ភ្នំពេញ៖ ថ្ងៃទី ២០ ខែវិច្ឆិកា ឆ្នាំ២០១៩ សែលកាត បានប្រកាសថា ទីតាំងសម្រាប់ការប្រារព្ធកម្មវិធីប្រកួត Super Data Race លើកទី7ខ្លួន នឹងធ្វើឡើងនៅក្នុង វិទ្យាល័យស្វាយរៀង នៅថ្ងៃទីអាទិត្យ ទី២៤ ខែវិច្ឆិកា ចាប់ពីម៉ោង ៤រសៀល តទៅ។

យុវជន យុវនារី រាប់រយនាក់ បានធ្វើការចុះឈ្មោះ ចូលក្នុងកម្មវីធីនេះ ដែលត្រូវបានរៀបចំ ដើម្បីបង្ហាញថាបណ្តាញ 4G LTE របស់ប្រព័ន្ធសែលកាត គឺជាបណ្តាញអ៊ីនធើណេតដ៏លឿន ក៏ដូចជាដើម្បីផ្តល់ឱកាស ឲ្យអ្នកចូលរួម ឈ្នះរង្វាន់ ពិសេសៗជាច្រើនផងដែរ។

មិនខុសពីកម្មវីធី ប្រកួតរបស់សែលកាត ដែលបានរៀបចំកន្លងមកនោះទេ កម្មវីធីប្រកួតលើកនេះ នឹងបញ្ចប់ទៅ ដោយមាន ការប្រគ៉ំតន្ត្រីពិសេសខ្នាតតូច ដែលនឹងមានការអញ្ជើញចូលរួមពី អ្នកនិពន្ធបទចម្រៀង លោក ថេណា (Tena) និង តារាតំណាងរបស់សែលកាតគឺ កញ្ញា រ៉េត ស៊ូហ្សាណា ក៏ដូចជា តារាអ៊ីនធើណេត (NetIdols) ដូចជាលោក រ៉េននី ដារា (Rainie Dara) និង លោក ប៊ុនឡេង (Bunleng)។

ជាមួយនឹងសន្ទុះ នៃការចុះឈ្មោះចូលរួម បច្ចុប្បន្ននេះ សែលកាត រំពឹងថាកម្មវិធី Super Data Race លើកនេះនឹងទទួល បានអ្នកចូលរួមច្រើន ជាងកម្មវិធីលើកមុន ដែលធ្វើឡើង នៅក្នុងខេត្តកំពង់ចាម ទៅទៀត។

រង្វាន់សម្រាប់អ្នកឈ្នះមានដូចជា ទូរស័ព្ទ iPhone 11 Pro, iPad, ទូរស័ព្ទ Huawei Nova 3i, កាស AirPod និង ឈ្នះកាតកោសសែលកាត ដែលមានទឹកប្រាក់ ១០០ដុល្លារ។

កម្មវិធីជំនួបតារាពិសេស នឹងធ្វើឡើង នៅថ្ងៃអាទិត្យ ទី២៤ ខែវិច្ឆិកា ចាប់ពី ម៉ោង ១១ព្រឹក ដល់ម៉ោង១២ថ្ងៃត្រង់ នៅហាង Coffee Today ក្នុងក្រុងស្វាយរៀង ដែលក្នុងអំឡុងពេលនោះ អ្នកគាំទ្រ នឹងមានឱកាសថតរូប selfies ជាមួយ លោក ថេ ណា និងកញ្ញា រ៉េតសូហ្សាណា លោក រ៉េននី ដារា និង លោក ប៊ុន ឡេង។ ក្នុងពេលជាមួយគ្នានេះ សែលកាតនឹងធ្វើ ការចែកអាវយឺតមួយចំនួនដែលមាន ហត្ថលេខា របស់ពួកគាត់ផងដែរ។

