នៅចំកណ្តាលរាជធានីភ្នំពេញ ក្លិននិងរសជាតិឈ្ងុយឆ្ងាញ់របស់ ការ៉េមបែបអ៉ីតាលី Gelato ទើបផលិតថ្មីៗ កំពុងទាក់ទាញអារម្មណ៍អ្នកដើរឆ្លងកាត់។ អតិថិជនឈរមើលដោយអារម្មណ៍ស្រស់ថ្លា និងសប្បាយចិត្ត ខណៈបុគ្គលិកហ៊ុច gelato មួយកែវ ដែលពួកគេប្រហែលជាគិតថា អាចរកបានតែនៅទីក្រុងរ៉ូម ប្រទេសអ៉ីតាលីតែប៉ុណ្ណោះ— ប៉ុន្តែនេះមិនមែនជាផលិតផលនាំចូលសុទ្ធសាធឡើយ។ នេះគឺ Lagio Gelato ដែលកើត និងផលិតដោយមោទនភាពនៅកម្ពុជា មានគ្រឿងផ្សំ និងរូបមន្តពីប្រទេស Italy ផ្ទាល់។
អ្នកបង្កើត brand Lagio Matcha & Gelato លោកឈុយ សុងហួរ បានលើកឡើងថា ការធ្វើដំណើរនេះចាប់ផ្តើមពីជំនឿយ៉ាងសាមញ្ញប៉ុន្តែដោយភាពមុះមុតមួយ៖ “កម្ពុជាអាចបង្កើតម៉ាកផលិតផល ដែលមានគុណភាពស្មើនឹងកម្រិតអន្តរជាតិ ដោយមិនបាត់បង់អត្តសញ្ញាណក្នុងស្រុក។”
“យើងចង់បញ្ជាក់ថា ម៉ាកកម្ពុជាអាចល្អស្មើ ឬល្អជាងអ្វីដែលអ្នកបានសាកនៅក្រៅប្រទេសផងដែរ” លោកឈុយ សុងហួរ និយាយជាមួយនឹងស្នាមញញឹម។ “គ្រប់ស្លាបព្រាមួយម៉ាត់ៗ របស់អតិថិជនយើង វាគឺជាចំណែកនៃសេចក្តីសុបិន្តនោះ”។
ផលិតផលដែលរៀបរាប់ពីគុណភាព ដោយខ្លួនឯង Lagio Gelato មិនមែនគ្រាន់តែជាការ៉េមសម្រាប់លាងមាត់ត្រជាក់តែប៉ុណ្ណោះទេ — វាជាការជឿទុកចិត្ត។ គ្រប់កែវសុទ្ធតែត្រូវបានផលិតឡើងថ្មីៗ ដោយប្រើវត្ថុធាតុដើមមានគុណភាពខ្ពស់មកពីប្រទេស Italy ដែលបានជ្រើសរើសយ៉ាងម៉ត់ចត់ ដើម្បីធានាឱ្យបាននូវរសជាតិ និងសុវត្ថិភាពអាហារ។ យើងមិនប្រើប្រាស់ផ្លូវកាត់ ឬការបន្ថយគុណភាពផលិតផលយើងនោះឡើយ។ ការប្តេជ្ញានេះហើយដែលបានបង្ករអោយអតិថិជនចាប់ផ្តើមស្គាល់ និងក្លាយជាអតិថិជនប្រចាំរបស់ Lagio Gelato ចាប់ពីសិស្សានុសិស្សមកជួបជុំគ្នាក្រោយម៉ោងសិក្សា រហូតដល់ឪពុកម្តាយដែលយកកូនៗមកញុំា gelato ជុំគ្នាពេលចេញពីរៀន ឬចុងសប្តាហ៍។
