អត្ថប្រយោជន៍ ៧ យ៉ាង ដែលក្រុមហ៊ុនអាកាសចរណ៍ Emirates  កំពុងធ្វើឱ្យប្រសើរឡើងសម្រាប់ដំណើរកម្សាន្តរបស់អ្នកដំណើរកម្ពុជា

ភ្នំពេញ៖​ ភ្ញៀវទេសចរដែលធ្វើដំណើរជាមួយ     ក្រុមហ៊ុនអាកាសចរណ៍ Emirates ទៅនិងមកពីប្រទេសកម្ពុជា នឹងទទួលបាន បទពិសោធន៍កាន់តែច្រើនសម្រាប់ដំណើរកម្សាន្តបន្ទាប់របស់លោកអ្នក។ ការផ្តល់ជូននូវគុណតម្លៃកាន់តែប្រសើរ ការតភ្ជាប់ការធ្វើដំណើរដោយរលូន និងសេវាកម្មដល់គ្រួសារដែលមានការគិតគូរខ្ពស់ ព្រមទាំងកម្មវិធីសមាជិកភាពដែល​ត្រូវបានរៀបចំឡើងជាពិសេស ជូនចំពោះអ្នកដំណើរ។ ខាងក្រោមជាសេចក្តីសង្ខេបនៃអត្ថប្រយោជន៍ទាំង ៧​ យ៉ាង៖

១. ផ្តល់គុណតម្លៃកាន់តែច្រើនពីកម្មវិធី Skywards

Emirates Skywards ជាកម្មវិធីសមាជិកភាព ដែលទទួលបានពានរង្វាន់របស់ Emirates និង flydubai កំពុងផ្តល់ជូននូវការប្ដូរយកពិន្ទុជាពិសេសសម្រាប់ការធ្វើដំណើរនារដូវក្តៅនេះ។ សមាជិកនៅប្រទេសកម្ពុជា និងទូទាំងពិភពលោក អាចទទួលបានអត្ថប្រយោជន៍ជាច្រើនពីការប្ដូរយកពិន្ទុបន្ថែមតាមរយៈ៖

• Skywards Everyday
• Skywards Miles Mall
• The Emirates Official Store
• Dubai Duty Free
• marhaba Airport Meet & Greet services

ការផ្តល់ជូននេះ មានសុពលភាពរហូតដល់ថ្ងៃទី៣០ ខែកញ្ញា ឆ្នាំ២០២៦ ដោយអនុញ្ញាតឱ្យសមាជិកទាំងអស់ ទទួលបានអត្ថប្រយោន៏ជាច្រើនពីការប្រើប្រាស់ពិន្ទុំសន្សំទៅលើរាល់ការចំណាយប្រចាំថ្ងៃ ការទិញទំនិញ និងការធ្វើដំណើរ។

២. បទពិសោធន៍ធ្វើដំណើរដែលរៀបចំឡើងយ៉ាងយកចិត្តទុកដាក់សម្រាប់គ្រួសារ
ក្រុមហ៊ុនអាកាសចរណ៍ Emirates បន្តកំណត់ស្តង់ដារឈានមុខគេសម្រាប់ការធ្វើដំណើរដែលគិតគូរដល់គ្រួសារ ដោយផ្តល់ជូននូវបទពិសោធន៍ប្រកបដោយការចិត្តទុកដាក់លើគ្រប់ដំណាក់កាលនៃការធ្វើដំណើរ រួមមាន៖

• អាហារសម្រាប់កុមារដែលរៀបចំឡើងជាពិសេស
• អាហារទារក និងសម្ភារៈចាំបាច់សម្រាប់ទារកដោយឥតគិតថ្លៃ
• កន្លែងសម្រាប់ប្តូរសំលៀកបំពាក់ទារក
• កម្មវិធីកម្សាន្តសម្រាប់កុមារ
• ខ្នើយ និងភួយដ៏មានផាសុកភាព
• កញ្ចប់សកម្មភាពសមស្របតាមអាយុ

៣. សេវាអមដំណើរកុមារ ការថែទាំដែលអាចទុកចិត្តបានសម្រាប់អ្នកដំណើរវ័យក្មេងដែលធ្វើដំណើរតែម្នាក់ឯង