លោក អៀន វ៉ាត់សុន នាយកប្រតិបត្តិក្រុមហ៊ុន សែលកាត មានប្រសាសន៍ថា៖ “Super Data Race ទទួលបាន ប្រជាប្រិយភាពយ៉ាងខ្លាំង ពីស្រទាប់យុវជន ដោយសារយើងប្រារព្ធកម្មវិធីនេះ នៅតាមខេត្តផ្សេងៗ នៅកម្ពុជា។ នេះគឺជា វិធីសាស្រ្តមួយ ដែលធ្វើឲ្យទទួលបានអ្នកគាំទ្រ និងការចូលរួមជាច្រើន នៅក្នុងកម្មវិធីរាល់លើក”។

លោក អៀន វ៉ាត់សុន បានបន្ថែមទៀតថា៖ “កម្មវិធី Super Data Race នេះ គឺជាយុទ្ធសាស្ត្ររបស់ សែលកាត ដើម្បី ទាក់ទាញអតិថិជន ឲ្យបានស្គាល់ពីបណ្តាញ 4G LTEរបស់សែលកាត ដែលជាបណ្តាញអ៊ីនធើណេតលឿនបំផុត នៅ កម្ពុជា។ យើងមានសេចក្តីសោមនស្សរីករាយ ដែលបានរៀបចំកម្មវិធីនេះ នៅខេត្តស្វាយរៀង ហើយក៏សូមថ្លែង អំណរគុណ ដល់លោកគ្រូ អ្នកគ្រូ និងសិស្សានុសិស្ស នៅវិទ្យាល័យស្វាយរៀង ទាំងអស់គ្នា។ យើងជឿជាក់ថាពួកគាត់ ក៏រីករាយដូចសែលកាត ក្នុងការដែលសាលារបស់គាត់ ត្រូវបានជ្រើសរើស សម្រាប់រៀបចំកម្មវិធីនេះ។

ដើម្បីចូលរួមកម្មវិធីនេះ អ្នកចូលរួមត្រូវទាញយកកម្មវិធី Super Data Race ពី Google Play ឬក៏ iOS App។ បន្ទាប់មក បេក្ខជនទាំងអស់ ត្រូវចុះឈ្មោះជាមួយ លេខទូរស័ព្ទ របស់ប្រព័ន្ធសែលកាត ហើយចុងក្រោយ ទៅយកសម្ភារៈ ប្រកួតនៅស្តង់សែលកាតនៅក្នុងវិទ្យាល័យស្វាយរៀង។

សែលកាត លើកទឹកចិត្តឲ្យសិស្សានុសិស្ស ទាំងអស់អញ្ជើញមកដល់ទីតាំង ប្រកួតឲ្យបានមុនគេ ដើម្បីធ្វើការចុះឈ្មោះ និងយកសម្ភារៈ សម្រាប់ការប្រកួត មុនពេលដែលកម្មវិធីចាប់ផ្តើម។

អ្នកអាចតាមដាន សកម្មភាពនេះ បាន នៅលើបណ្តាញសង្គមហ្វេសប៊ុក Cellcard Play ៖https://www.facebook.com/CellcardPlay/។

ក្នុងនាមជាដៃគូ សហពាណិជ្ជកម្មជាមួយក្លឹប​បាល់ទាត់ លំដាប់ថ្នាក់ពិភពលោកនេះ ភេសជ្ជៈប៉ូវកម្លាំងវើក WURKZ សូមណែនាំសមាសភាព កីឡាករវ័យក្មេងសញ្ជាតិប្រេស៊ីលម្នាក់ដែល​ជាទូតសុឆន្ទៈ របស់វើក WURKZ គឺកីឡាករ Gabriel Jesus៖

