ភ្នំពេញ – កាលពីថ្ងៃទី ៩ ខែមិថុនា វេទិកាធុរកិច្ចបៃតងប្រចាំឆ្នាំរបស់គណៈកម្មាធិការធុរកិច្ចបៃតងនៃ សភាពាណិជ្ជកម្មអឺរ៉ុបនៅកម្ពុជា (EuroCham Cambodia) បានប្រមូលផ្តុំអ្នកដឹកនាំដែលមកពីវិស័យឧស្សា​ហកម្ម អាជីវកម្ម អ្នកផ្តួចផ្តើមគំនិត និងអ្នកបង្កើតគោលនយោបាយដើម្បីពិភាក្សាអំពីវិធីពន្លឿនវឌ្ឍនភាពរបស់ប្រទេសកម្ពុជាឆ្ពោះទៅរកគោលដៅសេដ្ឋកិច្ចបៃតងរបស់ខ្លួន។

វេទិកានេះក៏បានបង្ហាញអំពីការចាប់ផ្តើមនៃយុទ្ធនាការការប្រមូលដបត្រឡប់មកវិញនៅក្នុងប្រទេសកម្ពុជាដែលយុទ្ធនាការនេះបានដាក់សាកល្បងនៅតាមវិស័យអាហារនិងភេសជ្ជៈ និងអាជីវកម្មបដិសណ្ឋារកិច្ចក្នុងស្រុកនៅក្នុងទីក្រុងភ្នំពេញចាប់តាំងពីខែកុម្ភៈ ឆ្នាំ ២០២៣។ ក្រោមអធិបតីថ្នាក់ដឹកនាំប្រទេសកម្ពុជានិងភាពជាដៃគូជាមួយក្រុមហ៊ុនហ៊ិននីគែន ខេមបូឌា វេទិកានេះត្រូវបានបញ្ចប់ដោយការប្រារព្ធពិធីអបអរសាទរដល់ធុរកិច្ច និងសហគ្រិនកម្ពុជាចំនួន ១៤ រូបសម្រាប់​ការចូលរួមរបស់ពួកគេក្នុងយុទ្ធនាការការប្រមូលដបត្រឡប់មកវិញ។

ឯកឧត្តម ទិន ពន្លក រដ្ឋលេខាធិការក្រសួងបរិស្ថានដែលអញ្ជើញជាអធិបតីក្នុងពិធីបើកវេទិកាធុរកិច្ចបៃតងបានមានប្រសាសន៍ថា៖ «កម្មវិធីដែលយើងប្រារព្ធថ្ងៃនេះជាកម្មវិធីដែលមានសក្តានុពលក្នុងការត្រួសត្រាយ ឱ្យមានលទ្ធភាពក្នុងការប្រមូលមកវិញ និងការប្រើប្រាស់ឡើងវិញបន្ថែមនៅក្នុងប្រទេសកម្ពុជា។ ធនធានធម្មជាតិរបស់យើងមិនស្ថិតស្ថេរនោះទេ។ ប្រសិន​បើ​យើង​ចង់​បន្ត​មានការរីក​ចម្រើន ​និង​ធ្វើ​ឱ្យ​ប្រទេស​កម្ពុជា​ក្លាយ​ជា​កន្លែង​រស់​នៅ​ដ៏​គួរ​ឱ្យ​ទាក់​ទាញ យើង​ត្រូវ​ផ្លាស់​ប្តូរ​ទៅ​រក​គំរូ​អាជីវកម្ម​ដែល​ប្រើ​ធនធាន​​ប្រកបដោយនិរន្តភាព។ សេដ្ឋកិច្ចប្រកបដោយនិរន្តរភាព​​គឺជាផ្នែកចម្បងនៃដំណោះស្រាយ។ ខ្ញុំមានអារម្មណ៍រំភើបពេលដែលឃើញអាជីវកម្មជាអ្នកផ្តួចផ្តើមគម្រោងនេះ ហើយខ្ញុំមានជំនឿថាការផ្តួចផ្តើមនេះនឹងលើកទឹកចិត្តអាជីវកម្មដទៃជ្រើសយកសកម្មភាពនេះជាគំរូ។ ដូច្នេះការប្រើប្រាស់ធនធានប្រកបដោយនិរន្តរភាព និងការប្រមូលដបត្រឡប់មកវិញអាចអនុវត្តបានយ៉ាងទូលំទូលាយនាពេលអនាគត»។

ក្រោមអធិបតីភាព ឯកឧត្តម ជួប ប៉ារីស៍ អនុរដ្ឋលេខាធិការក្រសួងបរិស្ថាន និង ឯកឧត្តម កែន សេរីរដ្ឋា អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន ព្រមទាំងលោក Samson Wong នាយកគ្រប់គ្រងក្រុមហ៊ុនហ៊ិននីគែន ខេមបូឌា បានប្រគល់ពានរង្វាន់ទៅដល់អាជីវកម្មដើម្បីទទួល​ស្គាល់​ជា​ផ្លូវ​ការ​ដល់​វីរជន​កម្ពុជា​នៅក្នុងយុទ្ធនាការប្រមូលដបត្រឡប់មកវិញដែលរួមមាន៖ V-Friend, Prel Leap, Traino-Pabu, Royal 214, Gold Pub, KC Restaurant & Sky Bar, Kiri Pub, Color Cup, Le Moon Rooftop, Prime Distributors Asia, Leng Channa, Ly Huy, Ly Kiet, និង KCV ។

