ភ្នំពេញ៖ កាលពីខែមករា ឆ្នាំ២០២៤ កន្លងទៅ នៅឃុំ ថាញ់ភូ (ស្រុក មីស្វៀន ខេត្ត សុកត្រាំង ភាគខាងត្បូងនៃប្រទេស វៀតណាម) ក្រសួងនគរបាល វៀតណាម សហការជាមួយគណៈកម្មាធិការបក្សខេត្ត គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្ត សុកត្រាំង រៀបចំពិធីបូកសរុបបញ្ចប់ជាស្ថាពរកម្មវិធីកៀរគរ ថវិកាសម្រាប់ជួយឧបត្ថម្ភសាងសង់លំនៅឋានចំនួន ១.២០០ ខ្នងជូនប្រជាជនក្រីក្រដែលជួបការលំបាកក្នុង ជីវភាពរស់នៅលើភូមិសាស្ត្រខេត្ត សុកត្រាំង។
អញ្ជើញចូលរួមក្នុងកម្មវិធីនោះ រួមមាន៖ ឧត្តមសេនីយឯកបំរុង លឿង តាមក្វាង អនុរដ្ឋមន្ត្រីក្រសួងនគរបាល វៀតណាម។ ចំណែកខាងខេត្ត សុកត្រាំង មានលោក ឡឹម វ៉ាន់ម៉ឹន សមាជិកគណៈកម្មាធិការមជ្ឈិមបក្សនិងជា លេខាគណៈកម្មាធិការបក្សខេត្ត លោកស្រី ហូ ធីកឹមដាវ អនុលេខាអចិន្ត្រៃយ៍គណៈកម្មាធិការបក្សខេត្តនិងជា ប្រធានក្រុមប្រឹក្សាប្រជាជនខេត្ត និងលោក ត្រឹន វ៉ាន់ឡូវ អនុលេខាគណៈកម្មាធិការបក្សខេត្តនិងជាប្រធាន គណៈកម្មាធិការប្រជាជនខេត្ត សុកត្រាំង។
ក្រោយដំណើរការរអនុវត្តយ៉ាងសកម្ម លំនៅឋានចំនួន ១.២០០ ខ្នង បានសាងសង់រួចរាល់តាមកាលកំណត់និង បានប្រគល់ជូនប្រជាជនក្រីក្រដែលជួបការលំបាកលើបញ្ហាលំនៅឋានក្នុងភូមិសាស្ត្រខេត្ត សុកត្រាំង នៅមុនថ្ងៃ ប្រារពពិធីអបអរបុណ្យចូលឆ្នាំថ្មីប្រពៃណីឆ្នាំ ២០២៤ របស់បងប្អូនជនជាតិខ្មែរដែលកំពុងរស់នៅក្នុងភូមិភាគ ខាងត្បូងនៃប្រទេស វៀតណាម។ ផ្ទះនីមួយៗ មានតម្លៃ ៦៣ លានដុង (ប្រមាណ ២.៥០០ ដុល្លារអាម៉េរិក) ក្នុង នោះ ក្រសួងនគរបាល វៀតណាម ជួយឧបត្ថម្ភជាទឹកប្រាក់ចំនួន ៥០ លានដុង (ប្រមាណ ២.០០០ ដុល្លារ អាម៉េរិក) ដែលជាថវិកាដែលទទួលបានពីការកៀរគរពីគ្រប់ភាគីក្នុងសង្គម។ ចំណែកខេត្ត សុកត្រាំង ឧបត្ថម្ភ ចំនួន ១៣ លានដុង (ប្រមាណ ៥០០ ដុល្លារអាម៉េរិក) ដែលជាថវិកាបដិភាគរបស់ខេត្ត។
