ភ្នំពេញ៖ នាព្រឹកថ្ងៃព្រហស្បតិ៍ ទី៣០ ខែតុលា ឆ្នាំ២០២៥ ក្រុមហ៊ុន អ៊ីអន ម៉ល ខេមបូឌា ខូអិលធីឌី បានរៀបចំកម្មវិធី សូត្រមន្តលើករាសី និង បញ្ចៀសគ្រោះឧបទ្ទវ សម្រាប់ផ្សារទំនើបដោយមានគោលបំណង ឧទ្ទិសដល់ប្រជាជនដែលបានបាត់បង់ជីវិត ក្នុងជំលោះព្រំដែន កម្ពុជាថៃ និង សោកនាដកម្មពីការលោតពីលើអាគារកាលពីថ្ងៃច័ន្ទ ទី២៧ ខែតុលា កន្លងទៅ។
កម្មវិធីនេះមានគោលបំណងបួងសួងដល់វត្ថុស័ក្កសិទ្ធិ និងសុំពរជ័យជូនដល់ដៃគូអាជីវកម្ម អតិថិជន និងបុគ្គលិកទាំងអស់ ដើម្បីទទួល បានសុខសន្តិភាព ស្របតាមចក្ខុវិស័យស្នូលរបស់ក្រុមហ៊ុន ដែលផ្តោតសំខាន់លើ អតិថិជន ដៃគូអាជីវកម្ម បុគ្គលិក និងប្រទេស កម្ពុជា។
ក្រុមហ៊ុន អីអន ម៉ល ខេមបូឌា សូមប្ដេជ្ញាចិត្តបន្តផ្តល់ជូននូវសុវត្ថិភាព និងការចូលរួមជាមួយសាធារណជន ដើម្បីអោយទទួលបាន សេចក្តីសុខ និងបន្តផ្តល់នូវលទ្ធភាពថ្មីៗដល់ប្រជាជនជាបន្តទៀត៕