នៅពេលដែលគ្រួសារខ្មែរកំពុងរៀបចំផែនការដំណើរកម្សាន្តនារដូវកាលឈប់សម្រាក និងត្រៀមជូនដំណើរកូនៗរបស់ខ្លួន ទៅកាន់ប្រទេសក្រៅសម្រាប់ការសិក្សា កម្មវិធីបោះជំរុំ ឬទៅជួបជុំសាច់ញាតិជាទីស្រឡាញ់ ក្រុមហ៊ុនអាកាសចរណ៍ Emirates កំពុងត្រៀមខ្លួនរួចជាស្រេចក្នុងកំឡុងពេលដ៏មមាញឹកបំផុតនេះដើម្បីសម្របសម្រួលដល់ការធ្វើដំណើររបស់កុមារទាំងនោះតាមរយៈសេវា Unaccompanied Minors Service ដែលជាសេវាកម្មមួយដែលឈ្នះពានរង្វាន់ផងដែរ។ សេវាកម្មនេះត្រូវបានបង្កើតឡើងដើម្បីផ្តល់ទំនុកចិត្តយ៉ាងពេញលេញដល់ឪពុកម្តាយ ដោយធានាថាអ្នកធ្វើដំណើរវ័យក្មេងទាំងនោះទទួលបានការយកចិត្តទុកដាក់យ៉ាងខ្ជាប់ខ្ជួន និងការគាំពារនៅគ្រប់ដំណាក់កាលនៃការធ្វើដំណើររបស់ពួកគេតាំងពីពេលចុះឈ្មោះរហូតដល់ការការចុះចត។

ក្នុងរយៈពេលប្រាំឆ្នាំកន្លងមកនេះ កុមារជាង ២៥ម៉ឺននាក់ បានធ្វើដំណើរដោយឯករាជ្យជាមួយ Emirates តាមរយៈសេវាអមដំណើរកុមារ  និងអ្នកដំណើរវ័យក្មេង ដែលបង្ហាញពីទំនុកចិត្តរបស់គ្រួសារនានាជុំវិញពិភពលោកចំពោះក្រុមហ៊ុនអាកាសចរណ៍។ ភាគច្រើននៃអ្នកធ្វើដំណើរវ័យក្មេងទាំងនេះមានអាយុ ១១ ឆ្នាំ ឬក្រោមនេះ។

៤. ការតភ្ជាប់ការធ្វើដំណើរដ៏រលូនតាមរយៈទីក្រុងឌូបៃ

សម្រាប់អ្នកដំណើរមកពីប្រទេសកម្ពុជា Emirates ផ្តល់ជូននូវការតភ្ជាប់ការធ្វើដំណើរដោយរលូនទៅកាន់គោលដៅនានានៅទូទាំងទ្វីបទាំង៦ តាមរយៈមជ្ឈមណ្ឌលអាកាសចរណ៍សកលរបស់ខ្លួននៅ     ទីក្រុងឌូបៃ ដោយផ្តល់ជូននូវបទពិសោធន៍ធ្វើដំណើរលំដាប់ពិភពលោក ដែលគាំទ្រដោយកម្រិត      ស្តង់ដារសេវាកម្មខ្ពស់។ ភ្ញៀវទេសចរអាចធ្វើដំណើរពីខេត្តសៀមរាប ឬទីក្រុងភ្នំពេញទៅកាន់គោលដៅវិស្សមកាលដ៏ពេញនិយមនានា រួមមានទីក្រុងបាងកក ប្រទេសសិង្ហបុរី ទីក្រុងប៉ារីស     ទីក្រុងឡុងដ៍ និងទីក្រុងរ៉ូមជាដើម។

៥. កំណត់ត្រាដឹកជញ្ជូនអីវ៉ាន់ដែលឈានមុខគេក្នុងវិស័យអាកាសចរណ៍

Emirates ដឹកជញ្ជូនអីវ៉ាន់របស់អ្នកដំណើរជិត៣លានជារៀងរាល់ខែដោយសម្រេចបានអត្រាជោគជ័យចំនួន៩៩,៩% ដែលជាកំណត់ត្រាឈានមុខគេក្នុងវិស័យអាកាសចរណ៍ពិភពលោក។ សមិទ្ធផលនេះបានធ្វើឱ្យអតិថិជនកាន់តែមានទំនុកចិត្តក្នុងការធ្វើដំណើររបស់ខ្លួន។ ភ្ញៀវទេសចរអាចធ្វើដំណើរដោយស្ងប់ចិត្ត ព្រោះដឹងថាអីវ៉ាន់របស់ពួកគាត់ក៏នឹងទៅដល់គោលដៅដោយសុវត្ថិភាព។