លោក ឡឹម វ៉ាន់ម៉ឹន លេខាគណៈកម្មាធិការបក្សខេត្ត សុកត្រាំង មានប្រសាសន៍ឱ្យដឹងថា ការអនុវត្តកម្មវិធី រួមដៃគ្នាសាងសង់លំនៅឋានជូនប្រជាជនក្រីក្រ ដែលជួបការលំបាកលើបញ្ហាលំនៅឋានដែលជាការកៀរគររបស់ ក្រសួងនគរបាលនេះ មិនត្រឹមតែបង្ហាញពីការរួមដៃគ្នារវាងកងកម្លាំងនគរបាលជាមួយនឹងអាជ្ញាធរខេត្តក្នុងការ អនុវត្តការងារសន្តិសុខសង្គមប្រកបដោយប្រសិទ្ធភាពស្របតាមគោលនយោបាយរបស់បក្សនិងរដ្ឋប៉ុណ្ណោះទេ គឺ ថែមទាំងបានជួយពង្រឹងទំនុកទុកចិត្តរបស់ប្រជាជនចំពោះកងកម្លាំងនគរបាលឱ្យកាន់តែខ្លាំងក្លាបន្ថែមទៀត ។
លោក ឡឹម វ៉ាន់ម៉ឹន ក៏បានគូសបញ្ជាក់បន្ថែមទៀតថា “នេះគឺជាកម្មវិធីដ៏មានអត្ថន័យជាក់ស្តែង ហើយក៏ជាការ លើកទឹកចិត្តដ៏ធំធេងសម្រាប់គ្រួសារក្រីក្រដើម្បីបន្តជំនះការលំបាក រក្សាលំនឹងជីវភាពរស់នៅរបស់ពួកគេឱ្យបាន ងើបចាកផុតពីភាពក្រីក្រប្រកបដោយចីរភាព។ ខេត្ត សុកត្រាំង សូមថ្លែងអំណរគុណយ៉ាងជ្រាលជ្រៅចំពោះការ យកចិត្តទុកដាក់ពីសំណាក់ភាគីពាក់ព័ន្ធគ្រប់លំដាប់ថ្នាក់ គ្រប់វិស័យនិងសហគ្រាសទាំងឡាយដែលបាន ចូល រួម វិភាគទាន។”
សុកត្រាំង ជាខេត្តមួយដែលមានបងប្អូនជនជាតិភាគតិចរស់នៅច្រើន ជាពិសេសគឺបងប្អូនជនជាតិខ្មែរដែលមាន ចំនួនរហូតដល់ជាង ៣០% នៃចំនួនប្រជាជនសរុបក្នុងខេត្ត ហើយភាគច្រើនប្រកបរបរកសិកម្មនិងតែងែតរង ផល ប៉ះពាល់ដោយគ្រោះធម្មជាតិ គ្រោះរាំងស្ងួត ការជ្រាបទឹកប្រៃចូលផ្ទៃដីបង្កបង្កើនផល។ ដូច្នះហើយ ជីវភាព រស់នៅរបស់បងប្អូននៅ តែ ប្រឈម នឹង ការ លំបាក ជា ច្រើន ចំនួនគ្រួសារក្រីក្រនិងចំនួន គ្រួសារ ដែលស្ថិតនៅក្បែរ បន្ទាត់នៃភាពក្រីក្រ ក្នុង ខេត្ត នៅ មានចំនួន ច្រើន។
តាមតូលេខនៃ ស្ថិតិរបស់ខេត្ត នាពេលបច្ចុប្បន្ន នេះ ខេត្ត សុកត្រាំង មានប្រជាជន ក្រីក្រ ចំនួន ១៥.១៣៩ គ្រួសារ និងប្រជាជនដែលស្ថិតនៅក្បែរបន្ទាត់នៃភាព ក្រីក្រ ជិត ២៦.២៤២ គ្រួសារ ស្មើនឹង ១២.៤% នៃ ចំនួន គ្រួសារ សរុបក្នុង ខេត្ត ភាគច្រើននៅ តំបន់ បងប្អូន ជនជាតិ ខ្មែរ ។ ក្នុង ចំណោមនោះ មាន ៦.៩៧២ គ្រួសារ ជួបការ លំបាក ខ្លាំងលើបញ្ហាទីលំនៅ ត្រូវការ ការយកចិត្តទុកដាក់និង ការជួយ ជ្រោមជ្រែង ដើម្បី រក្សា លំនឹងជីវភាពរស់នៅ ខណៈ ពេលប្រភព ធនធាន នៅថ្នាក់ ខេត្ត នៅមានកម្រិតនៅឡើយ ។
