ភ្នំពេញ ៖ លោកជំទាវ ខៀវ សស៊ីលៀប ស្ថាបនិកា និងជាអគ្គនាយិកា នៃក្រុមហ៊ុន ហនុមាន ប៊ែវើរីជីស (Hanuman Beverages) បានបរិច្ចាគថវិកាចំនួន ១០ម៉ឺនដុល្លារអាមេរិក ជូនកាកបាទក្រហមកម្ពុជា ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ និងខួបលើកទី៧០ឆ្នាំ នៃកាកបាទក្រហមកម្ពុជា ក្រោមមូលបទ «រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។
កន្លងមក ក្រុមហ៊ុន ហនុមាន ប៊ែវើរីជីស (Hanuman Beverages) តែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា ។ លើសពីនេះក្រុមហ៊ុនតែងតែចូលរួមជួយដល់យុទ្ធនាការសប្បុរសធម៌ផ្សេងៗទៀតដែលផ្តួចផ្តើមដោយប្រមុខរាជរដ្ឋាភិបាលក៏ដូចជាជួយដល់សកម្មភាព មនុស្សធម៌របស់អង្គការសង្គមស៊ីវិល និងសហគមន៍ផងដែរ។
ក្រុមហ៊ុន ហនុមាន ប៊ែវើរីជីស យល់ច្បាស់ថាការចូលរួមឧបត្ថម្ភគាំទ្រជាថវិកា និងសម្ភារ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌ នៃការចែករំលែក ដែលជាការផ្សារភ្ជាប់ រវាងសប្បុរសជនជាមួយជនរងគ្រោះ ប្រជាពលរដ្ឋដែលជួបការលំបាក និងសហគមន៍ងាយរងគ្រោះ ដែលជាអ្នកទទួលផល ។
ក្រុមហ៊ុន ហនុមាន ប៊ែវើរីជីស ជឿជាក់ថា ការចែករំលែក គឺជាមាគ៌ា មួយប្រកបដោយគុណតម្លៃ ដែលអាចចូលរួម ចំណែកបង្កើត ឲ្យមានភាពវិជ្ជមាននៅក្នុងសង្គមកាន់តែច្រើន ហើយក្រុមហ៊ុនក៏នឹងនៅតែបន្តសកម្មភាពសប្បុរសធម៌ និងសកម្មភាពសង្គមផ្សេងៗទៀតនាពេលអនាគតដើម្បីបន្តដំណើរពីបេះដូងក្នុងការបន្តចែករំលែកក្តីស្រលាញ់ និងផ្តល់ស្នាមញញឹមជូនដល់សង្គមជាតិឲ្យបានកាន់តែច្រើនថែមទៀត ។
ក្រុមហ៊ុន ហនុមាន ប៊ែវើរីជីស សូមអំពាវនាវដល់សប្បុរសជនគ្រប់មជ្ឈដ្ឋាន សូមមេត្តាចូលរួមបរិច្ចាគថវិកា ជូនកាកបាទក្រហមក្រហមកម្ពុជា ក្នុងឱកាសខួបលើកទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៥ ឱ្យបានផុលផុសដើម្បីឱ្យសមាគមជាតិមួយនេះ មានមូលនិធិគ្រប់គ្រាន់សម្រាប់បន្តបេសកកម្មមនុស្សធម៌ ជួយប្រជាពលរដ្ឋងាយរងគ្រោះបំផុតគ្រប់រូបភាព រួមទាំងគ្រោះមហន្តរាយបង្កឡើងដោយមនុស្ស និងធម្មជាតិ ដែលកើតមានឡើងនៅក្នុងព្រះរាជាណាចក្រកម្ពុជា យើងក៏ដូចជានៅទីកន្លែងផ្សេងទៀត ក្នុងតំបន់ និងក្នុងពិភពលោក៕
Home›អត្ថបទពាណិជ្ជកម្ម›ក្រុមហ៊ុន ហនុមាន ប៊ែវើរីជីស បរិច្ចាគថវិកា ១០ម៉ឺនដុល្លារ ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ ភ្នំពេញ ៖ លោកជំទាវ ខៀវ សស៊ីលៀប ស្ថាបនិកា និងជាអគ្គនាយិកា នៃក្រុមហ៊ុន ហនុមាន ប៊ែវើរីជីស (Hanuman Beverages) បានបរិច្ចាគថវិកាចំន…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026ទិញឡាន ឈ្នះផ្ទះវីឡា ឈ្នះឡាន ពី GAC CAMBODIAOctober 19, 2026