• ជាកីឡាករវ័យក្មេង បច្ចុប្បន្ន​មានអាយុ​២២ឆ្នាំ។
• ជាកីឡាករអាជីព​លេងឱ្យ​ក្លឹប Manchester City និងក៏ជាកីឡាករជម្រើសជាតិ​ប្រេស៊ីល​ដ៏លេចធ្លោ​ផង​ដែរ។
• ចូលលេងដំបូងនៅក្លឹប Palmeiras ប្រទេសប្រេស៊ីល។
• ជាប់ឈ្មោះជាកីឡាករចំណូលថ្មីល្អបំផុត និង​ត្រូវ​បានប្រសិទ្ធនាមថា ជាកីឡាករប្រចាំ​រដូវកាលដែលជួយឱ្យ Palmeiras លើកពានលីគកំពូល​​ប្រេស៊ីលជាលើកដំបូងបំផុតក្នុង​រយៈ​ពេល២២ឆ្នាំ។
• ចូលលេងឱ្យក្លឹប Manchester City កាលពី​ឆ្នាំ ២០១៧ ក្នុង​តម្លៃទិញចូល៣២លានផោន (ប្រហែល​​​៤១​​លាន​​ដុល្លារ​អាមេរិក)។
• ឈ្នះពានរង្វាន់ Premier League រដូវ​កាល​​២០១៧-២០១៨ និង ​២០១៨-២០១៩និងពានរង្វាន់ FA Cup នៅឆ្នាំ​២០១៩។  
• ធ្លាប់ស៊ុតបញ្ចូលទីបានចំនួន​៧គ្រាប់ ជួយ​ឲ្យ​ក្រុម​ឈាន​ដល់​​វគ្គ​ផ្តាច់​ព្រ័ត្រនៃ​ពាន​រង្វាន់​ FIFA World Cup សម្រាប់​យុវជន​ក្រោយ​អាយុ​២០​ឆ្នាំ​ (U-20)។
• ជាសរុប ក្នុងក្លឹបបាល់ទាត់ដំបូង លោក​អាចរកគ្រាប់បាល់បានចំនួន​៥៤​គ្រាប់ ក្នុង​៤៨ ប្រកួត។
• ថ្មីៗ ជួយក្រុមជម្រើសជាតិប្រេស៊ីលយកឈ្នះក្រុមជម្រើសជាតិកូរ៉េខាងត្បូងដោយលទ្ធផល ៣ទល់នឹង​០ ក្នុងការប្រកួតលក្ខណៈមិត្តភាព។  

Gabriel អាចនឹងមានវត្តមានសម្រាប់ការ ប្រកួតរវាង Manchester City និង Chelsea នៅ​រំលង​អធ្រាត្រ​ម៉ោង​​ ១២:​៣០​នាទី​ ឈាន​ចូល​​ថ្ងៃ​អាទិត្យ​ ទី២៤ ខែវិច្ឆិកា​នេះ។ អ្នកគំាទ្រកម្ពុជាអាចទស្សនាការប្រកួត​ English Premiere League រវាងក្រុមទាំងពីរនេះបាន​តាមរយៈកញ្ចក់ទូរទស្សន៍ CTN  និង​ MYTV  និង CNC វេលាម៉ោង១២យប់តទៅ៕

ភ្នំពេញ៖ ដើម្បីបរិច្ចាគកាបូប និងសម្ភារសិក្សា ២០០០០ឈុត សម្រាប់កុមារនៅក្នុងប្រទេសកម្ពុជា ក្រុមហ៊ុន គូបូតា ខេមបូឌា ខូអិលធីឌី កាលពីពេលថ្មីៗនេះ បានរៀបចំឡើងនូវកម្មវិធីសប្បុរសធម៌ ៥ឆ្នាំជាប់ៗគ្នាក្នុងយុទ្ធនាការឈ្មោះថា “ KUBOTA Sharing the Future” ដើម្បីផ្តល់ថវិកាជាង ៦៦០ លានរៀល (ស្មើនឹង ១៦៥.០០០ ដុល្លារអាមេរិក) សម្រាប់ជាជំនួយដល់ការអប់រំ សិស្សានុសិស្ស ក៏ដូចជាកុមារដែលខ្វះខាតនៅតាមតំបន់ឆ្ងាយៗទូទាំងប្រទេស។ កម្មវិធីសប្បុរសធម៌នេះ ត្រូវបានប្រារព្ធធ្វើឡើងនៅសណ្ឋាគារ សុខាល័យ អង្គរ វីឡា រីសត ក្នុងខេត្តសៀមរាប។

