ភ្នំពេញ៖ ដើម្បីចូលរួមចំណែកក្នុងការទប់ស្កាត់ ការឆ្លងរាលដាលជំងឺកូវីដ-១៩ ក្រុមហ៊ុន វ៉េកហ្វាម៉ា ឯ.ក (Vac Pharma Co.,Ltd) ជាក្រុមហ៊ុនដំបូងគេក្នុងព្រះរាជាណាចក្រកម្ពុជា ទទួលបានការអនុញ្ញាតពីក្រសួងសុខាភិបាល នាំចូលវ៉ាក់សាំងការពារជំងឺកូវីដ-១៩ ប្រភេទ COVAXIN ផលិតនៅប្រទេសឥណ្ឌា ដែលទទួលស្គាល់ដោយអង្គការសុខភាពពិភពលោក សម្រាប់ចូលមកចែកចាយ ចាក់តាមទីកន្លែងផ្តល់សេវាសុខាភិបាលឯកជនស្របច្បាប់នៅក្នុងប្រទេសកម្ពុជា។

បើយោងតាមសេចកី្តប្រកាសព័ត៌មានរបស់ក្រសួងសុខាភិបាល លេខ៥៩៣០ ផ្តល់ជូនវិញ្ញាបនបត្រអនុញ្ញាត ប្រើប្រាស់វ៉ាក់សាំងការពារជំងឺកូវីដ-១៩ ប្រភេទ COVAXIN ក្នុងលក្ខខណ្ឌបន្ទាន់លេខ CAM N22 EUA-2021។ វ៉ាក់សាំងការពារជំងឺកូវីដ-១៩ ប្រភេទ COVAXIN ប្រើប្រាស់សូលុយស្យុង សម្រាប់ចាក់តាមសាច់ដុំ ហើយវ៉ាក់សាំងប្រភេទ COVAXIN ត្រូវបានចង្អុលបង្ហាញសម្រាប់បង្ការជំងឺកូវីដ-១៩ ចំពោះមនុស្សដែលមានអាយុចាប់ពី ១៨ឆ្នាំឡើងទៅ។ ផលិតឡើងដោយក្រុមហ៊ុន BHARAT INTERNATIONAL LIMITED. និងម្ចាស់កម្មសិទិ្ធបញ្ជីកា Bharat Biotech International Limited. មានអាសយដ្ឋានក្នុងប្រទេសឥណ្ឌា។ ទន្ទឹមនឹងនោះលក្ខខណ្ឌនៃការប្រើបា្រស់ គឺប្រើតែក្នុងអំឡុងពេលគ្រោះអាសន្ន សុខភាពសាធារណៈនៃជំងឺកូវីដ-១៩ ដែលកំពុងកើតមាន។ ប្រើក្រោមអាទិភាពរបស់រាជរដ្ឋាភិបាល ដូចជាមានចែង ក្នុងផែនការ ដាក់ពង្រាយវ៉ាក់សាំងជាតិបច្ចុប្បន្ន និងក្រុមមនុស្សអាទិភាព។

ដោយយោងតាមការណែនាំរបស់លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យ ក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្របខណ្ឌទូទាំងប្រទេស ថ្លែងនៅក្នុងពិធីសន្និសីទសារព័ត៌មានរួមគ្នារវាងក្រសួងសុខាភិបាល និងអង្គការសុខភាពពិភពលោក ប្រចាំកម្ពុជា ស្តីពីបច្ចុប្បន្នភាព នៃវីរុសកូវីដ-១៩ បំប្លែងថ្មី អូមីក្រុង(Omicron), អូមីក្រុង(Omicron) កំពុងចរាចរយ៉ាងឆាប់រហ័ស ដោយគ្មានព្រំដែន និងគ្មាន លិខិតឆ្លងដែន នៅលើសកលលោក៖ ត្រូវប្រុងប្រយ័ត្ន និងត្រៀមលក្ខណៈឆ្លើយតប ដើម្បីជៀសវាងការសោកស្តាយ។ យើងត្រូវរៀនរស់នៅជាមួយវីរុសកូវីដ-១៩ តែក្នុងប្រក្រតីភាពថ្មី ហើយត្រូវបន្តចាំឲ្យជាប់ ៣ការពារ និង ៣កុំ រួមជាមួយនឹងការ ចាក់វ៉ាក់សាំងបង្ការជំងឺកូវីដ-១៩ ប្រសិនដល់វេណលោកអ្នក ដែលត្រូវចាក់ ។

