ក្រុមហ៊ុនអាកាសចរណ៍ Vietjet​ ដាក់ឱ្យដំណើរការផ្លូវហោះហើរថ្មីតភ្ជាប់ប្រទេសវៀតណាម និង​ប្រទេសនូវែលហ្សេឡង់​

ភ្នំពេញ៖ ថ្ងៃទី០៣ ខែមីនា ឆ្នាំ២០២៥ ក្រុមហ៊ុនអាកាសចរណ៍ Vietjet បានប្រកាសបើកដំណើរការសេវាកម្មផ្លូវហោះហើររវាងប្រទេសវៀតណាម និង​ប្រទេសនូវែលហ្សេឡង់​ ដោយភ្ជាប់ទីក្រុងហូជីមិញជាមួយទីក្រុងអូកឡិន ដែលជាមជ្ឈមណ្ឌលសេដ្ឋកិច្ច វប្បធម៌ និង​ទេសចរណ៍សំខាន់ៗរបស់ប្រទេសទាំងពីរ។ ក្រោយការប្រកាសនោះ នាយករដ្ឋមន្ត្រី​ប្រទេសនូវែលហ្សេឡង់​ លោក Christopher Luxon ក៏បានអញ្ជើញទៅទស្សនៈកិច្ចនៅ Vietjet Aviation Academy (VJAA) នៅទីក្រុងហូជីមិញ និងជួបពិភាក្សាជាមួយស្ថាបនិកមហាសេដ្ឋី Vietjet គឺលោកស្រីបណ្ឌិត Nguyen Thi Phuong Thao ។

ក្រុមហ៊ុន Vietjet បន្តពង្រីកបណ្តាញហោះហើររបស់ខ្លួនដោយមានការប្តេជ្ញាចិត្តយ៉ាងមុតមាំក្នុងការពង្រឹងកងនាវា និងនាវិករបស់ខ្លួន។ ផ្លូវហោះហើរថ្មីនេះ នឹងគាំទ្រដល់យុទ្ធសាស្ត្រកំណើនរបស់ក្រុមហ៊ុនអាកាសចរណ៍ ដោយផ្តល់នូវជម្រើសការធ្វើដំណើរប្រកបដោយប្រសិទ្ធភាពបន្ថែមទៀតសម្រាប់អ្នកដំណើរ រួមទាំងអ្នកដែលមកពីប្រទេសកម្ពុជាផងដែរ។ បច្ចុប្បន្ន Vietjet ដំណើរការជើងហោះហើរទៅមកប្រចាំថ្ងៃពីសៀមរាបទៅហាណូយ ដោយផ្តល់ឱ្យអ្នកធ្វើដំណើរនូវឱកាសដើម្បីស្វែងយល់ពីទីក្រុងដែលសម្បូរទៅដោយវប្បធម៌របស់ប្រទេសវៀតណាម។ ពីទីក្រុងហាណូយ អ្នកធ្វើដំណោះរអាចភ្ជាប់ជើងហោះហើរបានយ៉ាងងាយស្រួលទៅកាន់បណ្តាញហោះហើរដ៏ធំទូលាយរបស់ Vietjetដែលគ្របដណ្តប់ទូទាំងប្រទេសវៀតណាម និងគោលដៅជាច្រើននៅទូទាំងអាស៊ីប៉ាស៊ីហ្វិក។

