ភ្នំពេញ៖ ក្រុមហ៊ុន ជីប ម៉ុង លែន ដែលបានទិញយកទ្រព្យសកម្ម និងអាជីវកម្មទាំងអស់របស់ ក្រុមហ៊ុន ហ្គ្រែន ភ្នំពេញ ក្នុងពេលថ្មីៗនេះ ចាប់ផ្តើមកែលម្អសេវាកម្ម ហេដ្ឋារចនាសម្ព័ន្ធ ក៏ដូចជាតំបន់លំនៅឋាននេះទំាងមូល ដើម្បីកែប្រែមុខមាត់តំបន់នេះ ឲ្យទៅជាតំបន់អភិវឌ្ឍន៍ ដែលប្រកបដោយសក្តានុពលខ្ពស់ សម្រាប់ការរស់នៅ និងប្រកបអាជីវកម្មនានា។

ថ្លែងក្នុងកម្មវិធីភ្ជាប់ទំនាក់ទំនងអតិថិជន ហ្គ្រែន ភ្នំពេញ កាលពីថ្ងៃទី ២២ វិច្ឆិកា ២០១៩ លោកឧកញ៉ា លាង ហួង (ហេនរី) អគ្គនាយកក្រុមហ៊ុន ជីប ម៉ុង លែន បានមានប្រសាសន៍ថា «គោលបំណងចម្បងបច្ចុប្បន្នរបស់ ក្រុមហ៊ុន ជីប ម៉ុង លែន គឺធ្វើយ៉ាងណាកែលម្អសេវាកម្ម របស់យើងឲ្យកាន់តែប្រសើរឡើង ដើម្បីឆ្លើយតបតម្រូវ ការរបស់អតិថិជន ឲ្យបានទាន់ពេលវេលា។ ជំហានបន្ទាប់យើង ក៏នឹងកែលម្អហេដ្ឋារចនាសម្ព័ន្ធក្នុងគម្រោងដែលមានស្រាប់ ដើម្បី ធ្វើឲ្យការរស់នៅ និងការប្រកបរបរទទួលទានរបស់អតិថិជន ទាំងអស់ដែលរស់នៅក្នុងគម្រោង របស់យើងមានភាពប្រសើរឡើង»។

ក្រៅពីផែនការកែលម្អមុខមាត់ថ្មី របស់គម្រោងនេះ ក្រុមហ៊ុន ជីប ម៉ុង លែន ក៏ផ្តោតសំខាន់លើការវិនិយោគរយៈពេលវែងឆ្ងាយ​ ដើម្បីអភិវឌ្ឈតំបន់សែនសុខនេះ ឲ្យទៅតំបន់អភិវឌ្ឍន៍ថ្មីមួយ ដែលជាជម្រើសទី១សម្រាប់ការរស់នៅ និងការប្រកបអាជីវកម្មផងដែរ។

លោកបន្តថា «យើងខ្ញុំក៏កំពុងសិក្សាជាមួយ អ្នកជំនាញអំពីគម្រោង មេដើម្បីកែប្រែមុខមាត់ វិសាលភាពតំបន់ ដីអភិវឌ្ឍន៍នេះឲ្យ ទៅជាតំបន់លំនៅឋាន និងពាណិជ្ជកម្ម ដែលពោរពេញទៅដោយឱកាស និងសក្តានុពលខ្ពស់ ក្នុងការអភិវឌ្ឍនិង ពង្រីកអាជីវកម្ម ពាណិជ្ជកម្មផ្សេងៗផងដែរ»។

គួររំល្ញកដែលថា ក្រុមហ៊ុន ជីប ម៉ុង លែន ជាក្រុមហ៊ុនអភិវឌ្ឍន៍ អចលនទ្រព្យឈានមុខគេ ដែលរចនាលំនៅឋាន ទំនើបទាន់សម័យ និងសាងសង់លំនៅឋានរឹងមាំ ស្រពតាមបទដ្ឋានអន្តរជាតិ។ សព្វថ្ងៃក្រុមហ៊ុនដ៏ធំមួយនេះ មានគម្រោងអភិវឌ្ឍន៍ លំនៅឋាន និង ខុនដូ ធំៗចំនួន ១០ គម្រោងហើយ ដែលសុទ្ធតែស្ថិតនៅលើទីតាំង​សក្តានុពលទាំងអស់៕