ខណៈពេលដែលប្រទេសកម្ពុជា បន្តដំណើរការចាក់វ៉ាក់សាំងកូវីដ-១៩ ដើម្បីឈានទៅដល់កម្រិតអប្បបរិមា និងដើម្បីបំពេញកម្រិតវ៉ាក់សាំងឲ្យបានគ្រប់ដូសពេញលេញ គឺក្រុមហ៊ុន វ៉េកហ្វាម៉ា ឯ.ក (Vac Pharma Co.,Ltd) បានសហការ ជាមួយក្រុមហ៊ុន BHARAT INTERNATIONAL LIMITED ផ្គត់ផ្គង់ និងនាំចូលវ៉ាក់សាំងការពារជំងឺកូវីដ-១៩ ប្រភេទ COVAXIN ផលិតនៅប្រទេសឥណ្ឌា មកកាន់ប្រទេសកម្ពុជា ដែលទទួលស្គាល់ដោយអង្គការសុខភាពពិភពលោក ដើម្បីជួយដល់ប្រជាពលរដ្ឋ បង្កើនភាពស៊ាំងការពារ ការឆ្លងរីករាលដាលជំងឺកូវីដ-១៩ ក្នុងប្រទេសកម្ពុជា។ ជាពិសេស ក្រុមហ៊ុនទាំងពីរ បានសហការគ្នាមានរយៈពេលជាង ១៥ឆ្នាំមកហើយ ដោយក្នុងនោះក៏បាននាំចូលនូវ ប្រភេទវ៉ាក់សាំង បង្ការជំងឺផ្សេងៗជាច្រើន ដូចជាវ៉ាក់សាំងប្រភេទ Rotavac ការពារជំងឺរាគរួស, វ៉ាក់សាំង ប្រភេទ Typhoid TCV ការពារគ្រុនពោះវៀន និងវ៉ាក់សាំងប្រភេទ Indirab ការពារជំងឺឆ្កែឆ្កួត។

សូមបញ្ជាក់ផងដែរថា វ៉ាក់សាំងការពារជំងឺកូវីដ-១៩ ប្រភេទ COVAXIN មានសុពលភាពរយៈពេល ៩ខែ នៅក្នុងសីតុណ្ហភាព ២ ទៅ ៨អង្សា។ វ៉ាក់សាំងនេះអាចរក្សាទុក និងប្រើប្រាស់បានរហូតដល់ ២៨ថ្ងៃ បន្ទាប់ពីការបើក អនុលោមតាម សេចកី្តថ្លែងការណ៍គោលនយោបាយរបស់អង្គការសុខភាពពិភពលោក WHO/IVB/14.07 ស្តីពីគោលនយោបាយពហុដូស ៕

ភ្នំពេញ៖ លោកឧកញ៉ា ទៀ វិចិត្រ អគ្គនាយក ក្រុមហ៊ុន ជី.ធី.វី.ស៊ី ស្ពីដប៊ូត កាលពីថ្ងៃទី៦ ខែធ្នូ ឆ្នាំ២០២១ បានចាត់តំណាងប្រគល់ម៉ូតូ ម៉ាក់ Wave សេរីឆ្នាំ២០២២ ចំនួន ២គ្រឿង ដែលជាអំណោយដ៏ថ្លៃថ្លា​ របស់លោកឧកញ៉ាផ្ទាល់ ជូនដល់ប៉ុស្តិ៍នគរបាលរដ្ឋបាល សង្កាត់កោះរ៉ុងសន្លឹម នៃអធិការដ្ឋាន នគរបាលក្រុងកោះរ៉ុង សំរាប់ល្បាត រក្សារសុវត្ថិភាព និងសន្តិសុខ ជូនប្រជាពលរដ្ឋ ភ្ញៀវជាតិ និងអន្តរជាតិ នៅក្រុងកោះរ៉ុង ។

