គ្រោះថ្នាក់អាចកើតឡើងគ្រប់ពេលវេលា គ្រប់ទីកន្លែង និងចំពោះនរណាម្នាក់ ដោយមិនត្រៀមទុកជាមុន ដែលអាចបណ្តាលឱ្យមានរបួសផ្លូវកាយ របួសផ្លូវចិត្ត និងការបាត់បង់ហិរញ្ញវត្ថុ។ សម្រាប់ប្រជាជនកម្ពុជាភាគច្រើន ជាពិសេសអ្នកដែលធ្វើការក្នុងវិស័យក្រៅផ្លូវការ ឬរស់នៅក្នុងតំបន់ជនបទពួកគាត់ គឺពុំសូវទទួលបាន នូវការទទួលបានសេវាធានារ៉ាប់រង ប្រកបដោយគុណភាពនោះឡើយ។
![](https://dap-news.com/wp-content/uploads/2023/05/PPI-MOU-photo-8-of-13-1024x625.jpg)
ជាហេតុដូចនេះហើយទើប ក្រុមហ៊ុន ទ្រូម៉ាន់នី ដែលជាក្រុមហ៊ុនផ្តល់សេវាកាបូបចល័តឈាន មុខគេបានចាប់ដៃគូជាមួយ ក្រុមហ៊ុនធានារ៉ាប់រង ភីភល & ផាតនើរ អុិនសួរេន ភីអិលស៊ី ដែលជាក្រុមហ៊ុនធានារ៉ាប់រងកម្ពុជា ដែលមានអាជ្ញាបណ្ណពេញលេញ ដើម្បីផ្តល់ជូននូវគម្រោងធានារ៉ាប់រង គ្រោះថ្នាក់បុគ្គលដែលត្រូវបានរៀបចំឡើង ជាពិសេសសម្រាប់អតិថិជន Payroll របស់ក្រុមហ៊ុន ទ្រូម៉ាន់នី និងអតិថិជនផ្សេងៗផងដែរ។
![](https://dap-news.com/wp-content/uploads/2023/05/PPI-MOU-photo-9-of-13-1024x683.jpg)
គម្រោងធានារ៉ាប់រងគ្រោះថ្នាក់បុគ្គល មានទឹកប្រាក់ធានាចាប់ពី 3,000 ដុល្លារទៅ 20,000 ដុល្លារ ក្នុង ករណីមរណភាពដោយចៃដន្យ ឬពិការភាពជាអចិន្ត្រៃយ៍រួមជាមួយនឹង អត្ថប្រយោជន៍ចំណាយលើ ការព្យាបាលនៅមន្ទីរពេទ្យចំនួន 10% ក្នុងមួយករណី នៃចំនួនឺកប្រាក់ធានារ៉ាប់រងសរុប។ គម្រោងធានារ៉ាប់រងនេះផ្ដល់ជូន ជាពិសេសសម្រាប់អតិថិជន Payroll របស់ក្រុមហ៊ុន ទ្រូម៉ាន់នី និងអតិថិជនផ្សេងៗទៀត ដែលមានអាយុចាប់ពី18ឆ្នាំ ដល់ 65ឆ្នាំ ដោយវិសាលភាពធានាពេញ 24ម៉ោងទូទាំងប្រទេសកម្ពុជា។
![](https://dap-news.com/wp-content/uploads/2023/05/PPI-MOU-photo-13-of-13-1024x633.jpg)
អតិថិជនអាចទទួលបានព័ត៌មាន អំពីការធានារ៉ាប់រងគ្រោះថ្នាក់បុគ្គល របស់ពួកគេបានយ៉ាងងាយស្រួល តាមរយៈកម្មវិធី TrueMoney Wallet ។ លើសពីនេះ ពួកគេក៏អាចចូលប្រើដៃគូ មន្ទីរពេទ្យ ដោយគ្រាន់តែបង្ហាញកិច្ចសន្យាធានារ៉ាប់រង របស់ពួកគេតាមរយៈកម្មវិធី app។ ភាពជាដៃគូនេះ គឺជា ផ្នែកមួយនៃការប្ដេជ្ញាចិត្តរបស់ក្រុមហ៊ុនទ្រូម៉ាន់នី និង ក្រុមហ៊ុនធានារ៉ាប់រង ភីភល & ផាតនើរ អ៊ិនសួរេន ភីអិលស៊ី ក្នុងការលើកកម្ពស់ជីវភាពប្រជាជនកម្ពុជា