បរទេស៖ ក្រុមហ៊ុនអភិវឌ្ឍន៍ខ្នាតយក្សសិង្ហបុរី ឈ្មោះ UOL Group Limited បានជាប់ឈ្មោះ ជាក្រុមហ៊ុនឆ្នើមបំផុតទាំងប្រាំបួន នៅក្នុងតំបន់ ដោយទទួលបានពានរង្វាន់ ដ៏ល្បីល្បាញបំផុត ក្នុងនាមជាក្រុមហ៊ុនអភិវឌ្ឍន៍ ដ៏ឆ្នើមប្រចាំតំបន់អាស៊ី។ នេះគឺជាមហាកិត្តិយសដ៏ធំធេង សម្រាប់ប្រទេសសិង្ហបុរី នាឱកាសវគ្គ ផ្ដាច់ព្រ័ត្រនេះ ដែលក្រុមហ៊ុន អភិវឌ្ឍន៍មកពីសំណាក់រដ្ឋបុរីមួយនេះ ទទួលបានពានរង្វាន់ប្រាំពីរ នៅក្នុងថ្នាក់តំបន់ ។

លោក Liam Wee Sin ប្រធានប្រតិបត្តិ គ្រុបរបស់ក្រុមហ៊ុន UOL Group Limited បានមានប្រសាសន៍ថា “យើងខ្ញុំពិតជា សប្បាយរីករាយខ្លាំងមែនទែន ដែលមិនមែនត្រឹមតែ សម្រាប់យើងខ្ញុំតែម្នាក់ឯងប៉ុណ្ណោះទេ ប៉ុន្តែយើងពិតជាសប្បាយរីករាយ ជាអនេកសម្រាប់អ្នកចូលរួមម្នាក់ៗ និងគ្រប់រូបទាំងអស់ ពីព្រោះថាពួកយើងម្នាក់ៗ អញ្ជើញចូលរួមនៅក្នុងកម្មវិធីនេះ មិនមែនដើម្បីតែពានរង្វាន់ តែមួយមុខប៉ុណ្ណោះទេ ប៉ុន្តែពួកយើងមានវត្តមាន នាកម្មវិធីដ៏សំខាន់មួយនេះ គឺដើម្បីស្វែងយល់អំពីការវិវត្ត គួរឱ្យកត់សម្គាល់ នៅក្នុងវិស័យនេះ នារយៈពេលប៉ុន្មាន​ ឆ្នាំចុងក្រោយនេះ។ ខ្ញុំយល់ឃើញថាកម្មវិធី PropertyGuru បានក្លាយជាឧបករណ៍ដ៏សំខាន់ មិនអាចខ្វះបាន នៅក្នុងការលើកកម្ពស់ ស្តង់ដារនៃការឌីហ្សាញ នៅក្នុងប្រទេសនីមួយៗ ក្នុងតំបន់អាស៊ី” ។

ក្រុមហ៊ុន Triniti Land បានឈ្នះពានរង្វាន់ ក្នុងនាមជាក្រុមហ៊ុន អភិវឌ្ឍន៍ប៊ូទិកដ៏ឆ្នើមបំផុត (Best Boutique Developer) (នៅអាស៊ី) ដែលជាម្ចាស់ជ័យលាភីមួយ ក្នុងចំណោមម្ចាស់ជ័យលាភីទាំងបួន របស់ប្រទេសឥណ្ឌូនេស៊ី នាវគ្គផ្ដាច់ព្រ័ត្រនេះ។ ក្រុមហ៊ុនអភិវឌ្ឍន៍ ឥណ្ឌូនេស៊ី គឺក្រុមហ៊ុន ASTRA Property & Hongkong Land បានឈ្នះពានរង្វាន់ ថ្នាក់តំបន់ដ៏ល្បីល្បាញបំផុត សម្រាប់ផ្នែកអភិវឌ្ឍន៍ខុនដូប្រណីត លំដាប់ខ្ពស់បំផុត (នៅអាស៊ី) សម្រាប់គម្រោង Anandamaya Residences។

ប្រទេសហ្វីលីពីន បានឈ្នះពានរង្វាន់ ថ្នាក់តំបន់ចំនួនបួន រួមមាន ពានរង្វាន់កិត្តិយសថ្មី នៃពានរង្វាន់សម្រាប់ផ្នែក អភិវឌ្ឍន៍ស្រុកធុរកិច្ចកណ្ដាលល្អបំផុត (CBD) (នៅអាស៊ី) និងផ្នែកឌីហ្សាញ ផែនការមេទីក្រុងល្អបំផុត (នៅអាស៊ី)។

