ព្រះសីហនុ៖ លោកឧកញ៉ា ទៀ វិចិត្រ បានឲ្យដឹងថា មានករណីលិចទូកនេសាទមួយគ្រឿង ដែលបណ្តាលឲ្យបាត់ខ្លួន​ មនុស្សចំនួន២នាក់ ខណៈពេលនេះលោកឧកញ៉ា​ កំពុងបញ្ជូនអូប័រល្បឿនលឿន របស់ក្រុមហ៊ុនGTVC ចំនួន៤គ្រឿង ដើម្បីរុករកជនរងគ្រោះ នៅលើផ្ទៃសមុទ្រ។

បើតាមការបញ្ជាក់របស់ម្ចាស់ទូក ឈ្មោះ ធិន យឿន ភេទប្រុស ថា ទូកនេសាទនេះ ជាប្រភេទទូកម៉ាស៊ីនប្រភេទគោយន្ត ហើយបានលិចនៅចំណុចលេខដាវ 37.22 ជិតកោះថាស ចន្លោះកោះរ៉ុងសន្លឹម និងក្រុងព្រះសីហនុ វេលាម៉ោង៣រំលងអាធ្រាត ថ្ងៃទី៣០ ខែមករា ឆ្នាំ២០២៣នេះ ។

ម្ចាស់ទូកបញ្ជាក់បន្ថែមថា​ នៅលើទូកនេសាទដែលលិចនោះ មានមនុស្សចំនួន០២នាក់​ មានឈ្មោះ អា ស្រេម  ជាអ្នកបើកទូក​ និងកម្មករទូកម្នាក់ទៀត ម្ចាស់ទូកមិនស្គាល់ឈ្មោះ​ ។

ករណីលិចទូកខាងលើនេះ សម្ថកិច្ចបញ្ជាក់ថា បណ្តាលមកពីខ្យល់កន្ត្រាក់ខ្លាំង​ ទឹករលកធំៗបណ្តាលអោយលិចតែម្តង ។

គួរឲ្យដឹងថា លោកឧកញ៉ា ទៀ វិចិត្រ បានបញ្ជូនអូប័រល្បឿនលឿនរបស់ក្រុមហ៊ុនGTVC ចំនួន៤គ្រឿង សហការជាមួយសម្ថកិច្ច កំពុងស្វែងរកបន្ត ទោះបីជាការស្វែងរកក្នុងលម្ហសមុទ្រ ជួបការលំបាកច្រើន ដោយសារតែសមុទ្រមានខ្យល់​ និងរលកខ្លាំង លោកឧកញ៉ា និងព្យាយាមឲ្យអស់ពីលទ្ធភាព៕

មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ (NCHADS) នៃក្រសួង សុខាភិបាល ដោយមានការគាំទ្រ និងចង្អុលបង្ហាញពីថ្នាក់ដឹកនាំ របស់ក្រសួងសុខាភិបាល ជាពិសេសការ គាំទ្រពី ​រដ្ឋមន្ត្រីក្រសួងសុខាភិបាល ព្រមទាំងមានកិច្ចសហការនិងគាំទ្រពី ​អាជ្ញាធរជាតិ​ប្រយុទ្ធនឹងជំងឺអេដស៍ ក្រសួងសេដ្ឋកិច្ចនិងហិរញ្ញវត្ថុ អង្គការដៃគូអភិវឌ្ឍន៍ អង្គការសង្គមស៊ីវិល បណ្តាញក្រុមប្រឈមមុខនឹង ការឆ្លងមេរោគអេដស៍ និងបណ្តាញយុវជនកាកបាទក្រហមកម្ពុជា ដែលចូលរួមផ្សព្វផ្សាយលើការ បង្ការជំងឺអេដស៍ និងគាំទ្រអ្នកផ្ទុកមេរោគអេដស៍ និងក្រុមគ្រួសារ នៅទូទាំងប្រទេសកម្ពុជា ។

