ភ្នំពេញ ថ្ងៃទី 27 ខែមេសា ឆ្នាំ 2023៖ ស្របៀរពិសេសកំពុងផលិតនៅ អាគារ Vattanac Capital Lifestyle Park: ហាង 11° ដែលជាភោជនីយដ្ឋានបែបសហសម័យ និងកន្លែងផលិតស្រាបៀរខ្នាតតូច ចាប់ផ្ដើមបើកដំណើរការហើយ ជាមួយនឹងស្រាបៀរ Craft Beer ដំបូងបំផុតរបស់ខ្លួន ដែលត្រៀមរួចជាស្រេចដើម្បីបម្រើអតិថិជន ចាប់ពីថ្ងៃទី01 ខែឧសភា ឆ្នាំ 2023 នេះតទៅ។ ស្រាបៀរ Craft Beer នេះនឹងមានផ្ដល់ជូនកាន់តែច្រើននៅក្នុងរយៈពេលប៉ុន្មានខែខាងមុខនេះ ហើយនឹងត្រូវបានបម្រើជូនរួមជាមួយការផ្តល់ជូនពិសេសចំនួន 3 របស់ Vattanac Brewery ព្រមទាំងមុខម្ហូប និងអាហារសម្រន់បែប gastropub ផងដែរ។ ជាងនេះទៅទៀត ជាមួយនឹងរចនាបទក្នុងហាងប្រកបដោយផាសុកភាព និងធំទូលាយ អេក្រង់ទូរទស្សន៍ជាច្រើន រួមទាំងឆាកផងដែរនោះ ហាង 11° ត្រូវបានចាត់ទុកជាកន្លែងដ៏សក្ដិសមមួយសម្រាប់ពិសារ អាហារថ្ងៃត្រង់ ភេសជ្ជៈក្រោយម៉ោងធ្វើការ ទស្សនាកម្សាន្តព្រឹត្តិការណ៍កីឡា និងតន្ត្រីបន្តផ្ទាល់ផងដែរ។ ទីនេះគឺជាហាងលក់ទំនិញ និងកន្លែងកម្សាន្តដែលមានការរីកចម្រើនយ៉ាងឆាប់រហ័ស ហើយបន្តិចទៀតនេះក៏នឹងមានវត្តមានសមាជិកថ្មីៗបន្ថែមទៀត ដូចជាភោជនីយដ្ឋាន Omakase លំដាប់ជាន់ខ្ពស់ និងហាងសាច់អាំង BBQ បែបកូរ៉េទំនើប។
11° Brewpub គឺជាឈ្មោះដែលយកចេញពីសីតុណ្ហភាពល្អបំផុតសម្រាប់ដំណើរការផលិតស្រាបៀរគឺ ដប់មួយអង្សាសេ។ អ្វីដែលគួរឱ្យចាប់អារម្មណ៍នោះគឺ ភ្នំពេញមានទីតាំងដែលស្ថិតនៅរយៈទទឹងទី11o ខាងជើងខ្សែអេក្វាទ័រ ដែលសក្ដិសមបំផុត ហើយក៏ជាទីក្រុងដែលប្រជាជនគ្រប់ស្រទាប់វណ្ណៈ និងឋានៈសង្គមនិយមចូលចិត្តពិសាស្រាបៀរ។ ចំណុចនេះក៏ជាប់ពាក់ព័ន្ធផងដែរ ដោយសារតែ ហាង 11° មានបច្ចេកទេសបិតស្រាប្រចាំហាងរបស់ខ្លួនពោរពេញទៅដោយការច្នៃប្រឌិត ដោយផលិតនៅទីកន្លែងតូចដែលខាងមុខគឺជាកញ្ចក់ ដែលភ្ញៀវអាចទស្សនាអំពីការផលិតភេសជ្ជៈរបស់ពួកគាត់ ចាប់ពីផ្កាហប់រហូតដល់ពេលបង្ហូរចូលក្នុងកែវតែម្ដង។