អាស្រ័យដូច្នេះ ក្នុងប៉ុន្មានឆ្នាំកន្លងទៅ ដោយមានការយកចិត្តទុកដាក់ ចែករំលែកនិងលើកទឹកចិត្តពីគ្រប់ទិសទី ពី សំណាក់ថ្នាក់ដឹកនាំគ្រប់លំដាប់ថ្នាក់ សប្បុរសជនក្នុងទូទាំងប្រទេសនិងកងកម្លាំងនគរបាលប្រជាជន ការអនុវត្ត គោលនយោបាយកសាងលំនៅឋានជូនគ្រួសារក្រីក្រដែលជួបការលំបាកខ្លាំងលើបញ្ហាលំនៅឋាន ដោយមានការ ចូលរួមពីគ្រប់ភាគីក្នុងសង្គមបាននាំមកនូវលទ្ធផលជាក់ស្តែងជាច្រើន ហើយបានរួមចំណែកយ៉ាងសកម្មក្នុងការ ដោះស្រាយបញ្ហាសន្តិសុខសង្គម កាត់បន្ថយភាពក្រីក្រនៅក្នុងភូមិសាស្ត្រខេត្ត សុកត្រាំង បានយ៉ាងល្អប្រសើរ។
ជាក់ស្ដែង ចាប់ពីឆ្នាំ ២០២០ រហូតមកទល់ពេលនេះ ខេត្ត សុកត្រាំង បានកៀរគរជួយសាងសង់លំនៅឋានជាង ៥.៥០០ ខ្នងជូនប្រជាជនដែលមានគុណបំណាច់ និង គ្រួសារក្រីក្រដែលមានតម្រូវការខ្លាំងលើលំនៅឋាន។ ដោយឡែកក្នុងឆ្នាំ ២០២៣ កន្លងទៅ ដោយមានការយកចិត្តទុកដាក់ពីសំណាក់គណៈកម្មាធិការបក្សនរគបាល ជាតិ ថ្នាក់ដឹកនាំក្រសួងនគរបាលវៀតណាម បានកៀរគរនិងឧបត្ថម្ភសាងសង់លំនៅឋានបានចំនួន ១.២០០ ខ្នង បន្ថែមទៀតសម្រាប់ខេត្ត សុកត្រាំង ដោយចំណាយថវិកាសរុបចំនួន ៦០ ពាន់លានដុង (ប្រមាណ ២,៤ លាន ដុល្លារអាម៉េរិក)។
យោងតាមក្រសួងនគរបាល វៀតណាម ដំណើរការការអនុវត្តកម្មវិធីបានកៀរគរជាអតិបរមារាល់ប្រភពធនធាន គឺធានាចំគោលដៅ មានគុណភាព វឌ្ឍនភាព ដោយមានផែនការ ផែនទីបង្ហាញផ្លូវច្បាស់លាស់ សន្សំសំចៃថវិកា ជៀសវាងការខ្ជះខ្ជាយនិងភាពអវិជ្ជមាន។ គំរូ លំនៅឋាន ត្រូវ បាន ក្រសួងនគរបាល អនុម័ត ដោយផ្អែកលើ រចនាបទ មូលដ្ឋាន ដែល បាន ឯកភាព ជាមួយ ក្រសួង សំណង់ វៀតណាម និង មន្ទីរ សំណង់ ខេត្ត សុកត្រាំង។ ប្រភពថវិកា ត្រូវបានក្រសួងនគរបាលកៀរគរពីសហគ្រាសនានា ហើយក្រៅពីនោះ ខេត្ត សុកត្រាំង ក៏បានកៀរគរប្រភព កម្លាំងពលកម្ម (ថ្ងៃឈ្នួល) ពីសំណាក់ក្រុមគ្រួសារ សាច់ញាតិ សហគមន៍ កងកម្លាំងប្រដាប់អាវុធ សមាជិក សមាជិកាសហជីពនិងយុវជនឈានមុខស្ម័គ្រចិត្ត។ល។ ដើម្បីដឹកជញ្ជូនសម្ភារៈសម្រាប់សាងសង់លំនៅឋានទៅ តាមតំបន់ដែលជួបការលំបាកលើបញ្ហាធ្វើដំណើរ ដឹកជញ្ជូន។
