ឥឡូវនេះការកុម្ម៉ង់ម្ហូបពី Nham24 កាន់តែងាយស្រួលជាមួយនឹងប្រព័ន្ធទូទាត់តាមអនឡាញថ្មីពី TrueMoney ។
កិច្ចសហប្រតិបត្តិការថ្មីនេះគឺជាការសហការមួយក្នុងចំណោមការសហការជាច្រើនរបស់ទ្រូម៉ាន់នីដែលត្រូវបានបង្កើតឡើង ដើម្បីផ្តល់ជូនអតិថិជនដែលប្រើប្រាស់ TrueMoney Wallet នូវប្រព័ន្ធទូទាត់ប្រាក់ថ្មីដែលរំពឹងថានឹងអាចធ្វើឱ្យអតិថិជន ធ្វើប្រតិបត្តិការហិរញ្ញវត្ថុ និងទូទាត់ប្រាក់បានយ៉ាងទូលំទូលាយតាមអនឡាញ។ ការចងសម្ពន្ធភាពជាមួយ Nham24 គឺជាការចុះអនុស្សរណៈថ្មីមួយទៀតក្នុងការចូលរួមទូទាត់តាមប្រព័ន្ធអនឡាញរបស់ទ្រូម៉ាន់នី។
ក្រុមហ៊ុនទ្រូម៉ាន់នី ដែលជាក្រុមហ៊ុនបច្ចេកវិទ្យាហិរញ្ញវត្ថុដ៏ល្បីឈ្មោះមួយនៅកម្ពុជា កំពុងសហការជាមួយ Nham24 ដែលជាក្រុមហ៊ុនដឹកជញ្ជូនអាហារឈានមុខគេមួយ ដើម្បីពង្រីកបន្ថែមនូវវិធីទូទាត់ប្រាក់ដែលអតិថិជនត្រូវចំណាយលើការបញ្ជាទិញរបស់ពួកគេ។ ក្រុមហ៊ុនទាំងពីរបានចុះហត្ថលេខាលើអនុស្សរណៈនៃការយោគយល់គ្នាដែលរៀបចំឡើងនៅទីស្នាក់ការកណ្តាលរបស់ក្រុមហ៊ុន ទ្រូម៉ាន់នី នៅថ្ងៃទី 18 ខែឧសភា ឆ្នាំ 2022។
ដើម្បីអបអរសាទរកិច្ចសហប្រតិបត្តិការថ្មីនេះ ក្រុមហ៊ុនទ្រូម៉ាន់នីបានផ្តល់ជូនអតិថិជន Nham24 នូវប្រូម៉ូសិនពិសេស។ អតិថិជន Nham24 ដែលទូទាត់ប្រាក់តាម TrueMoney Wallet នឹងទទួលបានប្រាក់ត្រឡប់ទៅវិញ 3$ ភ្លាមៗ។ ប្រូម៉ូសិនពិសេសនេះត្រូវបានអនុវត្តចំពោះអតិថិជនដែលចំណាយចាប់ពី 10$ លើការបញ្ជាទិញរបស់ពួកគេចាប់ពីថ្ងៃទី 18 ខែឧសភា ដល់ថ្ងៃទី 18 ខែមិថុនា ឆ្នាំ 2022។
លោកស្រី ឃួន ហ្វ្រង់ដារា អគ្គនាយិកាគ្រប់គ្រងផ្នែកយុទ្ឋសាស្រ្តនៃ ក្រុមហ៊ុនទ្រូម៉ាន់នី (ខេមបូឌា) មានប្រសាសន៍ថា “នេះគឺជាអនុស្សរណៈនៃការយោគយល់គ្នាថ្មីមួយដែលពួកយើងកំពុងអនុវត្ត ដើម្បីផ្តល់ផលប្រយោជន៍ដល់ភាគីទាំងសងខាងគឺអតិថិជនរបស់ ទ្រូម៉ាន់នី និងអតិថិជនរបស់ Nham24”។ គាត់បានបន្តទៀតថា “Nham24 គឺជាក្រុមហ៊ុនពាណិជ្ជកម្មបែបអេឡិចត្រូនិច (super App)ដ៏ធំបំផុតមួយ ក៏ដូចជាក្រុមហ៊ុន ទ្រូម៉ាន់នី គឺជាក្រុមហ៊ុនបច្ចេកវិទ្យាហិរញ្ញវត្ថុដ៏ល្បីឈ្មោះមួយផងដែរ។ យើងនឹងរួមគ្នាផ្តល់សេវាកម្មដ៏មានតម្លៃដល់អតិថិជនរបស់យើងឲ្យកាន់តែមានភាពប្រសើរឡើង។”
