(ភ្នំពេញ) ថ្ងៃទី ១៦ ខែវិច្ឆិកា ឆ្នាំ ២០២០៖ សាកគិតមើល… ចំណេញបានច្រើនពិតមែនណា៎…!តម្លៃ $80 នេះបើគិតជាចំនួនលីតគឺលោកអ្នកអាច ចំណេញបានប្រមាណជា 100 លីត នៃប្រេងសាំង…ដោយគ្រាន់តែជាវមហាអំណាចស្មាតហ្វូនប៊ិក Samsung Galaxy Note 20 ឬ Galaxy Note 20 Ultra ចាប់ពីថ្ងៃនេះរហូតដល់ថ្ងៃទី 31 ខែធ្នូ ឆ្នាំ 2020 នោះអតិថិជនទាំងអស់នឹងទទួលបានកាតចាក់សាំងតម្លៃ $80 នៅ TOTAL ជាមួយនឹងប្រូម៉ូសិនថែមជូនដ៏អស្ចារ្យជាច្រើនទៀតផងដែរ…!!

ដូចដែលអតិថិជន និងអ្នកនិយមប្រើប្រាស់ ស្មាតហ្វូនទាំងអស់ បានដឹងយ៉ាងច្បាស់ហើយថាបើយើងនិយាយពីមហាអំណាចស្មាតហ្វូន ដែលល្អផ្តាច់គេក្នុងឆ្នាំ 2020 ដែលមាន៖

– អេក្រង់ធំ…ភ្លឺច្បាស់ត្រជាក់ភ្នែក

– កាមេរ៉ាទំហំមេហ្គាភិចស៊ែលធំ…

– កាមេរ៉ាក្រោយច្រើនគ្រាប់…ថតបានស្អាតគ្រប់ប្លង់

– កម្លាំងម៉ាស៊ីនខ្លាំង…ដើរលឿនកប់

– រូបរាងស្អាតទាក់ទាញ ស៊ីវីល័យ

– ប៊ិកវេទមន្តដ៏រអិលទំនើបទាន់សម័យ

– បំពាក់ទំហំផ្ទុក (Ram and Rom) ធំ

– បំពាក់បច្ចេកវិទ្យាទំនើបចុងក្រោយ

គឺមានតែ Samsung Galaxy Note 20 ឬ Galaxy Note 20 Ultra តែប៉ុណ្ណោះ…ហើយអ្វីដែលធ្វើតារាទាំង 2 ដួងនេះទទួលបានការគាំទ្រខ្លាំងបំផុត ទូទាំងពិភពលោកនោះគឺវាបានជម្រុញ និងធ្វើឱ្យការងារកាន់តែរលូន… មានប្រសិទ្ធភាព … និងការកម្សាន្តកាន់តែអស្ចារ្យ!

នៅចាំអីទៀត…នេះជាការផ្តល់ជូនដ៏អស្ចារ្យបំផុតសម្រាប់ អតិថិជនទាំងអស់ពី សាមសុង ហើយណា៎…!! ទាន់មានប្រូម៉ូសិន…អ៊ីចឹងទិញឱ្យហើយ ទៅប្រយ័ត្នផុតកំណត់ទៀតទៅ…!!

* បញ្ជាក់៖ រាល់ការជាវមហាអំណាច ស្មាតហ្វូនប៊ិក Galaxy Note 20 ឬ Galaxy Note 20 Ultra

អតិថិជនទាំងអស់នឹងទទួលបានជាមួយនឹងការថែមជូនយ៉ាងពិសេសដូចជា៖

– ថែមជូនស្រោមទូរស័ព្ទថ្លាហ្ស៊ីន (Back Cover) ដ៏ស្រស់ស្អាត 1 ភ្លាម!

– ថែមជូនកាតចាក់សាំងតម្លៃ $80 ពី TOTAL

– ការធានាជូនពីក្រុមហ៊ុនយ៉ាងត្រឹមត្រូវរយៈពេល 1 ឆ្នាំពេញ!

– បញ្ចុះតម្លៃ 50% ពេលប្តូរអេក្រង់ថ្មី (រយៈពេល 1 ឆ្នាំចាប់គិតពីថ្ងៃជាវ)!

– ស៊ីមស្មាតលេខពិសេស Smart ធំហ្ម៎ង តម្លៃ 54 ដុល្លារ ជាមួយគម្រោងស្មាតចំនួន 52 សប្តាហ៍!

– បង់រំលស់ដោយគ្មានការប្រាក់ជាមួយនឹងធានាគារឯកទេសអ៊ីអន!

ម៉េចដែរប៉ុណ្ណឹង…!! ចង់បានអីទៀត…? ប្រូម៉ូសិនដ៏អស្ចារ្យនេះបើគិតទៅគឺចំណេញមិនតិចទេ…! ចំណេញច្រើនណាស់…! រួសរាន់ឡើង…កុំឱ្យឱកាសដ៏រំភើបនេះកន្លងផុតឱ្យសោះណា៎…!!

សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផល ដោយផ្ទាល់តាមហាងទំនើបចែកចាយផលិតផល សាមសុង ទាំងអស់ ដែលនៅជិតលោកអ្នកបំផុតទូទាំងប្រទេស ឬក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជន ដោយឥតគិតថ្លៃតាមរយៈទូរស័ព្ទលេខ៖ 1800-20 32 32 !

