ភ្នំពេញ ថ្ងៃទី១០ ខែមករា ឆ្នាំ២០២៣៖ លោក វណ្ណដា ដែលជាតារាហ៊ីបហបកម្ពុជាដ៏ល្បីរន្ទឺបានចូលរួមជាមួយក្រុមហ៊ុន កូកា-កូឡា កម្ពុជា ក្នុងនាមជាទូតសុឆន្ទៈដើម្បីផ្តល់ជូនភាពស្រស់ស្រាយដល់អ្នកគាំទ្រតន្ត្រីរបស់លោកតាមរយៈ ភេសជ្ជៈ កូកា-កូឡាដើម្បីផ្តល់ភាពរីករាយពិតៗ។
ក្នុងភាពជាដៃគូតាមរយៈផលិតកម្មបារមី រវាង កូកា-កូឡា ដែលជាភេសជ្ជៈលំដាប់ពិភពលោក និងតារាចម្រៀងដែលមានដើមកំណើតនៅខេត្តព្រះសីហនុរូបនេះ បានប្រកាសជាផ្លូវការនៅថ្ងៃទី១០ ខែមករា នៅក្នុងសន្និសីទសារព័ត៌មានមួយនៅរាជធានីភ្នំពេញ។
លោក Leonardo Garcia អ្នកគ្រប់គ្រងទូទៅនៃក្រុមហ៊ុនកូកា-កូឡា ប្រចាំប្រទេសកម្ពុជា និងវៀតណាម បានមានប្រសាសន៍ថា៖ «ភាពជាដៃគូនេះមានគោលបំណងនាំយកបទពិសោធតន្ត្រី និងភាពស្រស់ស្រាយថ្មីមួយកម្រិតទៀត ជូនដល់អ្នកគាំទ្ររបស់វណ្ណដា និងអ្នកគាំទ្រកូកា-កូឡានៅព្រះរាជាណាចក្រកម្ពុជា។ ដូចដែលអ្នកដឹងហើយថា តន្ត្រីជួយលើកកម្ពស់ស្មារតី ជួយលើកទឹកចិត្ត និងជួយបង្កើតការផ្សាភ្ជាប់ទំនាក់ទំនងរបស់អ្នក និងអ្នកជុំវិញខ្លួន ដូចទៅនឹងអ្វីដែល កូកា-កូឡា ផ្ដល់ជូន ផងដែរ»។
វណ្ណដា បានផ្លាស់ប្តូរតន្ត្រីខ្មែរជាមួយនឹងស្តាយ៍ប្រចាំរបស់លោកគឺចង្វាក់ 808-laden ដែលពោរពេញទៅដោយឃ្លាឃ្លោងចម្រៀងជាភាសាខ្មែរ និងអង់គ្លេសដ៏ទាក់ទាញ រួមទាំងមនោសញ្ចេតនារបស់លោកក្នុងបទចម្រៀង និងសមត្ថភាពដែលអាចឱ្យអ្នកគាំទ្រស្រែកច្រៀងបទចម្រៀងរបស់លោកនៅតាមទីកន្លែងនានា មិនថានៅទីផ្សារ ផាប់ ក្លឹបរាត្រី ឬលើតុកតុកកង់បីនោះទេ។
ស្ថិតក្រោមភាពជាដៃគូជាមួយក្រុមហ៊ុន កូកា-កូឡា និងលោក វណ្ណដា តាមរយៈផលិតកម្មបារមី នឹងផលិតមាតិកាឌីជីថលខ្លីៗ ដែលនឹងចេញផ្សាយនៅលើបណ្តាញសង្គមរបស់លោក រួមទាំងទំព័រហ្វេសប៊ុកផ្លូវការ VannDa – វណ្ណដា និងឆាណែល Youtube ដើម្បីបម្រើចំណីអារម្មណ៍របស់អ្នកគាំទ្រតន្ត្រីរបស់លោក និងក៏ដូចជាបង្កើតភាពរីករាយពិតៗជាមួយភេសជ្ជៈ កូកា-កូឡា ជូនដល់អ្នកគាំទ្រកូកា-កូឡាផងដែរ។ បន្ថែមពីនេះ ក៏នឹងមានកម្មវិធីជួបជាមួយអតិថិជន កូកា-កូឡា ផងដែរ ដែលនឹងផ្តល់ឱកាសដល់អ្នកគាំទ្ររបស់លោក វណ្ណដា បានជួបជាមួយរូបលោកផ្ទាល់។
កញ្ញា Laura MAM អគ្គនាយកក្រុមហ៊ុនផលិតកម្មបារមី បានប្រសាសន៍ថា៖ «តាងនាមឱ្យផលិតកម្មបារាមី យើងខ្ញុំសូមថ្លែងអំណរគុណដល់ក្រុមហ៊ុន កូកា-កូឡា ដែលបានជ្រើសរើស វណ្ណដា ឱ្យធ្វើជាទូតសុឆន្ទៈរបស់ខ្លួន។ ឆ្នាំ២០២៣ នឹងជាឆ្នាំដ៏រំភើបមួយសម្រាប់អ្នកគាំទ្រ អ្នកចូលចិត្តតន្រ្តីហ៊ីបហប អ្នកគាំទ្រវណ្ណដា ក៏ដូចជាអ្នកគាំទ្រភេសជ្ជៈ កូកា-កូឡា ផងដែរ។ យើងពិតជារំភើបរីករាយជាខ្លាំង ក្នុងការនាំយកបទពិសោធតន្ត្រីដ៏ល្អបំផុត និងភាពរីករាយពិតៗមកជូនអ្នកគាំទ្រគ្រប់ៗគ្នា»។
ដើម្បីស្វែងយល់បន្ថែមអំពីភាពជាដៃគូនេះ និងមាតិកាដែលនឹងមកដល់ឆាប់ៗ សូមចូលទៅកាន់ទំព័រហ្វេសប៊ុកផ្លូវការរបស់ VannDa តាមរយៈ VannDa – វណ្ណដា ឬទំព័រហ្វេសប៊ុកផ្លូវការរបស់ក្រុមហ៊ុន កូកា-កូឡា តាមរយៈ CocaColaKH៕
