DAP Business

ព័ត៌មានអន្តរជាតិ

កិច្ចប្រជុំកំពូលអាស៊ានលើកទី ៣៦ និងបណ្ដាអាទិភាពក្នុងបរិបទថ្មី

អាស្រ័យដោយការឆ្លងរាលដាលនៃជំងឺ កូវីដ-១៩​ កិច្ចប្រជុំកំពូលអាស៊ានលើកទី ៣៦ នឹងប្រារព្ធធ្វើឡើង
ក្នុងទម្រង់ជាសន្និសីទវីដេអូនៅថ្ងៃទី ២៦ ខែ មិថុនា ឆ្នាំ ២០២០។

កិច្ចប្រជុំកំពូល អាស៊ាន លើកទី ៣៦ នឹងប្រារព្ធធ្វើឡើងក្នុងបរិបទពិសេស ក្នុងខណៈពេលដែលជំងឺកូវីដ-១៩​
បាននិងកំពុងឆ្លងរាលដាលលើទូទាំងសកលលោក ជះឥទិ្ធពលអវិជ្ជមានដល់ជីវភាពរស់នៅរបស់ប្រជាជន និងវិស័យសេដ្ឋកិច្ចសង្គមនៃប្រទេសនានាក្នុងទូទាំងពិភពលោកនិយាយរួមនិងតំបន់អាស៊ាន និយាយដោយឡែក។ ក្នុងនាមជាប្រធានអាស៊ានឆ្នាំ ២០២០ ប្រទេស វៀតណាម កំពុងបន្តកិច្ចខិតខំប្រឹងប្រែងដើម្បីបង្ហាញតួនាទី របស់ខ្លួន ធានាអោយកិច្ចប្រជុំនេះទទួលបានលទ្ធផលជាផ្លែផ្កាស្របតាមស្ថានភាពថ្មីតាមដែលអាចធ្វើទៅបាន។
​​​ ខិតខំប្រឹងប្រែងសម្រាប់ “តភ្ជាប់និងម្ចាស់ការក្នុងការបន្ស៊ាំនឹងបរិបទថ្មី”អនុវត្តន៍គោលនយោបាយការបរទេសពហុភាគីយ៉ាងសកម្មនិងម្ចាស់ការ ក្នុងរយៈកាល​កន្លង​ទៅ ប្រទេស វៀតណាមបាននិងកំពុងខិតខំបញ្ជាក់ទីតាំងឈរជើងរបស់ខ្លួនលើវេទិកាធំៗក្នុងតំបន់និងពិភពលោក។

ការ​ទទួលភារកិច្ចទាំងពីរក្នុងពេលតែមួយក្នុងឆ្នាំ ២០២០ នេះ គឺសមាជិកមិនអចន្រ្តៃយ៍ក្រុម​ប្រឹក្សាសន្តិសុខនៃអង្គការសហប្រជាជាតិនិងប្រធានអាស៊ានជាឧកាសដ៏មានសារសំខាន់សម្រាប់ ប្រទេស វៀត​ណាម ក្នុងការចូលរួមចំណែកយ៉ាងសកម្មនិងម្ចាស់ការប្រកបដោយទំនួលខុសត្រូវចំពោះវិស័យសន្តិភាព សុវត្ថិភាព និងវិបុលសុខរួមក្នុងតំបន់​ និងពិភពលោកហើយនេះក៏ជាឧកាសដើម្បីប្រទេស វៀត​ណាម​ បញ្ជាក់អំពីជំហរនិងទឹកចិត្តនៃប្រទេសមួយដែល ស្រឡាញ់សន្តិភាព នវានុវត្តន៍កំពុងក្នុងដំណើរការសមាហរណកម្មអន្តជាតិយ៉ាងអស៊ីជម្រៅ ។