លក្ខខណ្ឌផ្សេងៗត្រូវបានអនុវត្ត!

កម្មវិធីប្រកួតប្រជែង សមត្ថភាពរបស់ប្អូនៗកុមារ តូច ខ្លឹម ខ្លាំង ដែលកំពុងតែមានវត្តមាន ចាក់ផ្សាយនៅលើ កញ្ចក់ទូរទស្សន៍ភីអិនអិន បាននឹងកំពុងទទួលបាន ការចាប់អារម្មណ៍យ៉ាងខ្លាំង ពីសំណាក់ហ្វេនៗ ជាពិសេស អាណាព្យាបាលប្អូនៗ ដែលជាបេក្ខជន ទៀតផង។

បេក្ខជន ប្អូនៗកុមារជាច្រើន បានប្រកួតប្រែង បញ្ចេញនូវសមត្ថភាព ទេពកោសល្យរបស់ខ្លួន ដែលទទួលបាន នូវប្រាក់រង្វាន់ជ័យលាភី ត្រឡប់ទៅផ្ទះវិញ ជាមួយនឹងទឹកមុខរីករាយ។ ភាគច្រើន ប្រាក់រង្វាន់ដែលទទួលបាន ប្អូនៗនឹងយកទៅទិញ សម្ភារៈសិក្សា ក៏ដូចជារបស់ដែលខ្លួន ត្រូវការចាំបាច់ ដើម្បីជាជំនួយ ដល់ការសិក្សារបស់ពួកគេ។

ដោយឡែក កុមារា តូនី ដែលជាបេក្ខជនជ័យលាភីមួយ នៅក្នុងកម្មវិធីតូច ខ្លឹម ខ្លាំង ប្រកួតប្រជែងលើ សមត្ថភាពគំនូរ 3D យ៉ាងប៉ិនប្រសប់ បានធ្វើឲ្យគណៈកម្មការ រំភើបចិត្តយ៉ាងក្រៃលែង ដោយពីប្អូនបានរៀបរាប់ ប្រាប់ពី គោលបំណង ដែលប្អូនយកប្រាក់រង្វាន់នោះ ទៅប្រើប្រាស់។ កុមារា តូនី បានបង្ហាញពីទឹកចិត្តរីករាយ ពេញចិត្តនឹងជ័យលាភីរបស់ខ្លួន ហើយជាមួយគ្នានេះដែរ ប្អូនបានប្រកាស់ យ៉ាងក្តែងៗដែរថា សម្រាប់ប្រាក់រង្វាន់នេះ ប្អូននឹងធ្វើការបរិច្ចាគ ទៅឲ្យមន្ទីរពេទ្យគន្ធបុប្ផា ដើម្បីចែករំលែក នូវក្តីស្រឡាញ់ ទៅដល់កុមារៗតូច ដែលកំពុងតែ ត្រូវការការព្យាបាល ។

ប្រាក់រង្វាន់ដែល កុមារា តូនី ទទួលបាន នៅក្នុងកម្មវិធី តូច ខ្លឹម ខ្លាំង គឺមានចំនួន ១ លាន ២០ ម៉ឺនរៀល ដែលនេះ ជាសមិទ្ធផលជ័យលាភី គួរឲ្យស្ងប់ស្ងែង បានមកពីការបញ្ចេញ នូវចំណេះដឹង និងភាពឈ្លាសវៃ ពីការគូររូប 3 D ដែលអាចនិយាយបានថា មានកុមារតូចៗ ជាច្រើននាក់ ពិបាកនឹងធ្វើបានដូចជា រូបប្អូនណាស់។ យ៉ាងណាមិញ នេះជាទឹកចិត្តដ៏ល្អប្រពៃរបស់ កុមារាតូនី ដែលបង្ហាញពីគុណធម៌ និងមនុស្សធម៌ នៅក្នុងកិច្ចការសង្គម ហើយក៏ជាគំរូដ៏ល្អ សម្រាប់ប្អូនៗ កុមារផ្សេងទៀត ក្នុងការចែករំលែក ស្នាមញញឹមទៅឲ្យគ្នា ទៅវិញទៅមក ។

សូមទស្សនិកជន បន្តការគាំទ្រ កម្មវិធី តូច ខ្លឹម ខ្លាំង ដែលកំពុងតែចាក់ផ្សាយ នៅលើកញ្ចក់ទូរទស្សន៍ ភីអិនអិន នៅរៀងរាល់ថ្ងៃ អាទិត្យ វេលាម៉ោង ១១ ព្រឹក៕
សូមទស្សនាវីដេអូខាងក្រោម៖ https://www.facebook.com/PNNTVCambodia/videos/665411040789382

ភ្នំពេញ៖ សភាយុវពាណិជ្ជករ អន្តរជាតិកម្ពុជា ឬ JCI Cambodia បានរៀបចំនូវកម្មវិធី “កញ្ចប់១ ក្តីស្រលាញ់” ដោយនឹង ផ្តល់នូវគ្រាប់ពូជបន្លែ មួយចំនួន ចែកជូនដល់ប្រជាកសិករ ចំនួន ១៦៣១គ្រួសារ មកពីស្រុក៤ ក្នុងខេត្តបាត់ដំបង ដែលរងការបំផ្លិចបំផ្លាញ ផលដំណាំ ដោយទឹកជំនន់ កាលពីពេលកន្លងទៅ​ ។