អំពីក្រុមហ៊ុនកូកា-កូឡាកម្ពុជា៖
ក្រុមហ៊ុនភេសជ្ជៈកម្ពុជា (កូកា-កូឡា) ជាក្រុមហ៊ុនភេសជ្ជៈគ្មានជាតិស្រវឹង ឈានមុខគេនៅក្នុងព្រះរាជាណាចក្រកម្ពុជា និងជាដៃគូផលិតភេសជ្ជៈរបស់ ក្រុមហ៊ុន កូកា-កូឡា នៅកម្ពុជា និងជាតំណាងចែកចាយផលិតផលតែមួយគត់សម្រាប់ក្រុមហ៊ុន Monster Energy។ ក្រុមហ៊ុនភេសជ្ជៈកម្ពុជា ជាក្រុមហ៊ុនបុត្រសម្ព័ន្ធ 100% របស់ក្រុមហ៊ុន ស្វាយអឺ កូកា-កូឡា។
ក្រុមហ៊ុនភេសជ្ជៈកម្ពុជា កូកា-កូឡា ផ្តល់ការងារប្រមាណ 850កន្លែង និងការងារប្រយោលប្រមាណជាង 8000កន្លែងនៅក្នុងសង្វាក់ផ្គត់ផ្គង់របស់ក្រុមហ៊ុន។ ក្នុងនាមជា ក្រុមហ៊ុនភេសជ្ជៈមួយ ក្រុមហ៊ុនកំពុងបន្តវិនិយោគលើការបង្កើតផលិតផលថ្មី ជម្រើសសំបកវេចខ្ចប់ និងជម្រើសភេសជ្ជៈប្រកបដោយគុណភាព ដែលរួមមាន ភេសជ្ជៈមានជាតិស្ករតិច និងមិនមានជាតិស្ករផងដែរ។ កូកា-កូឡាកម្ពុជា មានផលិតផលដូចជា៖ Coca-Cola, Coca-Cola Zero, Coca-Coca Light, Sprite, Fanta, Schweppes, Fuzetea, Dasani, Samurai, Predator និង Aquarius។ ក្រុមហ៊ុនប្តេជ្ញាចិត្ត ក្នុងការបង្កើតគុណតម្លៃរួមគ្នាក្នុងសហគមន៍ដែលក្រុមហ៊ុនកំពុងមានប្រតិបត្តិការអាជីវកម្ម ដោយធានាថា ចីរភាពគឺជាស្នូលនៃប្រតិបត្តិការអាជីវកម្ម របស់ក្រុមហ៊ុន។ កូកា-កូឡាកម្ពុជា នៅតែកំពុងបន្តកសាងសហគមន៍ដែលខ្លួនកំពុងធ្វើប្រតិបត្តិអាជីវកម្មឱ្យកាន់តែប្រសើរ និងប្រកបដោយចីរភាព។ តាំងពីឆ្នាំ1993មក ក្រុមហ៊ុនបានវិនិយោគទឹកប្រាក់រាប់លានដុល្លារលើគម្រោងសហគមន៍ជាច្រើនក្នុងប្រទេសកម្ពុជា។ គម្រោងនោះរួមមាន ពិភពលោកគ្មានសំរាម (World Without Waste) ការផ្តល់ទឹកស្អាតដល់សហគមន៍វិញ (Water Replenishment) ការផ្តល់សិទ្ធអំណាចដល់ស្រ្តី (Women Empowerment) និងការឧបត្ថម្ភជំនួយក្នុងគ្រាអាសន្ន (Emergency Relief) ជាដើម។ សម្រាប់ព័ត៌មានបន្ថែម សូមចូលទៅកាន់គេហទំព័រ៖ www.cbcl.com.kh ឬចូលទៅកាន់ទំព័រហ្វេសប៊ុកផ្លូវការរបស់យើង facebook.com/CambodiaBeverageCompanyLtd
ទំនាក់ទំនង៖ Media: Sambath Munyvorleak | smunyvorleak@coca-cola.com.kh
Home›អត្ថបទពាណិជ្ជកម្ម›វណ្ណដា ក្លាយជាទូតសុឆន្ទៈរបស់ កូកា-កូឡា ដើម្បីនាំយកភាពរីករាយពិតៗ ជូនអ្នកគាំទ្រនៅកម្ពុជា និងជុំវិញពិភពលោក ភ្នំពេញ ថ្ងៃទី១០ ខែមករា ឆ្នាំ២០២៣៖ លោក វណ្ណដា ដែលជាតារាហ៊ីបហបកម្ពុជាដ៏ល្បីរន្ទឺបានចូលរួមជាមួយក្រុមហ៊ុន កូកា-កូឡា កម្ពុជា ក្នុងនាមជាទូតសុ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
ជំពូកថ្មីនៃជីវិត៖ ដំណើរតស៊ូរបស់លោក ជិន វាសនា ឆ្ពោះទៅរកឯករាជ្យភាពហិរញ្ញវត្ថុជាមួយ foodpandaNovember 1, 2026SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026