លោក ភីសានុ មីលីនតានុស អគ្គនាយករង និងជាអ្នកគ្រប់គ្រងទូទៅផ្នែកលក់ និងសេវាកម្ម នៃក្រុមហ៊ុន ស្យាម គូបូតា ខបភឺរេសិន ខូអិលធីឌី បានមានប្រសាសន៍ថា ក្រុមហ៊ុន គូបូតា (ខេមបូឌា) ខូអិលធីឌី ប្រកាន់ខ្ជាប់យ៉ាងសំខាន់នូវការអនុវត្តអាជីវកម្មក្នុងការបើកអាជីវកម្មដំណាលគ្នា និងចូលរួមចំណែកក្នុងការអភិវឌ្ឍន៍សង្គម។ ក្រុមហ៊ុនមានការយកចិត្តទុកដាក់ខ្ពស់ទៅលើវិស័យអប់រំដែលមានតួនាទីសំខាន់សម្រាប់ការអភិវឌ្ឍជាតិ។ ក៏ដូចជាយុវជន ដែលជាកម្លាំងស្នូលនៃសង្គម និងការអភិវឌ្ឍជាតិ។

ដូច្នេះហើយសកម្មភាពនៃកម្មវិធី “KUBOTA Sharing The Future” ត្រូវបានរៀបចំសម្រាប់រយៈពេល ៥ ឆ្នាំជាប់គ្នាដែលជាផ្នែកមួយនៃយុទ្ធនាការថ្នាក់តំបន់ CSR ដែលធ្វើឡើងនៅប្រទេសកម្ពុជានិង ឡាវ។ យុទ្ធនាការទូទាំងតំបន់នេះមានគោលបំណងផ្តល់ជូននូវសម្ភារសិក្សាដើម្បីឲ្យកុមារក្រីក្រដែលគ្រប់អាយុចូលសាលាបានប្រើប្រាស់ ដើម្បីឲ្យជីវិតកាន់តែប្រសើរជាងមុនដើម្បីជួយអភិវឌ្ឍនិងចូលរួមចែករំលែកមកឲ្យសង្គមវិញ។

លោក ភីសានុ មីលីនតានុស បានបន្តទៀតថា ក្រុមហ៊ុនតែងតែមើលឃើញពីសារសំខាន់នៃការអភិវឌ្ឍ និងការគាំទ្រដល់កុមារនិងសង្គម ដូច្នេះហើយទើបយើងបន្តសកម្មភាពជារៀងរាល់ឆ្នាំដើម្បីជំរុញសង្គមនិងជួយលើកកម្ពស់សុខមាលភាពប្រជាជនជាពិសេសក្នុងការអប់រំនិងកុមារ ហេតុផលនេះហើយទើបយើងសម្រេចបង្កើត “មជ្ឈមណ្ឌលអប់រំបច្ចេកទេសគូបូតា” (KUBOTA Technical Education Center) សហការជាមួយក្រសួងការងារនិងបណ្តុះបណ្តាលវិជ្ជាជីវៈ និងគូបូតា Palungjai ដើម្បីជួយជនរងគ្រោះពីគ្រោះមហន្តរាយធម្មជាតិ បន្ថែមពីលើគម្រោង “KUBOTA Sharing The Future” ដែលបានរៀបចំឡើងនៅថ្ងៃនេះ។
ព័ត៌មានបន្ថែម សូមទំនាក់ទំនងៈ

For further information, please contact: –

ភ្នំពេញ៖ ក្នុងដំណើរកំសាន្ត Ford Adventure ដ៏អស្ចារ្យលើកទី ១៣ ឆ្នាំ២០១៩នេះ ម្ចាស់រថយន្ត FORD គ្រប់រូប ដែលជាអតិថិជន របស់ក្រុមហ៊ុន អ អិមអេ ខេមបូឌា នឹងកាន់តែ សប្បាយរីករាយជាមួយ នឹងដំណើរកម្សាន្ត ADVENTURE ឆ្លងដែន ដ៏អស្ចារ្យឆ្ពោះ ទៅកាន់ ខេត្តស្ទឹងត្រែង ប្រទេសកម្ពុជា និងទីក្រុងប៉ាកសេ ខេត្តចម្ប៉ាសាក់ ប្រទេសឡាវ នៅដើមខែធ្នូ ខាងមុខនេះ ពោលគឺ មានរយៈពេល ៤ថ្ងៃ ៣យប់ គឺចាប់ពីថ្ងៃទី ៦ ដល់ថ្ងៃទី ៩ ខែធ្នូ ឆ្នាំ២០១៩ ដោយមានអ្នកដំណើរ ប្រមាណ ៦០០នាក់ ដែលអ្នកចូលរួមនឹង រីករាយជាមួយ ទេសភាពព្រៃភ្នំ នៅតាមដងផ្លូវក្នុងទឹកដីខេត្តស្ទឹងត្រែង រួមជាមួយនឹងបទពិសោធន៍បោះជំរុំ ដ៏អស្ចារ្យ នៅលើវាលស្មៅ យ៉ាងស្រស់ត្រកាល នៃខេត្តចម្ប៉ាសាក់ ប្រទេសឡាវ។