យោងតាម ការដាក់ចេញកម្មវិធីថ្មី របស់សភាយុវពាណិជ្ជករ អន្តរជាតិកម្ពុជា បានអោយដឹងថា ”សភាយុវពាណិជ្ជករអន្តរជាតិកម្ពុជា (JCI Cambodia) យើងខ្ញុំ នឹងរៀបចំនូវគម្រោង «កញ្ចប់១ ក្តីស្រលាញ់១» បន្តទៀត នៅក្នុងអត្ថន័យ នៃការនាំយក នូវគ្រាប់ពូជបន្លែ មួយចំនួនទៅចែកជូន ប្រជាកសិករយើង ដែលរងគ្រោះ ដោយការបំផ្លិចបំផ្លាញ ពីគ្រោះទឹកជំនន់ នាពេលថ្មីៗកន្លងទៅនេះ”។

សូមជម្រាបផងដែរថា គម្រោងនេះ ត្រូវបានរៀបចំឡើងដោយមាន ការចូលរួមគាំទ្រ ពីក្រសួងកសិកម្ម រុក្ខាប្រមាញ់ និងនេសាទ រួមជាមួយនិង សហព័ន្ធស្រូវអង្ករកម្ពុជា (CRF) ដើម្បីធ្វើការចែកជូន នូវគ្រាប់ពូជដំណាំ ជូនដល់ប្រជាកសិករ ចំនួន ១៦៣១គ្រួសារ អញ្ជើញមក ពីស្រុកចំនួន៤ ដូចជា ស្រុកគាស់ក្រឡ ស្រុករតនមណ្ឌល ស្រុកបាណន់ និងស្រុកសំឡូត ក្នុងខេត្តបាត់ដំបង ដែលនឹងប្រព្រឹត្តិទៅ នាថ្ងៃទី ១៦-១៧ ខែវិច្ឆិកា ឆ្នាំ២០២០ ខាងមុខនេះ៕

ភ្នំពេញ៖ ក្រុមហ៊ុនព្រូដិនសលកម្ពុជា បានឧបត្ថម្ភ អង្ករចំនួន ១០០ តោន ដល់កាកបាទក្រហមកម្ពុជា ដើម្បីជួយដល់ប្រជាពលរដ្ឋកម្ពុជា ដែលរងគ្រោះដោយសារ ទឹកជំនន់ធ្ងន់ធ្ងរ កាលពីពេលថ្មីៗ។ ពិធីប្រគល់បានធ្វើឡើង នៅឯកាកបាទ ក្រហមកម្ពុជា ក្រោមអធិបតីភាព លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា លោកជំទាវ Tina Redshaw ឯកអគ្គរាជទូតអង់គ្លេស ប្រចាំកម្ពុជា និងលោក Sanjay Chakrabarty អគ្គនាយកចាត់តាំង របស់ក្រុមហ៊ុន ព្រូដិនសល កម្ពុជា។

លោកស្រី ពុំ ចន្ទីនី បាននាំយកសារ ថ្លែងអំណរគុណដ៏ខ្ពង់ខ្ពស់ ពីសំណាក់ សម្តេចកិត្តិព្រឹទ្ធបណ្ឌិត ប៊ុន រានី ហ៊ុនសែន ប្រធានកាកបាទក្រហមកម្ពុជា ជូនក្រុមហ៊ុនព្រូដិនសលកម្ពុជា ដែលបានជួយឧបត្ថម្ភ អង្ករចំនួន ១០០តោន ដល់កាកបាទក្រហមកម្ពុជា សម្រាប់ប្រតិបត្តិការ ជួយដល់ប្រជាពលរដ្ឋ រងគ្រោះ បង្កដោយទឹកជំនន់ រហ័ស ឆ្នាំ២០២០នេះ និងរងគ្រោះ ដោយមហន្តរាយផ្សេងៗ។ កាកបាទក្រមកម្ពុជា នឹងចាត់ចែងនាំយកអំណោយ ទាំងអស់នេះ ទៅចែកជូនដល់ប្រជាពលរដ្ឋ ងាយរងគ្រោះបំផុត ដែលបានទទួលរងគ្រោះ ដោយទឹកជំនន់ និងគ្រោះមហន្តរាយ ផ្សេងៗដោយផ្ទាល់ដៃ។

លោកស្រី ពុំ ចន្ទីនី ផ្ទាល់ក៏បានមានប្រសាសន៍ ក្នុងឱកាសនោះថា “ខ្ញុំសូមអរគុណ ព្រូដិនសលណាស់ ដែលបានឃើញ កាកបាទក្រហមកម្ពុជា តាមមើលកាកបាទ ក្រហមកម្ពុជា ហើយមកតាមជួយ ។ ការជួយតាមរយៈ កាកបាទក្រហមកម្ពុជានេះ គឺជាការតាមជួយមួយ ដ៏ល្អបំផុតហើយ ព្រោះកាកបាទក្រហម កម្ពុជាបានអំណោយមក គឺយកទៅធ្វើភ្លាម ហើយដល់ដៃប្រជាពលរដ្ឋភ្លាម មិនទុកយូរទេ។ នេះជាគំរូមួយដ៏ប្រពៃណាស់ សម្រាប់ក្រុមហ៊ុន ដទៃៗទៀតមើលឃើញ” ។

