Vietjet នាំមុខគេនៅអាស៊ីអាគ្នេយ៍ ទាក់ទងនឹងប្រសិទ្ធភាពនៃការបំភាយឧស្ម័នសម្រាប់ការហោះហើរក្នុងតំបន់

ភ្នំពេញ៖ ថ្ងៃទី ២២ ខែមេសា ឆ្នាំ ២០២៦-​យោងតាមការពិនិត្យឡើងវិញអំពីការបំភាយឧស្ម័នហោះហើរឆ្នាំ ២០២៥ ដោយស្ថាប័នCirium ដែលជាអ្នកផ្តល់ទិន្នន័យ និងវិភាគអាកាសចរណ៍ឈានមុខគេលើពិភពលោក ក្រុមហ៊ុន Vietjet ត្រូវបានទទួលស្គាល់ថាជាក្រុមហ៊ុនអាកាសចរណ៍ដែលមានប្រសិទ្ធភាពបំផុតក្នុងការបំភាយឧស្ម័នសម្រាប់ប្រតិបត្តិការក្នុងតំបន់អាស៊ីអាគ្នេយ៍។ សមិទ្ធផលនេះ ពង្រឹងជំហររបស់ Vietjet ក្នុងចំណោមក្រុមហ៊ុនអាកាសចរណ៍ដែលមានប្រសិទ្ធភាព និងមាននិរន្តរភាពបំផុតនៅក្នុងតំបន់។

លទ្ធផលទាំងនេះ គឺត្រូវបានផ្តល់ជូនដោយផ្អែកលើការប្រមូលទិន្នន័យដោយផ្អែកលើវិធីសាស្ត្រ EmeraldSky របស់ក្រុមហ៊ុន Cirium ដែលប្រើប្រាស់ CO₂ ក្នុងមួយគីឡូម៉ែត្រកៅអីដែលមាន (CO₂/ASK) ជារង្វាស់ចម្បង – ដែលឆ្លុះបញ្ចាំងពីបរិមាណប្រេងឥន្ធនៈដែលក្រុមហ៊ុនអាកាសចរណ៍ដុតទាក់ទងទៅនឹងសមត្ថភាពចំនួនអ្នកដំណើរដែលខ្លួនធ្វើប្រតិបត្តិការ។ យោងតាមរបាយការណ៍នេះ ក្រុមហ៊ុន Vietjet បានកត់ត្រាឧស្ម័ន CO₂/ASK ចំនួន ៦៤.៥ ក្រាម ដោយឈរនៅលំដាប់ទីមួយនៅក្នុងចំណាត់ថ្នាក់ក្នុងតំបន់អាស៊ីអាគ្នេយ៍ នាំមុខក្រុមហ៊ុន Singapore Airlines (៦៦.៧ ក្រាម) ក្រុមហ៊ុន Lion Air (៦៧.១ ក្រាម) និងក្រុមហ៊ុនអាកាសចរណ៍ផ្សេងៗទៀត។

ចំណាត់ថ្នាក់នេះ ប្រៀបធៀបការអនុវត្តការបំភាយឧស្ម័នលើជើងហោះហើរដែលដំណើរការទាំងស្រុងនៅទូទាំងតំបន់អាស៊ីអាគ្នេយ៍ ជាកន្លែងដែលលេចធ្លោនៃផ្លូវហោះហើររយៈចំងាយជិត និងមធ្យមធ្វើឱ្យប្រសិទ្ធភាពប្រេងឥន្ធនៈកាន់តែពិបាកក្នុងការធ្វើឱ្យប្រសើរឡើង។ ក្រោមលក្ខខណ្ឌប្រតិបត្តិការដែលអាចប្រៀបធៀបបាន សមត្ថភាពរបស់ Vietjet ក្នុងការរក្សាអាំងតង់ស៊ីតេនៃការបំភាយឧស្ម័នទាបបំផុតបង្ហាញពីភាពខ្លាំងរបស់ខ្លួនក្នុងការធ្វើឱ្យប្រសើរឡើងនូវប្រតិបត្តិការហោះហើរនៅទូទាំងខ្សែសង្វាក់តម្លៃទាំងមូល ចាប់ពីការកំណត់រចនាសម្ព័ន្ធយន្តហោះ និងការធ្វើផែនការបណ្តាញរហូតដល់ការគ្រប់គ្រងបន្ទុក។