ដំណើរកំសាន្ត FORD Adventure ឆ្នាំ២០១៩នេះ រៀបចំ ដោយក្រុមហ៊ុន អ អិម អេ ខេមបូឌា (RMACambodia) នៅក្នុង ប្រទេសកម្ពុជា និងឧបត្ថម្ភកម្មវិធី ដោយក្រុមហ៊ុន PTT ខេមបូឌា ដែលជាប្រេងឥន្ធនៈឈានមុខគេនៅកម្ពុជា ,ក្រុមហ៊ុនភេសជ្ជៈកម្ពុជា Coca Cola, ធនាគារ KB Daehan Specialized Bank Plc. ហើយក៏មានការចូលរួមសហការ ជាមួយ AIA (Cambodia) Life Insurance ក្រុមហ៊ុន EFG (Express Food Group) ដែលរួមមាន Pizza Company, Swensen’s និង Dairy Queen, Philip General Insurance Cambodia, និងក្រុមហ៊ុន Cooper Tire។

ក្នុងដំណើរកំសាន្ត FORD Adventure ឆ្នាំ២០១៩នេះ ក៏មានការសហការចូលរួមពីសំណាក់ ក្រមហ៊ុនឯកទេសបិត Sticker ថា្លការពារថ្នាំរថយន្ត Sticker City និងហាង នំប័ងបាយ័ន ក្នុងដំណើរកំសាន្ត Ford Adventure ដ៏អស្ចារ្យលើកទី ១៣នេះ មានរយៈពេល ៤ថ្ងៃ ៣យប់ គឺចាប់ពីថ្ងៃទី ៦ ដល់ថ្ងៃទី ៩ ខែធ្នូ ឆ្នាំ២០១៩ ដោយមានអ្នកដំណើរ ប្រមាណ ៦០០នាក់ ដែលអ្នកចូលរួម នឹងរីករាយជាមួយទេសភាពព្រៃភ្នំ នៅតាមដងផ្លូវក្នុងទឹកដីខេត្តស្ទឹងត្រែង រួមជាមួយនឹងបទពិសោធន៍ បោះជំរុំដ៏អស្ចារ្យនៅលើវាលស្មៅយ៉ាងស្រស់ត្រកាលនៃ ខេត្តចម្ប៉ាសាក់ ប្រទេសឡាវ។ លើសពីនេះទៅទៀត អ្នកចូលរួមទាំងអស់នឹងមានឱកាស ដើរទិញទំនិញជាច្រើនសំបូរបែប ក្នុងតម្លៃសមរម្យ ក្នុងផ្សារទំនើប នៅខេត្តចម្ប៉ាសាក់ ប្រទេសឡាវ ថែមទៀតផង។