លោកស្រី Tina Redshaw បានលើកឡើងថា “ស្ថានទូតចក្រភព អង់គ្លេសប្រចាំកម្ពុជា ធ្វើការសហការយ៉ាងជិតស្និទ្ធ ជាមួយនឹងក្រុមហ៊ុនអង់គ្លេស ហើយនេះជាការងាររបស់ខ្ញុំ ក្នុងការជួយគាំទ្រលើកទឹកចិត្ត ដល់ក្រុមហ៊ុនអង់គ្លេស នៅទីនេះ ក៏ដូចជាក្រុមហ៊ុនថ្មីៗ ដែលចង់ចូលមកធ្វើប្រតិបត្តិការ ក្នុងទីផ្សារកម្ពុជា។ ក្រុមហ៊ុនព្រូដិនសល មានវត្តមានយូរដែរ មកហើយ ហើយខ្ញុំមាន សេចក្ដីរីករាយ ដែលក្រុមហ៊ុន ទទួលបានជោគជ័យ ជាបន្តបន្ទាប់នៅកម្ពុជា ដោយបានពង្រីកវិសាលភាព ក្រុមហ៊ុនកាន់តែច្រើន នៅក្នុងប្រទេស។ ខ្ញុំក៏មានសេចក្ដីរីករាយ ក្រៃលែងដែល ថ្ងៃនេះក្រុមហ៊ុន ព្រូដិនសលកម្ពុជា ធ្វើការអនុវត្ត កម្មវិធីសង្គមរបស់ខ្លួន ដោយចូលរួមចំណែក ជួយដល់កិច្ចខិតខំប្រឹងប្រែង របស់ កាកបាទក្រហមកម្ពុជា ក្នុងការសម្រាលទុក្ខលំបាក របស់ប្រជាពលរដ្ឋ ដែលរងគ្រោះដោយសារ គ្រោះមហន្តរាយ ទឹកជំនន់នេះ” ។

នៅក្នុងពិធីប្រគល់ អំណោយនោះដែរ អគ្គនាយកចាត់តាំង ក្រុមហ៊ុនព្រូដិនសលកម្ពុជា លោក Sanjay Chakrabarty បានសម្ដែងការរំលែកទុក្ខ ចំពោះអ្នកដែលបាត់បង់ មនុស្សជាទីស្រលាញ់ និងទ្រព្យសម្បត្តិ ដោយសារតែគ្រោះមហន្តរាយ ទឹកជំនន់នេះ។ លោកក៏បានកោតសរសើរ ចំពោះភាពរឹងមាំ របស់ប្រជាពលរដ្ឋកម្ពុជា និងកិច្ចខិតខំប្រឹងប្រែង របស់រដ្ឋាភិបាល ស្ថាប័នក្រៅរដ្ឋាភិបាល និង វិស័យឯកជន ក្នុងការជួយដល់ប្រជាពលរដ្ឋ ដែលកំពុងស្ថិតក្នុងភាពលំបាក។

លោកបានបន្តទៀតថា “នេះជាកិត្តិយសណាស់ ដែលយើងខ្ញុំបានចូលរួម ជាមួយនឹងកាកបាទក្រហមកម្ពុជា ក្នុងការជួយដល់ប្រជាពលរដ្ឋ រងគ្រោះក្នុងការកាត់បន្ថយ ការឈឺចាប់ និងការលំបាក ដែលពួកគាត់កំពុង ជួបប្រទះពេលនេះ ដោយសារតែគ្រោះមហន្តរាយ ទឹកជំនន់នេះ។ យើងមានបុគ្គលិក ភ្នាក់ងារ និងអតិថិជន នៅក្នុងតំបន់ដែលរង គ្រោះដោយសារទឺកជំនន់នេះដែរ ដូច្នេះនេះជាកាយវិការ ដ៏ស្មោះចេញពីដួងចិត្ត របស់ពួកយើង ដើម្បីជួយដល់ប្រជាពលរដ្ឋ ទាំងអស់នោះ។ ក្នុងរយៈពេល ខ្លីខាងមុខនេះ យើងនឹងមានអ្នកស្ម័គ្រចិត្ត មកជួយសកម្មភាព មនុស្សធម៌នេះផងដែរ។ សម្រាប់យើងខ្ញុំ យើងនឹងប្រឹងឲ្យអស់ពីលទ្ធភាព ដើម្បីជួយទ្រទ្រង់ ដល់កម្មវិធីនានា របស់កាកបាទក្រហមកម្ពុជា មិនថា ក្នុងកំរិតណានោះទេ”។

គួរបញ្ជាក់ផងដែរថា កាកបាទក្រហមកម្ពុជា កំពុងបន្តធ្វើការជា មួយទីភ្នាក់ងារ អាជ្ញាធរមូលដ្ឋាន និងសហគមន៍ជាតិ អន្តរជាតិ ដើម្បីកំណត់ពីតម្រូវការ រយៈពេលវែងនានា សម្រាប់ជួយឲ្យសហគមន៍ រងផលប៉ះពាល់ អោយមានភាព ប្រសើរឡើងវិញ៕