លោក Tassilo Brinzer ប្រធានសភាពាណិជ្ជកម្មអឺរ៉ុបនៅកម្ពុជា (EuroCham Cambodia) បានមានប្រសាសន៍ថា៖«វេទិកាប្រចាំឆ្នាំនេះបានគូសបញ្ជាក់អំពីតម្រូវការបន្ទាន់ដើម្បីទទួលបានអនាគតមួយដែលការអនុវត្តប្រកបដោយនិរន្តរភាពក្លាយជាទម្លាប់។ តម្រូវការនេះជាចក្ខុវិស័យដែលទាមទារឱ្យមានសកម្មភាពរួបរួមកាន់តែច្រើន។ ការទទួលបានវិធីសាស្រ្តត្រឹមត្រូវនឹងបើកឱកាសថ្មីអោយមានការលូតលាស់ក្នុងការវិនិយោគ ដែលប្រកបទៅដោយពណ៌បៃតងដើម្បីផ្តល់នូវតម្លៃសេដ្ឋកិច្ចប្រកបដោយនិរន្តរភាពសម្រាប់ប្រទេសកម្ពុជា»។

ក្រុមហ៊ុនហ៊ិននីគែន ខេមបូឌា បានផ្តួចផ្តើមយុទ្ធនាការមួយដែលលើកទឹកចិត្តអតិថិជនឱ្យប្រគល់ដបមកវិញក្នុងការគាំទ្រកម្មវិធី «ធ្វើឱ្យពិភពលោកកាន់តែប្រសើរ» របស់ក្រុមហ៊ុន។ គំនិតផ្តួចផ្តើមនេះបានកំណត់គោលដៅប្រកបដោយមហិច្ឆិតាក្នុងការបង្កើនការប្រើប្រាស់ធនធានប្រកបដោយនិរន្តរភាពនិងកាត់បន្ថយការបំភាយឧស្ម័នកាបូនិចមិនត្រឹមតែនៅក្នុងផលិតកម្មរបស់ក្រុមហ៊ុនត្រឹមឆ្នាំ ២០៣០ ប៉ុណ្ណោះទេ ប៉ុន្តែថែមទាំងទូទាំងខ្សែសង្វាក់ផលិតកម្មរបស់ក្រុមហ៊ុនទាំងមូលត្រឹមឆ្នាំ ២០៤០។ ការវេចខ្ចប់គឺជាការរួមចំណែកចម្បងដែលជួយដល់បរិស្ថាន ដូច្នេះការបង្កើនការប្រើប្រាស់ធនធានវេចខ្ចប់ដែលអាចប្រមូលត្រឡប់មកវិញបានមានសារៈសំខាន់ណាស់ដើម្បីសម្រេចបាននូវគោលដៅរយៈពេលវែងទាំងនេះ។ ការសហការគ្នាជាមួយវិស័យម្ហូបអាហារនិងភេសជ្ជៈ ព្រមទាំងវិស័យបដិសណ្ឋារកិច្ចគឺជាយុទ្ធសាស្ត្រមួយដើម្បីឈានទៅរកគោលដៅរបស់ក្រុមហ៊ុនពីព្រោះវិស័យទាំងនេះមានចំណែកធំមួយដែលប្រើប្រាស់ដបរបស់ផលិតផលក្រុមហ៊ុនច្រើននៅលើទីផ្សារ។

លោក Samson Wong នាយកគ្រប់គ្រងក្រុមហ៊ុនហ៊ិននីគែន ខេមបូឌាបានមានប្រសាសន៍ថា៖ «យុទ្ធនាការប្រមូលដបមកវិញគ្រាន់តែជាការចាប់ផ្តើមនៃកិច្ចខិតខំប្រឹងប្រែងរបស់យើងក្នុងដំណើរប្រើប្រាស់ឡើងវិញប៉ុណ្ណោះ។ លោក Wong បានមានប្រសាសន៍បន្ថែមថា៖ «យើងទទួលស្គាល់ថាដំណើរឆ្ពោះទៅរកការប្រើប្រាស់ធនធានប្រកបដោយនិរន្តរភាពនឹងមានភាពលំបាកនិងជាដំណើរវែងឆ្ងាយ ហើយក្រុមហ៊ុនមិនអាចសម្រេចគោលដៅនេះបានតែឯងនោះទេ។ ក្រុមហ៊ុនហ៊ិននីគែន ខេមបូឌា បានរៀបចំរួចរាល់ក្នុងការបង្កើតប្រព័ន្ធដែលអាចគាំទ្រយុទ្ធនាការប្រមូលដបមកវិញដែលយុទ្ធនាការនោះអាចមានទ្រង់ទ្រាយធំជាងមុននាពេលអនាគត។ ដបផលិតផលរបស់យើងទាំងអស់គឺអាចប្រគល់ត្រឡប់មកវិញបាននាពេលបច្ចុប្បន្ន។ ទោះជាយ៉ាងណាក៏ដោយ យើងត្រូវការមនុស្សបន្ថែមទៀតដើម្បីចូលរួមយុទ្ធនាការប្រមូលដបមកវិញ និងធ្វើឱ្យយុទ្ធនាការនេះធំជាងនេះ។  យើងស្វាគមន៍ក្រុមហ៊ុនផលិតភេសជ្ជៈផ្សេងទៀតចូលរួមសហការជាមួយគ្នាដើម្បីឆ្ពោះទៅរកការបង្កើតខ្សែសង្វាក់ប្រកបដោយនិរន្តភាព» ។

លោកស្រី Shereen Teh ប្រធានផ្នែកពាណិជ្ជកម្មនៅក្រុមហ៊ុនហ៊ិននីគែន ខេមបូឌា បានមានប្រសាសន៍ថា៖ «នៅពេលដែលយុទ្ធនាការប្រមូលដបមកវិញចាប់ផ្តើមទទួលបានសន្ទុះ អ្នកប្រើប្រាស់នឹងឃើញហាងនិងភោជនីយដ្ឋានដែលពួកគេចូលចិត្តកាន់តែច្រើនប្រគល់ដបភេសជ្ជៈទៅក្រុមហ៊ុនវិញក្នុងកិច្ចខិតខំប្រឹងប្រែងកាត់បន្ថយកាកសំណល់។ គោលបំណងរបស់ក្រុមហ៊ុនហ៊ិននីគែន ខេមបូឌា គឺភ្ជាប់ទំនាក់ទំនងមនុស្ស ខណៈពេលដែលយើងកំពុងធ្វើឱ្យពិភពលោកកាន់តែប្រសើរឡើង ។ យើង​ក៏​សង្ឃឹម​ដែរ​ថា សកម្មភាពនេះ​នឹងអាច​ធ្វើ​ជា​គំរូ​ទៅអាជីវកម្ម​ផ្សេង​ទៀតក្នុងវិស័យនេះ»។

