អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនGTVC ទៅជួយយកបុរស២នាក់ ពីកោះរ៉ុង មកសង្គ្រោះបន្ទាន់នៅខេត្តព្រះសីហនុ ក្រោយជួបគ្រោះថ្នាក់ចរាចរណ៍
ភ្នំពេញ៖ អ្នកឧកញ៉ា ទៀ វិចិត្រ នៅយប់ថ្ងៃទី១៥ ខែសីហា ឆ្នាំ២០២៥ បានបញ្ជូនអូប័រល្បឿនលឿន របស់ក្រុមហ៊ុន GTVC ទៅទទួលយកបុរស២នាក់ ជាប្រជាពលរដ្ឋ ក្នុងក្រុងកោះរ៉ុង ដែលជួបគ្រោះថ្នាក់ចរាចរណ៍ បណ្តាលអោយបាក់ដៃ និងបាក់ជើង បញ្ជូនយកមកខេត្តព្រះសីហនុ ដើម្បីសង្គ្រោះបន្ទាន់នៅមន្ទីរពេទ្យ។
អ្នកឧកញ៉ា ទៀ វិចិត្រ មានប្រសាសន៍ថា បុរសទាំង២ មានឈ្មោះ
១-យឺន កូ អាយុ៣២ឆ្នាំ មុខរបរ កម្មករសំណង់ ទីកន្លែងកំណើត ឃុំដំបូករូង ស្រុកភ្នំស្រួច ខេត្តកំពង់ស្ពឺ(របួសបាក់ដៃនិងបាក់ជើង)
២-ព្រាប ឡឹកពិសាល អាយុ២៨ឆ្នាំ មុខរបរ កម្មករសំណង់ ទីកន្លែងកំណើត ភូមិព្រៃធំ ឃុំថ្មោងខាងត្បូង ស្រុកកំចាយមាស ខេត្តព្រៃវែង។
បុរសរងគ្រោះទាំង ២នាក់ ត្រូវបានក្រុមការងាររបស់អ្នកឧកញ៉ា ទៀ វិចិត្រ បញ្ជូនតាមអូប័រ មកកាន់កំពង់ផែនៅក្រុងព្រះសីហនុ ដោយសុវត្ថិភាព និងដឹកតាមរថយន្តសង្គ្រោះរបស់ក្រុមហ៊ុនអ្នកឧកញ៉ា យកទៅសង្គ្រោះនៅមន្ទីរពេទ្យ៕
