នាថ្ងៃទី២៨ ខែធ្នូ ឆ្នាំ២០២៣ ក្រុមហ៊ុន វីនីតុន គ្រុប ដែលស្ថិតនៅលើផ្លូវជាតិលេខ៤ រាជធានីភ្នំពេញ បានប្រារព្ធពិធីអបអរសាទរខួបលើកទី៣០នៃការបង្កើតក្រុមហ៊ុន វីនីតុន គ្រុបនិងដាក់សម្ពោធផលិតផលថ្មីជាផ្លូវការ បង្កើតបានជាប្រវត្តិសាស្ត្រដ៏អស្ចារ្យមួយ។
រោងចក្របារីនេះត្រូវបានខិតខំកសាងឡើងនៅប្រទេសកម្ពុជាដោយរោងចក្រថ្នាំជក់ក្វាងទុងប្រទេសចិនចាប់តាំងពីឆ្នាំ១៩៩៣ បានផ្តើមដំណើរការអាជីវកម្មដោយមានលក្ខណៈពិសេសរបស់ខ្លួននៅលើទឹកដីដ៏ស្រស់ត្រកាលមួយនេះ។ កាលពីដំបូងមានត្រឹមតែម៉ាស៊ីនវេចខ្ចប់មួយគ្រឿងនិងម៉ាស៊ីនផលិតបារីពីរគ្រឿង ឆ្លងកាត់រយៈពេល៣០ឆ្នាំ ឃើញថាក្រុមហ៊ុន វីនីតុន គ្រុប មានការរីកចម្រើនយ៉ាងឆាប់រហ័ស។ សព្វថ្ងៃនេះ វាមិនត្រឹមតែក្លាយជាក្រុមហ៊ុនមួយដែលមានសមត្ថភាពផលិត ១០ ពាន់លានដើមប្រចាំឆ្នាំដែលឈានមុខគេក្នុងប្រទេសកម្ពុជានោះទេ ព្រមទាំងមានម៉ាកផលិតផល “អង្គរ” មានឈ្មោះបោះសំឡេងនៅលើទីផ្សារក្នុងស្រុក ដែលត្រូវបានគេស្គាល់ថាជា “បារីថ្នាក់ជាតិ” របស់កម្ពុជា ទទួលបានកេរ្តិ៍ឈ្មោះដ៏ល្បីល្បាញ។
ពិធីអបអរសាទរនេះគឺដូចជាផ្ទាំងទស្សនីយភាពចម្រុះពណ៌មួយ ដែលបង្ហាញពីទស្សនវិស័យវប្បធម៌ដ៏សម្បូរបែប៖ ការសម្តែងរបាំម៉ុងសាយប្រពៃណីចិនហាក់បីដូចជាការវាយស្គរយ៉ាងរំជើបរំជួល បើកទំព័រថ្មីពោរពេញដោយភាពរស់រវើក។ សុន្ទរកថារបស់ថ្នាក់ដឹកនាំជាន់ខ្ពស់នៃក្រុមហ៊ុន គឺដូចជារូបគំនូរផ្ទៃទន្លេដ៏វែងអន្លាយនៃប្រវត្តិសាស្ត្រ រៀបរាប់អំពីអតីតកាលដ៏រុងរឿងរបស់ក្រុមហ៊ុន។ ពិធីប្រគល់រង្វាន់សម្រាប់បុគ្គលិកឆ្នើមនិងបុគ្គលិកស្មោះត្រង់គឺជាការលើកសរសើរដ៏ខ្ពង់ខ្ពស់បំផុតសម្រាប់គ្រប់គ្នាដែលបានរួមចំណែកលះបង់កម្លាំងកាយនិងកម្លាំងចិត្ត។ ការសម្តែងសិល្បៈរបស់និយោជិតក៏បានបង្ហាញពីមរតកវប្បធម៌របស់ក្រុមហ៊ុននិងការរួមសាមគ្គីសហការគ្នាជាក្រុមផងដែរ។ ដូចជាផ្ទៃបឹងដ៏ភ្លឺចិញ្ចាច ឆ្លុះបញ្ចាំងពីស្នាមញញឹម និងញើសឈាមរបស់អ្នកគ្រប់គ្នាដែលបានចូលរួម។