ជាលទ្ធផលយោងតាមឯកសារ ទទួលបានពីមជ្ឈមណ្ឌលជាតិ ប្រយុទ្ធនឹងជំងឺអេដស៍ សើស្បែក និងកាមរោគ កម្ពុជាបានសម្រេចទិសដៅ ៩០បីដង នៅឆ្នាំ២០១៧ (បីឆ្នាំមុនកាលកំណត់) បច្ចុប្បន្ននេះ យើងក៏បានដាក់ចេញនូវទិសដៅ ៩៥ បីដង នៅឆ្នាំ ២០២៥។ យោងតាមការប៉ាន់ស្មានដោយអង្គការ UNAIDS ឆ្នាំ ២០២១ បានឱ្យដឹងថា អត្រាប្រេវ៉ាឡង់ នៃមេរោគអេដស៍ក្នុងចំណោម មនុស្សពេញវ័យមាន ០,៦% ករណីឆ្លងថ្មី នៃមេរោគអេដស៍មាន ១.១០០នាក់ និងករណីស្លាប់ដោយសារជំងឺអេដស៍ ក៏មាន ១.១០០ នាក់ ដែរ។

ក្នុងអំឡុងពេលបីឆ្នាំចុងក្រោយនេះ យើងសង្កេតឃើញថា ករណីឆ្លងថ្មី នៃមេរោគអេដស៍នៅទ្រឹង ហើយក្នុងចំណោមករណីឆ្លងថ្មី ១.១០០ នាក់នោះគឺ ៧៧% កើតឡើងនៅក្នុងចំណោមក្រុមប្រជាជនចំណុច និងដៃគូរួមភេទរបស់គាត់។ យើងក៏អាចនិយាយបានថា វាអាចបណ្តាលមកពីផលប៉ះពាល់ នៃជំងឺរាតត្បាតជាសកល គឺជំងឺកូវីដ-១៩ ដែលបានជះឥទ្ធិពលអវិជ្ជមាន ដល់ការផ្តល់សេវាបង្ការ សេវាធ្វើតេស្តរកមេរោគ អេដស៍ និងការព្យាបាល។

គិតត្រឹមត្រីមាសទី ៣ ឆ្នាំ ២០២២ អ្នកជំងឺអេដស៍ដែលកំពុងទទួលសេវាថែទាំ ព្យាបាល នៅតាមសេវាព្យាបាលជំងឺអេដស៍ ៧១ កន្លែងទូទាំងប្រទេស មានចំនួន ៦៤.១៨៤ នាក់ ធៀបនឹងចំនួនអ្នកផ្ទុកមេរោគអេដស៍សរុបមាន ៧៤.០០០ នាក់ យោងតាមការប៉ាន់ស្មានអ្នកផ្ទុកមេរោគអេដស៍ ឆ្នាំ ២០២១។

ខ្ញុំក៏សូមទាញនូវការចាប់អារម្មណ៍ផងដែរ លើអត្រាប្រេវ៉ាឡង់ក្នុងចំណោម ក្រុមប្រឈមមុខខ្ពស់នៅមានកម្រិតខ្ពស់ គឺក្នុងចំណោមស្រ្តីធ្វើការនៅតាមសេវាកម្សាន្តមាន ​៤,៩% (IBBS-២០២២) និង​ប្រេវ៉ាឡង់នៃមេរោគស្វាយ ១៨,៩% បុរសរួមភេទជាមួយបុរស ៤,០% (IBBS-២០១៩) និងក្រុមបំប្លែងភេទ ៩,៦% (IBBS-២០១៩)​ អ្នកប្រើប្រាស់គ្រឿងញៀន ៥,៧% (IBBS-២០១៧) និងអ្នកចាក់គ្រឿងញៀនមានរហូតដល់ ១៥,២% (IBBS-២០១៧) ។

