ររាជាណាចក្រកម្ពុជា ទៅកាន់នៅរដ្ឋធានី ហាណូយ សាធារណរដ្ឋសង្គមនិយមវៀតណាម។
ពិធីសម្ពោធផ្លូវហោះហើរនេះបានប្រព្រឹត្តទៅនៅក្នុងវេទិកាជំរុញការវិនិយោគ និងពាណិជ្ជកម្មវៀតណាម-កម្ពុជា នៅរដ្ឋធានីហាណូយ ក្រោមវត្តមានរបស់ លោក Pham Minh Chinh នាយករដ្ឋមន្ត្រីនៃសាធារណរដ្ឋ សង្គមនិយមវៀតណាម និង សម្តេចព្រះមហាបវរោធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ កម្ពុជា ព្រមទាំងថ្នាក់ដឹកនាំ ក្រសួង នាយកដ្ឋាន និងធុរកិច្ចនៃប្រទេសទាំងពីរ។
ក្នុងឱកាសនោះ សម្តេចព្រះមហាបវរោធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបាន សម្ដែងការរំពឹងទុកថា នឹងមានការកើនឡើងជើងហោះហើរអន្តរជាតិនៅពេលខាងមុខ។ លោកបានសម្តែង ការអបអរសាទរ និងវាយតម្លៃខ្ពស់ចំពោះក្រុមហ៊ុន Vietjet ដែលបានដាក់ឱ្យដំណើរការផ្លូវហោះហើរ សៀមរាប-ហាណូយ តភ្ជាប់កម្ពុជា និងវៀតណាម។ លោកនាយករដ្ឋមន្ត្រីសង្ឃឹមថា ក្រុមហ៊ុន Vietjet នឹងបន្តបើកជើងហោះហើរបន្ថែមទៀតដែលជាស្ពានតភ្ជាប់ប្រទេសទាំងពីរ។
ក្រុមហ៊ុន Vietjet នឹងដាក់ដំណើរការជើងហោះហើរសៀមរាប-ហាណូយ ចាប់ពីថ្ងៃទី ១៥ ខែធ្នូ ឆ្នាំ ២០២៣ ជាមួយនឹងជើងហោះហើរទៅមកចំនួន ៧ ដងក្នុងមួយសប្តាហ៍ ពេលវេលាហោះហើរនៃជើងនីមួយៗគឺ ១ ម៉ោង ៤៥នាទី។ អ្នកដំណើរនឹងទទួលបាននូវបទពិសោធន៍ហោះហើរដ៏ងាយស្រួល ជាមួយនឹងយន្តហោះដ៏ទំនើប របស់ក្រុមហ៊ុន Vietjet ដោយទួលបានភាពសប្បាយរីករាយជាមួយម្ហូបអាហារវៀតណាមដ៏សម្បូរបែប រួមមាន Banh mi, Pho Thin និងម្ហូបអាហារជុំវិញពិភពលោកដែលផ្តល់ជូនដោយក្រុមអាកាសចរប្រកបដោយ ការយកចិត្តទុកដាក់ និងភាពរួសរាយរាក់ទាក់។
សេវាកម្មថ្មីរបស់ក្រុមហ៊ុន Vietjet នឹងដំណើរការនៅអាកាសយានដ្ឋានអន្តរជាតិសៀមរាប-អង្គរ ដែលជា អាកាសយានដ្ឋានធំជាងគេនៅកម្ពុជា ដែលមានចំងាយប្រហែល ៥០ គីឡូម៉ែត្រ ពីកណ្តាលក្រុងសៀមរាប និង ប្រហែល ៤០គីឡូម៉ែត្រ ពីរមណីយដ្ឋានអង្គរ។
រដ្ឋធានីហាណូយ ដែលជាបេះដូងនៃប្រទេសវៀតណាម គឺជារដ្ឋធានីដែលមានអាយុកាលរាប់ពាន់ឆ្នាំ ដែលមាន គោលដៅវប្បធម៌ និងប្រវត្តិសាស្ត្រល្បីៗ ដូចជា បឹង Hoan Kiem ប្រាសាទ Ngoc Son ស្ពាន Long Bien និងផ្លូវចំនួន 36 នៅក្នុងដ្ឋធានីហាណូយ ផ្តល់ជូននូវអាហារតាមចិញ្ចើមផ្លូវដ៏ល្បីល្បាញទូទាំង ពិភពលោក។
