ការប្រកួតប្រជែងសន្តិសុខសាយប័រថ្នាក់ជាតិកម្ពុជា ឆ្នាំ២០២៦ (CNCC 2026) បានបើកជាផ្លូវការនៅថ្ងៃទី១៥ ខែសីហា នៅរាជធានីភ្នំពេញ ដោយផ្តល់នូវវេទិកាសម្រាប់សិក្ខាកាម ក្នុងការបង្ហាញចំណេះដឹង ជំនាញ និងសមត្ថភាពដោះស្រាយបញ្ហាប្រឈមក្នុងវិស័យសន្តិសុខសាយប័រ។ ក្នុងនាមជាអ្នកឧបត្ថម្ភកម្រិតពេជ្រ (Diamond Sponsor) ក្រុមហ៊ុន Metfone បានចូលរួមចំណែកក្នុងការភ្ជាប់ធនធាន របស់ក្រុមហ៊ុនជាមួយនឹងគំនិតផ្តួចផ្តើមនានា ក្នុងគោលបំណងអភិវឌ្ឍជំនាញ និងធនធានមនុស្សផ្នែកសន្តិសុខសាយប័រនៅកម្ពុជា។
ការប្រកួតប្រជែងនេះត្រូវបានរៀបចំឡើង ដោយក្រសួងប្រៃសណីយ៍ និងទូរគមនាគមន៍កម្ពុជា នៅសណ្ឋាគារ Oakwood Premier Phnom Penh ចំពេលដែលតម្រូវការការពារទិន្នន័យ សុវត្ថិភាពហេដ្ឋារចនាសម្ព័ន្ធឌីជីថល និងសន្តិសុខព័ត៌មានមានការកើនឡើង ក្នុងបរិបទនៃការផ្លាស់ប្តូរឌីជីថលនៅក្នុងប្រទេស។
មុនឈានដល់ជុំថ្នាក់ជាតិ កម្មវិធីប្រកួតប្រជែងតាមអនឡាញ Cyber Arena 2026 ដែលរៀបចំឡើងដោយក្រសួងប្រៃសណីយ៍ និងទូរគមនាគមន៍ កាលពីថ្ងៃទី២៧ ខែមិថុនា បានទាក់ទាញក្រុមចូលរួមចំនួន ១៥៧ក្រុម និងបេក្ខជនចំនួន ៥៤៧នាក់ មកពីស្ថាប័នរដ្ឋ អង្គការឯកជន និងគ្រឹះស្ថានសិក្សា។ បន្ទាប់ពីការប្រកួតប្រជែងយ៉ាងស្វិតស្វាញរយៈពេល ៨ម៉ោង គណៈកម្មការរៀបចំបានជ្រើសរើសក្រុមឆ្នើម ៣ក្រុមដំបូង ក្រុមឆ្នើមចំនួន ៣០ក្រុម និងក្រុមបម្រុងចំនួន ១០ក្រុម ដោយក្រុមឆ្នើម ៣ក្រុមដំបូង និងក្រុមឆ្នើម ៣០ក្រុម ត្រូវបានឡើងទៅប្រកួតប្រជែងក្នុងវគ្គផ្តាច់ព្រ័ត្រថ្នាក់ជាតិនៅខែសីហា។
នៅក្នុងពិធីបើក តំណាងក្រុមហ៊ុន Metfone បានគូសបញ្ជាក់ថា ខណៈពេលដែលបច្ចេកវិទ្យាឌីជីថលបន្តអភិវឌ្ឍយ៉ាងរហ័ស តម្រូវការការពារទិន្នន័យ សុវត្ថិភាពហេដ្ឋារចនាសម្ព័ន្ធឌីជីថល និងសន្តិសុខព័ត៌មាន កាន់តែមានសារៈសំខាន់ខ្លាំងឡើង។ យោងតាមតំណាងក្រុមហ៊ុន ការកសាងសមត្ថភាពសន្តិសុខសាយប័រទាមទារនូវវិធីសាស្ត្រគ្រប់ជ្រុងជ្រោយ ដែលដោះស្រាយទាំងផ្នែកបច្ចេកវិទ្យា និងធនធានមនុស្ស ដោយធនធានមនុស្សដែលមានជំនាញ ចំណេះដឹង និងសមត្ថភាពបត់បែន ដើរតួនាទីយ៉ាងសំខាន់បំផុត។