ភ្នំពេញ៖ ដោយផ្អែកលើភាពជាអ្នកដឹកនាំ ផ្នែកនិរន្តរភាពជាង ១០ ឆ្នាំ នៅកម្ពុជា ក្រុមហ៊ុន Smart Axiata នៅថ្ងៃនេះបានចេញផ្សាយ របាយការណ៍និរន្តរភាព ឆ្នាំ ២០១៩ របស់ខ្លួន ក្រោមចំណងជើងថា “បង្កើនគុណភាពជីវិត និងទ្រទ្រង់ និរន្តរភាពសហគមន៍” (Enrich Lives, Sustaining Communities) ដែលបង្ហាញ ពីការចូលរួមចំណែក របស់ក្រុមហ៊ុន ទៅលើសេដ្ឋកិច្ចជាតិ កម្មវិធីអនុវត្តប្រកប ដោយនិរន្តរភាព និងកម្មវិធីទំនួលខុស ត្រូវសង្គម ដែលបានរួមចំណែក អភិវឌ្ឍសហគមន៍នៅទូទាំង ប្រទេសកម្ពុជា។

ក្នុងឆ្នាំ ២០១៩ ក្រុមហ៊ុន Smart បានចូលរួមចំណែក ជាទឹកប្រាក់ចំនួន ៤៥៩ លានដុល្លារ ដល់សេដ្ឋកិច្ចជាតិ របស់ប្រទេសកម្ពុជា (ស្មើ១,៧ភាគរយ នៃផលិតផលក្នុងស្រុក សរុបរបស់កម្ពុជា) ដោយបានចូលរួមទ្រទ្រង់ ការងារដោយផ្ទាល់ និងដោយប្រយោល ចំនួន ៥ ម៉ឺនការងារ នៅទូទាំងខ្សែសង្វាក់ អាជីវកម្មរបស់ខ្លួន។ ក្រុមហ៊ុន បានបង់ពន្ធចំនួន ៩៤ លានដុល្លារលើពន្ធអាករ និង កម្រៃនិយ័តកម្ម ដោយការបង់ពន្ធនេះ តែឯងមានចំនួន ២,១% នៃចំណូលពន្ធ លើថវិកាជាតិសរុប។

តាមរយៈការចូលរួមចំណែក ដល់មូលនិធិកាតព្វកិច្ច សេវាសកលវិស័យ ទូរគមនាគមន៍ (USO) និង មូលនិធិក សាងសមត្ថភាព និងការស្រាវជ្រាវ និងការអភិវឌ្ឍ លើវិស័យទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន (CBRD) ក្រុមហ៊ុន ក៏បានបង់ប្រាក់ទំហំ ៣ ភាគរយ នៃប្រាក់ចំណូលដុល របស់ខ្លួនរៀងរាល់ឆ្នាំ ដល់គម្រោងនានាជាច្រើន ដឹកនាំដោយរដ្ឋាភិបាល ដែលជំរុញហេដ្ឋារចនាសម្ព័ន្ធ អ៊ីនធឺណិតចល័ត និងការអភិវឌ្ឍធនធានមនុស្ស នៅក្នុងវិស័យច្ចេកវិទ្យាព័ត៌មាន និងទំនាក់ទំនង ដែលនាំឲ្យក្រុមហ៊ុន ត្រូវបានទទួលស្គាល់ថា ជា “អ្នកផ្ដល់វិភាគទានល្អបំផុត សម្រាប់មូលនិធិ CBRD” ក្នុងឆ្នាំ ២០១៩ ពីសំណាក់ ក្រសួងប្រៃសណីយ៍ និងទូរគមនាគមន៍។

លោក ថូម៉ាស ហ៊ុន (Thomas Hundt) នាយកប្រតិបត្តិក្រុមហ៊ុន Smart Axiata បានលើកឡើងថា «ការគោរព តាមការប្តេជ្ញាចិត្ត របស់យើងចំពោះការអភិវឌ្ឍ ប្រទេសជាតិ តាមរយៈការបំពេញ កាតព្វកិច្ចពន្ធ និងកម្រៃនិយ័តកម្ម គឺជាចំនុចសំខាន់បំផុត នៃប្រតិបត្តិការអាជីវកម្ម របស់យើងខ្ញុំ។ កិច្ចការនិរន្តរភាព ដែលយើងខ្ញុំសម្រច បានកន្លងមក គឺបាននាំមកនូវ អត្ថប្រយោជន៍យ៉ាងច្រើន ជូនដល់សហគមន៍នានា ក្នុងនោះរួមមាន ការគាំទ្រ ចំពោះអក្ខរកម្មឌីជីថល ការអប់រំឌីជីថល កីឡា និងការការពារបរិស្ថាន បានជួយបង្កើតនូវភាពរឹងមាំ និងផ្ដល់ឱកាសជាច្រើន ជូនដល់យុវជនជំនាន់ក្រោយ ដែលជាអ្នកeកំណត់អនាគត នៃព្រះរាជាណាចក្រកម្ពុជា។»

លោកបានបន្ថែមទៀតថា៖ «បន្ថែមលើប្រតិបត្តិការអាជីវកម្ម ប្រកបដោយនិរន្តរភាព របស់ក្រុមហ៊ុន យើងខ្ញុំនឹងខិតខំ ឲ្យកាន់តែខ្លាំងជាងនេះទៀត ដើម្បីជួយបង្កើត ប្រព័ន្ធអេកូឡូស៊ី បែបបច្ចេកវិទ្យាឌីជីថល នៅក្នុងព្រះរាជាណាចក្រកម្ពុជា តួយ៉ាងការត្រៀមខ្លួន ជាស្រេចក្នុងការ ដាក់ឲ្យដំណើរការ សេវាបច្ចេកវិទ្យាជំនាន់ទី៥ (5G) របស់យើងខ្ញុំ។»

