កក្រើកជាថ្មី! មិត្តហ្វូនប្រកាសបើកសម្ពោធជាផ្លូវការកម្មវិធី Metfone STARS រដូវកាលទី៣ ក្រោមពាក្យស្លោក “The Next Move”

នៅថ្ងៃទី២៨ ខែសីហា ឆ្នាំ២០២៦ ក្រុមហ៊ុន មិត្តហ្វូន បានប្រកាសជាផ្លូវការនៃការវិលត្រឡប់មកវិញ នៃកម្មវិធីប្រឡងសមត្ថភាពដ៏កក្រើក Metfone STARS រដូវកាលទី ៣ ក្រោមពាក្យស្លោកផ្លូវការ «The Next Move» ដែលរដូវកាលនេះបង្ហាញពីរបត់ផ្លាស់ប្តូរយ៉ាងសំខាន់នៃកម្មវិធី ដោយបានបង្វែរការផ្តោតអារម្មណ៍ពីអ្នកបង្កើតមាតិកាឌីជីថល (Content Creators) ក្នុងរដូវកាលមុនៗ មកជាការប្រកួតប្រជែងរាំថ្នាក់ជាតិ ដែលផ្តល់នូវវិថីដ៏រំភើបអស្ចារ្យ សម្រាប់យុវជនដែលមានទេពកោសល្យនៅទូទាំងប្រទេសកម្ពុជា។

ការទទួលពាក្យចុះឈ្មោះ ត្រូវបានបើកជាផ្លូវការចាប់ពីថ្ងៃទី២៨ ខែសីហា ដល់ថ្ងៃទី១៨ ខែកញ្ញា ឆ្នាំ២០២៦។ អ្នកដែលស្រលាញ់ការរាំ ឬចេះរាំថ្មីថ្មោងនៅទូទាំងប្រទេស ត្រូវបានជំរុញឱ្យមកចូលរួម ដើម្បីផ្លាស់ប្តូររូបអ្នក «The Next Move» លើវិថីសិល្បៈដែលអ្នកស្រមៃ នៅក្នុងការប្រកួតដើម្បីដណ្តើមពានជ័យលាភី និងមានឱកាសឈ្នះប្រាក់រង្វាន់សរុប រហូតដល់ ៥២,០០០,០០០ រៀល។

រង្វាន់ធំរួមមាន៖
-រង្វាន់ជ័យលាភីលេខ ១៖ ថវិកា ២០,០០០,០០០ រៀល
-រង្វាន់លំដាប់កំពូលទី ២៖ ថវិកា ១២,០០០,០០០ រៀល
-រង្វាន់លំដាប់កំពូលទី ៣៖ ថវិកា ៦,០០០,០០០ រៀល

បន្ថែមពីលើប្រាក់រង្វាន់ជាសាច់ប្រាក់ បេក្ខជនជ័យលាភីកំពូលទាំង ៣ រូប នឹងទទួលបានកញ្ចប់រង្វាន់ពិសេសពីក្រុមហ៊ុន មិត្តហ្វូន ដែលរួមមាន ស៊ីមកាត VIP លេខពិសេស តម្លៃ ១ពាន់ដុល្លារ ព្រមទាំងសេវាអ៊ីនធឺណិត Wi-Fi តាមផ្ទះដោយឥតគិតថ្លៃ រយៈពេល ១ ឆ្នាំពេញ។

រដូវកាលនេះ ក៏បានប្រមូលផ្តុំទៅដោយពិធីករ គណៈកម្មការ និងគ្រូបង្វឹកល្បីៗក្នុងប្រទេសផងដែរ។ ក្នុងនោះ លោក យ៉ារ៉ូ និងកញ្ញា បូ នីកា ដែលតារាដ៏មានប្រជាប្រិយភាព ក៏បានចូលខ្លួនធ្វើជាពិធីករនៃកម្មវិធី ខណៈដែលលោក ឆាយ (Chhay), អ៊ូរី (Woori) និង ឆោមឆាយ (Choum Chhay) ដែលគ្រប់គ្នាទទួលស្គាល់ថាជាអ្នកជំនាញរាំ និងជាគ្រូបង្វឹក និងមានបទពិសោធខ្ពស់ក្នុងវិស័យសិល្បៈរាំនេះ ក៏មានតួនាទីជាគណៈកម្មការ (Judge) និងជាគ្រូបង្វឹក (Mentors) ដើម្បីរួមដំណើរ និងដឹកដៃបេក្ខជនទាំងអស់ឱ្យលេចធ្លោក្នុងការប្រកួតនេះ។

លោក Le Duc Anh (ឡេ ឌឹក អាញ់) ប្រធានផ្នែកទីផ្សារ នៃក្រុមហ៊ុនមិត្តហ្វូន បានមានប្រសាសន៍ថា៖ «កម្មវិធី Metfone STARS រដូវកាលទី 3 The Next Move នឹងឆ្លុះបញ្ចាំងយ៉ាងច្បាស់ពីការប្តេជ្ញាចិត្តរបស់យើង ក្នុងការគាំទ្រដល់យុវជនជំនាន់ក្រោយរបស់កម្ពុជា ព្រមទាំងចូលរួមលើកកម្ពស់គំនិតច្នៃប្រឌិត របស់យុវជនមកពីគ្រប់តំបន់ទូទាំងប្រទេស។