ចប់អំពីហ៊ិននីគែន ខេមបូឌា

ក្រុមហ៊ុនហ៊ិននីគែន ខេមបូឌា ជា​ក្រុមហ៊ុន​ផលិត​ស្រាបៀរ​ឈាន​មុខ​គេ​មួយ​នៅ​កម្ពុជា ដែល​​បង្កើត​ឡើង​​​ក្នុង​ឆ្នាំ​១៩៩៤។ ជំរុញ​ដោយគោល​ បំណង​បង្កើត​ភាពសប្បាយ​រីក​រាយ​រួមគ្នា ក្រុមហ៊ុន​បង្កើត​បទ​ពិសោធ​​ដ៏​អស្ចារ្យ​សម្រាប់អ្នក​ពិសា និង​អតិថិជនដែលត្រូវ​ការ​ស្រាបៀរម៉ាក​ យីហោ​អន្តរជាតិ​គុណ​ភាព​​​​ខ្ពស់​​​ដូច​ជា​​ស្រាបៀរ Heineken© ស្រាបៀរ Tiger ស្រាបៀរ ABC ស្រាបៀរ Anchor និង​ស្រាបៀរ Gold Crown។ ជា​មួយនឹងការ​គ្រប​ដណ្តប់​នៅ​ទូទាំង​​ប្រទេស និងដោយ​មាន​រោងចក្រ​បច្ចេក​វិទ្យា​ទំនើប​​ស្ថិត​នៅ​​រាជធានី​​ភ្នំពេញក្រុមហ៊ុន ​​​មាន​បុគ្គលិក​ ៧០០​ នាក់​ និង​ផ្ដល់​ការងារ​ដោយ​ប្រយោល​ជូន​ប្រជាជន​​កម្ពុជា​ចំនួន ១២០,០០០​​ នាក់​នៅ​ទូទាំង​​ចង្វាក់​ផលិតកម្មរបស់ខ្លួន។ ប្តេជ្ញា​ចំពោះ​ការ​អភិវឌ្ឍ​ប្រកបដោយ​និរន្តរភាព​របស់​​កម្ពុជា ក្រុមហ៊ុនហ៊ិននីគែន ខេមបូឌា មាន​បំណង “ធ្វើ​ឱ្យ​ប្រទេស​កម្ពុជាកាន់​តែ​ប្រសើរ” ជា​មួយ​នឹង​​ការ​ផ្តោត​លើ​បរិស្ថាន និរន្តរភាព​សង្គម និង​ការ​ពិសា​ដោយ​ការ​ទទួល​ខុសត្រូវ​ដែលស្ថិត​នៅលើ​មាគ៌ា​​ឆ្ពោះ​ទៅ​កាន់​ពិភពលោក ​ដែលមាន​កាបូន​សូន្យកាន់តែស្មើភាពនិង​កាន់​តែ​មានសុខភាព​ល្អ។ ក្រុមហ៊ុនហ៊ិននីគែន ខេមបូឌា គឺជា​ផ្នែក​មួយ​នៃ​ក្រុមហ៊ុន HEINEKEN Company ដែលជា​ក្រុមហ៊ុន​ផលិត​ស្រាបៀរ​លំដាប់​ថ្នាក់​ពិភពលោក៕

អំពីសភាពាណិជ្ជកម្មអឺរ៉ុបនៅកម្ពុជា

សភាពាណិជ្ជកម្មអឺរ៉ុបនៅកម្ពុជា (EuroCham Cambodia) ត្រូវបានបង្កើតឡើងក្នុងឆ្នាំ ២០១១ ដោយសមាគមធុរកិច្ចបារាំង អាល្លឺម៉ង់ និងអង់គ្លេសនៅកម្ពុជា ដើម្បីដើរតួជាសភាផ្លូវការនៃសហគមន៍ធុរកិច្ចអឺរ៉ុបក្នុងព្រះរាជាណាចក្រកម្ពុជា។ ចាប់តាំងពីពេលនោះមក សភាពាណិជ្ជកម្មអឺរ៉ុបនៅកម្ពុជាបានកើនសមាជិកជាង ៣០០ សមាជិកនិង ៥ ជាតិសាសដែលរួមមាន ១១ប្រទេសនៅទ្វីបអឺរ៉ុប។ សកម្មភាពស្នូលរបស់សភាពាណិជ្ជកម្មអឺរ៉ុបនៅកម្ពុជាគឺដើម្បីលើកកម្ពស់គាំទ្រ តំណាងឱ្យសមាជិករបស់ខ្លួន និងផលប្រយោជន៍ធុរកិច្ចអឺរ៉ុបក្នុងការសន្ទនាជាមួយរាជរដ្ឋាភិបាលកម្ពុជាក្នុងគោលបំណងអភិវឌ្ឍបរិយាកាសធុរកិច្ច និងការវិនិយោគប្រកបដោយប្រសិទ្ធភាពសម្រាប់ភាគីទាំងអស់។

