ព្រះសីហនុ៖ លោកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ នៅថ្ងៃទី០២ ខែមេសា ឆ្នាំ២០២៣នេះ បានជួយក្មួយស្រីម្នាក់ ពុំមានលទ្ធភាពដោះដែកចេញពីជើង បន្ទាប់ពីជួបគ្រោះថ្នាក់ចរាចរណ៍ កាលពី២០២១ ហើយមកស្នើសុំឲ្យលោកឧកញ៉ា ជួយជាលើកទី២ បន្ទាប់ពីលោកឧកញ៉ា បានជួយកាលពេលជួបគ្រោះថ្នាក់ភ្លាមៗ ។
ក្មួយស្រីរូបនេះ មានឈ្មោះ ណាង សុខពៅ ភេទស្រី បច្ចុប្បន្នអាយុ១៥ឆ្នាំ មុខរបរជាសិស្ស បានជួបគ្រោះថ្នាក់ចរាចរណ៍ រងរបួសបាក់ជើងធ្ងន់ធ្ងរ កាលពីថ្ងៃទី២៩ ខែតុលា ឆ្នាំ២០២១ ដោយកាលនោះ លោកឧកញ៉ា ទៀ វិចិត្រ ក៏បានបញ្ជូលអូប័រដឹកក្មេងស្រីរូបនេះ មកព្យាបាលនៅក្រុងព្រះសីហនុ ហើយចេញថ្លៃព្យាបាលទាំងស្រុងផងដែរ។
ដោយពិនិត្យឃើញថាគ្រួសារក្មេងស្រីនេះខ្វះខាតខ្លាំង លោកឧកញ៉ា ក៏បានចេញថវិកាទាំងស្រុង ជាលើកទី២ ដើម្បីជួយក្មួយស្រី ដើម្បីដោះយកដែកចេញ បន្ទាប់ពីព្យាបាលកាលពីជួបគ្រោះថ្នាក់ចរាចរណ៍តាំងពីឆ្នាំ២០២១។
លោកឧកញ៉ា ទៀ វិចិត្រ មានប្រសាសន៍បញ្ជាក់ថា តាមពិតទៅក្មេងនេះ ត្រូវដោះយកដែកចេញតាំងពីឆ្នាំ២០២២ ប៉ុន្តែដោយសារគ្មានលទ្ធភាព ខ្វះថវិកា ក៏ពន្យាពេលមកដល់ពេលនេះ និងថាក្រោយទទួលដំណឹងនេះ លោកឧកញ៉ា ក៏បានឧបត្ថម្ភថវិកាជាលើកទី២ ជួយដល់ការវះកាត់យកដែកចេញ តាមបច្ចេកទេសពេទ្យ ដោយលោកឧកញ៉ា ទទួលរ៉ាប់រងចំណាយទាំងស្រុង។
បច្ចុប្បន្នក្មេងរូបនេះជាមួយនឹងក្រុមគ្រួសារ ត្រូវបានលោកឧកញ៉ា ទៀ វិចិត្រ ឲ្យក្រុមការងារដឹកតាមអូប័រល្បឿនលឿនរបស់ក្រុមហ៊ុន ទៅលំនៅដ្ឋាននៅកោះរ៉ុងវិញហើយ។
តំណាងគ្រួសារក្មេងស្រី បានថ្លែងអំណរគុណយ៉ាងជ្រាលជ្រៅបំផុត និងជូនពរសព្ទ័សារធុការ ជូនចំពោះលោកឧកញ៉ា ទៀ វិចិត្រ និងលោកជំទាវ ដែលបានឧបត្ថម្ភថវិកាជាលើកទី២ ក្នុងការជួយព្យាបាលដល់ក្មេងស្រីខាងលើ៕
Home›ព័ត៌មានចុងក្រោយ›ឧកញ៉ា ទៀ វិចិត្រ ឧបត្ថម្ភថវិកា លើការព្យាបាល ជាលើកទី២ ដល់ក្មេងស្រីម្នាក់ ដែលជួបគ្រោះថ្នាក់ចរាចរណ៍បាក់ជើង មិនមានលទ្ធភាពដកដែកចេញវិញ ព្រះសីហនុ៖ លោកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ នៅថ្ងៃទី០២ ខែ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាមOctober 23, 2026