ការប្រកាសសម្ពោធដាក់ឱ្យដំណើរការផ្លូវហោះហើរថ្មីនេះ គឺជាព្រឹត្តិការណ៍សំខាន់ក្នុងទំនាក់ទំនងទ្វេភាគីវៀតណាម – ​ប្រទេសនូវែលហ្សេឡង់​ ខណៈដែលប្រទេសទាំងពីរបានលើកកម្ពស់ទំនាក់ទំនងជាផ្លូវការទៅជាភាពជាដៃគូយុទ្ធសាស្ត្រលើគ្រប់ជ្រុងជ្រោយនៅមុនខួបលើកទី ៥០ នៃទំនាក់ទំនងការទូតរបស់ខ្លួន។ ផ្លូវហោះហើរទីក្រុងហូជីមិញ – អូកឡិន គ្រោងនឹងដាក់ឱ្យដំណើរការនៅខែកញ្ញា ឆ្នាំ ២០២៥ នឹងដំណើរការជើងហោះហើរទៅមកចំនួន ៤ ដងក្នុងមួយសប្តាហ៍ ដែលនេះនឹងជំរុញការបង្កើនការតភ្ជាប់សម្រាប់អ្នកធ្វើដំណើរ អាជីវកម្ម និងសិស្ស។

នៅក្នុងដំណើរទស្សនៈកិច្ចនៃ VJAA នាយករដ្ឋមន្ត្រី លោក Christopher Luxon បានមានប្រសាសន៍ថា៖ “ខ្ញុំពិតជារីករាយនឹងការប្រកាសរបស់ក្រុមហ៊ុន Vietjet ថានឹងអភិវឌ្ឍផ្លូវហោះហើរថ្មីមួយទៅកាន់ប្រទេស​ប្រទេសនូវែលហ្សេឡង់​ ពង្រឹងការតភ្ជាប់ និងទំនាក់ទំនងរវាងប្រជាជន និងប្រជាជនរវាងប្រទេសទាំងពីរ ដែលជាកត្តាជំរុញដ៏សំខាន់នៃកំណើនកាន់តែច្រើន និងនាំមកនូវការទំនាក់ទំនងរវាងប្រជាជនរបស់យើងកាន់តែជិតស្និទ្ធជាមួយគ្នា។ ភាពជាដៃគូនេះ និង​ផ្តល់​ឱកាស​ជា​ច្រើន​នូវទូទាំងការតភ្ជាប់បញ្តាញហោះហើរ មិន​ត្រឹម​តែ​ក្នុង​វិស័យ​ទេសចរណ៍​ប៉ុណ្ណោះ​ទេ ប៉ុន្តែ​ថែម​ទាំង​ពាណិជ្ជកម្ម និង​ការ​អប់រំ​ផង​ដែរ»។

លោកស្រីបណ្ឌិត Nguyen Thi Phuong Thao បានអះអាងសារជាថ្មីនូវការប្តេជ្ញាចិត្តរបស់ Vietjet ក្នុងការពង្រឹងទំនាក់ទំនងវៀតណាម-​ប្រទេសនូវែលហ្សេឡង់​ ហើយបានមានប្រសាសន៍ថា៖ “គោលដៅពាណិជ្ជកម្មទ្វេភាគីរបស់យើងចំនួន ៣ ពាន់លានដុល្លារ គឺអាចសម្រេចបានយ៉ាងល្អប្រសើរ ដោយបានបង្កើតឡើងដោយផ្អែកលើមូលដ្ឋានដ៏រឹងមាំនៃកិច្ចព្រមព្រៀងសហប្រតិបត្តិការដែលមានស្រាប់។ ក្រុមហ៊ុន Vietjet រួមជាមួយនឹងធុរកិច្ចមកពីប្រទេសទាំងពីរ ប្តេជ្ញាពង្រីកភាពជាដៃគូ ជំរុញការអភិវឌ្ឍន៍ប្រកបដោយនិរន្តរភាព និងបន្តរីកចម្រើននៅក្នុងដំណាក់កាលថ្មីជាមួយគ្នា។”

ស្របតាមចក្ខុវិស័យនេះ Vietjet បានស្នើបង្កើត Vietjet Hub នៅប្រទេស​ប្រទេសនូវែលហ្សេឡង់​ ដែលជាមជ្ឈមណ្ឌលពហុមុខងារ ដើម្បីភ្ជាប់មជ្ឈមណ្ឌលទេសចរណ៍ និងវិនិយោគរបស់ប្រទេស​ប្រទេសនូវែលហ្សេឡង់​ ជាមួយនឹងបណ្តាញហោះហើរដ៏ធំទូលាយរបស់ Vietjet។