គោលបំណងសំខាន់របស់សភាពាណិជ្ជកម្មអឺរ៉ុបនៅកម្ពុជាគឺដើម្បី

•  ពិគ្រោះ និងតស៊ូមតិលើបញ្ហាសំខាន់ៗទាក់ទងនឹងការធ្វើអាជីវកម្មនៅកម្ពុជា។

•  ជំរុញការវិនិយោគនៅកម្ពុជា។

•  ធ្វើការកែលម្អលទ្ធភាពនាំយកអាជីវកម្មអឺរ៉ុបទៅកាន់ទីផ្សារកម្ពុជា និងអាជីវកម្មកម្ពុជាទៅទីផ្សារអ៊ឺរ៉ុប សម្របសម្រួលអាជីវកម្មរវាងក្រុមហ៊ុនខ្នាតតូចនិងមធ្យមនៅប្រទេសកម្ពុជា និងរដ្ឋសមាជិកសហភាពអឺរ៉ុប។

•  ផ្តល់សេវាកម្មទាក់ទងនឹងសេដ្ឋកិច្ច ច្បាប់ បច្ចេកទេស ហិរញ្ញវត្ថុ ទីផ្សារ និងបញ្ហាធុរកិច្ចផ្សេងទៀតនៅក្នុងសហ«ភាពអឺរ៉ុបនិងកម្ពុជា និងព័ត៌មានជាក់លាក់នៃឧស្សាហកម្មដល់អ្នកវិនិយោគ។

•  លើកកម្ពស់អត្តសញ្ញាណធុរកិច្ចរបស់សហភាពអឺរ៉ុបក្នុងសហគមន៍ធុរកិច្ចកម្ពុជា។

•  ធ្វើការយ៉ាងជិតស្និទ្ធជាមួយភាគីពាក់ព័ន្ធនៅកម្ពុជាក្នុងការគាំទ្រកំណើនបរិយាប័ន្ន និងនិរន្តរភាពនៃសេដ្ឋកិច្ កម្ពុជា។

ម៉ូតូតែងតែជាជម្រើសដ៏ពេញនិយមសម្រាប់អ្នកជិះដែលកំពុងស្វែងរកមធ្យោបាយធ្វើដំណើរដ៏មានប្រសិទ្ធភាព។ សម្រាប់កម្លាំំងម៉ាស៊ីនម៉ូតូ 150cc គូប្រជែងដ៏គួរឱ្យកត់សម្គាល់ពីរគឺ Honda ADV 150cc និង Peugeot Django 150cc ។ ម៉ូឌែលទាំងពីរនេះផ្តល់នូវលក្ខណៈពិសេស និងរចនាបថទាក់ទាញប្លែកពីគ្នា បំពេញតម្រូវការអ្នកជិះផ្សេងៗគ្នា។ នៅក្នុងអត្ថបទនេះ យើងនឹងធ្វើការប្រៀបធៀបម៉ូតូទាំងពីរនេះ នៅលើចំណុចផ្សេងៗ រួមទាំងដំណើរការ ការរចនា លក្ខណៈពិសេស និងតម្លៃនៃថ្លៃលក់របស់វា។

ដំណើរការ៖

និយាយពីដំណើរការនិង មុខងាររបស់ Honda ADV 150cc មានភាពលេចធ្លោឆ្លើយតបជាមួយនឹង​ កម្លាំងម៉ាស៊ីនខ្លាំង។ វា​ត្រូវ​បាន​បំពាក់​ដោយ​ម៉ាស៊ីន 149.3cc  មានធុងទឹកស្អំ ប្រើប្រាស់ប្រព័ន្ធប៊ិចសាំង ដែល​បង្កើត​ថាមពល និង​កម្លាំង​បង្វិល​ជុំច្រើន។ ADV 150cc ផ្តល់នូវការបង្កើនល្បឿនយ៉ាងរលូន និងការឆ្លើយតបយ៉ាងរហ័សជាមួយដៃហ្គែងាយស្រួលមូលដែល​ធ្វើ​ឱ្យ​ Honda ADV 150cc ​ល្អ​សម្រាប់​ទាំង​ការ​ធ្វើ​ដំណើរ​ក្នុង​ទីក្រុង និង​ក្នុងពេលធ្វើដំណើរ​ផ្សងព្រេង off-road ។

សម្រាប់ម៉ូតូ Peugeot Django 150cc បំពាក់ដោយម៉ាស៊ីន 150cc ភ្ជាប់ជាមួយប្រព័ន្ធ Air-cooled និង ប្រើប្រាស់ប្រព័ន្ធប៊ិចសាំង ។ វាផ្តល់ថាមពលគ្រប់គ្រាន់សម្រាប់ការជិះនៅក្នុងទីក្រុង ប៉ុន្តែវាអាចនឹងខ្វះខាតនូវកម្លាំងម៉ាស៊ីន និងសមត្ថភាពមួយចំនួន បើប្រៀបធៀបទៅនឹង Honda ADV 150cc ។ ទោះបីជាយ៉ាងណាក៏ដោយ Peugeot Django 150cc  ផ្តល់មកវិញនូវ ប្រសិទ្ធភាពប្រេងដ៏ល្អ ដែលធ្វើឱ្យវាក្លាយជាជម្រើសសន្សំសំចៃសម្រាប់ការធ្វើដំណើររបស់អ្នកប្រចាំថ្ងៃ។

ការរចនា៖

ការរចនាដើរតួនាទីយ៉ាងសំខាន់ក្នុងការទាក់ទាញអ្នកទិញដែលមានសក្តានុពល ជាពិសេសគឺមាននៅក្នុង Honda ADV 150cc និង Peugeot Django 150cc ។ Honda ADV 150cc រចនាមកបង្ហាញពីសោភ័ណភាពដ៏ស្វិតស្វាញ ជាមួយដំណើរផ្សងព្រេង ដែលត្រូវបានបំផុសគំនិតដោយបងប្អូនបង្កើត Off-Road ធំៗ។ វា​​បំពាក់​នូវភ្លើងចង្កៀងនិង ទម្រង់​ផ្នែកខាងមុខមើលទៅរាង​​កាច​ ទីតាំងក្នុងការអង្គុយ​បញ្ឈរខ្លួនត្រង់ កំពស់កញ្ចក់​ការពារ​ខ្យល់​ខ្ពស់ និង​សំបក​កង់​ពីរ​ដែល​រំលេច​ពី​សមត្ថភាព Off-Road​ ផ្សងព្រេង ​។

