ភ្នំពេញ ៖ នាពេលថ្មីៗនេះ គ្រឹះស្ថានមីក្រូហិរញ្ញវត្ថុ អម្រឹត បានចុះហត្ថលេខាទទួលហិរញ្ញប្ប ទានរយៈពេល ៣ឆ្នាំ ក្នុងទំហំទឹកប្រាក់ សរុបចំនួន ៥០ លានដុល្លារសហរដ្ឋអាមេរិកពី ធនាគារកាថេ យូណៃធីត ហៅកាត់ថា “CUB” ។
ប្រតិបត្តិការនេះ គឺជាសមិទ្ធផលមួយដែលកើតឡើងចំពេលដំណាលគ្នាជាមួយ វីរ៉ុសកូវីដ១៩ និងសង្គ្រាមតម្លៃប្រេង រុស្ស៊ីជាមួយអារ៉ាប៊ីសាអូឌីត។
ធនាគារកាថេ យូណៃធីត ហៅកាត់ថា “CUB” បានដើរតួជាយ៉ាងសំខាន់ ក្នុងការ ជួយជ្រោមជ្រែងផ្តល់ហិរញ្ញប្បទាននេះ និងដោយមានការចូលរួមពីស្ថាប័នហិរញ្ញវត្ថុសំខាន់ៗផ្សេងទៀតនៅអាស៊ី ដែលនេះសបញ្ជាក់អំពីគុណភាពឥណទាន និងភាពរឹងមាំរបស់អម្រឹត។ ធនាគារកាថេ យូណៃធីត គឺជាជម្រើសដៃគូសហការមួយរបស់ អម្រឹត សម្រាប់តម្រូវការហិរញ្ញប្បទាននាពេលអនាគត។
លោក ដុស ឌីន អគ្គនាយក នៃគ្រឹះស្ថានមីក្រូហិរញ្ញវត្ថុ អម្រឹត បានបញ្ជាក់ថា ដូច្នេះថា «ប្រាក់កម្ចីនេះ នឹងត្រូវយកទៅប្រើប្រាស់សម្រាប់បេសកកម្មរបស់ អម្រឹត ដើម្បីផ្តល់ជូនដល់ក្រុមប្រជាពលរដ្ឋខ្មែរ ដែលមិនមានលទ្ធភាពទទួលបានសេវាកម្មពីធនាគារ ធ្វើឱ្យប្រសើរឡើងនូវជីវភាពរស់នៅរបស់ប្រជាជនកម្ពុជា និងរួមចំណែកដល់ការអភិវឌ្ឍសេដ្ឋកិច្ច និងសង្គមជាតិ»។
លោកបន្ដថា អម្រឹតមានមោទនភាពចំពោះការផ្តល់សេវាកម្មហិរញ្ញវត្ថុរបស់ខ្លួន ប្រកបដោយទំនួលខុសត្រូវខ្ពស់បំផុតក្នុងសង្គម។
សូរំលឹកថា អម្រឹត បច្ចុប្បន្ននេះ មានអតិថិជន ជាងកន្លះលាននាក់កំពុងប្រើប្រាស់ សេវាកម្ម របស់អម្រឹត ក្នុងនោះរួមមានកសិករដែលមានប្រាក់ចំណូលទាប រហូតដល់ សហគ្រាសខ្នាតតូច និងមធ្យម ដែលប្រើប្រាស់សេវាឥណទាន សេវាប្រាក់បញ្ញើ និងសេវាកម្មផ្សេងៗ។
អម្រឹត មានសាខាចំនួន១៥៨ នៅទូទាំងប្រទេស ជាមួយបណ្តាញឌីជីថលជាច្រើនប្រភេទ ។ អម្រឹត មានបុគ្គលិកជាង ៤.៥០០ នាក់ មានទ្រព្យសកម្មជាង ១ ពាន់លានដុល្លារសហរដ្ឋ អាមេរិក និងមានប្រាក់បញ្ញើសរុបជាង ៥០០ លានដុល្លារសហរដ្ឋអាមេរិក។
អម្រឹត គឺជាក្រុមហ៊ុនបុត្រសម្ព័ន្ធ របស់ Advans Group ដែលជាក្រុមហ៊ុនវិនិយោគលើវិស័យ មីក្រូហិរញ្ញវត្ថុអន្តរជាតិឈានមុខគេមួយ ក្នុងការផ្តល់សេវាកម្មហិរញ្ញវត្ថុ ទៅកាន់ប្រជាជនដែលមានប្រាក់ចំណូលទាបនិងសហគ្រាសធុនតូចនិងមធ្យម នៅ ១០ប្រទេស ក្នុងពិភពលោក ។ FMO និង IFC គឺជាភាគទុនិកធំ២ទៀត ដែលមានទ្រព្យសកម្ម រាប់ពាន់លានដុល្លារសហរដ្ឋអាមេរិក៕
Home›អត្ថបទពាណិជ្ជកម្ម›គ្រឹះស្ថានមីក្រូហិរញ្ញវត្ថុ អម្រឹត បានទទួលហិរញ្ញប្បទាន ៥០ លានដុល្លារ ភ្នំពេញ ៖ នាពេលថ្មីៗនេះ គ្រឹះស្ថានមីក្រូហិរញ្ញវត្ថុ អម្រឹត បានចុះហត្ថលេខាទទួលហិរញ្ញប្ប ទានរយៈពេល ៣ឆ្នាំ ក្នុងទំហំទឹកប្រាក់ សរុបចំនួន ៥០ លានដុល្លារសហរដ្ឋអាមេរិកពី ធនាគារកាថេ យូណៃធីត ហៅកាត់ថ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
ជំពូកថ្មីនៃជីវិត៖ ដំណើរតស៊ូរបស់លោក ជិន វាសនា ឆ្ពោះទៅរកឯករាជ្យភាពហិរញ្ញវត្ថុជាមួយ foodpandaNovember 1, 2026SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026