កងនាវាអាកាសចរជំនាន់ថ្មី បង្កើតបានជាមូលដ្ឋានដ៏សំខាន់សម្រាប់ការអនុវត្តការបំភាយឧស្ម័នកាបូនរបស់ Vietjet។ ក្រុមហ៊ុនអាកាសចរណ៍នេះ ដំណើរការជាចម្បងនូវយន្តហោះ Airbus A320 និង A321 រួមទាំងវ៉ារ្យ៉ង់ “NEO” ចុងក្រោយបំផុត ដែលផ្តល់នូវការសន្សំសំចៃប្រេងឥន្ធនៈប្រហែល 15-20% បើប្រៀបធៀបទៅនឹងម៉ូដែលជំនាន់មុន។ ជាមួយនឹងកងនាវាអាកាសចរមួយក្នុងចំណោមកងនាវាអាកាសចរដែលក្មេងជាងគេនៅក្នុងតំបន់ Vietjet ធ្វើឱ្យប្រសើរឡើងនូវការប្រើប្រាស់ប្រេងឥន្ធនៈ និងការបំភាយឧស្ម័ន CO₂ ក្នុងមួយជើងនៃការហោះហើរ។ រួមជាមួយនឹងការវិនិយោគកងនាវាអាកាសចរក្រុមហ៊ុន Vietjet បង្កើនការប្រើប្រាស់បច្ចេកវិទ្យានៅទូទាំងប្រតិបត្តិការរបស់ខ្លួន ចាប់ពីកម្មវិធីវិភាគទិន្នន័យជើងហោះហើរដូចជា SkyBreathe រហូតដល់គំនិតផ្តួចផ្តើមបង្កើនប្រសិទ្ធភាពប្រេងឥន្ធនៈដូចជា SFCO₂ ដែលធ្វើអោយប្រសើរឡើងនូវប្រសិទ្ធភាពនៅទូទាំងបណ្តាញហោះហើរទាំងមូលរបស់ខ្លួន។

កន្លងមក Vietjet ត្រូវបានដាក់ឈ្មោះក្នុងចំណោមក្រុមហ៊ុនអាកាសចរណ៍កំពូលទាំង 7 លើពិភពលោកសម្រាប់និរន្តរភាពក្នុងឆ្នាំ 2025 ដោយក្រុមហ៊ុន AirlineRatings ដោយទទួលស្គាល់ពីកិច្ចខិតខំប្រឹងប្រែងរបស់ខ្លួនក្នុងការកាត់បន្ថយការបំភាយឧស្ម័នកាបូនប្រសិទ្ធភាពប្រេងឥន្ធនៈ និងការផ្លាស់ប្តូរកំណើនបៃតង។ ក្រុមហ៊ុនVietjet ក៏ទទួលបានការទទួលស្គាល់ ESG (បរិស្ថាន សង្គម និងអភិបាលកិច្ច) នៅក្នុងទីផ្សារដូចជាតៃវ៉ាន់ជាដើម។