ផ្ទុយ​ទៅ​វិញ ម៉ូតូ Peugeot Django 150cc ទទួល​បាន​ការ​រចនា​បែប​បំផុស​គំនិត​ពីសម័យ​អតីតកាល ដែល​បង្ហាញ​ពី​ភាព​ឆើតឆាយ និងភាព​ទាក់ទាញ។ បង្ហាញនូវធាតុផ្សំនៃរចនាប័ទ្មបុរាណ រួមទាំងចង្កៀងមុខមូល តួរាងកោង និងពណ៌ចម្រុះបែបបុរាណ (retro color)។ ការរចនារបស់ Django ទាក់ទាញអ្នកជិះដែលស្វែងរករូបរាងបែប Classic មិនចេះចប់មិនចេះហើយ។

លក្ខណៈពិសេស៖

Honda ADV 150cc និង Peugeot Django 150cc ផ្តល់ជូននូវលក្ខណៈពិសេសជាច្រើន ដើម្បីបង្កើនភាពងាយស្រួល និងផាសុកភាពដល់អ្នកជិះ។ Honda ADV 150cc មានបំពាក់កុងទ័រ​ឌីជីថល​កម្រិត​ខ្ពស់ ប្រព័ន្ធ​ភ្លើង LED ភ្ជាប់មកជាមួយ​ដោយ​សោរ​ឆ្លាតវៃ និង​កន្លែង​ផ្ទុក​ឥវ៉ាន់ក្រោម​កៅអី​ធំទូលាយ។ លើសពីនេះ វាបានបំពាក់មកជាមួយមុខងារសុវត្ថិភាពកម្រិតខ្ពស់របស់ Honda ដូចជា Honda Selectable Torque Control (HSTC) និង Anti-lock Braking System (ABS) ជាដើម។

ដូចគ្នានេះដែរ ម៉ូតូ Peugeot Django 150cc ផ្តល់នូវមុខងារងាយស្រួលជាច្រើន ដូចជាកុងទ័រ​ពាក់កណ្តាលឌីជីថល អំពូល LED ប្រអប់ផ្ទុកឥវ៉ានខាងមុខអាចចាក់សោបាន និងកន្លែងដាក់ឥវ៉ានខាងក្រោយ។ វាក៏រួមបញ្ចូលផងដែរនូវរន្ធសាក USB ដែលអនុញ្ញាតឱ្យអ្នកជិះអាចសាកឧបករណ៍អេឡិចត្រូនិចរបស់ខ្លួននៅពេលកំពុងធ្វើដំណើរ។ ទោះជាយ៉ាងណាក៏ដោយ វាអាចខ្វះនូវលក្ខណៈពិសេសសុវត្ថិភាពមួយចំនួនដែលរកឃើញនៅក្នុង Honda ADV 150cc ។

តម្លៃនៃថ្លៃលក់៖

ថ្លៃលក់​គឺជា​កត្តា​សំខាន់​មួយ​នៅពេល​ពិចារណា​ទិញ​ម៉ូតូ។ ម៉ូតូ Honda ADV 150cc មានទំនោរត្រូវបានដាក់នៅតម្លៃខ្ពស់ជាងម៉ូតូ Peugeot Django 150cc ។ ទោះជាយ៉ាងណាក៏ដោយ ADV 150cc បង្ហាញអំពីតម្លៃខ្ពស់របស់វាជាមួយនឹងដំណើរការល្អ លក្ខណៈពិសេសសុវត្ថិភាពកម្រិតខ្ពស់ និងគុណភាពរឹងមាំ។ វាផ្តល់ជូននូវកញ្ចប់ដ៏សម្បូរបែបដែលសមរម្យសម្រាប់ទាំងការធ្វើដំណើរប្រចាំថ្ងៃ និងដំណើរផ្សងព្រេងចុងសប្តាហ៍។

Peugeot Django 150cc ខណៈពេលដែលតម្លៃសមរម្យជាងនេះ ទាក់ទាញអ្នកជិះដែលផ្តល់អាទិភាពដល់រចនាប័ទ្ម សោភ័ណភាពបែប Classic និងប្រសិទ្ធភាពប្រេង។ វាផ្តល់នូវការជិះប្រកបដោយផាសុកភាព និងការរចនាគួរឱ្យចាប់អារម្មណ៍ក្នុងតម្លៃដែលអាចធ្វើការពិចារណាបានកាន់តែច្រើន ដែលធ្វើឱ្យវាក្លាយជាជម្រើសដ៏គួរឱ្យទាក់ទាញសម្រាប់ការធ្វើដំណើរក្នុងទីក្រុង។

សេចក្តីសន្និដ្ឋាន៖

ការជ្រើសរើសរវាងម៉ូតូ Honda ADV 150cc និង Peugeot Django 150cc អាស្រ័យលើចំណូលចិត្ត និងតម្រូវការរបស់បុគ្គលម្នាក់ៗ។ Honda ADV 150cc ពូកែខាងមុខងារនិង ដំណើរការ សមត្ថភាពនៅលើផ្លូវOff-road និងលក្ខណៈពិសេសសុវត្តិភាពកម្រិតខ្ពស់ ដែលធ្វើឱ្យវាក្លាយជាជម្រើសដ៏ល្អសម្រាប់អ្នកជិះដែលស្វែងរកភាពបត់បែន និងការផ្សងព្រេង។ ម៉្យាងវិញទៀតម៉ូតូ Peugeot Django 150cc ផ្តល់នូវភាពទាក់ទាញបែប Classic សន្សំសំចៃប្រេង និងតម្លៃសមរម្យ ដែលទាក់ទាញអ្នកជិះដែលកំពុងស្វែងរកការធ្វើដំណើរតាមទីក្រុង ទាន់សម័យ និងសន្សំសំចៃ។