ផ្លូវហោះហើរជើងអាកាស សៀមរាប-ហាណូយ នឹងរួមចំណែកសម្រួល និងជំរុញកិច្ចសហប្រតិបត្តិការវិនិយោគ ទេសចរណ៍ ការផ្លាស់ប្តូរវប្បធម៌ និងការអប់រំរវាងប្រទេសជិតខាងទាំងពីរ។ ក្រុមហ៊ុន Vietjet ប្តេជ្ញាពង្រឹង បន្ថែមទៀតនូវការតភ្ជាប់ និងសម្រួលការធ្វើដំណើររវាងប្រទេសវៀតណាម និងកម្ពុជា ដែលរួមចំណែកដល់ ការរីកចម្រើននិងវិបុលភាពទៅវិញទៅមកនៃប្រទេសទាំងពីរ។ ផ្លូវហោះហើរថ្មីនេះ នឹងពង្រីកបន្ថែមទៀតនូវ បណ្តាញហោះហើររបស់ក្រុមហ៊ុន Vietjet ដែលគ្របដណ្តប់លើប្រទេសវៀតណាម អូស្ត្រាលី ឥណ្ឌូនេស៊ី ថៃ សិង្ហបុរី ម៉ាឡេស៊ី ជប៉ុន ចិន ហុងកុង តៃវ៉ាន់ កូរ៉េខាងត្បូង ឥណ្ឌា កាហ្សាក់ស្ថាន និងប្រទេសជាច្រើនទៀត។
អំពីក្រុមហ៊ុន Vietjet
ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេស វៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ដែលតភ្ជាប់ជើងហោះហើរទូទាំងតំបន់ និងជុំវិញ ពិភពលោកផងដែរ។ ក្រុមហ៊ុន Vietjet ផ្តោតលើសមត្ថភាពគ្រប់គ្រងថ្លៃដើម ប្រតិបត្តិការប្រកបដោយ ប្រសិទ្ធភាព និងការប្រើប្រាស់កច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ។ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃថ្លៃដើម និងតម្លៃដែលអាចបត់បែនបាន ព្រមទាំងសេវាកម្ម ចម្រុះដើម្បីបំពេញតម្រូវការរបស់អតិថិជនផងដែរ។
ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹង វិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់ សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភព លោកគឺ airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុន អាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អ ដោយទស្សនាវដ្តី Airfinance Journal in ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបាន គេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗ ដូចជា Skytrax, CAPA, Airline Ratings និងស្ថាប័នជាច្រើនទៀត។
សម្រាប់ព័ត៌មានបន្ថែមនៅ សូមចូលទៅកាន់៖ www.vietjetair.com
ទំនាក់ទំនងប្រព័ន្ធផ្សព្វផ្សាយ៖
Home›អត្ថបទពាណិជ្ជកម្ម›ក្រុមហ៊ុន Vietjet សម្ពោធផ្លូវហោះហើរ សៀមរាប-ហាណូយ ក្នុងដំណើរទស្សនកិច្ចផ្លូវការ របស់នាយករដ្ឋមន្ត្រីកម្ពុជាកទៅប្រទេសវៀតណាម (ហាណូយ ថ្ងៃទី ១២ ខែធ្នូ ឆ្នាំ ២០២៣) – ក្រុមហ៊ុន Vietjet បានប្រកាសពីពិធីសម្ពោធផ្លូវហោះហើរ សំខាន់មួយតភ្ជាប់ខេត្តសៀមរាបដែលជ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
ជំពូកថ្មីនៃជីវិត៖ ដំណើរតស៊ូរបស់លោក ជិន វាសនា ឆ្ពោះទៅរកឯករាជ្យភាពហិរញ្ញវត្ថុជាមួយ foodpandaNovember 1, 2026SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026
