ភ្នំពេញ៖ កាលពីព្រឹកថ្ងៃច័ន្ទ ទី៣០ ខែឧសភា ឆ្នាំ ២០២២ “អ៊ីអ៊ែនអឹម កាហ្វេ និង ភោជនីយដ្ឋាន” បានបើកសម្ពោធដំណើរជាផ្លូវការនូវសាខាថ្មីរបស់ខ្លួនដែលស្ថិតនៅលើបណ្តោយមហាវិថីមិត្តភាព ភ្នំពេញ ហាណូយ កែងនិងផ្លូវ ១០១៩ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ (ទីតាំង Google Map : https://goo.gl/maps/D936iL2xjVcM3SvQ7)។ កម្មវិធីបានប្រព្រឹត្តិទៅយ៉ាងអធិកអធម ប្រកបដោយបរិយាកាសសប្បាយរីករាយ ក្រោមការអញ្ជើញចូលរួមពីភ្ញៀវកិត្តិយសយ៉ាងច្រើនកុះករ។
អ៊ីអ៊ែនអឹម សាខាសែនសុខ គឺជាសាខាទី៣ ស្ថិតនៅលើផ្លូវធំ មានចំណតទូលាយ ងាយចេញចូល បរិយាកាសក្នុងហាងមានផាសុខភាព លំអរដោយសួនច្បារធម្មជាតិ និងអាងត្រីនៅចំកណ្តាលហាងជាទីមនោរម្យ។
សាខាថ្មីនេះក៏មានបម្រើជូនអតិថិជននូវជម្រើសអាហារដ៏ឈ្ងុយឆ្ងាញ់និងសំបូរបែបដែលជាអាហារប្រចាំហាង ដូចជាបាយ គុយទាវច្រើនជម្រើសសម្រាប់អាហារពេលព្រឹក ម្ហូបបែបអាស៊ី ម្ហូបខ្មែរ សម្រាប់អាហារថ្ងៃត្រង់ អាហារសម្រន់ និងអាហារពេលល្ងាច ជាមួយនិងភេសជ្ជៈ កាហ្វេ ទឹកផ្លែឈើស្រស់ ។ល។
ក្នុងឱកាសបើកសម្ពោធជាផ្លូវការសាខាថ្មីនេះផងដែរ លោកស្រី ហ៊ុក ស្រីហួរ អគ្គនាយិកា និង ជាស្ថាបនិកក្រុមហ៊ុន បានប្រាប់អោយដឹងថា ដោយមើលឃើញពីសក្កានុពលនៃវិស័យម្ហូបអាហារ និងភេសជ្ជៈ ក្នុងប្រទេសកម្ពុជា និងទទួលបានការគាំទ្រដ៏លើសលប់ពីសំណាក់អតិថិជនរបស់ខ្លួន អ៊ីអ៊ែនអឹម កាហ្វេ និង ភោជនីយដ្ឋាន កំពុងតែពង្រឹង និង ពង្រីកខ្លួនទៅគ្រប់ទីតាំងយុទ្ធសាស្រ្តនានាដើម្បីបំពេញតម្រូវការរបស់ អតិថិជនអោយកាន់តែទូលំទូលាយ ជាក់ស្តែង សាខាហ្វេ្រនឆាយពីរទៀតនឹងកំពុងត្រូវដាក់បើកដំណើរការជាបន្តបន្ទាប់នៅក្នុងឆ្នាំ២០២២នេះ គឺអ៊ីអ៊ែនអឹម កាហ្វេ និង ភោជនីយដ្ឋានសាខាស្គន់ ដែលស្ថិតនៅលើបណ្តោយជាតិ លេខផ្លូវ6A ជាទីប្រជុំជនស្រុកស្គន់ រីឯសាខាហ្វ្រេនឆាយទី៣ នឹង ស្ថិតនៅក្នុងខណ្ឌទួលគោករាជធានីភ្នំពេញផងដែរ។
ទន្ទឹមនិងការតាំងចិត្តយ៉ាងមុតមាំ ការត្រៀមខ្លួនបានយ៉ាងល្អ អ៊ីអ៊ែនអឹម កាហ្វេ និង ភោជនីយដ្ឋានក៏បានប្រកាសជាផ្លូវការចាប់ផ្តើមទទួលពាក្យស្នើសុំចង់ក្លាយជាដៃគូរសហការហ្វ្រេនឆាយបន្តបន្ទាប់ទៀតចាប់ពីពេលនេះតទៅ
សម្រាប់ពត៌មានលម្អិតលោកអ្នកអាចទាក់ទងទៅកាន់ក្រុមការងារអ៊ីអ៊ែនអឹម កាហ្វេ និង ភោជនីយដ្ឋានតាមរយៈ
ទូរស័ព្ទ ៖ 012 95 45 78 / 010 95 45 78
Facebook Page: E&M Coffee & Restaurant
