Vietjet​ ផ្តល់ជូនជើងហោះហើរកាន់តែច្រើនពីខេត្តសៀមរាប និងទូទាំងអាស៊ី

ភ្នំពេញ៖ ថ្ងៃទី ៨ ខែតុលា ឆ្នាំ ២០២៤ – ក្រុមហ៊ុន Vietjet កំពុងបញ្ជាក់ជាថ្មីនូវការប្តេជ្ញាចិត្តរបស់ខ្លួនចំពោះពាណិជ្ជកម្ម និងវិស័យទេសចរណ៍នៅកម្ពុជា តាមរយៈការបង្កើនប្រេកង់ហោះហើរនៅលើផ្លូវដែលតភ្ជាប់ខេត្តសៀមរាបនៃប្រទេសកម្ពជា ជាមួយទីក្រុងហាណូយនៃប្រទេសវៀតណាម។ ចាប់ពីថ្ងៃទី ២៧ ខែតុលា ផ្លូវហោះហើរនេះ នឹងដំណើរការជារៀងរាល់ថ្ងៃ ដោយកើនឡើងពីជើងហោះហើរទៅមកចំនួន ៤ ដងក្នុងមួយសប្តាហ៍ ដោយផ្តល់នូវជម្រើសហោះហើរក្នុងតម្លៃសមរម្យបន្ថែមទៀតសម្រាប់អ្នកធ្វើដំណើរមកពីកម្ពុជា។

ឥឡូវនេះ អ្នកធ្វើដំណើរអាចរកទិញសំបុត្របានតាមរយៈគេហទំព័រ www.vietjetair.com និងកម្មវិធីទូរស័ព្ទ Vietjet Air។ អ្នក​ធ្វើ​ដំណើរ​កម្ពុជា​អាច​ទាញ​យក​អត្ថប្រយោជន៍​ពី​ការ​ប្រូម៉ូសិនដ៏ពិសេសនេះបាន ដោយគ្រាន់តែកក់​ជើង​ហោះហើរ​នៅ​ពេល​នេះ។ នៅថ្ងៃទី ១០ ខែតុលា ឆ្នាំ ២០២៤ ចាប់ពីម៉ោង ១២:០០ ព្រឹក ដល់ម៉ោង ១១:៥៩ យប់ (UTC+7) អ្នកដំណើរអាចទទួលបានការបញ្ចុះតម្លៃរហូតដល់ ១០០% លើសំបុត្រអេកូ (*) ដោយប្រើលេខកូដប្រូម៉ូសិន VJ1010។ ការផ្តល់ជូនដ៏អស្ចារ្យនេះ មានសុពលភាពសម្រាប់ការធ្វើដំណើរដែលធ្វើឡើងនៅចន្លោះថ្ងៃទី ១ខែមករា ឆ្នាំ ២០២៥ និងថ្ងៃទី ២២ ខែឧសភា ឆ្នាំ ២០២៥ (**)។ លើសពីនេះ សំបុត្រតម្លៃ ០ ដុល្លាររាប់លាន (*) សំបុត្រនៅទូទាំងបណ្តាញទាំងអស់របស់ Vietjet អាចរកទិញបានរៀងរាល់ថ្ងៃសុក្រ។

សម្រាប់អ្នកដំណើរដែលស្វែងរកបទពិសោធន៍ល្អៗរាល់ពេលធ្វើដំណើរម្តងៗ Vietjet ក៏កំពុងផ្តល់ជូនការបញ្ចុះតម្លៃរហូតដល់ ៥០% លើថ្លៃសំបុត្រយន្តហោះពិសេស (*) សម្រាប់ការធ្វើដំណើរចាប់ពីថ្ងៃនេះដល់ថ្ងៃទី ២០ខែវិច្ឆិកា ឆ្នាំ ២០២៤។ សំបុត្រទាំងនេះ ត្រូវបានផ្តល់ជូនកញ្ចប់អត្ថប្រយោជន៍ចំនួន ៣ ទៀត គឺដាក់ឥវ៉ាន់បានទម្ងន់រហូតដល់ ៤០ គីឡូក្រាម ជ្រើសរើសកន្លែងអង្គុយ និងផ្លាស់ប្តូរកាលវិភាគហោះហើរដោយឥតគិតថ្លៃ (**)។

អ្នកដំណើរដែលធ្វើដំណើរទៅកាន់ទីក្រុងហាណូយអាចបន្សាំខ្លួនទៅនឹងបរិយាកាសដ៏រស់រវើក និងជាប្រវត្តិសាស្ត្រនៃរដ្ឋធានីរបស់ប្រទេសវៀតណាម ដែលជាកន្លែងបេតិកភណ្ឌវប្បធម៌ដ៏សម្បូរបែប លាយឡំជាមួយនឹងភាពទាក់ទាញទំនើបៗ។ ភ្ញៀវទេសចរណ៍នឹងស្វែងរកបទពិសោធន៍ដ៏គួរឱ្យទាក់ទាញដែលកំពុងរង់ចាំនៅទីនោះ ដូចជា បឹង Hoan Kiem ដ៏ល្បីល្បាញ អាចដើរលើស្ពានពណ៌ក្រហមដ៏គួរឱ្យទាក់ទាញទៅកាន់ប្រាសាទ Ngoc Son និងដើរកម្សាន្តតាមផ្លូវតូចៗដ៏មមាញឹកក្នុងសង្កាត់ចាស់ Old Quarter របស់ទីក្រុងហាណូយ។ លើសពីនេះ អ្នកធ្វើដំណើរអាចទៅទស្សនាទីតាំងសំខាន់ៗ ដូចជា វិមានហូជីមិញ និងប្រាសាទអក្សរសាស្ត្រជាដើម។