លោក ម៉ៃឈី ព្រីន (Michael Breen) នាយកគ្រប់គ្រងប្រចាំតំបន់អាស៊ីប៉ាស៊ីហ្វិច នៃក្រុមហ៊ុន Ford Motor Company បានមានប្រសាសន៍ថា “ក្រមហ៊ុន Ford Cambodia រៀបចំ ព្រឹត្តិការណ៍នេះឡើង ដើម្បីថ្លែងអំណរគុណដល់អតិថិជន Ford ទាំងអស់ដែលបានគាំទ្រក្រុមហ៊ុន Ford និងដើម្បីឱ្យអតិថិជនបានធ្វើដំណើរ កម្សាន្តចុងឆ្នាំ ជាមួយមិត្តភក្តិ និងក្រុមគ្រួសារ ផងដែរ។ នេះជាឱកាសដ៏អស្ចារ្យមួយ ដើម្បីឲ្យអ្នកបានស្គាល់ និងរាប់អានមនុស្សថ្មីៗជាច្រើន និងបានធ្វើការណែនាំ និងចែករំលែកអំពីបទពិសោធន៍ក្នុងអាជីវកម្មរបស់ អ្នករួមជាមួយ ដំណើរកម្សាន្តបោះជំរុំ ដ៏អស្ចារ្យ ហើយសំខាន់បំផុត គឺទទួលបានបទពិសោធន៍ បើកបរប្រកបដោយភាពរីករាយជាមួយរថយន្ត Ford”។

លោក សេង វឹង ប្រធានគ្រប់គ្រងទូទៅ ផ្នែករថយន្ត Ford នៃក្រុមហ៊ុន RMA Cambodia បានថ្លែងអំណរគុណ យ៉ាងជ្រាលជ្រៅ ចំពោះរាល់ បណ្តាក្រុមហ៊ុនឧបត្ថម្ភទាំងអស់ ដែលបានជួយគាំទ្រដល់ដំណើរការ នៃកម្មវិធី ដំណើរកំសាន្ត FORD Adventure ឆ្នាំ២០១៩នេះ ។ លោករំពឹងថា ដំណើរកម្សាន្តឆ្នាំនេះ នឹងកាន់តែធ្វើឱ្យអ្នកចូលរួមរីករាយ កាន់តែខ្លាំងជាងឆ្នាំមុនៗ ថែមទៀត ។

លោក បញ្ជាក់ថា “ដំណើរកំសាន្ត FORD Adventure ឆ្នាំ២០១៩នេះ មានភាពអស្ចារ្យជាងឆ្នាំមុនៗ ដោយសារក្បួនរថយន្ត FORD ជាង១៣០គ្រឿងធ្វើដំណើរឆ្លងកាត់ទឹកដី ខេត្តស្ទឹងត្រែង ហើយឆ្ពោះទៅទឹកដីខេត្តចម្ប៉ាសាក់ ប្រទេសឡាវ ដែលធ្វើអោយអតិថជន FORD ទទួលបានបទពិសោធន៍ ក្នុងការបើកបរ និងទស្សនាតំបន់ទេសចរណ៍ នៅលើទឹកដី ប្រទេសកម្ពុជាយើង និងប្រទេសឡាវផងដែរ”។

លោក លាង ម៉ារឌី អ្នកគ្រប់គ្រងជាន់ខ្ពស់ផ្នែកឥណទាន នៃធនាគារ KB Daehan Specialized Bank បានមានប្រសាសន៍ថា “ឆ្លៀតក្នុងឱកាសនេះ ខ្ញុំបាទក៏សូមថ្លែង អំណរគុណ ដល់ថ្នាក់ដឹកនាំ ទាំងអស់របស់ក្រុមហ៊ុន អអិម អេ ខេមបូឌា ក៏ដូចជាថ្នាក់ដឹកនាំ និងបុគ្គលិកហ្វដ ដែលផ្តល់នូវទំនុកចិត្ត និងភាពជឿជាក់ បានបើកឪកាសអោយ ធនាគារ KDSB បានធ្វើជាដៃគូ ក្នុងការផ្តល់កម្ចីជូនគ្រប់ អតិថិជនហ្វដទាំងអស់ ដើម្បីជាការឆ្លើយតបចំពោះក្រុមហ៊ុន ធនាគារ KDSB ក៏បានខិតខំប្រឹងប្រែងពង្រឹង សេវាកម្មរបស់ខ្លួនតាមរយៈ ការផ្តល់
អត្រាការប្រាក់ទាប សេវាអនុម័តឥណទាន ឆាប់រហ័ស ឯកសារងាយស្រួល ជាពិសេសនោះ គឺទទួលសិក្សាអតិថិជនហ្វដគ្រប់ ២៥ខេត្តក្រុង ក្រៅពីកម្ចីសម្រាប់ទិញ រថយន្ត ធនាគារក៏មានកម្ចីទិញផ្ទះ កម្ចីសម្រាប់អាជីវកម្ម និងពង្រីកមុខរបរ ជាមួយអត្រាការប្រាក់ប្រកួតប្រជែងផងដែរ។