ក្រោយទទួលបានការឧបត្ថម្ភ លោកវរសេនីយ៍ឯក ស្រ៊ុន វី នាយការិយាល័យភស្តុភារ នៃស្នងការដ្ឋាននគរបាលខេត្តព្រះសីហនុ តំណាងឲ្យលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានថ្លែងអំណរអរគុណ​ យ៉ាងជ្រាលជ្រៅបំផុតចំពោះ លោកឧកញ៉ា ទៀ វិចិត្រ អគ្គនាយក ក្រុមហ៊ុនជី.ធី.វី.ស៊ី ស្ពីដប៊ូត ដែលតែងតែយកចិត្តទុកដាក់ និងឧបត្ថម្ភ មកស្នងការដ្ឋាននគរបាលខេត្តព្រះសីហនុ តាំងពីកន្លងមករហូតមកដល់បច្ចុប្បន្ន សំរាប់ប្រើប្រាស់ក្នុងកិច្ចការពារ រក្សារសុវត្ថិភាព និងសន្តិសុខ ជូនប្រជាពលរដ្ឋ ភ្ញៀវជាតិ និងអន្តរជាតិ ក្នុងខេត្តព្រះសីហនុ និងសូមជូនពរលោកឧកញ៉ា ទៀ វិចិត្រ អគ្គនាយក ក្រុមហ៊ុនជី.ធី.វី.ស៊ី ស្ពីដប៊ូត និងលោកជំទាវ ព្រមទាំងក្រុមគ្រួសារ សូមមានសុខភាពល្អបរិបូណ៌ អាយុយឺនយូរ ជៀសផុតពីជំងឺដង្កាត់ផងទាំងពួង និងបានប្រកបដោយពុទ្ធពរទាំងឡាយ បួនប្រការគឺ អាយុ វណ្ណៈ សុខ: ពលៈគប្បីភ្លៀងឃ្លាតឡើយ ៕

ភ្នំពេញ៖ គ្លីនិក២១ ហ៊ីម៉ាតូអុងកូ ផ្តោតលើការព្យាបាលដោយប្រើថ្នាំជំនាន់ថ្មីៗ និងបច្ចេកវិទ្យាកោសិកាទាហ៊ានប្រឆាំងមហារីក និងថ្នាំជួសជុលរោងចក្រផលិតឈាម មានប្រសិទ្ធភាពខ្ពស់ដូចនៅប្រទេសរីកចំរើន។

គ្លីនិក២១ ហ៊ីម៉ាតូអុងកូ មានចំនុចលេចធ្លោមួយចំនួន ដូចខាងក្រោម៖
ទី១ គ្លីនិកយើងមានបំពាក់នូវបច្ចេកវិទ្យាបន្សុទ្ធខ្យល់ស្អាតនិងបន្ទប់សម្ពាធខ្យល់ខ្ពស់ សម្រាប់ទទួលអ្នកជំងឺមហារីក ប្រពន្ធ័ការពារចុះខ្សោយ អ្នកជំងឺមហារីកឈាម និងអ្នកជំងឺគ្រាប់ឈាម កំរិតធ្ងន់ដទៃទៀត ដែលកំពុងមានហនិភ័យឆ្លងរោគខ្ពស់។ សមត្ថភាពរបស់បន្ទប់សម្ពាធខ្យល់ខ្ពស់ទាំងនេះទៅថ្ងៃអនាគតអាចទទួលអោយស្នាក់នៅរបស់អ្នកជំងឺព្យាបាល ដោយប្តូររោងចក្រផលិតឈាមបាន ស្របតាមកំរិតស្តង់ដានិងបទដ្ឋានព្យាបាលវេជ្ជសាស្ត្រជំងឺគ្រាប់ឈាម របស់សកលលោក (Clean and High Pressure Rooms for Neutropenic or Leukemic Patients)។ ខ្យល់ក្នុងបន្ទប់នេះបានបន្សុទ្ធដោយទ្រនាប់ HEPA Filters និងមានសម្ពាធខ្យល់ខ្ពស់ជាងខាងក្រៅបន្ទប់ជាប្រចាំ ()+15 PA។ រាល់សំភារៈបរិក្ខា ម្ហូបអាហារ ត្រូវឆ្លងប្រអប់រំងាប់មេរោគ (UV Passbox) ជាមុនសិនមុនយកចូលទៅក្នុងបន្ទប់។ ហើយគ្រប់អ្នកជំងឺ អ្នកកំដរ និងបុគ្គលិកថែរទាំទាំងអស់ត្រូវស្លៀកពាក់ការពារជាពិសេស រាល់ពេលចូលទៅខាងក្នុង ក្នុងគោលបំណងរក្សាសុវត្ថិភាពខ្ពស់ដល់អ្នកជំងឺ។