ជាចុងក្រោយ លោកអ្នកគួរតែសាកល្បងជិះម៉ូតូទាំងពីរ ដោយពិចារណាលើតម្រូវការ និងអាទិភាពជាក់លាក់របស់វា ដើម្បីធ្វើការសំរេចចិត្តប្រកបដោយការយល់ដឹងដោយផ្អែកលើ មុខងារ ការរចនា លក្ខណៈពិសេស និងតម្លៃនៃថ្លៃលក់របស់វា។

អ្នកចម្រៀងអូប៉េរ៉ា​កម្ពុជា លោក ឃួន សិទ្ធិស័ក្ដិ និង​សិល្បករ​ល្បីល្បាញ​ដទៃ​ទៀត​នឹង​ចូលរួម​សម្ដែង​ល្ខោ ន​អូប៉េរ៉ា​អ៊ីតាលី Madama Butterfly នៅ​រោង​មហោស្រព​កោះ​ពេជ្រក្នុង​រាជធានី​ភ្នំពេញនា​​ខែ​ធ្នូ​ខាង​មុខ ​នេះ។

​ការ​សម្តែងនេះនឹងមានព្រះរាជ​ដឹកនាំ​​ដោយ ព្រះអង្គម្ចាស់ ស៊ីសុវត្ថិ រ៉ាវីវឌ្ឍនា មុនីពង្ស ​ ព្រមទាំងមាន វត្តមានអ្នកចម្រៀង​​អូប៉េរ៉ា​ខ្មែរ លោក ឃួន សិទ្ធិស័ក្ដិ ផងដែរ។ លោក សិទ្ធិស័ក្ដិ ​នឹង​រួម​សហការ​ជាមួយ​ ក្រុម​សិល្បករអូប៉េរ៉ាអន្តរជាតិមក​ពី​​អ៊ីតាលី និង​​ជប៉ុនដែល​រួម​មាន អ្នក​នាង Yasuko Fuji អ្នកនាង Ai Iwasaki លោក Enrico Terrone Guerra និង​សិល្បករ​-​សិល្បការិនី​ច្រើន​រូប​ទៀត​។

ការ​សម្ដែង​ល្ខោន​អូប៉េរ៉ា​​រឿង​ Madama Butterfly នៅប្រទេស​​កម្ពុជា​​នឹង​​មាន​​អ្នក​​សម្តែងជាង ៧០ នាក់រួម​ទាំងក្រុមភ្លេង​ និង​ក្រុម​ចម្រៀង​​។ ​សម្រាប់ការសម្តែងនេះនឹងត្រូវបានដឹក​នាំ​​ដោយ​ផលិតករ​ជន ជាតិអ៊ីតាលី លោក Vincenzo Grisostomi Travaglini​​ និង ព្រះអង្គម្ចាស់ ស៊ីសុវត្ថិ រ៉ាវីវឌ្ឍនា មុនីពង្ស។​

លោក Gabriele Faja នាយក​គ្រប់គ្រង​ផ្នែក​ផលិត​កម្មវិធីបាន​មាន​ប្រសាសន៍​ថា៖​ «ចំពោះការ​នាំ​យក​ ល្ខោន​អូប៉េរ៉ា​មក​​ប្រទេស​កម្ពុជា យើង​រំពឹង​ថា​នឹង​បាន​បង្ហាញ​នូវ​ទេពកោសល្យ​ផ្នែក​សិល្បៈ និង​វប្បធម៌​ ខ្មែរ​។ យើង​បាន​​មើលឃើញ​នូវ​សមត្ថភាព​របស់​អត្ដពលិក​និង​ការ​រៀបចំ​ព្រឹត្ដិការណ៍​កីឡា​ស៊ីហ្គេម​របស់​ កម្ពុជា​រួច​ហើយ​។ តាមរយៈព្រឹត្តការណ៍ស៊ីហ្គេមនេះបានឱ្យយើង​ស្គាល់​នូវ​វប្បធម៌​ដ៏​សម្បូរ​បែប​របស់ប្រទេស កម្ពុជា​។ ទន្ទឹមនឹងនេះ ចំពោះ​ការ​សម្ដែង​រួម​គ្នា​រវាង​សិល្បករ​កម្ពុជា និង​អន្ដរជាតិលើ​ឆាក​សម្ដែង​អូប៉េរ៉ា​ ដ៏​ធំ​នេះ យើង​ក៏​មាន​បំណង​បង្ហាញ​មហាជន​គ្រប់​រូបបាន​ឃើញ​​ថា ប្រទេស​កម្ពុជា​មាន​ទម្រង់​សិល្បៈ​ជា ​ច្រើន​ទៀត​»។

ល្ខោនអូប៉េរ៉ានឹងក្លាយ​ជាការ​សម្ដែងមួយ​ដើម្បី​អបអរ​សាទរ​​​ខួបលើកទី ៧០ នៃទំនាក់ទំនងការទូត ជប៉ុន-កម្ពុជា ហើយការសម្តែងនេះបច្ចុប្បន្នក៏កំពុងស្វែងរក​ការ​​ឧបត្ថម្ភ​បន្ថែមពីការគាំទ្រ​ពីសំណាក់​ដៃគូ មួយ​ចំនួន​រួច​ទៅហើយ​ រួមមាន ស្ថានទូតអ៊ីតាលីប្រចាំប្រទេសថៃ មជ្ឈមណ្ឌលសន្និបាតនិងពិព័រណ៍កោះ ពេជ្រ សាលាតន្ត្រី Soundskool ហាង Piano Shop Cambodia គណៈកម្មាធិការសិល្បៈ ICBA និងនាយកផ្នែកឌីហ្សាញ​ Juveris Tenisons។

