អ្នកឧកញ៉ា ទៀ វិចិត្រ បញ្ជូនអូប័រល្បឿនលឿន ជួយយកស្រីម្នាក់ជាប្រពន្ធកងទ័ព ពីកោះរ៉ុង មកសម្រាលកូននៅមន្ទីរពេទ្យខេត្ត និងឧបត្ថម្ភ២ពាន់ដុល្លារ

ព្រះសីហនុ៖ អ្នកឧកញ៉ា ទៀ វិចិត្រ នឹងលោកស្រី បានឧបត្ថម្ភថវិកាចំនួន ២ពាន់ដុល្លាអាមេរិក ជូនដល់ស្រ្តីម្នាក់ជាប្រពន្ធកងទ័ពជួរមុខ ដែលបានបែកទឹកភ្លោះសម្រាលកូន ព្រមទាំងបញ្ជូនអូប័រល្បឿនលឿន ទៅជួយយកពីកោះរ៉ុង យកមកសម្រាលនៅមន្ទីរពេទ្យបង្អែកខេត្តព្រះសីហនុ ។

ស្ត្រីដែលជាប្រពន្ធកងទ័ពជួរមុខខាងលើនេះ បានមកដល់មន្ទីរពេទ្យខេត្ត និងសម្រាលបានកូនភ្លោះ កាលពីយប់ថ្ងៃទី១៧ ខែកញ្ញា ឆ្នាំ២០២៥។

គ្រួសារខាងលើ បានថ្លែងអំណរគុណ ចំពោះទឹកចិត្តសប្បុរសធម៌ របស់ អ្នកឧកញ៉ា និងលោកស្រី ដែលបានជួយសម្រាលទុក្ខលំបាក និងសង្គ្រោះដល់ក្រុមគ្រួសាររបស់គាត់៕