លោក Le Duc Anh បានបន្ថែមទៀតថា Metfone STARS Season 3 គឺជា របត់ផ្លាស់ប្តូរទម្រង់កម្មវិធីថ្មីប្លែក បន្ទាប់ពីទទួលបានជោគជ័យយ៉ាងកក្រើក ក្នុងការជ្រោមជ្រែងអ្នកផលិតមាតិកាឌីជីថល (Content Creators) ក្នុងរដូវកាលទី ១ និងទី ២ រួចមក។ សម្រាប់រដូវកាលទី ៣ នេះ កម្មវិធីនឹងបង្វែរការផ្តោតអារម្មណ៍មកលើ «វិស័យសិល្បៈរាំ» វិញម្តង ក្រោមពាក្យស្លោកដ៏មានថាមពល #TheNextMove ។

កាន់តែពិសេសជាងនេះទៅទៀត រដូវកាលថ្មីនេះបង្កើតឡើងក្នុងគោលបំណង លើកស្ទួយភាពសម្បូរបែបនៃសិល្បៈរាំនៅកម្ពុជា ដែលរួមមានតាំងពីរបាំបុរាណខ្មែរ K-Pop និង Hip-Hop រហូតដល់ Street Dance ដ៏មានប្រជាប្រិយ។ មិនត្រឹមតែជាការប្រកួតនោះទេ ប៉ុន្តែកម្មវិធីនេះ គឺជាទីលានដ៏ធំមួយ ដែលបើកឱកាសឱ្យសហគមន៍អ្នករាំគ្រប់ទម្រង់ អាចជួបជុំគ្នា ផ្លាស់ប្តូរពិសោធ និងរីកចម្រើនទៅមុខជាមួយគ្នា។

តាមរយៈការប្រកួតប្រជែងនេះ ក្រុមហ៊ុនមិត្តហ្វូន ប្តេជ្ញាបង្កើតឱកាសបន្ថែមទៀតសម្រាប់យុវជនស្រលាញ់ការរាំ ក្នុងការចាប់យកក្តីស្រមៃ និងកសាងផ្លូវឆ្ពោះទៅកាន់អាជីពនាពេលអនាគតរបស់ពួកគេ។ ដោយមានការគាំទ្រពីបណ្តាញឌីជីថល ដ៏ទូលំទូលាយទូទាំងប្រទេសរបស់មិត្តហ្វូន និងទម្រង់ថ្មីនៃកម្មវិធី Metfone STARS ជាមួយនឹងទស្សនវិស័យភ្ជាប់ទំនាក់ទំនង ទេពកោសល្យយុវជនទៅកាន់ឱកាសថ្មីៗ ព្រមទាំងផ្តល់នូវឆាកសម្តែងកម្រិតស្តង់ដាមួយ ដើម្បីបង្ហាញសមត្ថភាពលេចធ្លោរបស់ពួកគេ ជូនដល់ទស្សនិកជននៅទូទាំងប្រទេសកម្ពុជា។

លើសពីនេះ ក្រុមហ៊ុនមិត្តហ្វូន សូមលើកទឹកចិត្តដល់យុវជនចេះរាំថ្មីថ្មោងទូទាំងប្រទេសកម្ពុជា ឱ្យចេះមកចាប់យកឱកាសមាសនេះ ក្នុងការបញ្ចេញនូវក្តីស្រឡាញ់ ទេពកោសល្យ និងគំនិតច្នៃប្រឌិតរបស់ខ្លួន ដើម្បីរួមដំណើរជាមួយ #TheNextMove ឱ្យទៅជាពេលវេលាដ៏មានតម្លៃក្នុងការឈានទៅកាន់អនាគតចែងចាំង។ សម្រាប់យុវជនដែលមានបំណងចូលរួមប្រកួតប្រជែង អាចដាក់ពាក្យចុះឈ្មោះតាមរយៈបណ្តាញទំនាក់ទំនងផ្លូវការរបស់មិត្តហ្វូន បានចាប់ពីថ្ងៃទី២៨ ខែសីហា ឆ្នាំ២០២៦ នេះតទៅ៕

ព័ត៌មានពាក់ព័ន្ធ

មើលព័ត៌មានថ្មីៗ

October 27, 2026

SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្ត

October 27, 2026

Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang Linghe

October 21, 2026

ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!

October 19, 2026

ទិញឡាន ឈ្នះផ្ទះវីឡា ឈ្នះឡាន ពី GAC CAMBODIA

អានក្នុង ១ នាទី

Home›អត្ថបទពាណិជ្ជកម្ម›កក្រើកជាថ្មី! មិត្តហ្វូនប្រកាសបើកសម្ពោធជាផ្លូវការកម្មវិធី Metfone STARS រដូវកាលទី៣ ក្រោមពាក្យស្លោក “The Next Move” នៅថ្ងៃទី២៨ ខែសីហា ឆ្នាំ២០២៦ ក្រុមហ៊ុន មិត្តហ្វូន បានប្រកាសជាផ្លូវការនៃការវិលត្រឡប់មកវិញ នៃកម្មវិធីប្រឡងសមត្ថភាពដ៏កក្រើក Metfone STARS រដូវកាលទ…

Market Snapshotមើលតម្លៃមាស · USD/KHR · Brent

មើល Market Dashboard →

ចែករំលែកព័ត៌មាននេះ

Facebook Telegram ចម្លងតំណ រក្សាទុក

សំណួរប្រចាំថ្ងៃ

តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?

វិជ្ជមានមិនប្រាកដអវិជ្ជមាន

អត្ថបទពាក់ព័ន្ធ

SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026ទិញឡាន ឈ្នះផ្ទះវីឡា ឈ្នះឡាន ពី GAC CAMBODIAOctober 19, 2026

ទទួលព័ត៌មានថ្មីៗពី DAP Businessតាមដានព័ត៌មានសេដ្ឋកិច្ច និង Market Dashboard រៀងរាល់ថ្ងៃ

តាមដាន Facebook Pageចូល Telegram Channelចូលទៅ Market Dashboard →