ដើម្បីជម្រុញការទប់ស្កាត់ការ រីករាលដាលមេរោគអេដស៍ នៅប្រទេសកម្ពុជា ពិសេសក្នុងចំណោម​ក្រុមប្រឈម​មុខខ្ពស់ មជ្ឈមណ្ឌលជាតិ និងអង្គការដៃគូអភិវឌ្ឍន៍បានរៀបចំ ដាក់ចេញនូវនវានុវត្តន៍​ លើបទអន្តរាគមន៍ជាច្រើន ជាពិសេស ១)-ការអប់រំផ្សព្វផ្សាយទាំង ដោយជួបផ្ទាល់ និងតាមរយ: អនឡាញក្នុងគោលបំណង ផ្តល់ព័ត៌មាន​ទាក់ទងនឹងការបង្ការ ថែទាំ ព្យាបាលជំងឺអេដស៍ និងកាមរោគ ​ដល់ប្រជាជនទូទៅ ជាពិសេសក្រុមដែល​មានការប្រព្រឹត្ត ប្រឈមនឹងការឆ្លងមេរោគអេដស៍ ដើម្បីឱ្យពួកគាត់មានការ ផ្លាស់ប្តូរការប្រព្រឹត្តដែលមានហានិភ័យខ្ពស់ ​ទៅប្រកាន់យកនូវការប្រ​ព្រឹត្តប្រកបដោយសុវត្ថិភាព និងទទួលបានសេវានានា ដែល​ទាក់ទងនឹងជំងឺអេដស៍ និង​​កាមរោគឱ្យបានត្រឹមត្រូវ និងទាន់ពេល។

ជាពិសេសក្នុងឱកាលនេះ មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ សូមបើកសម្ភោធយុទ្ធនាការថ្មីមួយទៀត ដើម្បីចាក់ផ្សាយវីដេអូចំនួន ១០ រឿង (ត្រូវជា ១៥ ឃ្លីប) ថ្មីទៀត ព្រមទាំង សម្ភារអប់រំ ដ៏សម្បូរបែប ។ វីដេអូរឿងទាំងនេះ នឹងឆ្លុះបញ្ចាំងទៅលើទិដ្ឋភាពសង្គម វប្បធម៌ ប្រពៃណី និងទំនាក់ទំនងស្នេហា តាមបរិបទថ្មីរវាងក្រុមយុវវ័យ ក្រុមប្រជាជនគោលដៅ និងប្រជាជនទូទៅ​​ ក្នុងគោលបំណងផ្សព្វផ្សាយសារអប់រំស្តីពី ការ​បង្ការ ថែទាំ ព្យាបាលជំងឺអេដស៍​ និងកាមរោគ នៅព្រះរាជា-ណាចក្រកម្ពុជា ។

ខ្ញុំជឿជាក់ថា នឹងមានអ្នកចូលទស្សនាវីដេអូរឿងទាំងនេះជាច្រើន តាមរយ:បណ្តាញទំនាក់-ទំនងសង្គមទាំងបី គឺ Facebook YouTube និង Instagram ដែលមានឈ្មោះថា “ ការពារខ្លួនអ្នក ” ហើយសង្ឃឹម​ថា តាមរយ:ការទស្សនាខ្សែវីដេអូរឿងទាំងនេះ អ្នកទស្សនាទាំងអស់ ជាពិសេសក្រុមប្រឈមមុខខ្ពស់ និងជាពិសេសក្រុមយុវវ័យ នឹងទទួលបានព័ត៌មានជាក់លាក់ស្តីពី ការបង្ការ ថែទាំ និងព្យាបាលជំងឺអេដស៍ និងកាមរោគ ឈានដល់ការផ្លាស់ប្តូរការប្រព្រឹត្ត ដែលប្រឈមមុខខ្ពស់នឹងការឆ្លងមេរោគអេដស៍ ទៅជាការប្រកាន់ខ្ជាប់នូវវិធានការបង្ការ ដូចជា ការប្រើប្រាស់ស្រោមអនាម័យឱ្យបានត្រឹមត្រូវ និងជាប់លាប់ រាល់ពេលរួមភេទ ការលេបថ្នាំប្រឹព(PreP) ការធ្វើតេស្តរកមេរោគអេដស៍ ការស្វែងរកសេវាព្យាបាលជំងឺកាមរោគ និងព្យាបាលជំងឺឱ្យបានឆាប់បំផុត នៅតាមសេវាដែលផ្តល់ជូន ដោយក្រសួងសុខាភិបាល និងអង្គការដៃគូអភិវឌ្ឍន៍ នៅទូទាំងប្រទេស ដើម្បីចូលរួមកាត់បន្ថយការ ឆ្លងរាលដាលនៃមេរោគអេដស៍ និងឈានទៅសម្រេចបាននូវគោលដៅលុបបំបាត់ការឆ្លងថ្មី នៃមេរោគអេដស៍ នៅព្រះរាជាណាចក្រកម្ពុជា នៅឆ្នាំ២០២៥ ៕