ក្នុងតួនាទីជាប្រធានអាស៊ាន ឆ្នាំ ២០២០ នាយករដ្ឋមន្រ្ដីនៃប្រទេស វៀតណាម លោក ង្វៀនស៊ន់ភុក (Nguyen Xuan Phuc) នឹងអញ្ជើញជាអធិបតីភាពក្នុងសម័យបើក សម័យ​​ប្រជុំពេញអង្គនិងសម័យប្រជុំពិសេស ផ្សេងៗស្ដីអំពីការ​បង្កើនសិទ្ធិអំណាចសម្រាប់ស្ដ្រី​​ក្នុងយុគសម័យឌីជីថល កិច្ចសន្ទនារវាងថ្នាក់ដឹកនាំនៃបណ្ដាប្រទេស ជាសមាជិកអាស៊ានជាមួយនឹង​មហាសន្និបាត​អន្តរ​សភា​អាស៊ាន (AIPA) តំណាង​​យុវជន​អាស៊ាន ​ក្រុមប្រឹក្សាពិគ្រោះយោបល់ពាណិជ្ជកម្មអាស៊ាន (ASEAN-BAC) ផង​ដែរ ។ ក្នុងខណៈពេលនោះ លោក ស្រី ង្វៀនធីគីមង៉ឹន (Nguyen Thi Kim Ngan) ​ប្រធានរដ្ឋសភា​វៀតណាម ប្រធាន AIPA ៤១ នឹងតំណាង​ឱ្យ​ប្រទេស វៀតណាម ​​អញ្ជើញថ្លែង​សុន្ទរកថា​ក្នុង​សម័យប្រជុំ​ពិសេស ស្តី​ពី​ការ​បង្កើន​សិទ្ធិ​អំណាច​សម្រាប់​​ស្ត្រី​ក្នុង​យុគសម័យ​ឌី​ជី​ថ​លហើយចូលរួមកិច្ចសន្ទនារវាង ថ្នាក់ដឹកនាំនៃបណ្ដាប្រទេសជាសមាជិកអាស៊ាន និង​មហាសន្និបាត​អន្តរ​សភា​អាស៊ាន (AIPA)។

មុននោះ ក្នុងប៉ុន្មានថ្ងៃចាប់ពីថ្ងៃ ២២ ដល់ថ្ងៃទី ២៤ ខែ មិថុនា ឆ្នាំ ២០២០ កិច្ចប្រជុំត្រៀមរៀបចំនានា ក៏បានប្រារព្ធឡើង។បណ្ដារដ្ឋមន្រ្ដី ក្រសួងកាបរទេស ឧស្សាហកម្ម-ពាណិជ្ជកម្ម ការងារ-យុទ្ធជនពិការនិងសង្គមកិច្ច នៃប្រទេស វៀតណាមនឹងអញ្ជើញជាអធិបតីភាពក្នុងកិច្ចប្រជុំរដ្ឋមន្រ្តីកាបរទេសអាស៊ានក្រៅផ្លូវការ ក្រុមប្រឹក្សា សម្រប​សម្រួលអាស៊ានលើកទី ២៦ ​ក្រុមប្រឹក្សាសហគមន៍នយោបាយ-សន្តិសុខអាស៊ានលើកទី ២១ កិច្ចប្រជុំរដ្ឋមន្ត្រី​នៃ​បណ្ដាប្រទេសចូលរួមការចរចាលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និង កិច្ចប្រជុំ​ក្រុមប្រឹក្សាសហគមន៍វប្បធម៌-សង្គមអាស៊ានលើទី ២៣។ ពង្រីកតួនាទីរបស់អាស៊ានក្នងពិភពលោកមួយដែលពោពេញទៅដោយការប្រែប្រួល ចាប់ពីដើមឆ្នាំមកទល់ពេលនេះ ប្រទេស វៀតណាម បានម្ចាស់ការរៀបចំដោយជោគជ័យនិងទាន់ពេលវេលានូវបណ្ដាកិច្ចប្រជុំដែលធ្វើឡើងតាមទម្រង់ជាសន្និសីទវីដេអូក្នុងក្របខ័ណ្ឌអាស៊ាន និងជាមួយដៃគូផ្សេងៗ នៅគ្រប់ កម្រិត ក្នុងគោលបំណងជំរុញអនុវត្តរបៀបវារៈ ខ្លឹមសារ គំនិតផ្ដួចផ្ដើមនៃឆ្នាំប្រធាន ធានាល្បឿនការងារមិនខកខានស្របតាមស្មារតីនៃឆ្នាំអាស៊ាន ២០២០ គឺ “តភ្ជាប់និងម្ចាស់ការក្នុងការបន្ស៊ាំនឹងបរិបទថ្មី”។