ក្នុងខែកក្កដា ឆ្នាំ ២០១៩ ក្រុមហ៊ុន Smart Axiata បានធ្វើតេស្តសាកល្បង សេវាបច្ចេកវិទ្យា ជំនាន់ទី៥ (5G) ប្រកបដោយភាពជោគជ័យ ដែលនេះបង្ហាញ ពីភាពឈានមុខគេ របស់ក្រុមហ៊ុន ក្នុងវិស័យទូរគមនាគមន៍ ហើយក៏ជាក្រុមហ៊ុន ដំបូងគេបង្អស់នៅកម្ពុជា ដែលបានដាក់ដំណើរការ សេវាបច្ចេកវិទ្យាជំនាន់ទី៤ (4G) ក្នុងឆ្នាំ ២០១៤ និង 4G+ ក្នុងឆ្នាំ២០១៦ បន្ទាប់មក 4G+ HD Voice (VoLTE) ក្នុងឆ្នាំ ២០១៧ និង 4.5G ក្រោយមកទៀត ក្នុងឆ្នាំដដែល។

ក្នុងនាមជាអ្នក រួមចំណែកដ៏ធំបំផុតមួយ ដល់ការអភិវឌ្ឍន៏ សេដ្ឋកិច្ចជាតិ ក្រុមហ៊ុន Smart ក៏បានបំរុងថវិកា ច្រើនជាង ១ ភាគរយ នៃប្រាក់ចំណូល ដលប្រចាំឆ្នាំ ដែលមានទឹកប្រាក់ ច្រើនជាង ៣ លានដុល្លារ សម្រាប់ដំណើរកម្មវិធី ទំនួលខុសត្រូវសង្គម ដូចជាកម្មវិធីគាំទ្រ និងអភិវឌ្ឍន៍ក្នុងវិស័យអប់រំ បរិស្ថាន កីឡាសហគមន៍ ការច្នៃប្រឌិតបច្ចេកវិទ្យា និងកម្មវិធីនានាជាច្រើន។

ដោយឡែក តាមរយៈមូលនិធិវិនិយោគលើអាជីវកម្ម បែបឌីជីថលរបស់ក្រុមហ៊ុន Smart Axiata ក្រុមហ៊ុនបាននឹង កំពុងវិនិយោគថវិកាចំនួន ២ លានដុល្លារ លើអាជីវកម្មឌីជីថល ទើបបង្កើតថ្មី ចំនួន ៨ នៅកម្ពុជា ដែលបានបង្កើតការងារជាង ១.៤០០ កន្លែង និងបង្កើត បានប្រាក់ចំណូល សរុប ចំនួន ២,៧ លានដុល្លារ។ អាជីវកម្មទាំងនេះ ផ្ដោតសំខាន់ លើបច្ចេកវិទ្យាដូចជា IOT និង chatbots ដែលផ្ដល់ដំណោះស្រាយ ផ្នែកឌីជីថល សម្រាប់ប្រជាពលរដ្ឋកម្ពុជា ដែលមកពីគ្រប់វិស័យ។

លើសពីនេះទៀតសោធ ក្នុងឆ្នាំ ២០១៩ ក្រុមហ៊ុន Smart ក៏បានចាប់ដៃគូ ជាមួយក្រុមហ៊ុន Google និង GSMA ដែលជាសមាគម ពាណិជ្ជកម្មវិស័យ ទូរគមនាគមន៍សាកល ដើម្បីដាក់ឲ្យដំណើរការ សាកល្បងកម្មវិធី អក្ខរកម្មឌីជីថល និងសុវត្ថិភាព លើប្រព័ន្ធអ៊ីនធឺណិត ដល់សិស្សវិទ្យាល័យ ចំនួន ១.៥០០ នាក់ ក្នុងខេត្តចំនួនបី នៃប្រទេសកម្ពុជា។ កម្មវិធីសាកល្បងនេះ មានការគាំទ្រ ពីសំណាក់ក្រសួងអប់រំ យុវជន និងកីឡា និងក្រសួងប្រៃសណីយ៍ និងទូរគមនាគមន៍ និងទទួលបានចំនួន អ្នកចូលមើលតាម អនឡាញចំនួន ២ លាន ៨សែន នាក់ តាមរយៈយុទ្ធនាការ វីដេអូអនឡាញ។ កម្មវិធីនេះក៏ទទួលបាន ពានរង្វាន់ពីស្ថាប័ន Asia Responsible Enterprise ក្នុងប្រភេទ “ផ្ដល់អំណាចសង្គម” កាលពីខែកញ្ញាឆ្នាំ ២០២០។

ក្នុងនោះផងដែរ ក្រុមហ៊ុន Smart ក៏បានបន្តដាក់ឲ្យដំណើរការ កម្មវិធីអប់រំ និងអភិវឌ្ឍន៍ដោយផ្តោតលើ ប្រព័ន្ធឌីជីថល ប្រកបដោយជោគជ័យ សម្រាប់ឆ្នាំ ២០១៩ រួមមានកម្មវិធី SmartStart និង កម្មវិធី SmartEdu ខណៈពេលយើងខ្ញុំក៏គាំទ្រដល់ កម្មវិធី hackathons នៅទូទាំងប្រទេសផងដែរ ដើម្បីធានាថាយុវជនកម្ពុជា អាចទទួលបានកម្មវិធីអប់រំ និងបណ្តុះ បណ្តាលបែបឌីជីថល ល្អបំផុតនៅកម្ពុជា។