ក្នុងដំណើរទស្សនៈកិច្ចរបស់នាយករដ្ឋមន្ត្រីនៃប្រទេស​ប្រទេសនូវែលហ្សេឡង់​ VJAA និងបណ្ឌិត្យសភាអាកាសចរណ៍អន្តរជាតិនៃ​ប្រទេសនូវែលហ្សេឡង់​ (IAANZ) ក៏បានចុះហត្ថលេខាលើកិច្ចព្រមព្រៀងមួយដើម្បីសហការលើការបណ្តុះបណ្តាលអ្នកបើកយន្តហោះ ដើម្បីបង្កើតកម្លាំងការងារអាកាសចរណ៍ដែលមានជំនាញខ្ពស់សម្រាប់វៀតណាម និងតំបន់នានាឱ្យបានកាន់តែទូលំទូលាយថែមទៀត។

ដំណើរទស្សនកិច្ចរបស់នាយករដ្ឋមន្ត្រីនៃប្រទេស​ប្រទេសនូវែលហ្សេឡង់​ លោក Christopher Luxon បានបញ្ចប់ទៅដោយមានការចូលរួមពីលោកស្រីបណ្ឌិត Nguyen Thi Phuong Thao ក្នុងការសហការសាកល្បងហោះហើរនិងចុះចតនៅអាកាសយានដ្ឋាន​ប្រទេសនូវែលហ្សេឡង់​ដោយប្រើម៉ាស៊ីនយន្តហោះសាកល្បងដ៏ទំនើបរបស់ Vietjet។ នៅក្នុងខណៈពេលនោះ វាក៏ជាពេលវេលាដ៏មានសារៈសំខាន់ជាពិសេសក្រោមវត្តមានរបស់លោក Christopher Luxon ដែលលោកជាអតីតនាយកប្រតិបត្តិក្រុមហ៊ុន Air New Zealand៕

ព័ត៌មានពាក់ព័ន្ធ

មើលព័ត៌មានថ្មីៗ

October 27, 2026

អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្ត

October 27, 2026

Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ី

October 26, 2026

អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយ

October 23, 2026

Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាម

អានក្នុង ១ នាទី

Home›ព័ត៌មានចុងក្រោយ›ក្រុមហ៊ុនអាកាសចរណ៍ Vietjet​ ដាក់ឱ្យដំណើរការផ្លូវហោះហើរថ្មីតភ្ជាប់ប្រទេសវៀតណាម និង​ប្រទេសនូវែលហ្សេឡង់​ ភ្នំពេញ៖ ថ្ងៃទី០៣ ខែមីនា ឆ្នាំ២០២៥ ក្រុមហ៊ុនអាកាសចរណ៍ Vietjet បានប្រកាសបើកដំណើរការសេវាកម្មផ្លូវហោះហើររវាងប្រទេសវៀតណាម និង​ប្រទេសនូវែលហ្សេឡង់​ ដោយភ្ជាប់ទីក្រុ…

Market Snapshotមើលតម្លៃមាស · USD/KHR · Brent

មើល Market Dashboard →

ចែករំលែកព័ត៌មាននេះ

Facebook Telegram ចម្លងតំណ រក្សាទុក

សំណួរប្រចាំថ្ងៃ

តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?

វិជ្ជមានមិនប្រាកដអវិជ្ជមាន

អត្ថបទពាក់ព័ន្ធ

អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាមOctober 23, 2026

ទទួលព័ត៌មានថ្មីៗពី DAP Businessតាមដានព័ត៌មានសេដ្ឋកិច្ច និង Market Dashboard រៀងរាល់ថ្ងៃ

តាមដាន Facebook Pageចូល Telegram Channelចូលទៅ Market Dashboard →