ការទន្ទឹងរង់ចាំរបស់ទស្សនិកជន អស់រយៈពេលកន្លះឆ្នាំ ដើម្បីដឹងថា នរណាជាអធិរាជ លំដាប់កំពូលបំផុត ក្នុងកម្មវីធីអធិរាជគុនខ្មែរ ISI PALM- ISI PIPE រដូវកាលទី២ ទម្ងន់៥៧គីឡូក្រាម នៅ PNN នឹងត្រូវបិទបញ្ចប់ នៅថ្ងៃអាទិត្យទី៥ ខែកក្កដា ឆ្នាំ២០២០ ចុងសប្ដាហ៍នេះហើយ នៅពេល វ៉ាន់ វឿន ឡើងតតាំងទល់នឹង អេលីត ចំរើន ក្នុងវគ្គផ្ដាច់ព្រ័ត្រ ដណ្ដើមខ្សែក្រវាត់មាស និងប្រាក់រង្វាន់ ៤០លានរៀល។
ខ្លាកំណាចទាំង២នេះ បានឆ្លងកាត់ និងឈ្នះឧបសគ្គធំៗ និងលំបាកៗជាច្រើនលើក ទម្រាំបោះជំហាន ឈានចូលមក ដល់ដំណាក់កាលចុងក្រោយ នៃសមរភូមិគុនខ្មែរ ដ៏កក្រើករញ្ជួយគ្មានពីរ នៅកម្ពុជានេះ។
សិស្សគុនក្លិបប៉ែនកាក់គុនខ្មែរ អេលីត ចំរើន បានចាប់ផ្ដើម ត្រួសត្រាយផ្លូវរបស់ខ្លួន មកកាន់ទីនេះដំបូងបង្អស់ ដោយបានប្រើជើងឆ្វេង ដ៏ធ្ងន់របស់គេ ទាត់កញ្ចឹងកឥន្ទ្រីឆ្លងដែន មកពីថៃ ឃុម ផាយ៉ាក់ ក្នុងទឹកទី២ កាលពីថ្ងៃទី២ ខែកុម្ភៈ ឆ្នាំ២០២០។ បន្ទាប់មក អ្នកស្នងគុនខ្មែរ មកពីស្រុកថ្មគោល ខេត្តបាត់ដំបង បានឆ្លងផុតរបាំង កាន់តែធំមួយទៀត ដោយផ្ដួល ឃុមភិឈិត តាមរយៈរន្ទះជើងឆ្វេង របស់គេជាថ្មី ក្នុងទឹកទី៣ កាលថ្ងៃទី១៦ខែមីនា ដេីម្បីគ្រងខ្សែក្រវាត់ប្រាក់ ជាស្ពានឈានមក វគ្គពាក់កណ្ដាលផ្ដាច់ព្រ័ត្រ ខ្សែក្រវាត់មាស ដែលគេបានឈ្នះពិន្ទុ យ៉ាងខ្ទរខ្ទារលើ ប៊ុន សុធា ជើងខ្លាំងកំពុងពេញល្បី ក្នុងថ្ងៃទី១៤ខែមិថុនា។
ចំណែក សិស្សគុនក្លិបឃ្លាំងមឿង កីឡាខេត្តពោធិ៍សាត់ វ៉ាន់ វឿន វិញ ក៏បានចាយប្រាជ្ញា កម្លាំង ញើស ឈាម មិនស្ទើរដែរមុន បានសិទ្ធិមកប៉ះ អេលីត ចំរើន នៅក្នុងវគ្គផ្ដាច់ព្រ័ត្រ ខ្សែក្រវាត់មាសនេះ។ កូនសិស្សលោក សុខ វិជ័យ រូបនេះបានចេញដេប៉ា ដោយជោគជ័យ ក្នុងជុំទី១ដោយប្រើជង្គង់ឆ្វេង បំបែកធុងទឹកកីឡាករថៃ ផាយ៉ាក់ អ៊ិនស៊ី ក្នុងទឹក២កាលពីថ្ងៃទី២៦ខែមករា។
២ដំណាក់កាលបន្ទាប់ គឺរឹតតែស្វិតស្វាញខ្លាំង សម្រាប់កីឡាករមានទីកំណើត នៅស្វាយរៀងរូបនេះ ព្រោះសុទ្ធតែ វាយពេញ៥ទឹក ទាំង២លើក ទល់នឹងជើងខ្លាំងគុនខ្មែរ ជួរមុខដូចគ្នា។ ប៉ុន្តែ ម្ចាស់មេដាយ សំរឹទ្ធស៊ីហ្គេម២ជំនាន់ តែងតែទទួលបានលទ្ធផល គាប់ចិត្ត ពោល ឈ្នះពិន្ទុលើ លៀប រដ្ឋា យកខ្សែក្រវាត់ ប្រាក់កាលថ្ងៃទី៣១ខែឧសភា ទោះបីត្រូវបានអាជ្ញាកណ្ដាល រាប់ម្ដងក្នុងទឹកទី១ក្ដី។ ហើយកាលថ្ងៃទី២១ ខែមិថុនា កីឡាករឈ្មោះក្រៅបញ្ជីជាតិ សុខ ទូ បានឈ្នះពិន្ទុ អេ ណារ័ត្ន ដើម្បីឆក់យកកៅអីមកប៉ះ អេលីត ចំរើន ពេលនេះ។ វ៉ាន់ វឿន និយាយថា អេលីត ចំរើន ជាកីឡាករវាយឆ្លាត និងពូកែទាត់ ហើយមានកម្ពស់ខ្ពស់ជាង តែគេមិនភ័យខ្លាចឡើយ។ ផ្ទុយទៅវិញ វឿន ផ្ដោតចម្បងលើការពង្រឹង កម្លាំងស៊ុហ្វ និងបច្ចេកទេសផ្ទាល់ខ្លួន ដើម្បីយកឈ្នះ ចំរើន។ សម្រាប់ វឿន ក្ដីសង្ឃឹមឈ្នះគឺ៥០-៥០។
លេីសពីនេះ វឿន ចង់បន្តរក្សាកំណត់ត្រា មិនចាញ់ ជាង១០ប្រកួតចុងក្រោយ ជាប់គ្នាឱ្យបានបន្តទៀត។ ចំណែក ចំរើន វិញក៏មិនហ៊ានមើលស្រាល វ៉ាន់ វឿន ឡើយ ដោយជំនួសមកវិញជាមួយ ពាក្យសរសើរចំពោះ ភាពឈ្លាសវៃរបស់ វឿន ថាបត់បែនស្នៀតប្រយុទ្ធបានល្អ តាមប្រភេទគូប្រកួត និងមានកែងដ៏គ្រោះថ្នាក់ ដែលផ្ដល់ស្នាមបែកលើ ផ្ទៃមុខសឹងគ្រប់គូបដិបក្ខរបស់គេ។
ទោះយ៉ាងណា ចំរើន ប្រាថ្នាយកខ្សែក្រវាត់មាស ឱ្យបាន។ ដូច្នេះ សូមរង់ចាំទស្សនាកុំបីអាក់ខាន វគ្គផ្ដាច់ព្រ័ត្រខ្សែក្រវាត់មាស អធិរាជគុនខ្មែរ ISI PALM-ISI PIPE ទម្ងន់៥៧គីឡូក្រាម រវាង អេលីត ចំរើន ទល់នឹង វ៉ាន់ វឿន នាថ្ងៃអាទិត្យទី៥ខែកក្ដដាឆ្នាំ២០២០ លើកញ្ចក់ទូរទស្សន៍ភីអិនអិន, ផេកហ្វេសប៊ុក PNN Sports, ផេកហ្វេសប៊ុក ISI STEEL និងផេកដទៃទៀត។
ក្នុងថ្ងៃជាមួយគ្នានោះដែរ ក៏មានគូមិត្តភាព ដ៏រំជើបរំជួលរវាង រឿង សោភ័ណ្ឌ និងជើងខ្លាំងជនជាតិ អង់គ្លេស Max Shaw និងគូថ្នាល ជាច្រើនគូទៀត។ លើសពីនេះ ក៏មានឈុតសម្ដែង ពិសេសពីក្រុម សិល្បករកំដរកម្មវីធី មុនដល់គូផ្ដាច់ព្រ័ត្រទៀតផង៕
ទស្សនាវីដេអូសូមចុច៖https://www.facebook.com/PNNTVCambodia/videos/1472069326334386/
Home›ព័ត៌មានចុងក្រោយ›វ៉ាន់ វឿន និង អេលីត ចំរើន ត្រៀមរួចរាល់ ដើម្បីដណ្ដើម ខ្សែក្រវាត់មាស អធិរាជគុនខ្មែរ ISI PALM- ISI PIPE ថ្ងៃទី៥ កក្ដដានេះ ការទន្ទឹងរង់ចាំរបស់ទស្សនិកជន អស់រយៈពេលកន្លះឆ្នាំ ដើម្បីដឹងថា នរណាជាអធិរាជ លំដាប់កំពូលបំផុត ក្នុងកម្មវីធីអធិរាជគុនខ្មែរ ISI PALM- ISI PIPE …
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាមOctober 23, 2026