ចំពោះមុខស្ថានភាពឆ្លងរាលដាលនៃជំងឺ កូវីដ-១៩ ដែលបន្តមានការវិវឌ្ឍយ៉ាងស្មុគស្មាញនៅ ប្រទេស ជាច្រើនក្នុងទូទាំង​ពិភព​លោក កិច្ចប្រជុំកំពូលអាស៊ានលើកទី ៣៦ ដែលធ្វើឡើងតាមទម្រង់ជាសន្និសីទវីដេអូផ្ដោតការយកចិត្តទុកដាក់ជាសំខាន់ទៅលើការពិនិត្យឡើងវិញ វាយតម្លៃលើការលំបាកលំបិន ជំពាក់ជំពិនទាំងឡាយហើយលើកសំណើរវិធានការស្ដារឡើងវិញនូវការងារដំណើរការអនុវត្តរបៀបវារៈ ខ្លឹមសារ គំនិតផ្ដួចផ្ដើមទាំងឡាយ​នៃឆ្នាំប្រធានអាស៊ាន២០២០ ក្រោមឥទ្ធិពលពីការឆ្លងរាលដាលនៃជំងឺ កូវីដ-១៩។ អាស្រ័យហេតុនេះ ប្រទេស វៀតណាមបានលើកសំណើរដោយផ្ដោតការយកចិត្តទុកដាក់ជាសំខាន់ទៅលើការអនុវត្តអាទិភាពទាំង ៤ ដែលត្រូវបានថ្នាក់​ដឹកនាំ​អាស៊ាន​ឯកភាព​​គ្នាតាំងពីមុន រួមមាន៖ ការបង្កើតមូលនិធិអាស៊ានដើម្បីឆ្លើយតបនឹងជំងឺ កូវីដ-១៩ការកសាងឃ្លាំងផ្ទុកបម្រុងសំភារៈបរិក្ខាពេទ្យតំបន់អាស៊ាន ការកសាងក្បួនដំណើរការស្តង់ដាររបស់អាស៊ានសម្រាប់ទប់ទល់នឹងស្ថានភាពសុខភាពបន្ទាន់ និងកសាងផែនការស្ដារអាស៊ានឡើងវិញក្រោយកូវីដ-១៩។

ពាក់ព័ន្ធនឹងប្រធានបទស្នូលនៃកិច្ចប្រជុំនិងកាងារឆ្លើយតបជាមួយនឹងការឆ្លងរាលដាលនៃជំងឺ កូវីដ-១៩
អនុរដ្ឋមន្រ្តីការបរទេស វៀតណាម លោក ង្វៀនក្វឹកយុង (Nguyen Quoc Dung) បានអះអាងបញ្ជាក់ថា៖ អាទិភាពចម្បងគឺធានាអាយុជីវិតរបស់ប្រជាជនអាស៊ាន។ “ទីមួយគឺការងារបង្ការទប់ស្កាត់ គ្រប់គ្រងការឆ្លងរាលដាល នៃជំងឺរាតត្បាត។ ទីពីរគឺជួយឧបត្ថម្ភប្រជាជននៃប្រទេស អាស៊ាន ទាំងអស់ដែលរងផលប៉ះពាល់ដោយសារជំងឺ រាតត្បាត ក្នុងនោះមានទាំងការជួយសម្រួលផ្នែកកុងស៊ុលដល់ប្រជាពលរដ្ឋអាស៊ានដែលកំពុងរស់នៅ សិក្សារៀនសូត្រនិងធ្វើការនៅបណ្ដាប្រទេសជាសមាជិកអាស៊ាននិងនៅប្រទេសទី ៣។ ហើយទីបីគឺកាត់បន្ថយផលប៉ះពាល់នៃជំងឺរាតត្បាតដល់សេដ្ឋកិច្ច-សង្គម“ អនុរដ្ឋមន្រ្តីការបរទេស វៀតណាម លោក ង្វៀនក្វឹកយុង បានថ្លែងដូច្នោះ។