ព្រះសីហនុ៖ លោកឧកញ៉ា ទៀ វិចិត្រ ប្រធានគណៈកម្មាធិការ​ គណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ នៅថ្ងៃទី២១ ខែមករា ឆ្នាំ២០២៣ បាននាំយកសត្វល្មិច ទម្ងន់ធ្ងន់ចំនួន១ក្បាលទៀតហើយ ទៅព្រលែងក្នុងសមុទ្រធម្មជាតិវិញ ដែលជាការព្រលែង​ លើកទី១៣៥។

សុំបញ្ជាក់ថា គ្រប់ពេលដែលនាំយកសត្វក្រាស់ ឬសត្វល្មិច ទៅព្រលែងម្តងៗ លោកឧកញ៉ា ទៀ វិចិត្រ តែងតែមានកឹបសៀល តាមបច្ចេកទេស សម្គាល់សត្វក្រាស់ឬសត្វល្មិច ដែលត្រូវបានលែង ក្នុងសមុទ្រឡើងវិញ ដែលជាសញ្ញាសម្គាល់ ក្នុងគោលការណ៍អភិរក្សសត្វសមុទ្រកម្រ ជាអន្តរជាតិ ហើយសៀលដែលកឹបលើសត្វល្មិច លើកនេះគឺ KH 0804។

ក្នុងពេលរៀបចំព្រលែងសត្វក្រាស់ ឬសត្វល្មិច លោកឧកញ៉ា ទៀ វិចិត្រ មានប្រសាសន៍ថា ការកឹបសៀលសម្គាល់បែបនេះ មានសារៈសំខាន់ណាស់ ក្នុងការអភិរក្សសត្វសមុទ្រកម្រជាអន្តរជាតិ ដោយសារថាប្រសិនបើមានការនេសាទ បានសត្វក្រាស់ឬសត្វល្មិច ដែលឃើញមានកឹបសៀលសម្គាល់ អ្នកនេសាទនៅក្នុងប្រទេសយើង ឬអ្នកនេសាទតាមបណ្តាប្រទេសនានា នឹងព្រលែងចូលក្នុងសមុទ្រវិញ មិនសម្លាប់ ឬលក់ដូរធ្វើអាជីវកម្មឡើយ។

នៅពេលអ្នកនេសាទភាគច្រើន នេសាទបានសត្វក្រាស់ ឬសត្វល្មិច តែងតែនាំយកមកប្រគល់ ជូនលោកឧកញ៉ា ទៀ វិចិត្រ ជាបន្តបន្ទាប់ដើម្បីព្រលែងក្នុងសមុទ្រវិញ ក្នុងនោះលោកឧកញ៉ា ទៀ វិចិត្រ ក៍បានថ្លែងអំណរគុណ ដល់ស្មារតីសហការរបស់បងប្អូនអ្នកនេសាទ ដែលចូលរួមជួយការពារអភិរក្ស សត្វសមុទ្រកម្រជាសកល ៕

ព្រះសីហនុ៖ លោកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ នៅថ្ងៃទី១៩ ខែមករា ឆ្នាំ២០២៣ បានបញ្ជូនអូប័រល្បឿនលឿន និងក្រុមការងារសង្គ្រោះ ទៅទទួលយកស្រ្តីជាពលរដ្ឋ នៅក្រុងកោះរ៉ុង មានជំងឺ ដឹកយកមកកាន់ខេត្តព្រះសីហនុ ដើម្បីសង្គ្រោះបន្ទាន់នៅមន្ទីរពេទ្យ។