ការសហការគ្នានេះត្រូវបានគេរំពឹងថានឹងបើកឱកាសឱ្យអតិថិជនជាច្រើន ដើម្បីធ្វើការទូទាត់ប្រាក់តាមអនឡាញដោយប្រើ TrueMoney Wallet លើសពីនេះទៅទៀត ក៏បានជួយដល់សហគ្រាសធុនតូច និងមធ្យម (SMEs) ជម្រុញការទូទាត់តាមអនឡាញកាន់តែមានជម្រើសច្រើនសម្រាប់អតិថិជនផងដែរ។
លោក ចាន់ បូរីម៉ា ស្ថាបនិក និងអគ្គនាយកក្រុមហ៊ុន Nham24 បានមានប្រសាសន៍ថា “យើងមានសេចក្តីរីករាយយ៉ាងខ្លាំងដែលអាចចាប់ដៃគូសហការជាមួយក្រុមហ៊ុនដ៏ល្បីឈ្មោះ និងគួរឱ្យទុកចិត្តដូចជា ក្រុមហ៊ុន ទ្រូម៉ាន់នី” ។ លោកបានបន្តទៀតថា “ក្នុងនាមជាក្រុមហ៊ុននពាណិជ្ជកម្មបែបអេឡិចត្រូនិច (super App) យើងបានជួយអាជីវកម្មរាប់មឺុនកន្លែងនៅពេលដែលអាជីវកម្មរបស់ពួកគេរងផលប៉ះពាល់ដោយជម្ងឺរាតត្បាតកូវីដ19។ ឥឡូវនេះ យើងចង់ជួយអាជីវកម្មទាំងនោះ ដោយផ្តល់ជូននូវវិធីបង់ប្រាក់ឱ្យបានច្រើនជម្រើសតាមតែអាចធ្វើទៅបាន តាមរយៈស្ថាប័នដែលមានកេរ្តិ៍ឈ្មោះ និងឈានមុខគេដូចជាក្រុមហ៊ុន ទ្រូម៉ាន់នីជាដើម។ ”
អំពីក្រុមហ៊ុន ទ្រូម៉ាន់នី
ទ្រូម៉ាន់នី គឺជាក្រុមហ៊ុនបច្ចេកវិទ្យាហិរញ្ញវត្ថុអន្តរជាតិឈានមុខគេ និងជាផ្នែកមួយនៃក្រុមហ៊ុន Ascend Money ដែលជាក្រុមហ៊ុនផ្ដល់សេវាហិរញ្ញវត្ថុឌីជីថលបុត្រសម្ព័ន្ធរបស់ក្រុមហ៊ុនCharoen Pokphand Group (CP Group) និងក្រុមហ៊ុន Ant Financial (Alibaba) ដែលជាក្រុមហ៊ុនពីរធំជាងគេបំផុតនៅតំបន់អាស៊ី។ TrueMoney Group គឺជាភ្លែតហ្វមហិរញ្ញវត្ថុដ៏ពេញនិយមបំផុតមួយនៅអាស៊ីអាគ្នេយ៍យ៍ នាពេលបច្ចុប្បន្ន។ ទ្រូម៉ាន់នី បានពង្រីកវត្តមានក្នុងទីផ្សាររបស់ខ្លួនពី ១ប្រទេស ទៅជា ៦ប្រទេសក្នុងរយៈពេលដ៏ខ្លីបំផុត។ បច្ចុប្បន្ន ទ្រូម៉ាន់នី មានប្រតិបត្តិការយ៉ាងរឹងមាំ នៅក្នុងប្រទេសថៃ កម្ពុជា មីយ៉ាន់ម៉ា ឥណ្ឌូនេស៊ី វៀតណាម និងហ្វីលីពីន។ បច្ចុប្បន្ន ទ្រូម៉ាន់នី មានបណ្ដាញភ្នាក់ងារធំជាងគេបង្អស់ក្នុងតំបន់អាស៊ីអាគ្នេយ៍ ដោយមាន ៦៥.