ព្រះសីហនុ៖ នៅថ្ងៃទី១៤ ខែមីនា ឆ្នាំ២០២៦ រមណីយដ្ឋាន កំពង់ដេវ៉ា បានប្រារព្ធពិធីចុះបឋមសិលាបើកការដ្ឋានសាងសង់កីឡដ្ឋាន Kompong Dewa Arena ដែលជាកីឡដ្ឋានបាល់ទាត់ដ៏ថ្មីស្រឡាងមួយ ដែលត្រូវបានរចនាឡើងឲ្យក្លាយជាទីតាំងកីឡាឈានមុខគេមួយរបស់ព្រះរាជាណាចក្រកម្ពុជា និងជាម្ចាស់ផ្ទះនាពេលអនាគតសម្រាប់ការប្រកួតថ្នាក់ជាតិ និងអន្តរជាតិ មានដូចជា ខេមបូឌានព្រីមៀរលីគ (Cambodian National League) និងការប្រកួតប្រចាំតំបន់ដូចជា អាស៊ានលីគ (ASEAN League) ជាដើម។
ការអភិវឌ្ឍនេះបង្ហាញពីការបោះជំហានដ៏ធំមួយនៅក្នុងចក្ខុវិស័យរយៈពេលវែងរបស់កំពង់ដេវ៉ាក្នុងការប្រែក្លាយខេត្តព្រះសីហនុឲ្យទៅជាគោលដៅឈានមុខគេសម្រាប់វិស័យកីឡា ទេសចរណ៍ និងជាទីតាំងកម្សាន្តរួមបញ្ចូលគ្នាតែមួយ។
បច្ចុប្បន្ន កំពង់ដេវ៉ា មានសណ្ឋាគារចំនួនពីរ ដែលកំពុងដំណើរការ គឺសណ្ឋាគារ អជ៌ុណា សូលីទែរ (Arjuna Solitaire Hotel) និងសណ្ឋាគារ ហឺលូម ហូតែល និងរ៉េស៊ីដិន (Herloom Hotel & Residence) ដែលបម្រើជូន ទាំងភ្ញៀវទេសចរ និងភ្ញៀវដែលធ្វើដំណើរធុរកិច្ច។ សណ្ឋាគារទីបីកំពុងស្ថិតក្នុងការសាងសង់ ដោយគ្រោងនឹងរួមបញ្ចូលនូវហាងលក់រាយ ជាន់មួយទាំងមូលដែលផ្តោតលើបទពិសោធន៍សុខុមាលភាព និងសាលប្រជុំ ឬសាលជប់លៀងខ្នាតធំ (MICE) ដ៏ទំនើបៗ ដែលត្រូវបានរចនាឡើងដើម្បីទាក់ទាញសន្និសីទ ការតាំងពិព័រណ៍ និងការប្រជុំធុរកិច្ចប្រចាំតំបន់។
ក្រៅពីសេវាកម្មបដិសណ្ឋារកិច្ច ផែនការមេរបស់កំពង់ដេវ៉ា ក៏មានរួមបញ្ចូលនូវសេវាកម្មផ្នែកកម្សាន្ត និងសម្រាប់ ជីវិតបែបទំនើប មួយចំនួនផងដែរ។ គម្រោងទាំងនេះរួមមាន សួនកម្សាន្តលក្ខណៈគ្រួសារ ភោជនីយដ្ឋាន Wang Long – Royal Chinese Cuisine និង Khayangan Beach Resort ដែលជាគោលដៅឆ្នេរសមុទ្រ រចនាឡើងដើម្បីលើកកម្ពស់ខេត្តព្រះសីហនុ។
ការអភិវឌ្ឍនេះក៏នឹងមានមជ្ឍមណ្ឌលកម្សាន្ត Nirvana ដែលជាអគារកម្សាន្តលំដាប់ថ្នាក់ពិភពលោក ដែលត្រូវបានគេរំពឹងថានឹងក្លាយជាមជ្ឈមណ្ឌលសម្រាប់ការសម្តែងលក្ខណៈអន្តរជាតិ ព្រឹត្តិការណ៍នានា និងផ្តល់បទពិសោធន៍កម្សាន្តពេលរាត្រី។
លើសពីនេះ កំពង់ដេវ៉ាក៏កំពុងរៀបចំផែនការសាងសង់សង្វៀន MMA ផ្តាច់មុខមួយ ដែលបង្ហាញនូវមហិច្ឆតារបស់ខ្លួនបន្ថែមទៀតក្នុងការប្រែក្លាយខេត្តព្រះសីហនុឲ្យទៅជាមជ្ឈមណ្ឌលកីឡា និងការកម្សាន្តប្រចាំតំបន់។
តាមរយៈការអភិវឌ្ឍទាំងនេះ កំពង់ដេវ៉ា មានគោលបំណងរំលេចនូវទិដ្ឋភាពផ្សេងមួយទៀតសម្រាប់ខេត្តព្រះសីហនុ — នោះគឺការផ្តោតលើវិស័យទេសចរណ៍ វិស័យបដិសណ្ឋារកិច្ច កីឡា និងបទពិសោធន៍នៃរបៀបរស់បែបទំនើប។ គម្រោងនេះឆ្លុះបញ្ចាំងពីការកើនឡើងនូវទំនុកចិត្តលើសក្តានុពលរយៈពេលវែងរបស់ទីក្រុងនេះ ក្នុងនាមជាគោលដៅទេសចរណ៍ដ៏រស់រវើកសម្រាប់ទាំងភ្ញៀវជាតិ និងអន្តរជាតិ។
ការចុះបឋមសិលាបើកការដ្ឋានសាងសង់កីឡដ្ឋាន Kompong Dewa Arena គឺជាការបោះជំហានដំបូងនៃការផ្លាស់ប្តូរដ៏ធំមួយ ដែលនឹងចូលរួមចំណែកដល់ហេដ្ឋារចនាសម្ព័ន្ធកីឡារបស់ប្រទេសកម្ពុជា និងពង្រឹងតួនាទីរបស់ខេត្តព្រះសីហនុក្នុងនាមជាទីក្រុងឆ្នេរសមុទ្រដ៏រស់រវើក ដែលមានផ្តល់ជូននូវបរិក្ខារលំដាប់ពិភពលោក។
Home›ព័ត៌មានចុងក្រោយ›កំពង់ដេវ៉ា បើកការដ្ឋានសាងសង់កីឡដ្ឋាន Kompong Dewa Arena ដើម្បីជំរុញចក្ខុវិស័យរបស់រមណីយដ្ឋានរួមបញ្ចូលគ្នា នៅក្នុងខេត្តព្រះសីហនុ ព្រះសីហនុ៖ នៅថ្ងៃទី១៤ ខែមីនា ឆ្នាំ២០២៦ រមណីយដ្ឋាន កំពង់ដេវ៉ា បានប្រារព្ធពិធីចុះបឋមសិលាបើកការដ្ឋានសាងសង់កីឡដ្ឋាន Kompong Dewa Aren…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាមOctober 23, 2026