ក្នុងនាមជាអ្នកឧបត្ថម្ភកម្រិតពេជ្រ ក្រុមហ៊ុន Metfone បានគាំទ្រកម្មវិធី CNCC 2026 ដើម្បីបង្ហាញពីការប្តេជ្ញាចិត្តរបស់ខ្លួន ចំពោះគំនិតផ្តួចផ្តើមដែលពង្រឹងសមត្ថភាពសន្តិសុខសាយប័រ និងអភិវឌ្ឍធនធានមនុស្សក្នុងវិស័យនេះនៅកម្ពុជា។
តំណាងក្រុមហ៊ុន Metfone ក៏បានរំលេចផងដែរអំពីសារៈសំខាន់ នៃការពង្រឹងកិច្ចសហប្រតិបត្តិការរវាងអាជ្ញាធរមានសមត្ថកិច្ច អាជីវកម្ម គ្រឹះស្ថានសិក្សា អ្នកជំនាញ និងជំនាន់ក្រោយ ក្នុងការអភិវឌ្ឍសមត្ថភាពសន្តិសុខសាយប័រ។ ការប្រកួតប្រជែងលក្ខណៈអាជីពដូចជា CNCC មិនត្រឹមតែផ្តល់ឱកាសឱ្យយុវជន សាកល្បងសមត្ថភាពរបស់ពួកគេប៉ុណ្ណោះទេ ប៉ុន្តែថែមទាំងសម្រួលដល់ការផ្លាស់ប្តូរចំណេះដឹង ការអភិវឌ្ឍជំនាញ និងការត្រៀមខ្លួនកាន់តែប្រសើរដើម្បីដោះស្រាយ បញ្ហាប្រឈមសន្តិសុខសាយប័រក្នុងពិភពជាក់ស្តែង។
ការរៀបចំកម្មវិធី CNCC 2026 បង្កើតបានជាវេទិកាមួយសម្រាប់ភ្ជាប់សហគមន៍បច្ចេកវិទ្យា ជាមួយស្ថាប័នរដ្ឋ អង្គការ និងអ្នកមានទេពកោសល្យបច្ចេកវិទ្យាវ័យក្មេង។ តាមរយៈការប្រកួតប្រជែង និងសកម្មភាពបង្កើតបណ្តាញទំនាក់ទំនង បេក្ខជនចូលរួមមានឱកាសសាកល្បងចំណេះដឹង ពង្រឹងជំនាញ និងទទួលបានការយល់ដឹងពីតម្រូវការជាក់ស្តែងនៃវិស័យសន្តិសុខសាយប័រ។
ការគាំទ្រពីក្រុមហ៊ុនបច្ចេកវិទ្យា រួមទាំង Metfone ក្នុងនាមជាអ្នកឧបត្ថម្ភកម្រិត Diamond បានចូលរួមចំណែកបន្ថែមធនធានដល់សកម្មភាព ដែលលើកកម្ពស់ការបង្កើតបណ្តាញទំនាក់ទំនង ការផ្លាស់ប្តូរចំណេះដឹង និងការអភិវឌ្ឍ អ្នកមានទេពកោសល្យបច្ចេកវិទ្យាវ័យក្មេងផ្នែកសន្តិសុខសាយប័រ។ តាមរយៈការប្រកួតប្រជែងនេះ បេក្ខជនទទួលបានឱកាសបន្ថែមទៀត ក្នុងការពង្រឹងសមត្ថភាពអាជីព ទទួលបានបទពិសោធន៍ជាក់ស្តែង និងត្រៀមខ្លួនជាជំហានៗសម្រាប់តម្រូវការ កាន់តែខ្ពស់នៃបរិស្ថានឌីជីថល។
កម្មវិធី CNCC 2026 រួមចំណែកក្នុងការលើកទឹកចិត្ត យុវជនជំនាន់ក្រោយឱ្យស្វែងយល់ និងចាប់យកអាជីពក្នុងវិស័យសន្តិសុខសាយប័រ ដែលជាផ្នែកមួយគាំទ្រដល់ការអភិវឌ្ឍកម្លាំងពលកម្ម ជំនាញសម្រាប់ការផ្លាស់ប្តូរឌីជីថលនៅកម្ពុជា ៕