មហាជន​អាច​រក​ជាវ​សំបុត្រ​បាន​ចាប់​ពី​ខែ​សីហា ឆ្នាំ​២០២៣ តាម​រយៈកម្មវិធី​​ ​Last2Ticket ដើម្បី​ទទួល​យក​នូវ​បទពិសោធកម្មវិធី​វប្បធម៌​ដ៏​អស្ចារ្យ​នេះ​។

​ដើម្បី​ចូលរួម​ក្នុង​កម្មវិធី​ដ៏​ពិសេសនេះ សូមទាក់ទងលោក Gabriele Faja តាមរយៈអ៊ីមែល​៖​ gabi@soundskool.asia។

ភាពជឿនលឿននៃបច្ចេកវិទ្យា ដូចជា AI, blockchain និង chatbots កំពុងតែធ្វើឱ្យវិស័យធនាគារ បន្តផ្លាស់ប្ដូរឱ្យកាន់តែរីកចម្រើនជាលំដាប់ ដោយអនុញ្ញាតឱ្យធនាគារនានាផ្តល់សេវាកម្មរបស់ខ្លួនស្របតាមតម្រូវការអតិថិជនគ្រប់រូប ខណៈដែលប្រតិបត្តិការឌីជីថលកាន់តែមានសុវត្ថិភាព និងអាចទុកចិត្តបាន។ ទោះជាយ៉ាងណាក៏ដោយ ក្រៅពីគុណសម្បត្តិនានាដែលនាំមកនូវអត្ថប្រយោជន៍ បច្ចេកវិទ្យា ទាំងនេះក៏មកជាមួយហានិភ័យ និងការគំរាមកំហែងខ្ពស់ ដែលធនាគារនានាត្រូវតែដោះស្រាយដោយស្មារតីប្រុងប្រយ័ត្នខ្ពស់ផងដែរ។

ក្នុងរយៈពេលប៉ុន្មានខែចុងក្រោយនេះ យើងសង្កេតឃើញថាមានការលួចចូលប្រើប្រាស់ទិន្នន័យជាច្រើនបានកើតឡើងនៅក្នុងប្រទេសកម្ពុជា។ នេះវាមិនមែនជារឿងគួរឱ្យភ្ញាក់ផ្អើលនោះទេ បើយោងតាមរបាយ​​ការណ៍វាយតម្លៃពីកម្មវិធី Cyber Treat របស់ Interpol ក្នុងឆ្នាំ 2021 ដោយចំនួននៃករណីសរុបមានដល់ទៅ 7,345 ករណី ដែលត្រូវបានកត់ត្រាក្នុងប្រទេសកម្ពុជាអំឡុងឆ្នាំ 2020។ ចំនួនករណីនេះមិនរាប់បញ្ចូលទាំងការវាយប្រហារផ្សេងៗទៀតដែលមិនត្រូវបានគេរាយការណ៍ ហើយវិស័យធនាគារជាគោលដៅក្នុងការប៉ុនប៉ងលួចចូលច្រើនបំផុតដែលមានអត្រាដល់ទៅ 21.3% នៃការវាយប្រហារបែប phishing។

តាមការសម្រង់មតិរបស់ លោកជំទាវបណ្ឌិត ជា សិរី ទេសាភិបាលរង ធនាគារជាតិនៃកម្ពុជា (NBC) បានជំរុញឱ្យធនាគារ និងស្ថាប័នគ្រឹះស្ថានហិរញ្ញវត្ថុទាំងអស់ នៅក្នុងព្រះរាជាណាចក្រកម្ពុជា វិនិយោគបន្ថែមលើសន្តិសុខសាយប័រ (Cybersecurity) បន្ថែមទៀត ដោយសារតែមានការកើនឡើងនៃឌីជីថលូបនីយកម្ម (digitalization) ។ លោកជំទាវបណ្ឌិត បានមានប្រសាសន៍ថា ”កំណើនយ៉ាងឆាប់រហ័សនៃ ឌីជីថលូបនីយកម្ម ក៏ផ្ដល់ឱកាសច្រើនដល់ឧក្រិដ្ឋជនតាមប្រព័ន្ធអ៊ីនធឺណិតផងដែរ។ ព័ត៌មានហិរញ្ញវត្ថុ ដ៏សំខាន់ៗរបស់អ្នកប្រើប្រាស់រាប់ពាន់នាក់ ក៏កំពុងស្ថិតក្នុងហានិភ័យ។ ដូច្នេះ នាងខ្ញុំសូមស្នើឱ្យស្ថាប័ន គ្រឹះស្ថានហិរញ្ញវត្ថុទាំងអស់ឱ្យធ្វើការអភិវឌ្ឍឱ្យបានត្រឹមត្រូវលើប្រព័ន្ធសន្តិសុខសាយប័រ និងផ្តល់ការ បណ្តុះបណ្តាលដល់បុគ្គលិកដើម្បីកាត់បន្ថយហានិភ័យនៃការបំពានលើប្រព័ន្ធសុវត្ថិភាព។ បន្តការអប់រំ និងផ្សព្វផ្សាយចំណេះដឹង គឺជាគន្លឹះក្នុងការធានាសុវត្ថិភាពលើសន្តិសុខសាយប័រផងដែរ”។