ប្រទេសវៀតណាម ក៏បានឈ្នះពានរង្វាន់​ ថ្នាក់តំបន់បីផងដែរ រួមមានពានរង្វាន់ ដ៏ល្បីល្បាញបំផុត ផ្នែកអភិវឌ្ឍន៍ទីក្រុងល្អបំផុត (នៅអាស៊ី) សម្រាប់គម្រោង Kien A Corporation។ ពានរង្វាន់សម្រាប់ជ័យលាភី ចំណាត់ថ្នាក់តំបន់ទាំងនេះ ត្រូវបានប្រគល់ជូនបន្ថែម ពីលើពានរង្វាន់ ដែលបានទទួលដោយ ប្រធានប្រតិបត្តិ របស់ក្រុមហ៊ុន CapitaLand Vietnam គឺលោក Chen Lian Pang ដែលបានឈ្នះពានរង្វាន់ ពីកម្មវិធី PropertyGuru Icon Award ឆ្នាំ2019។ ក្នុងនាមជាអ្នកទទួលបាន ពានរង្វាន់ចំណាត់ថ្នាក់លេខពីរ តែម្នាក់គត់ សម្រាប់កម្មវិធីពានរង្វាន់ ដែលមានអាយុកាល ១៤ឆ្នាំនេះ លោក Chen Lian Pang បានជាប់ឈ្មោះថា ជាបុគ្គលឆ្នើមបំផុត ដែលមានបុគ្គលិកលក្ខណៈ អចលនទ្រព្យ (Real Estate Personality) ប្រចាំឆ្នាំនៃពានរង្វាន់ អចលនទ្រព្យវៀតណាម PropertyGuru ឆ្នាំ២០១៦ ។

លោក Chen Lian Pang បានមានប្រសាសន៍ថា “ភាពជោគជ័យដ៏ធំធេងនេះ គឺមិនមែនជាសមិទ្ធផល ដែលបានកើតចេញ ពីភាពដឹកនាំផ្ទាល់ខ្លួន របស់ខ្ញុំនោះឡើយ ប៉ុន្តែវាគឺជាសមិទ្ធផល ដែលបានកើតចេញពីកិច្ចខិតខំប្រឹងប្រែង របស់បុគ្គលគ្រប់រូប ដែលបានចូលរួមគាំទ្រ ដល់រូបខ្ញុំសម្រាប់អាជីពការងារ នៅក្នុងវិស័យអចលនទ្រព្យនេះ ជាពិសេស ថ្នាក់គ្រប់គ្រង សហការី និងបុគ្គលិកគ្រប់រូបទាំងអស់ របស់ក្រុមហ៊ុន CapitaLand តែម្ដង ដែលបានចូលរួមសម្រេច ចក្ខុវិស័យរបស់យើង”។

ប្រទេសថៃ បានឈ្នះពានរង្វាន់ថ្នាក់តំបន់ចំនួនពីរ ខណៈដែលប្រទេសកម្ពុជា មីយ៉ាន់ម៉ា និងម៉ាឡេស៊ី បានឈ្នះពានរង្វាន់ តែម្នាក់មួយប៉ុណ្ណោះ ។

ក្នុងនាមជាក្រុមហ៊ុនសវនកម្ម និងគណនេយ្យដ៏ធំបំផុតមួយ លំដាប់ថ្នាក់ពិភពលោក ក្រុមហ៊ុន BDO បានធានានូវតម្លាភាព ភាពយុត្តិធម៌ និងភាពអាចជឿទុកចិត្តបាន នៃគ្រប់ជំហានទាំងអស់ នៅក្នុងដំណើរការធ្វើការវិនិច្ឆ័យ។ លោក Paul Ashburn ដៃគូសហគ្រប់គ្រងនៅ BDO ដែលមានមូលដ្ឋាន នៅក្នុងប្រទេសថៃ បានធ្វើការដឹកនាំ​កម្មវិធីពានរង្វាន់ PropertyGuru Asia Property Awards វគ្គ ផ្ដាច់ព្រ័ត្រ ឆ្នាំ2019នេះ។

PropertyGuru Asia Property Awards លើកទី១៤ គឺជាពានរង្វាន់ដ៏មានកិត្យានុភាព ក្នុងវិស័យវិស័យអចលនទ្រព្យ ប្រចាំតំបន់ លើកកម្ពស់ទីផ្សារ អចលនទ្រព្យ​ល្អបំផុតផ្ដាច់គេ ក្នុងនោះប្រទេសសិង្ហបុរី ទទួលបាននូវពានរង្វាន់ ច្រើនជាងគេបំផុត ជាមួយនឹងពានរង្វាន់ថ្នាក់តំបន់ ចំនួនប្រាំពីរ ដោយក្រុមហ៊ុន UOL Group bagging Best Developer (អាស៊ី) បន្ទាប់មក គឺប្រទេសឥណ្ឌូនេស៊ី និងហ្វីលីពីន ដែលទទួលបាន ពានរង្វាន់ម្នាក់ចំនួនបួន ។