សម្រាប់មីនុយរសជាតិរបស់ Lagio Gelato គឺមានរសជាតិជាច្រើនចម្រុះយ៉ាងច្នៃប្រឌិត — ពីរសជាតិដើមអ៉ីតាលីដ៏ឆ្ងាញ់ពិសារដូចជា Chocolate និង Vanilla ជាដើម និងរួមបញ្ចូលទាំងរសជាតិថ្មីៗច្នៃដោយប្រើគំនិតពីកម្ពុជាលាយបញ្ចូលគ្នាផងដែរដូចជា Matcha និង Black Sesame។
លើសពីម៉ាក វាគឺជាចលនាសមិទ្ធផលរបស់ Lagio Gelato មកដល់សព្វថ្ងៃនេះក៏កំពុងព្យាយាមផ្លាស់ប្តូរនូវទស្សនៈរបស់ប្រជាជនចំពោះអាជីវកម្មកម្ពុជា។ ក្នុងទីផ្សារដែលមានម៉ាកផលិតផលនាំចូលជាអ្នកដឹកនាំ
Lagio Gelato សង្ឃឹមថាម៉ាកនេះនឹងក្លាយជានិមិត្តរូបនៃភាពដែលអាចទៅរួចជាច្រើន នៅពេលដែលក្តីស្រលាញ់រួមបញ្ចូលគ្នាជាមួយភាពអត់ធ្មត់។
“យើងសង្ឃឹមថា ការលូតលាស់របស់យើងអាចជំរុញឱ្យសហគ្រិនផ្សេងទៀតនឹងបន្តរដើរទៅមុខជាមួយគ្នា” លោកឈុយ សុងហួរ បន្ថែម។ “ប្រសិនបើយើងអាចធ្វើឱ្យមាន Gelato ដែលពោរពេញដោយមោទនភាពជាតិ អ្នកផ្សេងក៏អាចបង្កើតផលិតផលប្រកួតប្រជែងនៅកម្រិតពិភពលោកបានដែរ។”
ពេលវេលាដែលរីករាយ និងការបង្កើតអនុស្សាវរីយ៍ល្អៗ និងមានសុភមង្គលការចូលទៅក្នុងហាង Lagio Gelato មួយ អ្នកនឹងមើលឃើញថាវាមិនមែនគ្រាន់ជាកន្លែងទិញgelato នោះទេ — វាគឺជាកន្លែងសម្រាប់ការណាត់ជួបដំបូង (first date) កន្លែងដែលគ្រួសារជួបជុំគ្នាក្រោយបរិភោគអាហារ និងកន្លែងដែលមិត្តភក្តិប្រារព្ធទិវាពិសេស និងជួបជុំគ្នា។ គ្រប់កែវមិនមែនត្រឹមតែរសជាតិឈ្ងុយឆ្ងាញ់នោះទេ ប៉ុន្តែវាបានបង្កើតអារម្មណ៍ល្អៗ និងអនុស្សាវរីយ៍ជាច្រើន។
ពីហាងដំបូងនៅក្នុងខណ្ឌទួលទំពូង ជាមួយក្តីស្រមៃនេះ Lagio Gelato បន្តរបើកបានសាខាទី២ និងទី៣ របស់ខ្លួនក្នុងផ្សារទំនើប Exchange Square និងកណ្តាលទីក្រុងកោះពេជ្រថ្មីៗនេះ។
យើងសង្ឃឹមថាថ្ងៃណាមួយ យើងអាចបង្ហាញថា គុណភាពកម្រិតពិភពលោកអាចកើតចេញពីទីនេះក្នុងប្រទេសកម្ពុជា។ ហើយប្រសិនបើក្តីសុបិនរបស់អ្នកបង្កើតយីហោក្នុងស្រុកបន្តរដំណើរទៅមុខដោយបែបនេះ មិនមែនត្រឹមតែជាប្រជាជនកម្ពុជាដែលសាករសជាតិនេះទេ — ប៉ុន្តែអាចជាពិភពលោកទាំងមូលផងដែរ៕