ទន្ទឹមនឹងកម្មវិធីខាងលើ ក្នុងរយៈពេលប៉ុន្មានឆ្នាំចុងក្រោយនេះ ដោយមានការចូលរួមយ៉ាងសកម្មពីគ្រប់ផ្នែក គ្រប់ ជាន់ថ្នាក់ ការអនុវត្តគោលនយោបាយចំពោះបងប្អូនជនជនជាតិភាគតិចនៅក្នុងខេត្ត សុកត្រាំង តែងតែទទួល បាន ការយកចិត្តទុកដាក់ ជួយអោយជីវភាពរស់នៅរបស់ប្រជាជនក្នុងខេត្តត្រូវបានលើកកម្ពស់ពីមួយថ្ងៃទៅមួយ ថ្ងៃ។ ខេត្ត សុកត្រាំង បានដាក់ចេញទិសដៅថែទាំបងប្អូនជនជាតិភាគតិច គឺជាភារកិច្ចស្នូល ដោយផ្តោតលើការ យកចិត្តទុកដាក់ជាសំខាន់ទៅលើការបណ្តុះបណ្តាលវិជ្ជាជីវៈ បង្កើតការងារធ្វើ ផ្លាស់ប្ដូរមុខរបរចិញ្ចឹមជីវិត ជួយ អោយបងប្អូនជនជាតិខ្មែរ បង្កើនប្រាក់ចំណូល រក្សាលំនឹងជីវភាពរស់នៅ រួមចំណែកកាត់បន្ថយគម្លាតជីវភាពរស់ នៅ ក៏ដូចជាប្រាក់ចំណូលរវាងតំបន់ជនជាតិភាគតិច ធៀបនឹងមធ្យមភាគទូទៅក្នុង ខេត្ត។ ជាពិសេស ផ្ដើមពីការ អនុវត្តកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ចសង្គមក្នុងតំបន់ ជនជាតិភាគតិចនិងតំបន់ភ្នំពីឆ្នាំ ២០២១ ដល់ឆ្នាំ ២០៣០ និងដំណាក់កាលទី ១ ពីឆ្នាំ ២០២១ ដល់ឆ្នាំ ២០២៥ មក កម្មវិធីនេះបានរួមចំណែក ផ្លាស់ប្តូរមុខមាត់ ក៏ដូចជាជីវភាពរស់នៅទាំងផ្នែកសម្ភារៈនិងស្មារតីដល់បងប្អូនជនជាតិភាគតិច ជាពិសេសគឺ បងប្អូនជនជាតិខ្មែរជាបន្តបន្ទាប់។ ឆ្លងតាមរយៈនេះ ជួយបងប្អូនជនជាតិរួចចាកផុតពីភាពក្រីក្របន្តិចម្តងៗ រួម ចំណែកក្នុងការកសាងមាតុភូមិឱ្យមានការអភិវឌ្ឍន៍ពីមួយថ្ងៃទៅមួយថ្ងៃ ជួយអោយប្រជាជនក្នុងតំបន់ទាំងនោះ មានការសប្បាយរីករាយប្រកបដោយទំនុកចិត្តក្នុងការបង្កបង្កើនផលផលិតកម្ម កែលម្អជីវភាពរស់នៅ ពង្រឹង ទំនាក់ ទំនងយ៉ាងជិតស្និទ្ធជាមួយកងកម្លាំងនគរបាល ក្នុង ការងារ ធានា សន្តិសុខ សណ្តាប់ធ្នាប់និងកសាង សណ្តាប់ ធ្នាប់ សន្តិសុខឱ្យកាន់តែ រឹងមាំ បន្ថែមទៀត៕
Home›អត្ថបទពាណិជ្ជកម្ម›កម្មវិធីកៀរគរថវិកាសម្រាប់ជួយឧបត្ថម្ភ សាងសង់លំនៅឋានថ្មី ១.២០០ខ្នង ជូនប្រជាជនក្រីក្រនៅខេត្តសុកត្រាំង ភាគខាងត្បូងវៀតតណាម ត្រូវបានបិទបញ្ចប់ជាស្ថាពរ ភ្នំពេញ៖ កាលពីខែមករា ឆ្នាំ២០២៤ កន្លងទៅ នៅឃុំ ថាញ់ភូ (ស្រុក មីស្វៀន ខេត្ត សុកត្រាំង ភាគខាងត្បូងនៃប្រទេស វៀតណាម) ក្…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
ជំពូកថ្មីនៃជីវិត៖ ដំណើរតស៊ូរបស់លោក ជិន វាសនា ឆ្ពោះទៅរកឯករាជ្យភាពហិរញ្ញវត្ថុជាមួយ foodpandaNovember 1, 2026SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026