លោក Master Brewer Clement Gan កើតនៅប្រទេសសិង្ហបុរី នេះជាលើកដំបូងដែលលោកបានធ្វើឱ្យមានការកោតសរសើរចំពោះសិល្បៈនៃការផលិតអាហារផ្អាប់ ក្នុងនាមជាបញ្ញវន្តនៃសាកលវិទ្យាល័យជាតិនៅប្រទេសកូរ៉េខាងត្បូងដែលចាប់អារម្មណ៍ចំពោះដំណើរការធ្វើគីមឈី។ ស្រាបៀរក៏ត្រូវបានផលិតឡើងតាមរបៀបស្រដៀងគ្នាដែរ ហើយលោក Clement បានចាប់អារម្មណ៍ភ្លាមៗតែម្តង ចំពោះការអនុវត្តន៍វិទ្យាសាស្ត្រអាហារ ការច្នៃប្រឌិត និងអាហាសិល្បៈនេះ។ គាត់បានចាប់ផ្តើមអាជីពរបស់គាត់នៅរោងចក្រផលិតស្រាបៀរដំបូង នៅ Galmegi Brewing ក្នុងទីក្រុងប៊ូសាន ប្រទេសកូរ៉េខាងត្បូង មុនពេលផ្លាស់ទៅ Brewerkz ដែលជារោងចក្រផលិតស្រាបៀរខ្នាតតូចដែលដំណើរការបានយូរបំផុតនៅប្រទេសសិង្ហបុរី។
នៅក្នុងទីក្រុងភ្នំពេញ លោក Clement និងក្រុមការងារនៅ ហាង 11° មានគោលបំណងបង្កើតកន្លែងដ៏ពិសេសមួយ ដោយរួមបញ្ចូលគ្នានូវភាពច្នៃប្រឌិត និងរចនាបទប្លែកៗដែលផ្ដល់នូវផាសុកភាព និងបដិសណ្ឋារកិច្ចបែបជំនាន់ដើមជូនដល់អតិថិជន។ និយាយអំពីស្រាបៀរ លោក Clement បានលើកឡើងថា៖
“ខ្ញុំចង់ពាំនាំនូវអ្វីដែលប្លែក ដែលប្រហែលជាយើងនឹងដាក់បញ្ចូលគ្រឿងផ្សំខ្មែរដូចជា ម្រេចកំពតអាចជាអ្វីដែលរឹតតែប្លែកថែមមួយកម្រិតទៀតដូចជាម៉ាស្មេលឡូ នោះគឺស្រាបៀរ Craft Beer!
ទីមួយគឺស្រាបៀរដែលនឹងក្លាយជា ប៊ីយែរកម្រិតមាស ដែលបង្ហាញខ្លួននៅលើឆាកតន្រ្តី ដូចជា Vivaldi’s Spring ជាដើម។ វាសក្ដិសមនឹងស្ថានភាពហាងរបស់យើង ទាំងទាន់សម័យ ផ្ដល់ភាពស្រស់ស្រាយ ហើយសង្ឃឹមថានឹងធ្វើឱ្យអ្នកពិសាជាប់ចិត្ត ហើយក៏នឹងទាក់ទាញចំណាប់អារម្មណ៍របស់អ្នកលេង Instagram ផងដែរ។
កំណត់ចំណាំចំពោះអ្នកកែសម្រួល៖
– ហាង 11° បានបើកសម្ពោធជាផ្លូវការនៅថ្ងៃទី 17 ខែមេសា ឆ្នាំ 2023 ហើយនឹងដាក់លក់ស្រាបៀរ craft ដំបូងរបស់ខ្លួននៅថ្ងៃទី01 ខែឧសភា ឆ្នាំ 2023។
– ជាដំបូង ហាង 11° នឹងបើកពីម៉ោង 4 រសៀល ដល់ 11 យប់ ថ្ងៃចន្ទ ដល់ ថ្ងៃព្រហស្បតិ៍ និង ម៉ោង 11.30 ព្រឹក ដល់ 11 យប់ ថ្ងៃសុក្រ សៅរ៍ និងអាទិត្យ។ អាហារមានបម្រើជូនចាប់ពីម៉ោង 11.30 ព្រឹក ដល់ 2.30 រសៀល និងចាប់ពី 4 រសៀល ដល់ 11 យប់។
Home›ព័ត៌មានចុងក្រោយ›កន្លែងដែលយើងជួបជុំ ញ៉ាំស្រាបៀរដោយភាពរីករាយ៖ ហាងស្រាច្នៃប្រឌិតថ្មី ហាង 11° នឹងចាប់បើកនៅខែមេសា ឆ្នាំ 2023 នេះហើយ ភ្នំពេញ ថ្ងៃទី 27 ខែមេសា ឆ្នាំ 2023៖ ស្របៀរពិសេសកំពុងផលិតនៅ អាគារ Vattanac Capital Lifestyle Park: ហាង 11° ដែលជាភោជនីយដ្ឋានបែបសហសម័យ និងកន្លែងផលិ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាមOctober 23, 2026
