ក្រុមហ៊ុន Vietjet ទទួលបានកិត្តិយសក្នុងចំណោមម៉ាកយីហោក្រុមហ៊ុនអាកាសចរណ៍ដ៏មានតម្លៃបំផុតរបស់អាស៊ាន ឈានមុខគេក្នុងឧស្សាហកម្មអាកាសចរណ៍វៀតណាម

ភ្នំពេញ៖ ថ្ងៃទី១១ ខែវិច្ឆិកា ឆ្នាំ២០២៥ – ក្រុមហ៊ុន Vietjet ត្រូវបានទទួលស្គាល់ ថាជាម៉ាកយីហោក្រុមហ៊ុនអាកាសចរណ៍ដ៏មានតម្លៃបំផុតមួយរបស់អាស៊ីអាគ្នេយ៍ និងជាម៉ាកយីហោក្រុមហ៊ុនអាកាសចរណ៍ដ៏មានតម្លៃបំផុតនៅក្នុងប្រទេសវៀតណាមសម្រាប់ឆ្នាំ២០២៥ ដោយ Brand Finance ដែលជាក្រុមហ៊ុនប្រឹក្សាយោបល់វាយតម្លៃម៉ាកយីហោឈានមុខគេរបស់ពិភពលោក។ ការទទួលការទទួលស្គាល់ដ៏មានកិតិ្តយសថ្មីៗនេះបញ្ជាក់ពីជំហររបស់ Vietjet ក្នុងនាមជាក្រុមហ៊ុនអាកាសចរណ៍ឈានមុខគេមួយដែលភ្ជាប់អ្នកដំណើរពីប្រទេសកម្ពុជាជាមួយប្រទេសវៀតណាម និងគោលដៅសំខាន់ៗជាច្រើននៅអាស៊ីប៉ាស៊ីហ្វិក។

ក្រុមហ៊ុន Vietjet ត្រូវបានចុះបញ្ជីក្នុងចំណោមម៉ាកយីហោក្រុមហ៊ុនអាកាសចរណ៍ដ៏មានតម្លៃបំផុតទាំងប្រាំមួយនៅក្នុងតំបន់អាស៊ាននៅឆ្នាំនេះ ដោយឈរជាលំដាប់ក្នុងក្រុមហ៊ុនអាកាសចរណ៍ធំៗក្នុងតំបន់ ដូចជាក្រុមហ៊ុនអាកាសចរណ៍សិង្ហបុរី ក្រុមហ៊ុនអាកាសចរណ៍ម៉ាឡេស៊ី និងក្រុមហ៊ុនអាកាសចរណ៍ជាច្រើនទៀត។ ក្រុមហ៊ុនអាកាសចរណ៍នេះ ត្រូវបានទទួលស្គាល់ថាជាក្រុមហ៊ុនដែលមានម៉ាកយីហោដ៏លេចធ្លោរបស់ខ្លួន និងកេរ្តិ៍ឈ្មោះល្បីរន្ទឺជាអន្តរជាតិដែលកំពុងកើនឡើងនៅលើផែនទីអាកាសចរណ៍សកល។

ជាមួយនឹងបណ្តាញអន្តរជាតិដែលកំពុងពង្រីកយ៉ាងឆាប់រហ័ស និងការផ្តល់ជូនការបញ្ចុះតម្លៃពិសេសដ៏ទាក់ទាញជាញឹកញាប់ពេញមួយឆ្នាំ ក្រុមហ៊ុនអាកាសចរណ៍ Vietjet បន្តភ្ជាប់អ្នកដំណើរពីប្រទេសកម្ពុជាកាន់តែច្រើនទៅកាន់ប្រទេសវៀតណាម និងគោលដៅអន្តរជាតិជាច្រើន តាមរយៈសេវាកម្មហោះហើរត្រង់ពីសៀមរាបទៅហាណូយ។ ក្នុងរយៈពេលប៉ុន្មានឆ្នាំមកនេះ ក្រុមហ៊ុនអាកាសចរណ៍ Vietjet បានក្លាយជាអ្នកដើរតួនាទីយ៉ាងសំខាន់ក្នុងការលើកកម្ពស់ការផ្លាស់ប្តូរទេសចរណ៍ អាជីវកម្ម និងវប្បធម៌រវាងប្រទេសកម្ពុជា និងវៀតណាម និងទូទាំងអាស៊ី។