គួរឲ្យដឹងថា កម្មវិធីពានរង្វាន់ PropertyGuru’s Asia Property Awards ត្រូវបានបង្កើតឡើង នៅឆ្នាំ២០០៥ គឺជាកម្មវិធីពានរង្វាន់ អចលនទ្រព្យកម្រិតខ្ពស់បំផុត និងមានកិត្យានុភាព ដ៏ល្បីល្បាញប្រចាំតំបន់។ កម្មវិធីពានរង្វាន់ Asia Property Awards ត្រូវបានទទួលស្គាល់ ជាស្លាកសញ្ញាតាមឧត្ដមភាពវិស័យ នៅក្នុងវិស័យ​អចលនទ្រព្យ នៅតំបន់អាស៊ី។ ជាមួយនឹងគណៈជំនាញ ការវិស័យឯករាជ្យដ៏ជំនាញ និងអ្នកគ្រប់គ្រង ដែលបានទទួលទំនុកចិត្តខ្ពស់បំផុត ពានរង្វាន់ពីកម្មវិធីនេះ គឺតំណាងឱ្យមុខមាត់ ដ៏មានកិត្យានុភាព មិនអាចប្រៀបផ្ទឹម សម្រាប់ផ្នែកទំនុកចិត្ត យុត្តិធម៌ និងតម្លាភាព ។

សម្រាប់ព័ត៌មានបន្ថែម សូមផ្ញើអ៊ីមែលមកកាន់ awards@propertyguru.com ឬចូលទៅកាន់គេហទំព័រ AsiaPropertyAwards.com៕

កោះកុង៖ក្រុមហ៊ុន ខេមបូឌាន ដេរីវ៉េទីវ អ៊ិចឆេង បានសហការជាមួយគណៈកម្មការមូលបត្រកម្ពុជា និងរដ្ឋបាលខេត្តកោះកុង ក្នុងការរៀបចំសិក្ខាសាលា នៅខេត្តកោះកុង ដែលជាគោលដៅទី១១ នៃសិក្ខាសាលាតាមបណ្ដាខេត្តឆ្នាំ២០១៩ ក្រោមអធិបតីលោក ស៊ូ សុជាតិ អគ្គនាយកនៃគណៈកម្មការមូលបត្រកម្ពុជា និងលោក ផៃថូន ផ្លាមកេសន អភិបាលរងនៃគណៈអភិបាលខេត្តកោះកុង កាលពីថ្ងៃទី២៨ ខែវិច្ឆិកា ឆ្នាំ២០១៩ ក្រោមប្រធានបទ “អ្វីជាការជួញដូរឧបករណ៍និស្សន្ទ៖ ការត្រៀមខ្លួន ការវិនិយោគ និងការយល់ ដឹងពាក់ព័ន្ធ?”

សិក្ខាសាលាតាមបណ្ដាខេត្តនេះ មានគោលបំណង ចែករំលែកចំណេះដឹង ជំនាញ បទពិសោធន៍ បទប្បញ្ញាត្តិ និងឱកាសវិនិយោគដល់សាធារណៈជននៅទូទាំង ព្រះរាជាណាចក្រ កម្ពុជា។

លោក ផៃថូន ផ្លាមកេសន បានលើកឡើងពីសក្ដានុពលខេត្តថា ការយកចិត្តទុកដាក់ របស់រាជរដ្ឋាភិបាលកម្ពុជា ក្នុងការអភិវឌ្ឍគ្រប់វិស័យ ជាពិសេសវិស័យសេដ្ឋកិច្ច ដែលស្ដែងឱ្យឃើញ តាមរយៈការធ្វើកំណែទម្រង់សេដ្ឋកិច្ច ដែលជួយឱ្យព្រះរាជាណាចក្រកម្ពុជា បាននឹងកំពុងមានកំណើន សេដ្ឋកិច្ចនៅក្នុងរង្វង់ ៧% ក្នុងមួយឆ្នាំ។ តាមរយៈសិក្ខាសាលានេះ លោក ផៃថូន ផ្លាមកេសន ក៏រំពឹងថា សិក្ខាកាមនឹងទទួលបានចំណេះដឹង ផ្នែកហិរញ្ញវត្ថុបន្ថែម ជាពិសេសលើទីផ្សារ ឧបករណ៍និស្សន្ទ។