ឥឡូវនេះ ដល់ពេលហើយដែលម្ចាស់ធនាគារទាំងអស់គិតគូរ និងចាត់ទុកសន្តិសុខសាយប័រ (Cybersecurity) ជាចលករជំរុញកំណើត។ ប្រព័ន្ធសុវត្ថិភាពនឹងជួយជំរុញកម្លាំងការងារឱ្យកាន់តែមាន ផលិតភាព និងភាពច្នៃប្រឌិតដែលនឹងដើម្បីបង្កើនគុណសម្បត្តិប្រកួតប្រជែង។ ការអនុវត្តបែបនេះក៏សមស្របទៅនឹងរបាយការណ៍ដែលបានចេញផ្សាយដោយ Cisco ផងដែរ ដែលបង្ហាញពីការព្រួយបារម្ភថាសន្តិសុខសាយប័រ (Cybersecurity) បានរារាំងការច្នៃប្រឌិតរបស់ក្រុមហ៊ុនដល់ទៅ 71% ដោយភ័យខ្លាចក្នុងការបើកប្រព័ន្ធប្រតិបត្តិការបន្ថែមដែលអាចទទួលរងការគំរាមកំហែងតាមរយៈ ប្រព័ន្ធអ៊ីនធឺណិត។ លើសពីនេះ សន្តិសុខសាយប័រក៏អាចជួយរក្សាទិន្នន័យ និងធ្វើឱ្យអតិថិជនបន្តគាំ ទ្រធនាគារ ស្របពេលដែលធនាគារបង្ហាញពីការប្ដេជ្ញាចិត្តរបស់ខ្លួនក្នុងកិច្ចការពារទិន្នន័យឯកជនភាព និងសម្លឹងឆ្ពោះទៅរកកិច្ចការពារពីការគំរាមកំហែងតាមប្រព័ន្ធអ៊ីនធឺណិតនាពេលខាងមុខបន្ថែមទៀត។

ទោះជាយ៉ាងនេះក្ដី បច្ចេកវិទ្យាដែលកំពុងតែរីកចម្រើន ដូចជាវេទិកាសុវត្ថិភាពដែលប្រើបច្ចេកវិទ្យា Cloud ដំណើរការដោយវិធីញែកកម្មវិធី អាចជួយកាត់បន្ថយហានិភ័យទាំងនេះបានយ៉ាងមានប្រសិទ្ធភាព ដោយផ្ដល់វិសាលភាពការពារពេញលេញទូទាំងសហគ្រាសតូចធំគ្រប់ប្រភេទទាំងអស់ ដោយមិនតម្រូវ Endpoint Software ឬ end user-experience ឡើយ។

ការបំបែកសិន ក្នុងជំហរ Zero trust គឺជាវិធីសាស្រ្តមួយដើម្បីការពារសន្តិសុខសាយប័រ ដែលសន្មតថា រាល់អ្នកប្រើប្រាស់ (user)  ឧបករណ៍ (Devices) និង ណិតវើក (Network) ទាំងអស់សុទ្ធតែមិនមាន សុវត្ថិភាពគួរទុកចិត្តបាន ហើយគួរតែត្រូវបានផ្ទៀងផ្ទាត់បញ្ជាក់ពីសុវត្ថិភាពជាមុនសិនមុននឹងផ្ដល់សិទ្ធិចូលប្រើប្រាស់។ នីតិវិធីនេះកំពុងក្លាយជាវិធីសាស្ត្រដ៏ពេញនិយមកាន់តែខ្លាំងឡើងក្នុងវិស័យធនាគារ និង ស្ថាប័នគ្រឹះស្ថានហិរញ្ញវត្ថុ ដែលជាមធ្យោបាយមួយដើម្បីកែលម្អលើសន្តិសុខសាយប័រ (Cybersecurity) និង ការពារពីការគំរាមកំហែងតាមប្រព័ន្ធអ៊ីនធឺណិត។ ម្យ៉ាងវិញទៀតការបំបែកកម្មវិធី Web Browser ដាច់ដោយឡែក ក៏ជួយរក្សាសកម្មភាពរុករក (browsing) ឱ្យស្ថិតក្នុងស្ថានភាព ឬបរិយាកាសសុវត្ថិភាពផងដែរ ដោយបំបែកចេញពីឧបករណ៍ (Device) និង ណិតវើក (Network) របស់អ្នកប្រើប្រាស់។ វិធីសាស្រ្តនេះមានប្រសិទ្ធភាពខ្ពស់ក្នុងការទប់ស្កាត់ការគំរាមកំហែងតាមវិប (web) ដូចជាការវាយប្រហារបែប phishing, ការទាញយកមេរោគ (Malware Downloads) និងការទាញយកដ្រាយវ៍ណាមួយ (Drive-By Download)។

អំពី Menlo Security

Menlo Security នឹងជួយការពារស្ថាប័នពីការវាយប្រហារតាមរយៈអ៊ីនធឺណិត ដោយលុបបំបាត់ការគំរាមកំហែងនៃមេរោគ malware លើគេហទំព័រ (Web), ឯកសារ (Documents), និងអ៊ីមែល (Email)។ វេទិកាសុវត្ថិភាពប្រើបច្ចេកវិទ្យា Cloud ដំណើរការដោយវិធីញែករបស់ Menlo Security ផ្ដល់វិសាល ភាពការពារពេញលេញទូទាំងសហគ្រាសតូចធំគ្រប់ប្រភេទទាំងអស់ ដោយមិនតម្រូវ Endpoint Software ឬ end user-experience ឡើយ។ Menlo Security ត្រូវបានជឿទុកចិត្តដោយអាជីវកម្ម ធំៗទូទាំងសកលលោក រួមទាំងក្រុមហ៊ុន Fortune 500 និង 8 ស្ថាប័ននៃសេវាកម្មហិរញ្ញវត្ថុពិភពលោកធំជាងគេទាំង 10 ដែលត្រូវបានគាំទ្រដោយ Vista Equity Partners, Neuberger Berman, General Catalyst, American Express Ventures, Ericsson Ventures, HSBC និង JP Morgan Chase។ Menlo Security មានទីស្នាក់ការកណ្តាលនៅ Mountain View រដ្ឋ California ។ សម្រាប់ព័ត៌មានបន្ថែមសូមចូលទៅកាន់គេហទំព័រ www.menlosecurity.com.