៦. ធ្វើដំណើរដោយភាពស្ងប់ចិត្ត

អ្នកដំណើរពីកម្ពុជាអាចរៀបចំផែនការ និងធ្វើការកក់ដំណើរកម្សាន្តរបស់ខ្លួនដោយភាពស្ងប់ចិត្ត ជាមួយអត្ថប្រយោជន៍ជាច្រើនដែល Emirates បានផ្តល់ជូនអតិថិជនជាចម្បង។ អត្ថប្រយោជន៍ទាំងនោះរួមមាន ការធានារ៉ាប់រងការធ្វើដំណើររបស់ Emirates ព្រមទាំងការរៀបចំកន្លែងស្នាក់នៅក្នុងសណ្ឋាគារដោយក្រុមហ៊ុនអាកាសចរណ៍ ក្នុងករណីមានការរំខានដល់ការធ្វើដំណើរ ដូចជាការបិទដែនអាកាសជាដើម។ ទាំងនេះឆ្លុះបញ្ចាំងពីការប្តេជ្ញាចិត្តរបស់ Emirates ក្នុងការអនុវត្តតាមសន្យា “Fly Better” និងការយកចិត្តទុកដាក់ខ្ពស់ចំពោះអតិថិជន។

លើសពីនេះ អ្នកដំណើរក៏ទទួលបានអត្ថប្រយោជន៍ពីជម្រើសនៃការកក់សំបុត្រដែលមានភាពបត់បែន រួមមាន ការផ្លាស់ប្តូរកាលបរិច្ឆេទធ្វើដំណើរដោយឥតគិតថ្លៃ និងជម្រើសរក្សាតម្លៃសំបុត្រក្នុងរយៈពេល២៤ម៉ោង ដោយមិនគិតថ្លៃបន្ថែម។ អត្ថប្រយោជន៍ទាំងនេះ    ផ្តល់នូវភាពបត់បែន ភាពស្ងប់ចិត្ត និងការគាំទ្រកាន់តែច្រើននៅគ្រប់ដំណាក់កាលនៃការធ្វើដំណើរ។

៧. ស្តង់ដា ផាសុកភាព និងសេវាកម្មបដិសណ្ឋារកិច្ចដ៏ល្អប្រសើរ

Emirates បន្តលើកកម្ពស់បទពិសោធន៍ធ្វើដំណើរល្អៗតាមផ្លូវអាកាស ដូចជា៖ សេវាសុខភាពដ៏ល្អឥតខ្ចោះ សេវាកម្មបដិសណ្ឋារកិច្ចដែលទទួលបានពានរង្វាន់ និងនវានុវត្តន៍ឈានមុខគេ តាមរយៈ          បណ្តាញជើងហោះហើរអន្តរជាតិដ៏ធំបំផុតមួយនៅលើពិភពលោក។ ចាប់ពីអាហារដ៏ឈ្ងុយឆ្ងាញ់ច្រើនមុខ ប្រព័ន្ធកម្សាន្តដ៏ល្បីលើយន្តហោះ ការប្រើប្រាស់ Wi-Fi ដោយឥតគិតថ្លៃ គ្រឿងបរិក្ខារប្រើប្រាស់ដែលបានរៀបចំយ៉ាងយកចិត្តទុកដាក់ ទាំងនេះឆ្លុះបញ្ចាំងពីស្តង់ដារថ្មីមួយអំពីគុណតម្លៃ និងផាសុកភាពសម្រាប់ការធ្វើដំណើរលើថ្នាក់ Economy Class។

បុគ្គលិកចម្រុះវប្បធម៌បម្រើការលើយន្តហោះរបស់ Emirates ដែលតំណាងឱ្យជាតិសាសន៍ចំនួន១៤០ និងអាចនិយាយបានជាង៧០ភាសា ធានាអោយបាននូវរាល់ការធ្វើដំណើររបស់អតិថិជនទាំងអស់ទទួលបានការស្វាគមន៍យ៉ាងកក់ក្តៅបំផុត។ បុគ្គលិកបម្រើការលើយន្តហោះទាំងអស់សុទ្ធតែបានទទួលការបណ្តុះបណ្តាលនៅមជ្ឈមណ្ឌលឧត្តមភាពផ្នែកបដិសណ្ឋារកិច្ចរបស់ Emirates នៅទីក្រុងឌូបៃដោយរក្សាបាននូវស្តង់ដារ បដិសណ្ឋារកិច្ចលំដាប់ពិភពលោករបស់ក្រុមហ៊ុនអាកាសចរណ៍និងផ្តល់សេវាកម្មប្រកបដោយការយកចិត្តទុកដាក់ដល់អ្នកដំណើរគ្រប់ៗរូប។

