ឃ្លីបវីដេអូជិត ១នាទីកំពុងធ្វើឱ្យហ្វេនៗ និងទស្សនិកជនងឿងឆ្ងល់ និងចង់ដឹងជាខ្លាំងបន្ទាប់ពីពួកគេបានឃើញតារាល្បីៗជាច្រើនរូបចូលរួម ដោយពួកគេនាំគ្នាចោទជាសំនួរថា តើ PNN PLUS ជាអ្វី?
តារាល្បីៗដែលបានចូលរួម និងចោទជាសំនួរចំពោះឃ្លីបវីដេអូដែលកំពុងចែករំលែកតៗគ្នាលើបណ្ដាញសង្គម និងនៅលើផេកផ្លូវការរបស់ស្ថានីយទូរទស្សន៍ PNN មានដូចជា លោក ប៉ែន ចំរុង, កញ្ញា រ៉ូលីន, កញ្ញា សុភ័ក្រ្ត កុសុម៉ា, ពូណុច, កញ្ញា ពេជ្រ ចន្ទធីតា, កញ្ញា នៅ លក្ខិណា, និងតារាល្បីៗមួយចំនួនទៀត។
នៅមិនទាន់មានការពន្យល់ផ្លូវការនៅឡើយទេអំពីពាក្យ PNN PLUS ដែលកំពុងត្រូវបានចែករំលែកតៗគ្នាយ៉ាងច្រើននោះ។ អ្នកខ្លះបាននិយាយថានេះអាចជាកម្មវិធីកម្សាន្តថ្មីប្លែកមួយទៀតរបស់ស្ថានីយទូរទស្សន៍ PNN ពីព្រោះជារឿយៗ PNN តែងតែពាំនាំមកនូវរសជាតិថ្មីប្លែកដើម្បីបំពេញចិត្តអ្នកគាំទ្រមិនថាកម្មវិធីកម្សាន្តឬក៏ភាពយន្តនោះទេ។
យ៉ាងណាក៏ដោយក៏មានអ្នកខ្លះទៀតនិយាយថា នេះអាចព្រឹត្តិការណ៍ថ្មីនិងប្លែកមួយទៀតដែល PNN ត្រៀមរៀបចំសម្រាប់ឆ្នាំ២០២៣ ដើម្បីបំពេញតម្រូវការចង់បានរបស់ហ្វេនៗ។
ចង់ជ្រាបច្បាស់ពី PNN PLUS សូមរង់ចាំតាមដាននៅលើកញ្ចក់ទូរទស្សន៍ PNN និងផេកផ្លូវការរបស់ PNN។ PNN PLUS នឹងបង្ហាញវត្តមានជាផ្លូវការដើម្បីស្រាយចម្ងល់របស់ទស្សនិកជនក្នុងពេលឆាប់ៗនេះ។
ដើម្បីទស្សនាវីដេអូ សូមចូលទៅកាន់គេហទំព័ររបស់ទូរទស្សន៍ PNN៖ https://news.pnn.com.kh/news/14013៕