០០០ ភ្នាក់ងារ និងមានបរិមាណទូទាត់ប្រាក់ច្រើនជាងគេបង្អស់ ពោលគឺចំនួន ៨ពាន់លានដុល្លាអាមេរិក ក្នុងឆ្នាំ២០១៩។ លើសពីនេះ កម្មវិធីទូរស័ព្ទ TrueMoney Wallet ឈរនៅលំដាប់ទី១ នៃកម្មវិធី E-wallet ទាំងអស់ក្នុងប្រទេសថៃ៕
អំពី Nham24
Nham24 គឺជាក្រុមហ៊ុននពាណិជ្ជកម្មបែបអេឡិចត្រូនិច (super App) ដ៏ធំមួយ ដែលត្រូវបានបង្កើតឡើងក្នុងឆ្នាំ 2015 ហើយចាប់ផ្តើមប្រតិបត្តិការក្នុងឆ្នាំ 2016 ដែលឥលូវកំពុងតែមានប្រតិបត្តិការនៅ 19 ខេត្តក្រុង ក្នុងប្រទេសកម្ពុជា។ Nham24 បានអភិវឌ្ឍន៍ខ្លួនពីភ្លែតហ្វមដឹកជញ្ជូនអាហារទៅជាក្រុមហ៊ុនពាណិជ្ជកម្មបែបអេឡិចត្រូនិច (super App) ដ៏ធំមួយ ដែលរំពឹងទុកថានឹងបង្កើតនូវសេវាថ្មីៗទៀតជាច្រើននាពេលខាងមុខ សម្រាប់អតិថិជនរបស់ខ្លូន។ Nham24 មានអ្នកដឹកជញ្ចូនដែលមានវិជ្ជាជីវៈច្បាស់លាស់ជាង 2,000នាក់ និងពាណិជ្ជករ ឬហាងដ៏ល្បីៗ ដែលជាដៃគូរាប់មុឺនកន្លែង។ បច្ចុប្បន្ន Nham24 មានចំនួនអតិថិជនសកម្មកំពុងប្រើប្រាស់សេវាកម្មដ៏ សម្បូរបែបរបស់ខ្លួនជាង ៦ សែននាក់ហើយចំនួននេះត្រូវបានរំពឹងទុកថានឹងកើនឡើងយ៉ាងរហ័សនាពេលអនាគត៕
Home›អត្ថបទពាណិជ្ជកម្ម›កិច្ចសហការថ្មីរវាង NHAM24 និងក្រុមហ៊ុន ទ្រូម៉ាន់នី ផ្តល់ប្រយោជន៍យ៉ាងច្រើនដល់អតិថិជន ឥឡូវនេះការកុម្ម៉ង់ម្ហូបពី Nham24 កាន់តែងាយស្រួលជាមួយនឹងប្រព័ន្ធទូទាត់តាមអនឡាញថ្មីពី TrueMoney ។ កិច្ចសហប្រតិបត្តិការថ្មីនេះគឺជាការសហការមួយក្នុងចំណោមការសហការជាច្រើនរបស់ទ្រូម៉…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026ទិញឡាន ឈ្នះផ្ទះវីឡា ឈ្នះឡាន ពី GAC CAMBODIAOctober 19, 2026