លោកឧកញ៉ា ទៀ វិចិត្រ មានប្រសាសន៍ថា ស្រ្តីជាអ្នកជំងឺ ស្នាក់នៅភូមិដើមថ្កូវ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។

បច្ចុប្បន្ន ស្រ្តីខាងលើ ត្រូវបានក្រុមការងារសង្គ្រោះ របស់ លោកឧកញ៉ា ទៀ វិចិត្រ បញ្ជូនតាមអូប័រល្បឿនលឿន មកកាន់កំពង់ផែនៅក្រុងព្រះសីហនុ ដោយសុវត្ថិភាព ហើយបានបន្តដឹកតាមរថយន្តសង្គ្រោះ របស់ គណៈកម្មាធិការ​ គណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ យកទៅសង្គ្រោះបន្ទាន់នៅមន្ទីរពេទ្យ ក្នុងខេត្តព្រះសីហនុ៕

ភ្នំពេញ៖នាយក្រឹមទូតសុឆន្ទៈក្រុមហ៊ុនឆ្នោតមហាសំណាង នៅថ្ងៃទី១៦ ខែមករា ឆ្នាំ២០២៣ បានចុះទៅប្រគល់រង្វាន់ជូនអ្នកឈ្នះរង្វាន់ធំ៨០លានរៀល ប្រភេទឆ្នោតកោស សប្បាយកោស មានឈ្មោះ ម៉ៅ ធីម រស់នៅភូមិត្រពាំងរាំ ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង។

លោក ពេជ្រ ចិត្រា អគ្គនាយក្រុមហ៊ុនខ្មែរមហាសំណាង ឯ.ក បានមានប្រសាសន៍ថា” ឆ្នោតមហាសំណាង “ជាប្រតិបត្តិករឆ្នោតឈានមុខក្នុងរយៈពេល៦ឆ្នាំ” ហើយថ្មីៗនេះ ក្រុមហ៊ុនបានទទួលបានអាជ្ញាបណ្ណឆ្នោតផ្សងសំណាង ពេញលេញបន្ត៥ឆ្នាំទៀត (២០២២ – ២០២៦) ចាប់តាំងពីបើកដំណើរការក្រុមហ៊ុនបានចូលរួម យ៉ាងសកម្មក្នុងសកម្មភាពមនុស្សធម៌ និងកិច្ចការងារជួយសង្គមនៅជាង ៣០០ កន្លែងក្នុង25រាជធានីខេត្តក្រុង និងស្ទើរតែគ្រប់ឃុំទូទាំងរាជធានីខេត្តនៃព្រះរាជាណាចក្រកម្ពុជា។ ក្នុងពេលដែលព្រះរាជាណាចក្រកម្ពុជាទទួលរងនូវវិបត្តិកូវីដ-១៩ ហើយត្រូវបានបិទខ្ទប់ ឆ្នោតមហាសំណាងបានចូលរួមចំណែកក្នុងការជួយគាំទ្ររាជរដ្ឋាភិបាលនៃព្រះរាជាណាចក្រកម្ពុជា តាមរយៈការផ្តល់ជូននូវសម្ភារៈចាំបាច់នានា ម្ហូបអាហារ ទឹកបរិសុទ្ធវីតាល់ មីជាតិ ដល់ប្រជាជនដែលជាប់ក្នុងការបិទខ្ទប់ និងកម្លាំងដែលឈរជើងតាមទីតាំងដែលត្រូវបានបិទខ្ទប់។

លោកបានបន្ថែមថា” ការប្រគល់រង្វាន់ធំ៨០លានរៀលនៅពេលនេះគឺមិនមែនជារង្វាន់ធំលើកទីមួយនោះទេ ជាក់ស្ដែងក្រុមហ៊ុនប្រគល់រង្វាន់ធំៗ ជាច្រើននាពលកន្លងមក ហើយខាងក្រោមនេះជាឈ្មោះអ្នកឈ្នះរង្វាន់ធំៗនាពេលថ្មីៗនេះ៖