ក្រុមហ៊ុនអាកាសចរណ៍ Vietjet បានពង្រីកបណ្តាញហោះហើររបស់ខ្លួនជាបន្តបន្ទាប់ វិនិយោគលើកងនាវាអាកាសចរទំនើបៗ និងធ្វើពិពិធកម្មសេវាកម្មរបស់ខ្លួន ដើម្បីផ្តល់ជូននូវបទពិសោធន៍ធ្វើដំណើរប្រកបដោយផាសុកភាព រួសរាយរាក់ទាក់ និងអាចបត់បែនបានសម្រាប់អ្នកដំណើរ។ សម្រាប់រយៈពេលប្រាំបួនខែដំបូងនៃឆ្នាំ ២០២៥ ក្រុមហ៊ុន Vietjet បានរាយការណ៍ពីប្រាក់ចំណូលចំនួន ៥២,៣២៩ ពាន់ពាន់លានដុង (ប្រហែល ២ ពាន់លានដុល្លារអាមេរិក) ប្រាក់ចំណេញសរុបចំនួន ៦,៧២៤ ពាន់ពាន់លានដុង (ប្រហែល ២៥៩ លានដុល្លារអាមេរិក) និងប្រាក់ចំណេញមុនបង់ពន្ធចំនួន ១,៩៨៧ ពាន់ពាន់លានដុង (ប្រហែល ៧៥,5 លានដុល្លារអាមេរិក) កើនឡើង ២៨ ភាគយ ពីមួយឆ្នាំទៅមួយឆ្នាំ។ តម្លៃរបស់ក្រុមហ៊ុនបានបន្តកើនឡើងជាលំដាប់។ គិតត្រឹមថ្ងៃទី ៧ ខែវិច្ឆិកា ឆ្នាំ ២០២៥ មូលធននីយកម្មទីផ្សាររបស់ក្រុមហ៊ុនអាកាសចរណ៍បានឈានដល់ជិត ១០៥,៣ ពាន់ពាន់លានដុង (ប្រហែល ៤ ពាន់លានដុល្លារអាមេរិក)។ ដោយប្រតិបត្តិការយន្តហោះចំនួន ១៣០ គ្រឿងលើផ្លូវហោះហើរជាង ១៧០ ខ្សែ ក្រុមហ៊ុន Vietjet បានបម្រើអ្នកដំណើរជាង ២៥០ លាននាក់នៅទូទាំងតំបន់អាស៊ីប៉ាស៊ីហ្វិករហូតមកដល់បច្ចុប្បន្ននេះ។

ដោយផ្អែកលើលទ្ធផលហិរញ្ញវត្ថុដ៏រឹងមាំរបស់ខ្លួន ក្រុមហ៊ុនអាកាសចរណ៍ Vietjet កំពុងវិវត្តទៅជាក្រុមហ៊ុនអាកាសចរណ៍សកល ជាមួយនឹងការបញ្ជាទិញយន្តហោះថ្មីៗរាប់រយគ្រឿង បណ្តាញហោះហើរអន្តរទ្វីបក៏កំពុងបន្តពង្រីក និងគំនិតផ្តួចផ្តើមនិរន្តរភាពជាបន្តបន្ទាប់ ជួយពង្រឹងការប្តេជ្ញាចិត្តរបស់ខ្លួនចំពោះគំរូក្រុមហ៊ុនអាកាសចរណ៍បង្កើនភាពបៃតងជាងមុន និងត្រៀមខ្លួនរួចជាស្រេចសម្រាប់អនាគត។

អ្នកស្រី Ho Ngoc Yen Phuong ជាអនុប្រធាន ប្រធានផ្នែកហិរញ្ញវត្ថុ និងជាសមាជិកក្រុមប្រឹក្សាភិបាលរបស់ក្រុមហ៊ុន Vietjet បានមានប្រសាសន៍ថា៖ “កំណើនតម្លៃម៉ាកយីហោជាបន្តបន្ទាប់របស់យើង ឆ្លុះបញ្ចាំងពីទំនុកចិត្តរបស់អតិថិជន វិនិយោគិន និងដៃគូអន្តរជាតិនានាចំពោះក្រុមហ៊ុន Vietjet”។ “យើងនឹងបន្តផ្តល់ជូននូវបទពិសោធន៍ធ្វើដំណើរចម្រុះ ងាយស្រួល និងមានតម្លៃសមរម្យដល់អ្នកដំណើររបស់យើង ខណៈពេលដែលកំពុងបង្កើនគុណតម្លៃ និងគោលជំហររបស់ប្រទេសវៀតណាមបន្ថែមទៀតនៅក្នុងបរិបទអាកាសចរណ៍សកល”។