លោក ស៊ូ សុជាតិ បានប្រកាសបើកកម្មវិធីសិក្ខាសាលានៅខេត្តកោះកុងនេះជាផ្លូវការ និងបានបង្ហាញពីស្ថានភាពបច្ចុប្បន្ននៃទីផ្សារឧបករណ៍និស្សន្ទ នៅក្នុងប្រទេសកម្ពុជា ក៏ដូចជាគោលជំហររបស់គណៈកម្មការមូលបត្រកម្ពុជាក្នុងការពង្រីកការអភិវឌ្ឍទីផ្សារឧបករណ៍និស្សន្ទបន្ថែមទៀត។លោកបានលើកទឹកចិត្ត ឱ្យវិនិយោគិនបង្កើនចំណេះដឹង និងត្រៀមខ្លួនរួចរាល់ សម្រាប់ការវិនិយោគលើឧបករណ៍ និស្សន្ទ ដើម្បីរួមចំណែកក្នុងការអភិវឌ្ឍ សេដ្ឋកិច្ចជាតិ។

លោកបានបញ្ជាក់ថា “ទីផ្សារឧបករណ៍និស្សន្ទ ផ្ដល់អត្ថប្រយោជន៍ យ៉ាងច្រើនដល់សេដ្ឋកិច្ចកម្ពុជា តាមរយៈការបង្កើត ឱកាសការងារ សម្រាប់និស្សិតដែលបានបញ្ចប់ ការសិក្សាពីសាកលវិទ្យាល័យ ការបង្កើតឱកាស រកប្រាក់ ចំណូលពីការវិនិយោគ ការផ្លាស់ប្តូរទម្លាប់ពីការសន្សំ មកជាការវិនិយោគ ការបង្កើតជម្រើសថ្មី នៃការវិនិយោគការបង្វែរ ការវិនិយោគ ពីក្រៅស្រុកមកក្នុងស្រុក និងការបង្កើនចំណូលជូនរដ្ឋតាមរយៈការបង់ពន្ធជាដើម”។

លោក Lawrence Kook អភិបាលនៃក្រុមហ៊ុន ខេមបូឌាន ដេរីវ៉េទីវ អ៊ិចឆេង បានបង្ហាញពីក្ដីរំពឹងខ្ពស់របស់លោក ទៅលើសិក្ខាសាលាតាម បណ្ដាខេត្ត និងជឿជាក់ថា វានឹងផ្ដល់អត្ថប្រយោជន៍ ច្រើនដល់វិនិយោគិនដែលវិនិយោគលើ ផលិតផលឧបករណ៍និស្សន្ទ ទាំងក្នុងរយៈពេលខ្លី និងរយៈពេលវែង។ លោក Lawrence Kook ក៏បានប្ដេជ្ញា អភិវឌ្ឍទីផ្សារឧបករណ៍និស្សន្ទ នៅកម្ពុជាឱ្យកាន់តែមានភាពល្អប្រសើរ និងមានការ ទទួលស្គាល់នៅទូទាំងពិភពលោក។

លោក Lawrence បាននិយាយថា “ត្រឹមសប្ដាហ៍ទី១នៃឆ្នាំ២០២០ ក្រុមហ៊ុន ខេមបូឌាន ដេរីវ៉េទីវ អ៊ិចឆេង និងគណៈកម្មការ មូលបត្រកម្ពុជា នឹងបានធ្វើដំណើរ និងផ្ដល់ចំណេះជំនាញ វិនិយោគដល់ សាធារណៈជន នៅគ្រប់ខេត្តក្រុងទាំងអស់ នៃប្រទេសកម្ពុជា។ នេះ គឺជាប្រវត្តិសាស្រ្តដ៏គួរឱ្យចាប់អារម្មណ៍ មួយនៅកម្ពុជា។ មិនតែប៉ុណ្ណោះ យើងនឹងបន្តផ្សព្វផ្សាយ អំពី ប្រទេសកម្ពុជា និងទាក់ទាញវិនិយោគិនបរទេស ឱ្យមកវិនិយោគ ក្នុងដែនដីសុវណ្ណភូមិនេះ ហើយវាគឺជាអ្វីដែលយើង បានធ្វើនៅពិព័រណ៍ London Summit 2019 នៅប្រទេស អង់គ្លេសនាពេលថ្មីៗនេះ”។