លោក Fahad Al Hassawi អ្នកគ្រប់គ្រងប្រចាំកម្ពុជារបស់ Emirates មានប្រសាសន៍ថា៖ “ការយកចិត្តដាក់ចំពោះអតិថិជនជាអាទិភាព គឺជាសកម្មភាពស្នូលរបស់ Emirates។ ខណៈពេលដែលយើងបន្តភ្ជាប់ប្រទេសកម្ពុជាទៅកាន់ពិភពលោក តាមរយៈមជ្ឈមណ្ឌលប្រតិបត្តិការរបស់យើងនៅទីក្រុងឌូបៃ យើងនៅតែផ្តោតលើការផ្តល់ជូននូវបទពិសោធន៍ធ្វើដំណើរដែលរលូន ប្រកបដោយផាសុកភាព និងពោរពេញទៅដោយការពេញចិត្ត ទាំងអំឡុងពេលហោះហើរនិងនៅលើដី។ ចាប់ពីសេវាកម្មលើយន្តហោះដែលទទួលបានពានរង្វាន់ ការផ្ដល់ជូនដែលគិតគូរដល់គ្រួសារ រហូតដល់បណ្តាញតភ្ជាប់សកល និងអត្ថប្រយោជន៍ដែលផ្តល់គុណតម្លៃកាន់តែច្រើន យើងប្តេជ្ញាផ្ដល់សេវាកម្មដែលលើសពីការរំពឹងទុករបស់អតិថិជន និងធ្វើឱ្យរាល់ការធ្វើដំណើរជាមួយ Emirates ក្លាយជាបទពិសោធន៍ដ៏ល្អបំផុតដែលមិនអាចបំភ្លេចបាន។”

ព័ត៌មានពាក់ព័ន្ធ

មើលព័ត៌មានថ្មីៗ

October 27, 2026

អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្ត

October 27, 2026

Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ី

October 26, 2026

អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយ

October 23, 2026

Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាម

អានក្នុង ១ នាទី

Home›ព័ត៌មានចុងក្រោយ›អត្ថប្រយោជន៍ ៧ យ៉ាង ដែលក្រុមហ៊ុនអាកាសចរណ៍ Emirates  កំពុងធ្វើឱ្យប្រសើរឡើងសម្រាប់ដំណើរកម្សាន្តរបស់អ្នកដំណើរកម្ពុជា ភ្នំពេញ៖​ ភ្ញៀវទេសចរដែលធ្វើដំណើរជាមួយ     ក្រុមហ៊ុនអាកាសចរណ៍ Emirates ទៅនិងមកពីប្រទេសកម្ពុជា នឹងទទួលបាន បទពិសោធន៍កាន់តែច្រើនស…

Market Snapshotមើលតម្លៃមាស · USD/KHR · Brent

មើល Market Dashboard →

ចែករំលែកព័ត៌មាននេះ

Facebook Telegram ចម្លងតំណ រក្សាទុក

សំណួរប្រចាំថ្ងៃ

តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?

វិជ្ជមានមិនប្រាកដអវិជ្ជមាន

អត្ថបទពាក់ព័ន្ធ

អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026Vietjet និង Satair ចុះអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីពង្រីកកិច្ចសហប្រតិបត្តិការ លើខ្សែចង្វាក់ផ្គត់ផ្គង់អាកាសចរណ៍ និងសេវាកម្មសម្ភារបរិក្ខារនៅប្រទេសវៀតណាមOctober 23, 2026

ទទួលព័ត៌មានថ្មីៗពី DAP Businessតាមដានព័ត៌មានសេដ្ឋកិច្ច និង Market Dashboard រៀងរាល់ថ្ងៃ

តាមដាន Facebook Pageចូល Telegram Channelចូលទៅ Market Dashboard →