ការតាំងបង្ហាញផលិតផលថ្មីទាំងប្រាំប្រភេទ ប្រៀបដូចជាចំណុចកំពូលនៃខ្សែរឿងនិទាន មិនត្រឹមតែបង្ហាញពីមូលដ្ឋានគ្រឹះដ៏រឹងមាំនៃក្រុមហ៊ុន វីនីតុន គ្រុបក្នុងការច្នៃប្រឌិតលើផលិតផលថ្មីនោះទេ រឹតតែដូចជាទំនាយដ៏ធំមួយសម្រាប់អនាគត បង្ហាញពីតំណែងរបស់ក្រុមហ៊ុនដែលបន្តនាំមុខគេនៅលើទីផ្សារ ។ ផលិតផលថ្មីនីមួយៗគឺដូចជាស្នាដៃសិល្បៈដែលបានផលិតឡើងយ៉ាងយកចិត្តទុកដាក់ តំណាងឱ្យការខិតខំប្រឹងប្រែងឥតឈប់ឈររបស់ក្រុមហ៊ុន វីនីតុន គ្រុប ដើម្បីបំពេញតម្រូវការគុណភាព ការច្នៃប្រឌិត និង ការប្រើប្រាស់របស់អតិថិជន។
ក្រុមហ៊ុន វីនីតុន គ្រុបមិនត្រឹមតែជាគំរូនៃកិច្ចសហប្រតិបត្តិការសេដ្ឋកិច្ចនិងពាណិជ្ជកម្មកម្ពុជា-ចិនប៉ុណ្ណោះទេ ក៏ជាសាក្សីដ៏សំខាន់នៃទំនាក់ទំនងមិត្តភាពកម្ពុជា-ចិនផងដែរ។ ភាពជោគជ័យនិងការអភិវឌ្ឍនេះ ប្រៀបបាននឹងការបង្ហាញដ៏រស់រវើកនៃកិច្ចសហប្រតិបត្តិការរវាងប្រទេសទាំងពីរ ក្រោមគំនិតផ្តួចផ្តើមនៃ “ផ្លូវមួយ ខ្សែក្រវាត់មួយ” ដែលបង្ហាញពីទំនាក់ទំនងជិតស្និទ្ធនិងឥទ្ធិពលទៅវិញទៅមករវាងកម្ពុជានិងចិនក្នុងវិស័យវប្បធម៌និងពាណិជ្ជកម្ម។
សម្លឹងទៅថ្ងៃអនាគត ក្រុមហ៊ុន វីនីតុន គ្រុបនឹងបន្តប្តេជ្ញាចិត្តក្នុងការធ្វើកំណែទម្រង់ស៊ីជម្រៅនិងការច្នៃប្រឌិតថ្មី ព្រមទាំងបន្តកែលម្អគុណភាពផលិតផលនិងសេវាកម្ម។ ការប្ដេជ្ញាចិត្តរបស់ក្រុមហ៊ុនគឺដូចជាមូលដ្ឋានគ្រឹះនិងត្រីវិស័យដ៏មានប្រសិទ្ធភាពមួយ ចង្អុលបង្ហាញទិសដៅអភិវឌ្ឍរបស់រោងចក្រថ្នាំជក់ប្រទេសចិននៅលើទីផ្សារអន្តរជាតិ ទន្ទឹមនឹងការរួមចំណែកដល់ការអភិវឌ្ឍសេដ្ឋកិច្ចនិងសង្គមកម្ពុជា។ តាមរយៈការច្នៃប្រឌិតជាបន្តបន្ទាប់និងការស្វែងរកឧត្តមានុភាពនៃក្រុមហ៊ុន វីនីតុន គ្រុប នឹងបន្តដើរតួនាទីសំខាន់នៅលើឆាកអន្តរជាតិ ដោយនាំយកផលិតផលនិងសេវាកម្មប្រកបដោយគុណភាពខ្ពស់បន្ថែមទៀតដល់អតិថិជន៕