ដោយផ្តល់ឱ្យពួកគេនូវសេវាកម្ម និងដំណោះស្រាយហិរញ្ញវត្ថុ បានងាយស្រួល។ តាមរយៈការផ្តល់ការធានារ៉ាប់រង គ្រោះថ្នាក់បុគ្គលដែលមានតម្លៃសមរម្យ ជាមួយនឹងអត្ថប្រយោជន៍ច្រើនបែបនេះ គឺក្នុងគោលបំណងចូលរួមផ្ដល់សន្ដិភាពផ្លូវចិត្ត ដល់ប្រជាជនកម្ពុជាដើម្បីទទួលបាន ការការពារក្នុងករណីគ្រោះថ្នាក់ចៃដន្យ ដែលមិនអាចព្រៀងទុកបាន។
![](https://dap-news.com/wp-content/uploads/2023/05/PPI-MOU-photo-10-of-13-1024x652.jpg)
លោកស្រី ឃួន ហ្វ្រង់ដារ៉ា អគ្គនាយិកាប្រតិបត្តិស្តីទី ក្រុមហ៊ុន ទ្រូម៉ាន់នី កម្ពុជា បានមានប្រសាសន៍ថា៖ “ក្រុមហ៊ុន ទ្រូម៉ាន់នី គឺមិនត្រឹមតែជាក្រុមហ៊ុន ផ្តល់សេវាកាបូបចល័តនោះទេ។ ពួកយើងជាដៃគូដ៏គួរឱ្យទុកចិត្តសម្រាប់អតិថិជន និងអ្នកប្រើប្រាស់របស់យើងដែល ពឹងផ្អែកលើយើងសម្រាប់តម្រូវការ ហិរញ្ញវត្ថុប្រចាំថ្ងៃរបស់ពួកគេ។ យើងមានសេចក្តីសោមនស្សរីករាយ ក្នុងការចាប់ដៃគូជាមួយក្រុមហ៊ុនធានារ៉ាប់រង ភីភល & ផាតនើរ អ៊ិនសួរេន ភីអិលស៊ី ដើម្បីផ្តល់ជូនអតិថិជននូវសន្ដិភាព ផ្លូវចិត្តផ្នែកហិរញ្ញវត្ថុ។
![](https://dap-news.com/wp-content/uploads/2023/05/PPI-MOU-photo-11-of-13-1024x684.jpg)
លោក អ៊ុក សាមិត្ត អគ្គនាយកនៃក្រុមហ៊ុនធានារ៉ាប់រង ភីភល & ផាតនើរ អ៊ិនសួរេន ភីអិលស៊ី មានប្រសាសន៍ថា “យើងរំភើបចិត្តក្នុងការសហការជាមួយ ក្រុមហ៊ុនទ្រូម៉ាន់នីដែលជាក្រុមហ៊ុនផ្តល់សេវា កាបូបចល័តឈានមុខគេដើម្បី នាំយកនូវគម្រោងធានារ៉ាប់រងគ្រោះថ្នាក់បុគ្គល ដែលមានតម្លៃសមរម្យដល់អតិថិជន និងអ្នកប្រើប្រាស់ផ្សេងៗផងដែរ ។ យើងជឿជាក់ថាផលិតផលនេះ នឹងមិនត្រឹមតែពង្រឹងសន្តិភាពផ្លូវចិត្ត និងសុខុមាលភាពហិរញ្ញវត្ថុ របស់អតិថិជនប៉ុណ្ណោះទេ។ លើសពីនេះទៅទៀត គឺបង្ហាញពីការចូលរួមចំណែក ដល់ការអភិវឌ្ឍន៍វិស័យធានារ៉ាប់រង នៅកម្ពុជាផងដែរ»។
សម្រាប់ការដាក់ស្នើសុំធានារ៉ាប់រង គ្រោះថ្នាក់បុគ្គលគឺងាយស្រួលដែលអតិថិជន TrueMoney Payroll អាចទាក់ទងក្រុមការងារតាមរយៈលេខ 069 740 023 ឬ 097 957 91 47។ សម្រាប់ព័ត៌មានបន្ថែមអំពីការ ធានារ៉ាប់រងគ្រោះថ្នាក់បុគ្គល សូមចូលទៅកាន់គេហទំព័រ www.truemoney.com.kh ឬ www.peoplenpartners.com ។
![](https://dap-business.com/wp-content/uploads/2019/12/Untitled-1-1.png)