លោក ហួង ស៊ុនហ៊ីន ប្រធានគ្រប់គ្រងស្ថានីយ៍ និងទីផ្សារលក់រាយ នៃក្រុមហ៊ុនប្រេងឥន្ធនៈ PTT Cambodia បានមានប្រសាសន៍ថា “ខ្ញុំសូមថ្លែងអំណរគុណដល់ក្រុមហ៊ុន RMA Cambodia ដែលជឿជាក់លើ ផលិតផល និងសេវាកម្មរបស់ក្រុមហ៊ុន PTT Cambodia សម្រាប់កម្មវិធីដំណើរកម្សាន្ត Ford Adventure 2019 នេះ។ បច្ចុប្បន្ន ក្រុមហ៊ុន PPT (Cambodia) មាន៧៤ សាខាស្ថានីយ៍ប្រេងឥន្ធនៈ រួមជាមួយនឹង ហាងកាហ្វេ Amazon, ហាងលក់ទំនិញ Jiffy, បញ្ជរលក់អាហារ និងភេសជ្ជៈ និងបន្ទប់ទឹកស្អាត ដែលមាននៅគ្រប់
ស្ថានីយ៍ប្រេងឥន្ធនៈ PTT។ យើងនៅតែបន្តពង្រីកសេវាកម្ម និងស្ថានីយ៍របស់យើង ឲ្យកាន់តែច្រើនឡើងថែមទៀតនៅតាមបណ្ដាខេត្តនានា ដើម្បីឲ្យអតិថិជនមានភាពងាយស្រួលក្នុងការ ប្រើប្រាស់ផលិតផលនិងសេវាកម្មរបស់យើង”។

លោកស្រី ឡាវ ស្រីដែត នាយកផ្នែកពាណិជ្ជកម្មប្រចាំប្រទេស នៃកក្រុមហ៊ុន ភេសជ្ជៈ CoCa Cola Cambodia បានមានប្រសាសន៍ថា “ក្រុមហ៊ុនកូកា-កូឡា មានក្តីសោមនស្សជាខ្លាំង ដែលបានក្លាយខ្លួន ជាអ្នកឧបត្ថម្ភធំនូវភេសជ្ជៈសម្រាប់ កម្មវិធី Ford Adventure 2019។ ផលិតផលរបស់យើងតែងតែ ផ្តល់ជូនអ្នកពិសានូវភាពសប្បាយរីករាយ និងអារម្មណ៍ ស្រស់ស្រាយ នៅគ្រប់ឱកាសជួបជុំនានា ហើយពិតជាសាកសមឥតខ្ចោះ ក្នុងដំណើរផ្សងព្រេង ដ៏អស្ចារ្យមួយនេះ។

លើសពីនេះទៅទៀត លោក សេង វឹង ក៏បានបន្ថែមទៀតថា ដំណើរកំសាន្ត FORD Adventure មិនត្រឹមតែ ជាការកំសាន្តសប្បាយប៉ុណ្ណោះទេ អ្វីដែលសំខាន់ជាងនេះ ទៅទៀតនោះ គឺការទំនាក់ទំនងគ្នាល្អ ការជួយគ្នា ទៅវិញទៅមករបស់អតិជន FORD និងបុគ្គលិករបស់ក្រុមហ៊ុន RMA Cambodia។

