ភ្នំពេញ៖ សភាយុវពាណិជ្ជករអន្តរជាតិ សាខាទួលគោក បានរៀបចំកម្មវិធីដ៏ធំអស្ចារ្យ “យោគៈ និងសមាធិ ដើម្បីបង្កើនគុណភាពជីវិត លើកទី៣ (3rd Yoga & Meditation for Wellbeing)” កាលពីថ្ងៃទី១៨ ខែមីនា ឆ្នាំ២០២៣ នៅ AEON MALL Sen Sok City ដែលមានអ្នកចូលរួមចំនួនជាង ២០០នាក់។
សភាយុវពាណិជ្ជករអន្តរជាតិ សាខាទួលគោក សូមធ្វើការកោតសរសើរចំពោះប្រធានគម្រោង លោក វ៉ុង សូរិយា និងអនុប្រធានគម្រោង កញ្ញា ជោត ដាលីន ដែលបានដឹកនាំក្រុមការងារយ៉ាងសកម្ម ក្នុងប្រតិបត្តិគម្រោងមួយនេះឡើងយ៉ាងរលូន និងទទួលបានភាពជោគជ័យគួរជាទីមោទន។
កម្មវិធីនេះប្រព្រឹត្តិឡើងក្នុងគោលបំណង ដើម្បីលើកកម្ពស់សុខភាពផ្លូវកាយ និងផ្លូវចិត្ត សម្រាប់បងប្អូនប្រជាពលរដ្ឋទាំងក្មេង និងចាស់ ដោយពួកគាត់ចំណាយពេលវេលាមួយព្រឹក ផ្តល់កាដូជូនមកឲ្យខ្លួនឯង មិនមែនជាទ្រព្យសម្បត្តិ ប៉ុន្តែជាការផ្តល់ពេលវេលា ក្នុងការសង្រួមចិត្តតាមរយៈការធ្វើយោគៈ និងសមាធិ ដែលលំហាត់ចិត្ត និងកាយ។
ឆ្លៀតក្នុងឱកាសនោះ កញ្ញា ស៊ុន ស៊ីហនិតនោវី ប្រធានសភាយុវពាណិជ្ជករអន្តរជាតិ សាខាទួលគោក ឆ្នាំ២០២៣ សូមថ្លែងអំណរព្រះគុណ ព្រះភិក្ខុ វជិរប្បញ្ញោ គូ សុភាព, លោក នឹម ឈុន្នី, អ្នកនាង យីម សុធារី និងលោក យាន់ វណ្ណៈ ដែលបានបន្តផ្ដល់មហាកិត្តិយសក្នុងការចូលរួមជាវាគ្មិន តាំងពីការកកើតដំបូងរបស់គម្រោងមួយនេះក្នុងឆ្នាំ២០១៩ រហូតដល់ពេលបច្ចុប្បន្ន និងអំណរគុណដល់ក្រុមហ៊ុន Phnom Penh Precast Plants, ក្រុមហ៊ុន Morakot Park City, AEON MALL Sen Sok City ក៏ដូចជាក្រុមហ៊ុនជាច្រើនទៀត ដែលបានចូលរួមឧបត្ថម្ភ សហការបង្កើតគម្រោងនេះឡើង និងសូមអរគុណដល់យុវជនក្រុមការងារស្ម័គ្រចិត្ត ទាំងអស់ដែលបានសហការយ៉ាងល្អ។
ជាពិសេសមិនអាចខ្វះបាន គឺការចូលរួមពីសំណាក់បងប្អូនទាំងអស់គ្នា និងការបរិច្ចាគវិភាគទានជូនទៅដល់មន្ទីរពេទ្យកុមារអង្គរ ខេត្តសៀមរាប។ សភាយុវពាណិជ្ជករអន្តរជាតិ សាខាទួលគោក សង្ឃឹមថាបងប្អូននឹងបន្តចូលរួមគាំទ្រគម្រោងផ្សេងៗទៀត របស់ JCI Toul Kork ក៏ដូចជាគម្រោងរបស់ JCI Cambodia សាខាផ្សេងៗទៀតដូចគ្នា។
ជាចុងក្រោយ សភាយុវពាណិជ្ជករអន្តរជាតិ សាខាទួលគោក សូមគោរពជូនពរបងប្អូនទទួលបានសុខភាពល្អ ជោគជ័យគ្រប់ភារកិច្ចការងារ និងប្រកបដោយក្តីសោមនស្សរីករាយ សិរីសួស្តីក្នុងក្រុមគ្រួសារ ៕
Home›អត្ថបទពាណិជ្ជកម្ម›សភាយុវពាណិជ្ជករអន្តរជាតិ សាខាទួលគោក រៀបចំកម្មវិធីដ៏ធំអស្ចារ្យ «យោគៈ និងសមាធិ ដើម្បីបង្កើនគុណភាពជីវិត លើកទី៣» នៅផ្សារទំនើបអ៊ីអន២ មានអ្នកចូលរួមជាង ២០០នាក់ ភ្នំពេញ៖ សភាយុវពាណិជ្ជករអន្តរជាតិ សាខាទួលគោក បានរៀបចំកម្មវិធីដ៏ធំអស្ចារ្យ “យោគៈ និងសមាធិ ដើម្បីបង្កើនគុណ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
ជំពូកថ្មីនៃជីវិត៖ ដំណើរតស៊ូរបស់លោក ជិន វាសនា ឆ្ពោះទៅរកឯករាជ្យភាពហិរញ្ញវត្ថុជាមួយ foodpandaNovember 1, 2026SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026
