ភ្នំពេញ៖ អ្នកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ នៅតែបន្តបញ្ជូនអូប័រល្បឿនលឿន របស់ក្រុមហ៊ុន GTVC ទៅទទួលយកប្រជាពរដ្ឋ ដែលមានបញ្ហា ត្រូវការជំនួយបន្ទាន់ ពីកោះរ៉ុង មកកាន់មន្ទីរពេទ្យខេត្តព្រះសីហនុ ជាក់ស្តែងពលរដ្ឋម្នាក់ ត្រូវបានអ្នកឧកញ៉ា ជួយម្នាក់ទៀត បន្ទាប់ពីមានអាការៈចុកពោះធ្ងន់ធ្ងរ ។
សូមរំលឹកថា កាលពីយប់ ថ្ងៃទី២៣ ខែវិច្ឆិកា ឆ្នាំ២០២៣ អ្នកឧកញ៉ា ទៀ វិចិត្រ បានបញ្ជូនអូប័រល្បឿនលឿន របស់ក្រុមហ៊ុន GTVC ទៅទទួលយកប្រជាពរដ្ឋមួយរូប មានអាការៈ ចុកពោះធ្ងន់ធ្ងរ យកមកខេត្តព្រះសីហនុ ដើម្បីសង្គ្រោះបន្ទាន់នៅមន្ទីរពេទ្យ។
អ្នកឧកញ៉ា ទៀ វិចិត្រ មានប្រសាសន៍ថា អ្នកជំងឺ មានឈ្មោះ សាយ សារុន ភេទប្រុស អាយុ ៤៩ឆ្នាំ ស្នាក់នៅភូមិ កោះតូច សង្កាត់កោះរ៉ុងសន្លឹម ក្រុងកោះរ៉ុង៕
