ភ្នំពេញ៖ លោក ទៀ ស្យាម (Tea Siam) អនុប្រធានសហព័ន្ធ កីឡាយានយន្តកម្ពុជា និងប្រធានក្លិបមហាគ្រួសាររថយន្តOff-roadកម្ពុជា និងលោកស្រី នាថ្ងៃទី២៧មិថុនានេះ បានអញ្ជើញទៅដល់ប្រទេសថៃ ដើម្បីលើកទឹកចិត្ត និងសួរសុខទុក្ខកីឡាករ ក្រុមប្រណាំងរថយន្ត Off-Road កម្ពុជា និងបានផ្តល់អនុវសាសន៍ ក៏ដូចជាយុទ្ធសាស្ត្រមួយចំនួន ដល់កីឡាករ និងក្រុមការងារផ្ទាល់ នៅទីលានប្រកួត មុនចូលរួមប្រកួតក្នុងកម្មវិធី The Magnificent Ten 2024 ដែលជាកម្មវិធីប្រណាំងOffroadធំបំផុត ប្រចាំឆ្នាំនៅ Grandprix Motor park Thailand ។
ការអញ្ជើញសួរសុខទុក្ខរបស់ថ្នាក់ដឹកនាំ សហព័ន្ធកីឡាយានយន្តកម្ពុជា ធ្វើឡើងមុនមួយថ្ងៃ ដល់ការប្រកួត ពោលនឹងចាប់ផ្តើមចាប់ពីម៉ោង៨៖៣០នាទីព្រឹក ថ្ងៃទី២៨ ខែមិថុនា ឆ្នាំ២០២៤តទៅ ។ មុននឹងការប្រកួតមកដល់ ក្រុមការងារប្រណាំងរថយន្ត Off-Road កម្ពុជា ក៏បានធ្វើការត្រួតពិនិត្យ ទៅលើបច្ចេកទេសយានយន្ត មុននឹងយករថយន្តទៅចុះឈ្មោះ ធ្វើការប្រកួតនាថ្ងៃស្អែក ។
បន្ទាប់ពីបានចុះឈ្មោះ និងត្រួតពិនិត្យបច្ចេកទេសរថយន្តរួចរាល់ ប្រធានក្រុម លោក សីហា បានដឹកនាំការប្រជុំក្រុមមួយ ដើម្បីបូកសរុប និងតាមដានការងារ កំណត់ចំនុចខ្វះខាត ពីគ្រប់ក្រុមការងារទាំងអស់ ក្នុងគោលបំណងកែតម្រូវឱ្យទាន់ពេលវេលា ដើម្បីត្រៀមសម្រាប់ការប្រកួត ដែលនឹងចាប់ផ្តើមនៅថ្ងៃស្អែកនេះ ។
ឆ្លៀតក្នុងឱកាសនេះ ក្រុមការងារប្រណាំងរថយន្ត Off-road កម្ពុជាKH មិនអាចភ្លេចឡើយ និងសូមអរគុណ ដល់ក្រុមហ៊ុនទាំងអស់ដែលបានជួយ ឧបត្ថមក្រុមកីឡាករប្រណាំង រួមមាន៖ ប្រេងម៉ាស៊ីន Top 1 Oil Cambodia, ក្រុមហ៊ុនដឹកជញ្ជូនផ្លូវសមុទ្រ GTVC , Liberty Carz, Mattrid Beer និងភេសជ្ជៈ Champion និង Siam Prototype Cambodia៕
Home›ព័ត៌មានចុងក្រោយ›លោក ទៀ ស្យាម អនុប្រធានសហព័ន្ធ កីឡាយានយន្តកម្ពុជា អញ្ជើញសួរសុខទុក្ខ និងផ្តល់អនុសាសន៍មួយចំនួន ដល់កីឡាករប្រណាំងរថយន្ត Off-Road កម្ពុជា មុនការប្រកួត ភ្នំពេញ៖ លោក ទៀ ស្យាម (Tea Siam) អនុប្រធានសហព័ន្ធ កីឡាយានយន្តកម្ពុជា និងប្រធានក្លិបមហាគ្រួសាររថយន្តOff-roadក…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាមOctober 23, 2026