ចាប់តាំងពីដើមឆ្នាំនេះមក ក្នុងឋានៈជាប្រធាន អាស៊ាន ប្រទេស វៀតណាម រួមជាមួយបណ្ដាប្រទេសជាសមាជិក​បាន​កំណត់ប្រធានបទរួមសម្រាប់ឆ្នាំ ២០២០ គឺអាស៊ាន “តភ្ជាប់និងម្ចាស់ការក្នុងការបន្ស៊ាំនឹងបរិបទថ្មី”ក្នុងគោលបំណងជម្រុញខ្លាំងកិច្ច​ការកសាង​សហគមន៍និងពង្រីកតួនាទីរបស់អាស៊ាន ក្នុងពិភពលោកមួយដែលពោពេញដោយបម្រែបម្រួល។ ការផ្ទុះ​ឡើងដោយចៃដន្យនិងផលប៉ះពាល់នៃជំងឺកូវីដ ១៩ បណ្ដាលអោយច្របូក​ច្របល់ ជីវភាពរស់នៅគ្រប់វិស័យក្នុងសង្គម ជាមួយនឹងការជះឥទ្ធិពលដែលមិនធ្លាប់មានពីមុនមកនៅប្រទេសនានាលើ ទូទាំងពិភពលោកនោះបានឲ្យឃើញថា៖ ប្រធានបទនិងទិសស្លោកនោះត្រូវបានលើកឡើងចំពេលនិងត្រឹមត្រូវ ជាងពេលណាៗទាំងអស់។

ឆ្លងតាមរយៈនោះ បានស្ដែងឲ្យឃើញកិច្ចខិតខំប្រឹងប្រែងដ៏ធំធេងរបស់ប្រទេស វៀតណាម ក្នុងឋានៈ ជាប្រធានអាស៊ាន បង្ហាញយ៉ាងត្រឹមត្រូវនូវស្មារតីតភ្ជាប់និងម្ចាស់ការក្នុងការបន្ស៊ាំនឹងបរិបទថ្មី។ រួមជាមួយ នឹងសាមគ្គីភាពការផ្សារភ្ជាប់រវាងប្រទេសជាសមាជិកអាស៊ានទាំងឡាយ កិច្ចប្រជុំកំពូលអាស៊ានលើកទី ៣៦ នឹង​បន្ត​ដំណើរការអនុវត្តនូវរបៀបវារៈខ្លឹមសារ ផ្សេងៗ ធានាអនុវត្តដោយជោគជ័យនូវគំនិតផ្ដួចផ្ដើមទាំងឡាយរបស់ឆ្នាំ ប្រធានអាស៊ាន ២០២០ សមស្របជាមួយស្ថានភាពថ្មី ដើម្បីអាស៊ានបន្តអះអាងបញ្ជាក់តួនាទីជាមជ្ឈមណ្ឌលក្នុង តំបន់៕

ទិដ្ឋភាពកិច្ចប្រជុំនៃក្រុមការងារក្រោមឧវាទក្រុមប្រឹក្សាសម្រប​សម្រួល អាស៊ាន ស្ដីអំពីការឆ្លើយតបនឹង
ករណីសុខភាពសាធារណៈបន្ទាន់លើកទី ២ ប្រព្រឹត្ត​ឡើងកាលពីថ្ងៃទី ២២ ខែ មិថុនា ឆ្នាំ ២០២០ ដែលធ្វើឡើងក្នុង
ទម្រង់ជាសន្និសីទវីដេអូ
ទិដ្ឋភាពកិច្ចប្រជុំរដ្ឋមន្ត្រីនៃបណ្ដាប្រទេសចូលរួមកិច្ចចរចាស្តីពីកិច្ចព្រមព្រៀងភាពជាដៃគូសេដ្ឋកិច្ច​គ្រប់ ជ្រុង
ជ្រោយក្នុងតំបន់ (RCEP) លើកទី ១០ ប្រព្រឹត្តទៅនៅថ្ងៃ ២៣ ខែ មិថុនា ឆ្នាំ ២០២០ ដែលធ្វើឡើងក្នុងទម្រង់ ជាសន្និសីទវីដេអូ

Most Popular

DAP Business cover entrepreneurs, business flow, strategy marketing that can help readers to improve their businesses Copyright © 2016-2019

To Top