ក្រៅតែអំពីចំនុចដែរបាន បរិយាយខាងលើ ក្រុមហ៊ុន Smart Axiata ក៏បានចូលរួមបរិច្ចាគថវិកា ចំនួន ២០ ម៉ឺនដុល្លារ ដើម្បីរៀបចំការប្រគំតន្ត្រី សប្បុរសធម៌ (Smile Charity Concert) សម្រាប់ជួយនិងគាំទ្រ ដល់មូលនិធិគន្ធបុប្ផា និងមន្ទីរពេទ្យគន្ធបុប្ផា ដែលមានតួនាទី យ៉ាងសំខាន់ក្នុងការ ផ្តល់ការព្យាបាល និងថែទាំសុខភាព ដោយឥតគិតថ្លៃ ដល់កុមារកម្ពុជាទាំងអស់។

ក្នុងខែធ្នូ ឆ្នាំ២០១៩ ថ្នាក់ដឹកនាំរបស់ក្រុមហ៊ុនមេ Axiata Group Berhad របស់ប្រទេសម៉ាឡេស៊ិ និងនាយកប្រតិបត្តិក្រុមហ៊ុន Smart Axiata លោក ថូម៉ាស ហ៊ុន ត្រូវបានផ្តល់កិត្តិយស យ៉ាងខ្ពង់ខ្ពស់បំផុត ចូលជួបសម្តែងការគួរសមចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី​ នៃព្រះរាជាណាចក្រកម្ពុជា ដោយក្រុមហ៊ុន បានប្តេជ្ញាថា នឹងនៅតែបន្តតួនាទី របស់ខ្លួនក្នុងនាមជាដៃគូ អភិវឌ្ឍន៍ដ៏សំខាន់ របស់រាជរដ្ឋាភិបាលកម្ពុជា និងដើម្បីសម្រេចនូវ គោលដៅរបស់ខ្លួន ក្នុងការជម្រុញការ អភិវឌ្ឍបែបឌីជីថល របស់ប្រទេសកម្ពុជា។

លោក ថូម៉ាស ហ៊ុន បានបន្ថែមទៀតថា៖ «បើទោះបីជាឆ្នាំ ២០២០ មានបញ្ហាប្រឈមធ្ងន់ធ្ងរ មិនធ្លាប់មានពីមុនមកក្ដី ក្រុមហ៊ុន Smart Axiata នៅតែបន្តបង្កើត ផលវិជ្ជមានជាច្រើន ក្នុងពេលវេលាដ៏លំបាក និងមិនប្រាកដប្រជា នាពេលនេះ ធ្វើយ៉ាងណា ដើម្បីឲ្យសេដ្ឋកិច្ចសង្គម អាចងើបឡើងវិញ ហើយយើងទាំងអស់គ្នាអាច ងើបឡើងឆ្ពោះទៅមុខ ជាមួយគ្នាទូទាំងប្រទេស»៕

ទស្សនិកជន ដែលនិយមតាមដាន កម្មវិធីកម្សាន្តនានា ថ្ងៃចុងសប្តាហ៍នៅលើកញ្ចក់ទូរទស្សន៍ភីអិនអិន ប្រហែលជាធ្លាប់បានទស្សនារួចមកហើយ នូវកម្មវិធីមួយ ដែលជាកម្មវិធី ហ្គេមទូរទស្សន៍ពិភពលោក នោះគឺ កម្មវិធី Family Feud Cambodia ។

ដោយសារតែ មើលឃើញពីសន្ទុះនៃការគាំទ្រ កម្មវិធីនេះកាន់តែខ្លាំងពីសំណាក់ហ្វេនៗ ភីអិនអិន ក៏បានរៀបចំឡើង នូវកម្មវិធីនេះ បន្តដល់រដូវកាលទី ពីរ ដែលលើកនេះ ក៏បានត្រឡប់មកវិញ ជាមួយនឹងហ្គេមសំនួរថ្មីៗ អមដោយវត្តមានតារាកតិ្តយសល្បី ចូលរួមលេងកម្សាន្ត ដើម្បីបង្ករឲ្យបរិយាកាសកម្មវិធីទាំងមូល កាន់តែមានភាពរីករាយបន្ថែមទៀត។

មិនតែប៉ុណ្ណោះ ពិធីករ រូបសង្ហារ សំនៀងវោហារស័ព្ទ ដ៏មានមន្តស្នេហ៍ លោក ប៉ែន ចំរ៉ុង ក៏នឹងមានវត្តមានសម្របសម្រួលក្នុងកម្មវិធីនេះ ឲ្យកាន់តែមានភាពទាក់ទាញខ្លាំងឡើង ។

តារាសិល្បៈជាច្រើនដួង ដូចជា កញ្ញា សុភ័ក្រ កុសមៈ ( តារាពហុជំនាញ ) , កញ្ញា នីតា វរង្ស , លោក ខាត់ វៃហាំង និងវត្តមាន តួអង្គសម្តែងក្នុងរឿងភាគខ្មែរ ប្រចាំឲ្យទូរទស្សន៍ភីអិនអិន ក៏នឹងមកចូលរួមបង្ហាញខ្លួនជាមួយនឹងសមត្ថភាព ចំណេះដឹងរបស់ខ្លួន ដើម្បីប្រកួតប្រជែងគ្នា ក្នុងកម្មវិធីនេះដែរ។ កម្មវិធីលំដាប់អន្តរជាតិ Family Feud Cambodia មានផ្សាយជូននៅលើកញ្ចក់ទូរទស្សន៍ ភីអិនអិន ចាប់ពីខែ វិច្ឆិកានេះតទៅ រៀងរាល់ថ្ងៃសៅរ៍ វេលាម៉ោង ០៩ យប់។

ក្នុងនោះដែរ លោកអ្នក ក៏អាចរកសមាជិក៤រូបមកចូលរួមប្រកួតប្រជែង ដើម្បីដណ្តើមយកប្រាក់រង្វាន់ប្រមាណ៤លានរៀល ឬអាចដាក់ពាក្យបានតាមរយៈប្រអប់សារ ឬអ៊ីម៉ែល familyfeudcambodia@gmail.com.