អ្នកដំណើរពីកម្ពុជា ក៏អាចទទួលបានអត្ថប្រយោជន៍ពីការតភ្ជាប់ជើងហោះហើរដ៏ទូលំទូលាយរបស់ Vietjet ទៅកាន់គោលដៅជាច្រើននៅទូទាំងអាស៊ីប៉ាស៊ីហ្វិក តាមរយៈទីក្រុងហាណូយបានដោយងាយស្រួលផងដែរ។ ការធ្វើឱ្យប្រសើរឡើងនៅលើផ្លូវសៀមរាប-ហាណូយ គឺជាផ្នែកមួយនៃការបង្កើនប្រេកង់ជើងហោះហើរសរុបរបស់ក្រុមហ៊ុនអាកាសចរណ៍ Vietjet និងការបន្ថែមសេវាកម្មថ្មីៗបន្ថែមទៀតរវាងប្រទេសវៀតណាម និងគោលដៅសំខាន់ៗនៅអាស៊ីសម្រាប់ការធ្វើដំណើរចុងឆ្នាំ និងឆ្នាំថ្មីខាងមុខនេះ។

ក្រុមហ៊ុន Vietjet នឹងចាប់ផ្តើមផ្តល់សេវាកម្មអន្តរជាតិថ្មីរបស់ខ្លួនដែលតភ្ជាប់ទីក្រុងហាណូយទៅទីក្រុងគូឡាឡាំពួ រដ្ឋធានីនៃប្រទេសម៉ាឡេស៊ី នៅថ្ងៃទី ២៨ ខែវិច្ឆិកា ឆ្នាំ ២០២៤។ ក្រុមហ៊ុនអាកាសចរណ៍នេះ ក៏នឹងចាប់ផ្តើមឡើងវិញនូវផ្លូវហោះហើរទីក្រុងហូជីមិញ-តៃណាន ចាប់ពីថ្ងៃទី ១២ ខែធ្នូ ឆ្នាំ ២០២៤ ដោយភ្ជាប់ទីក្រុង និងមជ្ឈមណ្ឌលសេដ្ឋកិច្ចដ៏ធំបំផុតរបស់ប្រទេសវៀតណាម។ ជាមួយទីក្រុងប្រវត្តិសាស្ត្ររបស់តៃវ៉ាន់។ លើសពីនេះ Vietjet កំពុងបង្កើនសេវាកម្មរបស់ខ្លួនដែលតភ្ជាប់ទីក្រុងហាណូយទៅណាហ្គោយ៉ា និងប៊ូសាន ក៏ដូចជាទីក្រុងហូជីមិញទៅកាន់ទីក្រុងវៀងច័ន្ទ និងកោះបាលីផងដែរ។

(*) មិនរាប់បញ្ចូលពន្ធ និងថ្លៃសេវាផ្សែងៗ

(**) លក្ខខណ្ឌនានាត្រូវបានអនុវត្តន៍

អំពី ក្រុមហ៊ុន Vietjet

ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេសវៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ត្រួសត្រាយផ្លូវទូទាំងតំបន់ និងជុំវិញពិភពលោកផងដែរ។ ដោយផ្តោតលើការគ្រប់គ្រងតម្លៃ ប្រតិបត្តិការប្រកបដោយប្រសិទ្ធភាពនិងការអនុវត្ត ការប្រើប្រាស់បច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃ និងតម្លៃសមរម្យ ព្រមទាំងសេវាកម្មចម្រុះដើម្បីបំពេញតម្រូវការរបស់អតិថិជន។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភពលោក airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបានគេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗដូចជា Skytrax, CAPA, Airline Ratings និងជាច្រើនទៀត។​ ព័ត៌មានបន្ថែមនៅ www.vietjetair.com

ព័ត៌មានពាក់ព័ន្ធ

មើលព័ត៌មានថ្មីៗ

October 27, 2026

អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្ត

October 27, 2026

Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ី

October 26, 2026

អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយ

October 23, 2026

Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាម

អានក្នុង ១ នាទី

Home›ព័ត៌មានចុងក្រោយ›Vietjet​ ផ្តល់ជូនជើងហោះហើរកាន់តែច្រើនពីខេត្តសៀមរាប និងទូទាំងអាស៊ី ភ្នំពេញ៖ ថ្ងៃទី ៨ ខែតុលា ឆ្នាំ ២០២៤ – ក្រុមហ៊ុន Vietjet កំពុងបញ្ជាក់ជាថ្មីនូវការប្តេជ្ញាចិត្តរបស់ខ្លួនចំពោះពាណិជ្ជកម្ម និងវិស័យទេសចរណ៍នៅកម្ពុជា តាមរយៈការបង្កើនប្រេកង់ហោះហើរនៅលើផ្លូវដែលតភ្ជាប់ខេ…

Market Snapshotមើលតម្លៃមាស · USD/KHR · Brent

មើល Market Dashboard →

ចែករំលែកព័ត៌មាននេះ

Facebook Telegram ចម្លងតំណ រក្សាទុក

សំណួរប្រចាំថ្ងៃ

តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?

វិជ្ជមានមិនប្រាកដអវិជ្ជមាន

អត្ថបទពាក់ព័ន្ធ

អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាមOctober 23, 2026

ទទួលព័ត៌មានថ្មីៗពី DAP Businessតាមដានព័ត៌មានសេដ្ឋកិច្ច និង Market Dashboard រៀងរាល់ថ្ងៃ

តាមដាន Facebook Pageចូល Telegram Channelចូលទៅ Market Dashboard →