កាលពីដើមឆ្នាំនេះ Vietjet ទទួលបានពានរង្វាន់ធំក្នុងប្រភេទទេសចរណ៍នៅឯពានរង្វាន់អាជីវកម្មអាស៊ានឆ្នាំ ២០២៥ និងទទួលបានកិត្តិយសអន្តរជាតិដ៏មានកិត្យានុភាពជាច្រើនពីក្រុមហ៊ុន Skytrax, AirlineRatings និង World Travel Awards។

Brand Finance ដែលជាក្រុមហ៊ុនប្រឹក្សាយោបល់ផ្នែកវាយតម្លៃម៉ាកយីហោ និងហិរញ្ញវត្ថុឈានមុខគេរបស់ពិភពលោក ត្រូវបានបង្កើតឡើងក្នុងឆ្នាំ ១៩៩៦ និងមានទីស្នាក់ការកណ្តាលនៅទីក្រុងឡុងដ៍ ចក្រភពអង់គ្លេស ធ្វើប្រតិបត្តិការនៅក្នុងប្រទេសជាង ២៥ ទូទាំងពិភពលោក។ ជារៀងរាល់ឆ្នាំ Brand Finance ធ្វើការវាយតម្លៃម៉ាកយីហោជាង ៦០០០ នៅទូទាំងពិភពលោក។ ការធ្វើចំណាត់ថ្នាក់របស់ Brand Finance ត្រូវបានបង្កើតឡើងដោយផ្អែកលើស្តង់ដារ និងវិធីសាស្រ្តដែលទទួលស្គាល់ជាអន្តរជាតិ ដោយវាយតម្លៃម៉ាកយីហោដោយផ្អែកលើការអនុវត្តអាជីវកម្ម ឥទ្ធិពល ការវិនិយោគទីផ្សារ និងរង្វាស់កេរ្តិ៍ឈ្មោះសំខាន់ៗផ្សេងទៀត ដើម្បីឆ្លុះបញ្ចាំងពីមាត្រដ្ឋាន ការប្រកួតប្រជែង និងតម្លៃពិតប្រាកដរបស់ម៉ាកយីហោនៅក្នុងទីផ្សារពិភពលោក។

ព័ត៌មានពាក់ព័ន្ធ

មើលព័ត៌មានថ្មីៗ

October 27, 2026

អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្ត

October 27, 2026

Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ី

October 26, 2026

អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយ

October 23, 2026

Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាម

អានក្នុង ១ នាទី

Home›ព័ត៌មានចុងក្រោយ›ក្រុមហ៊ុន Vietjet ទទួលបានកិត្តិយសក្នុងចំណោមម៉ាកយីហោក្រុមហ៊ុនអាកាសចរណ៍ដ៏មានតម្លៃបំផុតរបស់អាស៊ាន ឈានមុខគេក្នុងឧស្សាហកម្មអាកាសចរណ៍វៀតណាម ភ្នំពេញ៖ ថ្ងៃទី១១ ខែវិច្ឆិកា ឆ្នាំ២០២៥ – ក្រុមហ៊ុន Vietjet ត្រូវបានទទួលស្គាល់ ថាជាម៉ាកយីហោក្រុមហ៊ុនអាកាសចរណ៍ដ៏មានតម្លៃបំផុតមួ…

Market Snapshotមើលតម្លៃមាស · USD/KHR · Brent

មើល Market Dashboard →

ចែករំលែកព័ត៌មាននេះ

Facebook Telegram ចម្លងតំណ រក្សាទុក

សំណួរប្រចាំថ្ងៃ

តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?

វិជ្ជមានមិនប្រាកដអវិជ្ជមាន

អត្ថបទពាក់ព័ន្ធ

អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាមOctober 23, 2026

ទទួលព័ត៌មានថ្មីៗពី DAP Businessតាមដានព័ត៌មានសេដ្ឋកិច្ច និង Market Dashboard រៀងរាល់ថ្ងៃ

តាមដាន Facebook Pageចូល Telegram Channelចូលទៅ Market Dashboard →