ថ្មីៗនេះ ក្រុមហ៊ុន Viettel Cambodia (Metfone) បានឈ្នះពានរង្វាន់អន្តរជាតិចំនួន 4 ក្នុងឆ្នាំ 2023 ដែលក្នុងនោះមាន 3 ពី Globee Awards និង 1 ពី Stevie Award។

តាមរយៈការសម្រេចបាននូវ ការលើកសរសើរលើឆាកដ៏គួរឱ្យគោរពនេះ មិត្តហ្វូនបន្តអះអាងខ្លួនឯងថា ជាអ្នកផ្តល់សេវាបច្ចេកវិទ្យា ទូរគមនាគមន៍ឈានមុខគេ ដោយដើរតួនាទីយ៉ាងសំខាន់ ក្នុងការជំរុញការផ្លាស់ប្តូរឌីជីថលរបស់កម្ពុជា។

Globee Awards ស្ថិតក្នុងចំណោមប្រព័ន្ធពានរង្វាន់ ធុរកិច្ចកំពូលរបស់ពិភពលោក ដែលក្នុងនោះ មាន 11 ប្រភេទ ដើម្បីផ្តល់កិត្តិយសដល់អង្គការ ឬក្រុមហ៊ុននានាក្នុងវិស័យផ្សេងៗសម្រាប់ សមិទ្ធិផលឆ្នើម និងការអនុវត្តនៅក្នុងសហគ្រាសសកល ។

ឆ្នាំនេះ ពានរង្វាន់ Globee Awards បានទាក់ទាញក្រុមហ៊ុនល្បីៗជុំវិញពិភពលោកដូចជា IBM, Cisco, Orange ជាដើម។ Metfone ទទួលបានពានរង្វាន់ចំនួន 3 ជាមួយនឹងក្រុមហ៊ុនបុត្រ សម្ព័ន្ធរបស់ខ្លួនគឺ eMoney ទទួលបានពានរង្វាន់ក្រុមហ៊ុនប្រចាំឆ្នាំ ក្នុងវិស័យបច្ចេកវិទ្យាហិរញ្ញវត្ថុ។ លើសពីនេះ មិត្តហ្វូនទទួលបានកិត្តិយស ជាមួយនឹងពានរង្វាន់ អ្នកជំនាញផ្នែកសេវាកម្មអតិថិជនប្រចាំឆ្នាំ និងពានរង្វាន់ធុរកិច្ចអន្តរជាតិ សម្រាប់ឧត្តមភាពក្នុងអាជីវកម្មអន្តរជាតិ ទាក់ទងនឹងកញ្ចប់សេវារ៉ូមីងរបស់ខ្លួន ។

ជាងនេះទៅទៀត មិត្តហ្វូនក៏ទទួលបានពានរង្វាន់ Stevie ក្នុងប្រភេទយុទ្ធនាការទីផ្សារប្រចាំឆ្នាំសម្រាប់ “ចោលឈូងផ្សងសេ្នហ៍ ចោលឈូងផ្សងសំណាង”។ ពានរង្វាន់ធុរកិច្ចអន្តរជាតិឆ្នាំ 2022 (IBA) ដោយ Stevie Awards ត្រូវបានគេស្គាល់ថា ជាពានរង្វាន់ដ៏មានកិត្យានុភាពបំផុតមួយ នៅទូទាំងពិភពលោកបានក្លាយជាប្រភព នៃមោទនភាពសម្រាប់សាជីវកម្ម និងក្រុមហ៊ុនជាច្រើន។ ពានរង្វាន់នេះមានការតែងតាំងជាង 3000 ពីអាជីវកម្ម/អង្គការជាង 60 ប្រទេស និងតំបន់ដែលត្រូវបានវាយតម្លៃ ដោយអ្នកជំនាញទូទាំងពិភពលោកជាង 1000 នាក់។

ប្រព័ន្ធពានរង្វាន់ទាំងនេះស្ថិតក្នុង ចំណោមប្រព័ន្ធដែលល្បីល្បាញ និងគួរឱ្យគោរពបំផុត ដោយសារកម្រិតជំនាញ មាត្រដ្ឋានអង្គការ និងសមាសភាពរបស់អ្នកចូលរួម។ ការផ្តោតសំខាន់នៃពានរង្វាន់ទាំងនេះ គឺដើម្បីជំរុញការបភុសគំនិត ការច្នៃប្រឌិត និងការកែលម្អអាជីវកម្ម។

ក្នុងពិធីប្រគល់រង្វាន់ តំណាងក្រុមហ៊ុនមិត្តហ្វូន បានចែករំលែកដោយក្តីរីករាយថា “មិត្តហ្វូនបានស្រាវជ្រាវ និងបង្កើតដំណោះស្រាយ និងផលិតផលជាច្រើន យកមកអនុវត្តក្នុងកម្មវិធីជីវិតពិតផ្សេងៗ រហូតក្លាយជាផលិតផល និងសេវាកម្មដែលបន្សល់ទុក នូវក្នុងបេះដូងរបស់អតិថិជន និងសង្គមកម្ពុជា។