ការពិនិត្យឡើងវិញអំពីការបំភាយឧស្ម័នសម្រាប់ការហោះហើរ (The Flight Emissions Review ) នេះ គឺជាចំណាត់ថ្នាក់ប្រចាំឆ្នាំរបស់ក្រុមហ៊ុន Cirium ដែលផ្តល់នូវការវាយតម្លៃឯករាជ្យអំពីក្រុមហ៊ុនអាកាសចរណ៍ធំជាងគេទាំង 100 របស់ពិភពលោកដោយផ្អែកលើទិន្នន័យប្រតិបត្តិការជាក់ស្តែង។ វាអនុញ្ញាតឱ្យមានការប្រៀបធៀបប្រកបដោយតម្លាភាពនៃការអនុវត្តការបំភាយឧស្ម័ននៅទូទាំងក្រុមហ៊ុនអាកាសចរណ៍តាមមាត្រដ្ឋាន និងតំបន់ភូមិសាស្ត្រ ដែលបម្រើជាស្តង់ដារសម្រាប់ឧស្សាហកម្មអាកាសចរណ៍សកល។

សម្រាប់អ្នកធ្វើដំណើរកម្ពុជា ក្រុមហ៊ុន Vietjet ផ្តល់ជូននូវការតភ្ជាប់ទៅកាន់ប្រទេសវៀតណាម និងក្រៅប្រទេស ខណៈពេលដែលកំពុងលើកកម្ពស់ជម្រើសធ្វើដំណើរប្រកបដោយនិរន្តរភាពជាងមុន តាមរយៈសេវាកម្មផ្លូវហោះហើរសៀមរាប-ហាណូយរបស់ខ្លួន។ តាមរយៈការរួមបញ្ចូលប្រសិទ្ធភាពប្រតិបត្តិការជាមួយនឹងការតភ្ជាប់ដែលបានពង្រីក ក្រុមហ៊ុន Vietjet មិនត្រឹមតែពង្រឹងទំនាក់ទំនងទេសចរណ៍ និងសេដ្ឋកិច្ចរវាងប្រទេសកម្ពុជា វៀតណាម និងតំបន់អាស៊ីប៉ាស៊ីហ្វិកដ៏ទូលំទូលាយប៉ុណ្ណោះទេ ប៉ុន្តែថែមទាំងគាំទ្រដល់ការផ្លាស់ប្តូររបស់តំបន់នេះឆ្ពោះទៅរកអាកាសចរណ៍ដែលមានទំនួលខុសត្រូវចំពោះបរិស្ថានកាន់តែប្រសើរឡើងផងដែរ។

ព័ត៌មានពាក់ព័ន្ធ

មើលព័ត៌មានថ្មីៗ

October 27, 2026

អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្ត

October 27, 2026

Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ី

October 26, 2026

អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយ

October 23, 2026

Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាម

អានក្នុង ១ នាទី

Home›ព័ត៌មានចុងក្រោយ›Vietjet នាំមុខគេនៅអាស៊ីអាគ្នេយ៍ ទាក់ទងនឹងប្រសិទ្ធភាពនៃការបំភាយឧស្ម័នសម្រាប់ការហោះហើរក្នុងតំបន់ ភ្នំពេញ៖ ថ្ងៃទី ២២ ខែមេសា ឆ្នាំ ២០២៦-​យោងតាមការពិនិត្យឡើងវិញអំពីការបំភាយឧស្ម័នហោះហើរឆ្នាំ ២០២៥ ដោយស្ថាប័នCirium ដែលជាអ្នកផ្តល់ទិន្នន័យ និងវិភាគអាកាសចរណ៍ឈានមុខគេលើពិ…

Market Snapshotមើលតម្លៃមាស · USD/KHR · Brent

មើល Market Dashboard →

ចែករំលែកព័ត៌មាននេះ

Facebook Telegram ចម្លងតំណ រក្សាទុក

សំណួរប្រចាំថ្ងៃ

តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?

វិជ្ជមានមិនប្រាកដអវិជ្ជមាន

អត្ថបទពាក់ព័ន្ធ

អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាមOctober 23, 2026

ទទួលព័ត៌មានថ្មីៗពី DAP Businessតាមដានព័ត៌មានសេដ្ឋកិច្ច និង Market Dashboard រៀងរាល់ថ្ងៃ

តាមដាន Facebook Pageចូល Telegram Channelចូលទៅ Market Dashboard →