ទី២ យើងមានម៉ាស៊ីនអាហ្វេរ៉ែស៊ីស ជាបច្ចេកវិទ្យារបស់ជប៉ុនដែលអាចច្រោះយកគ្រាប់ឈាមសមហារីក ឬគ្រាប់ឈាមផ្លាកែត និងអាចប្តូរឈាមផ្លាស្មាថ្មីបាន ដើម្បីសង្គ្រោះអ្នកជំងឺឈាមនិងអ្នកជំងឺវិបត្តិប្រពន្ធ័ការពារធ្ងន់ធ្ងរមួយចំនួន (Apheresis Technology for Cells Collections and Plasma Exchange )។

ទី៣ យើងមានក្រុមគ្រូពេទ្យខ្មែរនិងបរទេសជំនាញខាងជំងឺគ្រាប់ឈាម និងមហារីក មានបទពិសោធន៍យូរឆ្នាំ និងទទួលបានសមិទ្ធិផលការងារជាច្រើនកន្លងមក លើសពីនេះយើងមានក្រុមការងារនៅប្រចាំ២៤ម៉ោង ដើម្បីផ្តល់សេវាថែរទាំប្រកបដោយវិជ្ជាជីវៈ និងការទទួលខុសត្រូវខ្ពស់ និងមានទីតាំងអគារ ព្រមទាំងបន្ទប់បំពាក់បរិក្ខាល្អគ្រប់គ្រាន់ មានអនាម័យនិងផាសុខភាពល្អជាប្រចាំ (Professional and Experienced Medical Team Specialists in Blood Diseases and Cancer)

ទី៤ យើងមានមន្ទីរពិសោធន៍ដែលអាចរៀបចំ សំណាកឈាមអោយកក ដើម្បីផ្ញើរចេញទៅមន្ទីរពិសោធន៍ដៃគូនៅក្រៅស្រុកដើម្បីអាចបន្តការធ្វើរោគវិនិច្ឆ័យពិសេសៗជាច្រើន និងអាចទទួលព្យាបាលដោយកោសិកាទាហ៊ានប្រឆាំងនឹងជំងឺមហារីកឈាម កំរិតធ្ងន់ធ្ងរមួយចំនួនបានថែមទៀតផង (GMP Diagnostic Laboratory and Samples Processing and Cryopreservation)។

ទី៥ សេវាវេជ្ជសាស្ត្រសំខាន់ៗនៅគ្លីនិក២១ថ្មី ហ៊ីម៉ាតូអុងកូ នេះមានដូចជា៖
ក-ការរុករកជំងឺមហារីកដំបូងៗ និងធ្វើរោគវិនិច្ឆ័យជំងឺឈាម និងមហារីកផ្សេងៗចំគោលដៅនិងច្បាស់លាស់ដូចជាៈ Cancer DNA Screening Tests, Cancer Circulating Tests, NK Activities Tests, Chemo Sensitivities Tests, Cytogenetic Studies, Bio-molecular Tests, Tumor Biopsy, Bone Marrow Aspiration and Biopsy, Histopathology, Immuno Histochemistry Tests…
ខ-ការព្យាបាលដោយប្រើថ្នាំនិងវិធីសាស្ត្រព្យាបាលថ្មីៗដូចជា: ថ្នាំព្យាបាលជំនាន់ថ្មីៗសុទ្ធល្អ សម្រាប់ប្រឆាំងជំងឺមហារីក និងព្យាបាលជំងឺគ្រាប់ឈាមផ្សេងៗ និងមានប្រសិទ្ធភាពខ្ពស់ដូចនៅប្រទេសរីកចំរើនដែរ ៖ Modern Medicines and Chemotherapy, ថ្នាំឆ្លាត Targeted therapy, ថ្នាំជួយទាហ៊ានដើម្បីកំចាត់កោសិកាមហារីក Check Points Inhibitors, ថ្នាំពង្រឹងកោសិកាទាហ៊ានប្រឆាំងមហារីក Immunotherapy, ប្រើកោសិកាទាហ៊ានប្រឆាំងកោសិកាមហារីកដោយផ្ទាល់ Immune cells therapy ល-ល។