ការសម្រេចបានពានរង្វាន់អន្តរជាតិ ដ៏មានកិត្យានុភាពចំនួន 4 ក្នុងពេលដំណាលគ្នាគឺជាការទទួលស្គាល់ និងការបញ្ជាក់អំពីសមត្ថភាព បច្ចេកវិទ្យាព័ត៌មានរបស់មិត្តហ្វូន ក្នុងនិន្នាការផ្លាស់ប្តូរឌីជីថលដ៏រឹងមាំ បម្រើការបំប្លែងឌីជីថលរបស់សហគ្រាស និងប្រទេសជាតិ។

ការទទួលបានពានរង្វាន់ធុរកិច្ចអន្តរជាតិចំនួន 4 ជាថ្មីម្តងទៀតបញ្ជាក់ពីជំហររបស់ក្រុមហ៊ុនមិត្តហ្វូន និងជាកម្លាំងចិត្តសម្រាប់ក្រុមហ៊ុន ក្នុងការធ្វើពិពិធកម្មផលិតផល និងសេវាកម្មរបស់ខ្លួន ដោយនាំមកនូវបច្ចេកវិទ្យាល្អបំផុត ដើម្បីចូលរួមចំណែកក្នុងការអភិវឌ្ឍន៍ជីវិត និងសង្គមកម្ពុជា។

នេះក៏ជាសមិទ្ធិផលដ៏គួរឱ្យសរសើរ សម្រាប់សហគ្រាសទូរគមនាគមន៍លើដំណើរ នៃការកំណត់ម៉ាកយីហោ ភាពជឿជាក់ និងទំនុកចិត្តរបស់អតិថិជន ៕

ក្រុមហ៊ុន អិន ស៊ី អិច គឺជាក្រុមហ៊ុន នាំចូល និងចែកចាយផ្តាច់មុខនូវផលិតផលរបស់ Honda ជាច្រើនប្រភេទដើម្បីបំពេញរាល់សេចក្តីត្រូវការរបស់អតិថិជននៅក្នុងព្រះរាជាណាចក្រកម្ពុជាដែលប្រកបដោយគុណភាពខ្ពស់ និងបច្ចេកវិទ្យាឈានមុខគេ ដូចជា៖ ម៉ូតូHonda, រថយន្ត Honda និងម៉ាស៊ីនកសិឧស្សាហកម្ម Honda ដោយមានការគាំទ្រជាច្រើនពីសំណាក់អតិថិជនទូទាំងប្រទេសកម្ពុជា នឹងដើម្បីជាការឆ្លើយតបទៅនឹងរាល់តម្រូវការរបស់អតិថិជន នៅថ្ងៃទី១៧ ខែវិច្ឆិកា ឆ្នាំ២០២៣ ក្រុមហ៊ុន អិន ស៊ី អិច បានរៀបចំព្រឹត្តិការណ៌សម្ពោធជាផ្លូវការនូវម៉ូតូហុងដា ជីអរណូផ្លឹសស៊េរីថ្មី! នៅអគារវឌ្ឍនៈក្រោមគំនិត “BEYOND ALL STYLES” ឆ្លុះបញ្ចាំងស្ទាយលេចធ្លោរ មិនត្រឹមតែប្លែក តែត្រូវស៊ីវិល័យលើសគេដែលអាចបង្ហាញភាពជាខ្លួនអ្នកទៅកាន់អ្នករាល់គ្នាពីភាពកាលីប និង អេលេហ្គង់បែបក្លាស៊ិក New Honda GIORNO+។ ម៉ូតូស៊េរីថ្មីហុងដា ជីអរណូផ្លឹស នេះបំពាក់ដោយបច្ចេកវិទ្យាទំនើបជំនាន់ចុងក្រោយបង្អស់ អនុភាពម៉ាស៊ីនខ្លាំង១២៥CC នឹងបំពេញនូវបរិបទជីវិតដ៏សំបូរបែបរបស់អ្នកឲ្យកាន់តែវិសេសលើសលប់។

លោក បេន កៀស្រ៊ីថាណាកន (Ben Kiasrithanakorn), ប្រធានក្រុមហ៊ុន អិន ស៊ី អិច បានមានប្រសាសន៍ថា«នេះគឺជាលើកតំបូងដែលក្រុមហ៊ុន អិន ស៊ី អិច នាំយកហុងដា GIORNO+ មកកាន់ប្រទេសកម្ពុជាដែលជាផលិតផលលំដាប់ពិភពលោក ជាមួយរូបរាងរចនាប័ទ្មប្រកបដោយសោភ័ណភាពដ៏ទាក់ទាញពិសេស បែបអេលេហ្គង់ក្លាស៊ិក បំពាក់ជាមួយបច្ចេកវិទ្យាទំនើប ស្របតាមស្តង់ដាររបស់ហុងដា។ សម្រាប់ហុងដា GIORNO+ ដែលនាំចូលដោយ ក្រុមហ៊ុន អិន ស៊ី អិច បានគោរពតាមបទបញ្ញាតិស្តង់ដាសុវត្ថិភាពយ៉ាងពេញលេញរបស់ប្រទេសកម្ពុជា ខុសពីម៉ូតូដែលមិនមែននាំចូលដោយក្រុមហ៊ុន ក្រុមហ៊ុន អិន ស៊ី អិច។ យើងផ្តល់ឲ្យនូវផលិតផលប្រកបដោយគុណភាពទៅកាន់អតិថិជន ហើយយើងក៏ផ្តល់ នូវការធានាទៅលើគុណភាពផលិតផលរបស់យើងរហូតដល់ទៅ ២ឆ្នាំ ស្មើរហ្នឹង ២៤០០០គីឡូ។

