ភ្នំពេញ៖ នៅថ្ងៃទី២០ ខែមករា ឆ្នាំ២០២៥ មន្ទីរសម្រាកព្យាបាល យូ ចតុមុខ បានបើកសម្ពោធដាក់ឱ្យដំណើរការ ជាផ្លូវការហើយ ដើម្បីផ្តល់សេវាកម្មប្រឹក្សាយោបល់ និងព្យាបាលជូនសាធារណជនតាមបច្ចេកវិទ្យាទំនើប ស្របតាមការរីកចម្រើននៃវិស័យសុខាភិបាល មានទីតាំងស្ថិតនៅផ្លូវលេខ ២២៨ សង្កាត់ចតុមុខ ខណ្ឌដូនពេញ រាជធានីភ្នំពេញ។
មន្ទីរសម្រាកព្យាបាល យូ ចតុមុខ បានបំពាក់នូវបរិក្ខារពេទ្យទំនើបៗ តាមស្តង់ដារអន្តរជាតិ និងមានវេជ្ជបណ្ឌិតឯកទេសល្បីៗ មានបទពិសោធន៍យូរឆ្នាំ ប្រកបដោយក្រមសីលធម៌ និងវិជ្ជាជីវ: រង់ចាំផ្តល់សេវាកម្មប្រឹក្សាយោបល់ និងព្យាបាលជូនសាធារណជន ដើម្បីចូលរួមបំរើសេវាកម្មសុខាភិបាល ប្រកបដោយគុណភាព និងការទទួលខុសត្រូវខ្ពស់។
ក្នុងពិធីសម្ពោធមន្ទីរសម្រាកព្យាបាល យូ ចតុមុខ នៅថ្ងៃទី២០ មករា លោក ហង្ស ដារ៉ា នាយកគ្រប់គ្រងទូទៅ នៃមន្ទីរសម្រាកព្យាបាល យូ ចតុមុខ បានលើកឡើងថា ការបង្កើតមន្ទីរសម្រាកព្យាបាលយូ ចតុមុខ នេះឡើង គឺដើម្បីចូលរួមចំណែកជាមួយនឹងរាជរដ្ឋាភិបាលកម្ពុជា ក្នុងការលើកកម្ពស់សុខភាព និងសុខមាលភាពដល់ប្រជាជនគ្រប់ទិសទី និងចូលរួមអនុវត្ត មុំបី នៃយុទ្ធសាស្រ្តបញ្ចកោណរបស់រាជរដ្ឋាភិបាល ដោយកំណត់គោលដៅជាយុទ្ធសាស្រ្ត ពង្រឹង ប្រព័ន្ធផ្តល់សេវាថែទាំវេជ្ជសាស្រ្ត ប្រកបដោយនវានុវត្ត ដោយផ្តោតលើការថែទាំសុខភាពទាំងអស់គ្នា។
លោក នាយកគ្រប់គ្រង បន្ដថា មន្ទីរសម្រាកព្យាបាល យូ ចតុមុខ មានវេជ្ជបណ្ឌិតឯកទេស មានក្រមសីលធម៌ ប្រកបដោយវិជ្ជាជីវ: ដើម្បីចូលរួមបំរើសេវាកម្មសុខាភិបាល ប្រកបដោយគុណភាព និងការទទួលខុសត្រូវខ្ពស់។ មន្ទីរសម្រាកព្យាបាល យូ ចតុមុខ ក៏មានសេវាកម្មផ្តល់ប្រឹក្សាយោបល់ និងព្យាបាល ជំងឺទូទៅ រោគស្រ្តី មនុស្សធំ កុមារ ជំងឺបេះដូង លើសសម្ពាធឈាម ជំងឺក្រពេញ ជំងឺទឹកនោមផ្អែម ចាក់ថ្នាំចង្ការជំងឺផ្សេងៗ មន្ទីរពិសោធន៍ តេស្តឈាម អេកូសាស្រ្ត ថតកម្មរស្មី ជាដើម។
លោក នាយកគ្រប់គ្រង បន្ថែមថា ដើម្បីកសាង ភាពជាដៃគូជាមួយវិស័យឯកជន និងដៃគូអភិវឌ្ឍនានា មន្ទីរសម្រាកព្យាបាល យូ ចតុមុខ នឹងផ្តល់សេវាកម្មគ្របដណ្តប់នៃប្រព័ន្ធគាំពារសុខភាពសង្គម ឱ្យកាន់តែទូលំទូលាយ រួមទាំងអ្នកប្រើប្រាស់បណ្ណ ប.ស.ស និងក្រុមហ៊ុនធានារាប់រងឯកជននានាផងដែរ។
លោក នាយកគ្រប់គ្រង មានប្រសាសន៍ថា «សុខភាព គឺជាទ្រព្យមានតម្លៃបំផុតដែលមិនអាចកាត់ថ្លៃបាន យើងមាន ឪពុក ម្តាយល្អ មានស្វាមី ភរិយាល្អ មានអ្វីៗមានតម្លៃមហាសាលយ៉ាងណាក៏ដោយ បើសិនជាយើងមិនមានសុខភាពទេនោះ អ្វីៗគ្រប់បែបយ៉ាងលែងមានតម្លៃសម្រាប់យើងទៀតហើយ វានឹងក្លាយទៅជារបស់ឥតន័យសំរាប់ជីវិតមួយនេះ។ ដូច្នេះសុខភាពមានតម្លៃលើសអ្វីៗទាំងអស់នៅលើលោកនេះ គ្រប់គ្នាប្រាថ្នាចង់បានសុខភាពល្អ អាយុយឺនយូរ ដូច្នេះយើងត្រូវការចាំបាច់ស្វែងរកសេវាកម្មផ្តល់ប្រឹក្សាយោបល់, ថែទាំព្យាបាលសុខភាពឱ្យបានត្រឹមត្រូវ ដើម្បីទទួលបានលទ្ធផលតាមការរំពឹងទុករបស់យើង»។
Home›អត្ថបទពាណិជ្ជកម្ម›មន្ទីរសម្រាកព្យាបាល យូ ចតុមុខ បានបើកសម្ពោធដាក់ឱ្យដំណើរការ ជាផ្លូវការហើយ ភ្នំពេញ៖ នៅថ្ងៃទី២០ ខែមករា ឆ្នាំ២០២៥ មន្ទីរសម្រាកព្យាបាល យូ ចតុមុខ បានបើកសម្ពោធដាក់ឱ្យដំណើរការ ជាផ្លូវការហើយ ដើម្បីផ្តល់សេវាកម្មប្រឹក្សាយោបល់ និងព្យាបាលជូនសាធារណជនតាមបច្ចេកវិទ្យាទំនើប ស…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026ទិញឡាន ឈ្នះផ្ទះវីឡា ឈ្នះឡាន ពី GAC CAMBODIAOctober 19, 2026