សូមទស្សនាវីដេអូខាងក្រោម៖

https://www.facebook.com/watch/?v=819328618631083

ភ្នំពេញ៖ ថ្វីបើមិនបានយកឈ្នះ ទទួលជ័យលាភី ចំណាក់ថ្នាក់លេខ១ ក្នុងការប្រកួត ការប្រណាំងកង់ កាលពីពេលថ្មីៗនេះក៏ពិតមែន តែកុមារា ពេជ្រ ធារ៉ា បានយកឈ្នះ បេះដូងទស្សនិកជន ដែលចូលរួមទស្សនាជាច្រើន និងផ្ទុះការចាប់អារម្មណ៍ យ៉ាងខ្លាំង លើបណ្តាញសង្គម ជាមួយឆន្ទៈមុះមុត មិនខ្មាសអៀនរបស់គេ ដោយបានតាំងចិត្ត ចូលរួមប្រកួត ជាមួយកុមារដទៃ ដែលគេដឹងថា សុទ្ធតែប្រើប្រាស់កង់ល្អៗ មានតម្លៃថ្លៃៗ ចំណែករូបគេ ត្រឹមកង់កញ្ចាស់ប៉ុណ្ណោះ ។

ការចូលរួមប្រកួតនេះ កុមារា ពេជ្រ ធារ៉ា បានយកឈ្នះបេះដូង ទស្សនិកជន ផ្អើលកោតសរសើរ ចំពោះការតាំងចិត្តរបស់គេ ដែលចូលរួមប្រកួត ទាំងដែល ស្បែកជើងពាក់ក៏គ្មានពាក់ មានត្រឹមកង់កញ្ចាស់មួយប៉ុណ្ណោះ បានធ្វើឲ្យលោក ម៉ឹង ពន្លក ប្រធានសមាគមចលនា យុវជនកម្ពុជា (ក្រុម១៥៧) ដែលបានចូលរួម ទស្សនាផ្ទាល់នោះ បានចាត់អោយក្រុមការងារ ហៅរូបគេមកសួរនាំ និងសន្យាផ្តល់កង់ថ្មីជូន ក្រោយចប់ការប្រកួត ។

តាមការបញ្ជាក់របស់ ក្រុមកង់១៥៧ បានឲ្យដឹងថា “នៅថ្ងៃទី១១ ខែវិច្ឆិកា ឆ្នាំ២០២០ លោក ម៉ឹង ពន្លក ប្រធានសមាគម ចលនាយុវជនកម្ពុជា (ក្រុម១៥៧) បានចាត់តំណាង ក្រុមកង់១៥៧ តាមការសន្យា យកអំណោយជូនកុមារា ពេជ្រ ធារ៉ា ដែលស្រលាញ់ កីឡាជិះកង់ ដែលបានចូលរួមប្រណាំងកង់ នៅទីលានទួលម៉ូតូហោះ ព្រែកលាភ ” ។

គួរឲ្យដឹងថា កុមារា ពេជ្រ ធារ៉ា មាន ឪពុកឈ្មោះ ពេជ្រ ថា ជាកម្មករសំណង់ និងម្តាយឈ្មោះ ប្រ៉ុយ មុំ កំពុងមានជំងឺប្រចាំកាយ និងមានបងប្អូនចំនួន៥នាក់ ហើយរូបគេជាកូនពៅ។ ដោយឃើញពីភាពខ្វះខាតខ្លាំង របស់កុមារពេជ្រ ធារ៉ា លោក ម៉ឹង ពន្លឹក ប្រធានសមាគម ចលនាយុវជនកម្ពុជា (ក្រុម១៥៧) ក៏បានបានចង្អុលបង្ហាញ អោយបងប្អូនក្រុមកង់ចូលរួម សហការគ្នា ដើម្បីទិញកង់ថ្មី និងសម្ភារៈប្រើប្រាស់ រួមទាំងអំណោយ មួយចំនួនទៀតរួមមាន៖ កង់ថ្មី ចំនួន ១គ្រឿង សម្ភារៈកង់ ១កំប្លេ, អាវកង់ (ក្រុម១៥៧), ស្បែកជើង ១ គូ, ខោ អាវ Baleno ១ កំប្លេ, កាតាប ១, សៀវភៅ ១០ ក្បាល, ប៊ិច ១ កំប៉ុង, អង្ក ២០គីឡូ, ទឹកត្រី ១យួរ, ទឹកស៊ីអីវ ១ យួរ, ត្រីខ កំប៉ុង ១យួរ, ទឹកសុទ្ធ ១កេស និងថវិកា ៧០០,០០០ រៀលផងដែរ៕