បរទេស៖ ក្រុមហ៊ុន Binance ដែលជាទីផ្សារប្តូរប្រាក់រូបិយប័ណ្ណគ្រីបតូ (Cryptocurrency) ដ៏ធំបំផុតនៅលើពិភពលោក កាលពីថ្ងៃអាទិត្យ បានបើកឱ្យមានការដកប្រាក់ Bitcoin, Ether និងរូបិយប័ណ្ណ Stablecoin មួយចំនួនឡើងវិញ ហើយបានបញ្ជាក់ថា រូបិយប័ណ្ណផ្សេងទៀតនឹងត្រូវបានអនុញ្ញាតឱ្យដកជាបន្តបន្ទាប់តាមដំណាក់កាល បន្ទាប់ពីក្រុមហ៊ុនបានទូទាត់សងចំនួន ៩៥% នៃកាក់ (Tokens) ទំហំ ៦,៣ ពាន់លានដុល្លារដែលត្រូវបានគេលួចចេញពីវេទិការបស់ខ្លួន នេះបើយោងតាមការចេញផ្សាយពីសារព័ត៌មាន Rueters ថ្ងៃទី១ខែវិច្ឆិកា ឆ្នាំ២០២៦ ។
ការលួចប្លន់នេះ ដែលការិយាល័យស៊ើបអង្កេតសហព័ន្ធអាមេរិក (FBI) បានភ្ជាប់ការសង្ស័យទៅនឹងប្រទេសកូរ៉េខាងជើង ហើយអ្នកវិភាគជឿថាវាអាចជាការលួចប្លន់ហិរញ្ញវត្ថុដ៏ធំបំផុតមិនធ្លាប់មាននោះ បានក្លាយជាផ្នែកបន្ថែមមួយទៀតនៃស៊េរីនៃការលួចប្រាក់គ្រីបតូជាបន្តបន្ទាប់នាពេលថ្មីៗនេះ។ យោងតាមអ្នកស្រាវជ្រាវនៅស្ថាប័ន TRM Labs បានឱ្យដឹងថា កាលពីឆ្នាំមុន ក្រុមអ្នកវាយប្រហារបានលួចរូបិយប័ណ្ណគ្រីបតូដែលមានតម្លៃ ២,៩ ពាន់លានដុល្លារ តាមរយៈការវាយប្រហារជិត ១៥០ លើក។
ក្រុមហ៊ុន Binance ដែលត្រូវបានបង្កើតឡើងនៅក្នុងប្រទេសចិន បានបញ្ជាក់ថា ដំណាក់កាលដំបូងនៃការអនុញ្ញាតឱ្យដកប្រាក់ឡើងវិញនេះ នឹងគ្របដណ្តប់លើទ្រព្យសកម្មគ្រីបតូចំនួន ១៥ ប្រភេទ រួមមាន Bitcoin, Ether, XRP និង Dogecoin។ ការដកប្រាក់ Bitcoin បានចាប់ផ្តើមឡើងវិញនៅរយៈពេលខ្លីក្រោយម៉ោង ០៦:០០ ម៉ោងសកល (GMT) ខណៈដែលការដកប្រាក់ Ether, BNB និងរូបិយប័ណ្ណ Stablecoin មួយចំនួនទៀតដូចជា USDT និង USDC ក៏ត្រូវបានបើកឱ្យដំណើរការឡើងវិញផងដែរ។
Binance បានលើកឡើងថា ខ្លួនបានទូទាត់សងរូបិយប័ណ្ណគ្រីបតូដែលត្រូវបានលួចក្នុងទំហំទឹកប្រាក់ ៦ ពាន់លានដុល្លាររួចរាល់ហើយ ដោយប្រើប្រាស់ថវិការបស់ក្រុមហ៊ុនដើម្បីទិញកាក់ (Tokens) មកជំនួសវិញ។ យោងតាមទីផ្សារប្តូរប្រាក់រូបនេះបានបញ្ជាក់បន្ថែមថា ចំនួន ៥% នៃកាក់ដែលត្រូវបានលួចដែលនៅសេសសល់ គឺជាទ្រព្យសកម្មដែលមានសាច់ប្រាក់ងាយស្រួលទាប (Less Liquid) ហើយអាចនឹងត្រូវចំណាយពេលយូរជាងនេះ ដើម្បីស្វែងរកប្រភពឱ្យបានគ្រប់ចំនួនដែលតម្រូវ។
ប្រែសម្រួល៖ គីរី
Home›ព័ត៌មានសេដ្ឋកិច្ច›ក្រុមហ៊ុន Binance បើកឱ្យដកប្រាក់ Bitcoin និង Ether ឡើងវិញ បន្ទាប់ពីបានទូទាត់សងទឹកប្រាក់ ៦,៣ពាន់លានដុល្លារ ដែលត្រូវបានលួច បរទេស៖ ក្រុមហ៊ុន Binance ដែលជាទីផ្សារប្តូរប្រាក់រូបិយប័ណ្ណគ្រីបតូ (Cryptocurrency) ដ៏ធំបំផុតនៅលើពិភពលោក កាលពីថ្ងៃអាទិត្យ បានបើកឱ្យមានក…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
ម្ចាស់រោងចក្រចម្រាញ់ប្រេង Dung Quat បានដាក់ប្រាក់ជាង ២ ពាន់លានដុល្លារនៅក្នុងធនាគារ អំឡុងពេលអត្រាការប្រាក់បញ្ញើ ស្ថិតក្នុងកម្រិតខ្ពស់November 2, 2026តម្លៃមាសពិភពលោកបន្តស្ថិតក្រោមសម្ពាធ ខណៈទីផ្សារកំពុងតាមដានការបោះឆ្នោតពាក់កណ្តាលអាណត្តិអាមេរិកឆ្នាំ២០២៦November 2, 2026មហាសេដ្ឋីមានបំផុតទី២ នៅអាស៊ី ជាប់ឈ្មោះក្នុងបញ្ជីអ្នកខាតបង់ទ្រព្យសម្បត្តិធំបំផុតលើពិភពលោក បន្ទាប់ពីការបោះផ្សាយលក់ភាគហ៊ុនជាសាធារណៈ (IPO)October 31, 2026តម្លៃមាសនៅប្រទេសវៀតណាមបានធ្លាក់ចុះដល់កម្រិតទាបបំផុតក្នុងរយៈពេលមួយខែ ខណៈដែលអត្រាមាសដុំនៅលើសកលលោកបានធ្លាក់ចុះក្រោម ៤.០០០ ដុល្លារអាមេរិកOctober 31, 2026