គិតមកដល់បច្ចុប្បន្ននេះ ក្រុមហ៊ុន ខេមបូឌាន ដេរីវ៉េទីវ អ៊ិចឆេង និងគណៈកម្មការមូលបត្រកម្ពុជា បានសហការជាមួយរដ្ឋបាលខេត្ត ក្នុងការរៀបចំសិក្ខាសាលាតាមបណ្ដាខេត្ត ក្នុងខេត្តចំនួន១៦រួចមកហើយ រួមមាន៖ ខេត្តព្រះសីហនុ ខេត្តកំពង់ចាម ខេត្តសៀមរាប ខេត្តបន្ទាយមានជ័យ ខេត្តបាត់ដំបង ខេត្តតាកែវ ខេត្តកំពត ខេត្តកែប ខេត្តកំពង់ឆ្នាំង ខេត្តពោធិ៍សាត់ ខេត្តប៉ៃលិន ខេត្តកណ្ដាល ខេត្តព្រៃវែង ខេត្តស្វាយរៀង ខេត្តកំពង់ស្ពឺ និងខេត្តកោះកុងនេះតែម្ដង។

នៅលើឆាកអន្តរជាតិវិញ ក្រុមហ៊ុន ខេមបូឌាន ដេរីវ៉េទីវ អ៊ិចឆេង ធ្លាប់បានចូលរួមពិព័រណ៍ និងព្រឹត្តិការណ៍ហិរញ្ញវត្ថុធំៗដូចជា៖ ពិព័រណ៍ iFX Expo ឆ្នាំ២០១៨ នៅប្រទេសសាយប្រឺស ពិព័រណ៍ London Summit ឆ្នាំ២០១៧ ពិព័រណ៍ London Summit ឆ្នាំ២០១៨ ពិព័រណ៍ London Summit ឆ្នាំ២០១៩ នៅចក្រភពអង់គ្លេស និងពិព័រណ៍ iFX Expo Aisa ២០១៩នៅទីក្រុងហុងកុង។ ក្រុមហ៊ុន ក៏មានដៃគូសហការអន្តរជាតិជាច្រើននៅប្រទេសអូស្រ្តាលី សហរដ្ឋអាមេរិក ចក្រភពអង់គ្លេស ប្រទេសឥណ្ឌូនេស៊ី ប្រទេសមីយ៉ាន់ម៉ា ទីក្រុងហុងកុង និងទីក្រុងឌូបៃជាដើម។

គួរបញ្ជាក់ថា ប្រសិនបើលោកអ្នកចង់ដឹងព័ត៌មាន បន្ថែម ឬចុះឈ្មោះចូលរួម សិក្ខាសាលាតាមបណ្ដាខេត្តនេះ សូមទំនាក់ទំនងមកក្រុមហ៊ុនយើងខ្ញុំតាមរយៈគេហទំព័រ www.cdx.com.kh ឬទំព័រហ្វេសប៊ុក Cambodian Derivatives Exchange ឬទូរស័ព្ទមកលេខ 023 22 7777៕

គ្រូបង្រៀននៅស្រុកស្ទឹងសែន ខេត្តកំពង់ធំម្នាក់ លោកស្រី ឈួន សុខឃី បានទៅចូលរួមកម្មវិធីឡើងផ្ទះបងស្រី របស់គាត់នៅក្រុង ប៉ោយប៉ែត កាលពីថ្ងៃទី​២២ ខែ​វិច្ឆិកានេះ បានមានសំណាងធំត្រូវរង្វាន់ ​៤០លានរៀលពីភេសជ្ជៈ ប៉ូវកម្លាំងវើក WURKZ ។

លោកស្រីមានប្រសាសន៍ថា៖ «ម៉ោងប្រហែល១រសៀល ខ្ញុំជិះពីកំពង់ធំទៅ ប៉ោយប៉ែត ចម្ងាយក៏ឆ្ងាយគួរសមដែរ​ ខ្ញុំអស់កម្លាំងពេកក៏ចង់ហូបវើក WURKZ ដើម្បីប៉ូវកម្លាំងព្រោះជិតដល់ពេលល្ងាចទទួល ភ្ញៀវហើយ ដល់តែគាស់ភ្លាមចេញមក ៤០លានរៀល ខ្ញុំអរ​ឡើង​និយាយ​លែង​ ចេញទៅហើយថ្ងៃនោះ»។

លោកស្រីបញ្ចាក់ថា ទឹកប្រាក់ដ៏ច្រើននេះ គាត់នឹងយកទៅបើកមុខរបរ ជាដេប៉ូលក់ភេសជ្ជៈព្រោះផ្ទះនៅ ជាប់ថ្នល់ស្រាប់ ហើយមុខរបរនេះ​ជា​មុខ របរកំពុង​កាក់កបនៅស្រុកស្ទឹងសែន។

