ប្រែសម្រួលៈ តុលា
បរទេស៖ ក្រុមហ៊ុន Volkswagen បានធ្លាក់ចូលក្នុងស្ថានភាពខាតបង់កាន់តែខ្លាំងនៅក្នុងត្រីមាសទីបី ដែលជាសញ្ញាបង្ហាញពីវិបត្តិដ៏ធ្ងន់ធ្ងរនៅក្នុងក្រុមហ៊ុនផលិតរថយន្តធំជាងគេទីពីររបស់ពិភពលោកមួយនេះ។ ក្រុមហ៊ុនកំពុងប្រឈមមុខនឹងបញ្ហាប្រឈមធំៗនៅក្នុងទីផ្សារសំខាន់ៗនានា ខណៈពេលដែល Volkswagen កំពុងចាប់ផ្តើមដំណើរការរៀបចំរចនាសម្ព័ន្ធអាជីវកម្មឡើងវិញ។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី២៩ ខែតុលា ឆ្នាំ២០២៦ថា ក្រុមហ៊ុនផលិតរថយន្តឈានមុខគេនៅអឺរ៉ុបមួយនេះ បានរាយការណ៍ពីការខាតបង់ប្រតិបត្តិការចំនួន ៥,៩ ពាន់លានអឺរ៉ូ (៦,៥៩ ពាន់លានដុល្លារ) ក្នុងរយៈពេលបីខែនេះ។ អ្នកវិភាគមកពី Visible Alpha បានព្យាករណ៍ពីការខាតបង់ចំនួន ២,៦ ពាន់លានអឺរ៉ូ បន្ទាប់ពីធ្លាប់មានការខាតបង់ចំនួន ១,៣ ពាន់លានអឺរ៉ូកាលពីឆ្នាំមុន។
លោក Arno Antlitz ប្រធានផ្នែកហិរញ្ញវត្ថុ បានថ្លែងនៅក្នុងសេចក្តីថ្លែងការណ៍ជាវីដេអូថា៖ «លទ្ធផលរយៈពេលប្រាំបួនខែនេះ បង្ហាញឱ្យឃើញច្បាស់ថា យើងមិនអាចបាត់បង់ពេលវេលាទៀតបានទេ។ យើងត្រូវតែចាត់វិធានការឱ្យបានឆាប់រហ័ស និងម៉ឺងម៉ាត់»។
ចំណូលពីការលក់ក៏បានធ្លាក់ចុះ ៦% ក្នុងត្រីមាសទីបី ដែលជាអត្រាធ្លាក់ចុះខ្លាំងជាងការរំពឹងទុក ដោយសម្រេចបានទឹកប្រាក់ ៧៥,៣ ពាន់លានអឺរ៉ូ។
លទ្ធផលទាំងនេះបានគូសបញ្ជាក់ពីសម្ពាធដែល Volkswagen កំពុងជួបប្រទះ ក្នុងការកែទម្រង់គំរូអាជីវកម្មរបស់ខ្លួន ដើម្បីទប់ទល់នឹងការប្រកួតប្រជែងដ៏ខ្លាំងក្លានៅក្នុងប្រទេសចិន ការចំណាយលើពន្ធគយរាប់ពាន់លានអឺរ៉ូជារៀងរាល់ឆ្នាំ និងការចំណាយខ្ពស់ក្នុងការបង្កើនផលិតកម្មរថយន្តអគ្គិសនី (EVs) នៅអឺរ៉ុប ដែលជាទីកន្លែងដែលក្រុមហ៊ុនគូប្រជែងមកពីប្រទេសចិនកំពុងដណ្តើមយកចំណែកទីផ្សារបានកាន់តែច្រើនឡើង។
Home›ព័ត៌មានសេដ្ឋកិច្ច›ក្រុមហ៊ុនផលិតរថយន្តធំជាងគេទីពីររបស់ពិភពលោក Volkswagen ខាតបង់កាន់តែខ្លាំងលើសពីការរំពឹងទុកនៅក្នុងត្រីមាសទី ៣ប្រែសម្រួលៈ តុលា បរទេស៖ ក្រុមហ៊ុន Volkswagen បានធ្លាក់ចូលក្នុងស្ថានភាពខាតបង់កាន់តែខ្លាំងនៅក្នុងត្រីមាសទីបី ដែលជាសញ្ញាបង្ហាញពីវិបត្តិដ៏ធ្ងន់ធ្ងរនៅក្នុងក…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
មហាសេដ្ឋីមានបំផុតទី២ នៅអាស៊ី ជាប់ឈ្មោះក្នុងបញ្ជីអ្នកខាតបង់ទ្រព្យសម្បត្តិធំបំផុតលើពិភពលោក បន្ទាប់ពីការបោះផ្សាយលក់ភាគហ៊ុនជាសាធារណៈ (IPO)October 31, 2026តម្លៃមាសនៅប្រទេសវៀតណាមបានធ្លាក់ចុះដល់កម្រិតទាបបំផុតក្នុងរយៈពេលមួយខែ ខណៈដែលអត្រាមាសដុំនៅលើសកលលោកបានធ្លាក់ចុះក្រោម ៤.០០០ ដុល្លារអាមេរិកOctober 31, 2026ពាណិជ្ជកម្មវៀតណាមបំបែកកំណត់ត្រាថ្មី សម្រេចបានជាង ១ទ្រីលានដុល្លារ ត្រឹមរយៈពេល១០ខែOctober 31, 2026ក្រុមហ៊ុន Meta, TikTok និង X ចាញ់ក្តីស្ថាប័នឃ្លាំមើលចក្រភពអង់គ្លេស ជុំវិញការទាមទារទិន្នន័យនៃការត្រួតពិនិត្យមាតិកា October 31, 2026