លោកក៏បន្ថែមទៀតថា ដើម្បីសុវត្ថិភាពនិងទំនុកចិត្តទទួលបានផលិតផលសុទ្ធ ១០០% ចេញពីរោងចក្រជាមួយទំនុកចិត្តខ្ពស់ សូមជ្រើសរើសផលិតផលរបស់ក្រុមហ៊ុន អិន ស៊ី អិច។

តោះមកមើលពីចំណុចពិសេសរបស់ហុងដា GIORNO+ ម្តង សម្រាប់ម៉ូឌែលនេះ មានចំណុចពិសេសជាច្រើនដូចជា:

-LED Headlight ចង្កៀងមុខ LED: ចង្កៀងមុខទាក់ទាញឥតទាស់ ប្រភេទLED រចនារាងមូល ហ៊ុំព័ទ្ធដោយក្រូម៉េជុំវិញបន្ថែមជាមួយនឹងភ្លើងឌឺមីខាងមុខកាន់តែលេចធ្លោរ។

-Multi Function Speedometer: កុងទ័រឌីជីថល ទំនើប បង្ហាញរាល់មុខងារ រាល់ដំណើរការបានយ៉ាងជាក់លាក់ ធ្វើអោយបទពិសោធនៃការបើកបរកាន់តែប្រសើរ។

-Honda SMART KEY and Honda SMART CONTROLLER: កាន់តែទំនើប! ជាមួយកូនសោរដ៏ឆ្លាតវៃជំនាន់ចុងក្រោយ បញ្ឆេះម៉ាស៊ីនដោយមិនប្រើកូនសោរ និងប្រព័ន្ធឆ្លើយតបត្រលប់មកវិញផ្តល់សុវត្ថិភាពខ្ពស់។
-USB Socket & Console Box: អស់បារម្ភពីរឿងអស់ថ្ម ឃ្លុបសាកថ្មធំ ជាមួយ USB Socket កាន់តែងាយស្រួល ដែលអ្នកអាចសាកថ្មតាមតម្រូវការរក្សារទំនាក់ទំនងរបស់អ្នកគ្រប់ពេលវេលា គ្រប់ទីកន្លែង។

-30 LITERS LARGE U-BOX: ឃ្លុបធំទំហំ៣០លីត្រ សម្រាប់ដាក់រាល់សម្ភារៈចាំបាច់របស់អ្នកបានច្រើនតាមការគួរ។
-Front Fuel Tank: ធុងសាំងបំពាក់នៅផ្នែកខាងមុខ បង្កើនភាពងាយស្រួល ដោយអ្នកមិនចាំបាច់ចុះចេញពីម៉ូតូពេលចាក់សាំង។
-ABS: បំពាក់ជាមួយ ប្រព័ន្ធហ្រ្វាំងមុខ ABS បញ្ឈប់ម៉ូតូបានដោយសុវត្ថិភាពគ្រប់ស្ថានការណ៍។

Powerful Engine eSP+: ម៉ាស៊ីន125 cc eSP+ បំពាក់មកជាមួយស៊ូប៉ាប់4 និងប្រព័ន្ធប៊ិចសាំង PGM-FI ផ្តល់នូវអនុភាពកាន់តែខ្លាំង ធ្វើឲ្យការបើកបរក្នុងក្រុងឬ ទីឆ្ងាយៗ កាន់តែរំជើបរំជួល សន្សំសំចៃប្រេងសាំងបានយ៉ាងល្អឥតខ្ចោះ និងជួយកាត់បន្ថយជាតិពុលទៅក្នុងបរិស្ថាន។

សម្រាប់ម៉ូតូ ហុងដា Giorno+ស៊េរីថ្មីគឺមាន ៣ ពណ៌សម្រាប់ជ្រើសរើសពណ៌ដូចជា៖ ពណ៌ស, ពណ៌ប្រផេះ នឹងពណ៌ក្រហម។

លោកអ្នកក៏អាចរកទិញ ហុងដា GIORNO+ ស៊េរីថ្មី! នេះនៅតាមបណ្តាលហាងនានានូវទូទាំងប្រទេស ចាប់ពីថ្ងៃទី ១៨ ខែវិច្ឆិកា ឆ្នាំ២០២៣ នេះតទៅ។
សម្រាប់ព័ត៌មានបន្ថែម៖ 010 922 922 ឬ ចូលទៅកាន់គេហទំព័រ : https://www.ncxhonda.com/motorcycles/en/ACF125CAR-CA-1