លោក ស្រីឃី ថា៖ «គម្រោងចង់បើករកស៊ីនេះមានយូរហើយ។ ខ្ញុំក៏ចង់រកស៊ី ប៉ាវាក៏ចង់រកស៊ី ដល់តែកូនក៏ឱ្យគ្នារៀនជំនាញរកស៊ីដែរ គ្រប់យ៉ាង ចិត្ត និង​កាយត្រៀមរួចអស់ហើយ នៅ​ឡើយតែលុយ តែពេលនេះលុយក៏មាន មានអីត្រូវគិតទៀត»៕

ភ្នំពេញ៖ ដោយមានកិច្ចសហការល្អជាមួយ សាកលវិទ្យាល័យជាតិកៅស៊ុង នៃវិទ្យាសាស្រ្ត និងបច្ចេកវិទ្យា សាលាក្រោយឧត្តមនៃសាកលវិទ្យាល័យអាស៊ីអឺរ៉ុប បានចូលរួមរៀបចំកម្មវិធីបោះជំរុំ Summer School កាលពីថ្ងៃទី២២ ដល់ថ្ងៃទី២៨ ខែវិច្ឆិកាឆ្នាំ២០១៩ នៅសាកលវិទ្យាល័យជាតិកៅស៊ុងនៃវិទ្យាសាស្រ្តនិងបច្ចេកវិទ្យា (National Kaohsiung University of Science and Technology) លើកោះតៃវ៉ាន់ ដែលកម្មវិធីនេះ មានគណៈប្រតិភូនិស្សិតថ្នាក់ ក្រោយបរិញ្ញាបត្រចំនួន២៧រូប ចូលរួមនិងដឹកនាំដោយលោកបណ្ឌិត ជា សុភាព សាកលវិទ្យាធិការនៃសាកលវិទ្យាល័យអាស៊ីអឺរ៉ុប និងសម្របសម្រួល ដោយលោកបណ្ឌិត ស៊ូ វាសនា ជាសាស្រ្តាចារ្យនៃវិទ្យាល័យអាស៊ីអឺរ៉ុប និងសាស្រ្តាចារ្យបណ្ឌិត កាវជួយចុង ព្រឹទ្ធបុរសរងនៃមហាវិទ្យាល័យ ទំនាក់ទំនងអន្តរជាតិ សាកលវិទ្យាល័យជាតិកៅស៊ុង នៃវិទ្យាសាស្រ្តនិងបច្ចេកវិទ្យា។

ក្នុងរយៈពេល១សប្តាហ៍ នៃកម្មវិធីបោះជំរុំ Summer School និស្សិតអាស៊ីអឺរ៉ុប បានសិក្សាស្រាវជ្រាវនិងទទួលបាននូវបច្ចេកទេសព្រមទាំងបទពិសោធន៍ ជាច្រើនពីសាកលវិទ្យាល័យជាតិកៅស៊ុងនៃវិទ្យាសាស្រ្តនិងបច្ចេកវិទ្យា ក្នុងការបណ្តុះបណ្តាលផ្លាស់ប្តូរបទពិសោធន៍វប្បធម៌គ្នាទៅវិញទៅមក ជាពិសេសគណៈប្រតិភូបានចុះទស្សនកិច្ចតាមគ្រប់ Campus របស់សាកលវិទ្យា- និងបានចូលរួម ប្រកួតមិត្តភាពកីឡា បាល់ទះផ្លាស់ប្តូរ​បទពិសោធន៍គ្នាពីរបៀបហែលទឹកនិងសង្រ្គោះបឋម ដល់អ្នកហែលទឹកបានចុះទស្សនកិច្ចសិក្សាពីរបៀបរៀបចំ លក់និងរៀបចំកញ្ចប់ទេសចរណ៍ការដឹកនាំភ្ញៀវទេសចរណ៍ នៅតំបន់ទេសចរណ៍ប្រវត្តិសាស្រ្តការរៀបចំនិងលក់នៅផ្សាររាត្រី សិក្សាពីសារមន្ទីរជាតិជីវសាស្រ្តនិងចិញ្ចឹមសត្វសមុទ្រគ្រប់ប្រភេទ ក្នុងការរៀបចំបង្ហាញការចិញ្ចឹមថែរក្សាសត្វសមុទ្រ ទាំងនោះឱ្យភ្ញៀវទេសចរណ៍ បានទស្សនាទស្សនកិច្ច​កសិដ្ឋានចិញ្ចឹមអយស្ទ័រ ដោយសិក្សាពីរបៀបចិញ្ចឹមថែរក្សារ ការពារអយស្ទ័រនិងការរៀបចំកញ្ចប់ឱ្យភ្ញៀវទេសចរណ៍ ទស្សនានិងទទួលទានអយស្ទ័រ។

