អ្នកឧកញ៉ា ទៀ វិចិត្រ បញ្ជូនអូប័រល្បឿនលឿន GTVC ទៅជួយយកភ្ញៀវបរទេសម្នាក់ ពីកោះរ៉ុងមកសង្គ្រោះ នៅមន្ទីរពេទ្យខេត្ត ក្រោយរងរបួសធ្ងន់ធ្ងរ

ភ្នំពេញ៖ អ្នកឧកញ៉ា ទៀ វិចិត្រ នៅយប់ថ្ងៃទី១៥ ខែឧសភា ឆ្នាំ២០២៥ បានបញ្ជូនអូប័រល្បឿនលឿនរបស់ក្រុមហ៊ុន GTVC ទៅជួយទទួលយកបុរសម្នាក់​ ជាភ្ញៀវទេសចរបរទេស ពីកោះរ៉ុង មកសង្គ្រោះបន្តនៅមន្ទីរពេទ្យខេត្តព្រះសីហនុ ក្រោយពីរងការភ្លាត់ជង្គង់ បណ្តាលឱ្យរងរបួសធ្ងន់ធ្ងរ។

ភ្ញៀវទេសចរខាងលើ ត្រូវបានក្រុមការងារ របស់អ្នកឧកញ៉ា បញ្ជូនតាមអូប័រ មកកាន់កំពង់ផែទេសចរណ៍​ ក្រុងព្រះសីហនុដោយសុវត្ថិភាព នឹងបន្តដឹកតាមរថយន្តសង្គ្រោះក្រមហ៊ុន GTVC របស់អ្នកឧកញ៉ា យកទៅសង្គ្រោះបន្ទាន់ នៅមន្ទីរពេទ្យក្នុងខេត្តព្រះសីហនុ៕