1/ឈ្មោះ: ឈន ស្រីនី រស់នៅភូមិកក់អង្គុញ ឃុំព្រៃវិហារ ស្រុកគងពិសី ខេត្តកំពង់ស្ពឺឈ្នះរង្វាន់: 20លានរៀល ប្រភេទឆ្នោតកោស: ឆុតណាស់

2/ឈ្មោះ: នីម ស្រីមុំ រស់នៅភូមិជីប៉ែ ឃុំស្រែចារ ស្រុកស្នួល ខេត្តក្រចេះ ឈ្នះរង្វាន់: 40លានរៀល ប្រភេទឆ្នោតកោស: សន្លឹកមាស

3/ឈ្មោះ:និច រិនណា រស់នៅភូមិក្រាំងម្កាក់ ឃុំក្រាំងម្កាក់ ស្រុកអង្គស្នួល ខេត្តកណ្តាល ឈ្នះរង្វាន់: 80លានរៀល ប្រភេទឆ្នោតកោស: សប្បាយកោស

4/ឈ្មោះ: ស៊ុន គីម រស់នៅភូមិតាមុំ ឃុំផុង ស្រុកបសេដ្ឋ ខេត្តកំពង់ស្ពឺ ឈ្នះរង្វាន់: 80លានរៀល ប្រភេទឆ្នោតកោស: វើលខាប់

5/ឈ្មោះ: ភឹម ចាន់ រស់នៅភូមិពេជ្រសង្វា សង្កាត់ច្បារមន ក្រុងច្បារមន ខេត្តកំពង់ស្ពឺឈ្នះរង្វាន់: 80លានរៀល ប្រភេទឆ្នោតកោស: ទាសំណាង

6/ឈ្មោះ: កែវ សុខឿន រស់នៅភូមិចំណោតរាម ឃុំបិតត្រាង ស្រុកព្រៃនប់ ខេត្តព្រះសីហនុឈ្នះរង្វាន់: 100លានរៀល ប្រភេទឆ្នោតកោស: សន្លឹកមាស

7/ឈ្មោះ: ភាច ស៊ាងរស់នៅភូមិអង្គស្វាយទូ ឃុំជៃកំពត ស្រុកព្រះស្ដេច ខេត្តព្រៃវែង ឈ្នះរង្វាន់: 40លានរៀល ប្រភេទឆ្នោតកោស: ឃុំមាស

8/ឈ្មោះ: ឈីវ ឆង រស់នៅភូមិសៀម ឃុំព្រែកជីក ស្រុករុក្ខគិរី ខេត្តបាត់ដំបងឈ្នះរង្វាន់: 8លានរៀល ប្រភេទឆ្នោតកោស: គោលុយ

9/ឈ្មោះ: ចន្ទ័ លីណាត រស់នៅភូមិក្រាំងរងៀង ឃុំអន្លង់រាប ស្រុកវាលវែង ខេត្តពោធិ៍សាត់ ឈ្នះរង្វាន់: 80លានរៀល ប្រភេទឆ្នោតកោស: ទាសំណាង

10/ឈ្មោះ ម៉ន ហែរ រស់នៅភូមិឃ្លៀច ឃុំរំចេក ស្រុកមេមុត ខេត្តត្បូងឃ្មុំ ឈ្នះរង្វាន់: 8,800,000រៀល ប្រភេទឆ្នោតកោស: ជ្រូកលុយ

សារជាថ្មីម្ដងទៀត ថ្នាក់ដឹកនាំក្រុមហ៊ុនឆ្នោតមហាសំណាងសូមថ្លែងអំណរគុណចំពោះអាជ្ញាធរតាមមូលដ្ធាន និងអាជ្ញាធរតាមបណ្ដារាជធានីខេត្តក្រុងដែលតែងតែគាំទ្រដល់ក្រុមឆ្នោតមហាសំណាង។

សំរាប់ពត៌មានបន្ថែមសូមទាក់ទង: 093 400 888 / 087 903 233