បន្ថែមពីលើនេះទៀតគណៈប្រតិភូនិស្សិតថ្នាក់ ក្រោយបរិញ្ញាបត្រ នៃសាកលវិទ្យាល័យអាស៊ីអឺរ៉ុបក៏បានស្វែងយល់ នៅការិយាល័យរដ្ឋាភិបាលកិច្ចការកម្លាំងពលកម្មក្នុងទីក្រុ​កៅស៊ុងពីការងារ អប់រំខាងកម្លាំង ពលកម្មទស្សនកិច្ចសិក្សាស្វែងយល់ ពីការធ្វើទីផ្សារសង្វាក់ផលិតកម្មការគ្រប់គ្រងនិងការនាំចេញម៉ាស៊ីន ហាត់ប្រាណសម្រាប់មនុស្សធម្មតា និងសម្រាប់អ្នកជំងឺ ទៅកាន់ទីផ្សារអឺរ៉ុប សហរដ្ឋអាមេរិកអាស៊ីនិងចិន របស់ក្រុមហ៊ុន Sports Art Fitness។ ចុះទៅសិក្សាស្រាវជ្រាវ នៅវិទ្យាស្ថានជាតិ កសិកម្មតៃវ៉ាន់ពីរបៀបដាំថែរក្សាព្យា បាលបង្កាត់ពូជដំណាំហូបផ្លែ និងបន្លែបង្ការគ្រប់មុខជាពិសេសរបៀប ដាំស្វាយប៉ោមឋ ឱ្យរស់ឱ្យបានជារៀងរហូត មិនចេះស្លាប់ដើមនិងទទួល បានផលគ្រប់រដូវ។

មុននឹងបញ្ចប់ទស្សនកិច្ចគណៈប្រតិភូបានទៅវិទ្យាស្ថានស្រាវជ្រាវបច្ចេកវិទ្យាឧស្សាហកម្ម I.T.R.I ទទួលបាននូវមូលដ្ឋានគំនិតចំណេះសំខាន់ៗ និងបានស្វែងយល់ពីបច្ចេកវិទ្យាចុងក្រោយ នៃបដិវត្តន៍ឧស្សាហកម្ម​ 4.0 ដើម្បីផ្សារភ្ចាប់រវាងទ្រឹស្តីនិងការអនុវត្តន៍​ផ្ទាល់និងរបកគំឃើញថ្មី នៃ​បច្ចេកវិទ្យា​ដែលប្រើក្នុងឧស្សាហកម្ម​ 4.0​ និងស្វែងយល់ពីបច្ចេកវិទ្យា ចុងក្រោយ ដូចជាប្រព័ន្ធការពារមហារីក​ ការចាក់ស្ទីមសែលក្នុងវិស័យ វិជ្ជសាស្រ្ត​ ដើម្បីអោយអ្នកជំងឺកាត់បន្ថយការប្រើប្រាស់ ថ្នាំពេទ្យ​ ឬបឈ្ឈប់/រាលដាលជំងឺ​,​ ប្រព័ន្ធចំរោះទឺកស្អាត, ឌ្រូនសម្រាប់យោធា​ និងពាណិជ្ចកម្ម​ ប្រព័ន្ធច្រោះជាតិពុលក្នុងបរិយាកាស​ និងគម្រូប្រព័ន្ធអេឡិចត្រនិក ដ៏ទំនើបចុងក្រោយ សម្រាប់ដៃគូ សហគ្រាសខ្នាតធំ​, Smart home, Clean environment,​ បច្ចេកវិទ្យា​ LED, បច្ចេកវិទ្យាប្រើប្រាស់​ C02 និងកាត់បន្ថយការ ប្រើប្រាស់ទឹកច្រើន,​ សរសេរកម្មវិធីសម្រាប់ទូរស័ព្ទដៃ​ ជាដើម។ល។

សូមបញ្ជាក់ផើងដែរថា វគ្គសិក្សាថ្មីសម្រាប់ថ្នាក់បរិញ្ញាបត្រជាន់ខ្ពស់និងថ្នាក់បណ្ឌិត នៅសាកលវិទ្យាល័យអាស៊ីអឺរ៉ុប នឹងចាប់ផ្តើមនៅថ្ងៃទី២ខែមករាឆ្នាំ២០២០ សម្រាប់វគ្គច័ន្ទ-សុក្រនិងនៅថ្ងៃទី៤ខែមករា ឆ្នាំ២០២០សម្រាប់វគ្គចុងសប្តាហ៍៕