សូមបញ្ជាក់ថា ក្នុងចំនោមមធ្យោបាយវេជ្ជសាស្ត្រទាំង៤ ដែលសកលលោកកំពុងប្រើក្នុងការព្យាបាលជំងឺមហារីកនិងគ្រាប់ឈាម ពួកយើងមានបំពាក់មធ្យោបាយ២យ៉ាងសំខាន់ៗគឺ ទី១-ការប្រើថ្នាំជំនាន់ថ្មីល្អៗ និង ទី២-ការប្រើកោសិកាទាហ៊ានរបស់អ្នកជំងឺខ្លួនឯងផ្ទាល់ដើម្បីប្រឆាំងមហារីក (Modern Medicines and Immune Cells Therpay)។ វិធីព្យាបាល២យ៉ាងទៀតគឺ ការវះកាត់ និងការបញ្ចាំងកាំរស្មី មិនទាន់មានអនុវត្តន៍នៅគ្លីនិកយើងនៅឡើយនោះទេ។
In case there are cancers patients in need Surgery and Radiation Therapy, we refer them to other center specialist in this treatment modality។

ក្រុមវេជ្ជបណ្ឌិតជំនាញមួយក្រុម ដឹកនាំដោយលោកវេជ្ជបណ្ឌិត ផេង បូរ៉ា និងវេជ្ជបណ្ឌិត លី សង់គី រួមទាំងក្រុមសហស្ថាបនិកជាច្រើននាក់ទៀត បានរួបរួមគ្នាបង្កើតនិងដឹកនាំគ្លីនិក២១ ចាប់តាំងពីឆ្នាំ២០១៨មក។ ដោយមានការគាំទ្រពីអតិថិជនក្រុងស្រុកជាបន្តបន្ទាប់ គ្លីនិកក៏បានពង្រីកខ្លួនទាំងសមត្ថភាពបុគ្គលិក សេវាថែទាំ បច្ចេកវិទ្យា រួមទាំងហេដ្ឋារចនាសម្ពន្ធ័ និងការគ្រប់គ្រងផ្សេងៗ ដើម្បីធានាបាននូវនិរន្តរភាពសេវាថែទាំប្រកបដោយទំនួលខុសត្រូវខ្ពស់ជាប្រចាំ និងដើម្បីឲ្យកាន់តែមានប្រសិទ្ធភាពខ្ពស់ជាទីទំនុកចិត្តរបស់អតិថិជនខ្លួន។

បច្ចុប្បន្ននេះ គ្លីនិក២១មានពីរទីតាំង៖

-ទី១ មានទីតាំងនៅក្នុងបុរីវន្ត័ផាក បឹងកក់ បានចាប់ដំណើរការតាំងពីឆ្នាំ២០១៨ មានឈ្មោះថា គ្លីនិក២១ រីជេណឺរ៉េធីវ REGENERATIVE CLINIC21+ (លេខទូរសព្ទ 095666990) មានបម្រើសេវាព្យាបាលជំងឺមេតាបូលិក លើសខ្លាញ់ លើសទំងន់ វិបត្តអស់កំលាំងរ៉ាំរ៉ៃ និងមានព្យាបាលជំងឺគ្រាប់ឈាម ជំងឺមហារីក និងជំងឺរ៉ាំរ៉ៃ ដទៃទៀត។

-ទី២ មានទីតាំងនៅលើផ្លូវ៩៩ សង្កាត់បឹងត្របែក ចំការមន ទើបតែចាប់បើកដំណើរការកាលពីដើមខែវិច្ឆិកាឆ្នាំ២០២១នេះ មានឈ្មោះថាគ្លីនិក២១ ហ៊ីម៉ាតូអុងកូ HEMATO ONCO CLINIC21+ (លេខទូរសព្ទ 078766690) មានជំនាញធ្វើរោគវិនិច្ឆ័យនិងព្យាបាលជំងឺគ្រាប់ឈាម ជំងឺដុំកូនកណ្តុរ វិបត្តិប្រពន្ធ័ការពារ និងជំងឺមហារីកផ្សេងៗ៕