គួររំលឹកថា ដំណើរកម្សាន្តនេះ បានធ្វើឡើងជារៀងរាល់ឆ្នាំ ក្នុងនោះកាលពីឆ្នាំ២០០៧ ទៅខេត្តមណ្ឌលគិរី , ឆ្នាំ២០០៨ ទៅកាន់ខេត្តរតនគិរី , ឆ្នាំ២០០៩ ទៅកាន់ខេត្តប៉ៃលិន ,ឆ្នាំ២០១០ និងឆ្នាំ២០១១ ទៅកាន់ទឹកដីខេត្តចម្បាំសាក់ ប្រទេសឡាវ ,ឆ្នាំ២០១២ ទៅកាន់ខេត្តមណ្ឌលគិរី ឆ្នាំ២០១៣ ក៏បានទៅទឹកដីប្រទេសឡាវម្តងទៀត ,ឆ្នាំ២០១៤ ទៅកាន់ខេត្តត្រាត ប្រទេសថៃ ,ឆ្នាំ២០១៥ ទៅកាន់ខេត្តច័ន្ទបុរី ប្រទេសថៃ ,ឆ្នាំ២០១៦ ទៅកាន់ខេត្តបុរីរាម ,ឆ្នាំ២០១៧ ទៅកាន់ទីក្រុងប៉ាតាយ៉ា និងឆ្នាំ២០១៨ ទៅកាន់ខេត្តច័ន្ទបុរី ប្រទេសថៃ ដោយមានចំនួនអ្នកចូលរួម កើនឡើងជាបន្តបន្ទាប់៕

ភ្នំពេញ៖ស្រាបៀរអាន់ឆ័រ បានរៀបចំ កម្មវិធី ប្រគល់រង្វាន់ជូនអ្នកឈ្នះរង្វាន់ទឹកប្រាក់ 10,000 (មួយម៉ឺន) ដុល្លារចំនួនបីរូប និងអ្នកឈ្នះរង្វាន់ ទឹកប្រាក់ 1000 (មួយពាន់) ដុល្លារចំនួន ២៧ (ម្ភៃប្រាំពីរ) នាក់ពីកម្មវិធី “ឈ្នះរង្វាន់ស្រាបៀរនិងទឹកប្រាក់ ដ៏ច្រើនសន្ធឹកសន្ធាប់ ពីស្រាបៀរអាន់ឆ័រ” ដោយមានការអញ្ជើញ ចូលរួមពីថ្នាក់ដឹកនាំ ក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ អ្នកឈ្នះរង្វាន់ ភ្ញៀវកិត្តិយស និងអ្នកសារព័ត៌មានជាច្រើន កាលពីថ្ងៃទី ១៨ ខែវិច្ឆិកា ឆ្នាំ២០១៩។

កម្មវិធី “ឈ្នះរង្វាន់ស្រាបៀរនិងទឹកប្រាក់ ដ៏ច្រើនសន្ធឹកសន្ធាប់ពីស្រាបៀរអាន់ឆ័រ” ត្រូវបានរៀបចំឡើងជាពិសេស សម្រាប់អតិថិជនរបស់ស្រាបៀរអាន់ឆ័រ ក្នុងគោលបំណងថ្លែងអំណរគុណ ដ៏ជ្រាលជ្រៅ និងបង្ហាញ ពីការយកចិត្តទុកដាក់ខ្ពស់របស់ក្រុមហ៊ុនស្រាបៀរអាន់ឆ័រ ចំពោះអតិថិជន ដែលតែងតែគាំទ្រ និងនិយមជាវស្រាបៀរអាន់ឆ័រសម្រាប់គ្រប់កម្មវិធី គ្រប់ឱកាស។

លោក ភឹម វុទ្ធថា មកពីខេត្តតាកែវ អ្នកស្រី ប៉ិន គឹមស្រឿន មកពីខេត្តកំពត និងលោក ម៉ៅ ផានិត មកពីរាជធានីភ្នំពេញ ដែលជាអ្នកឈ្នះរង្វាន់ទឹកប្រាក់១ម៉ឺនពីស្រាបៀអាន់ឆ័រ បានប្រសាសន៍ បញ្ជាក់ដូចគ្នាថា កម្មវិធីប្រូម៉ូសិន របស់ស្រាបៀរអាន់ឆ័រពិតជាល្អណាស់ ស្រាបៀរអាន់ឆ័រពិតជាប្រគល់រង្វាន់ពិតៗមែន ហើយសូមអតិថិជនស្រាបៀរអាន់ទាំងអស់ បន្តគាំទ្រស្រាបៀរអាន់ឆ័រ ដើម្បីមានឱកាសឈ្នះរង្វាន់ ធំដូចរូបគាត់ទាំងបី។

កម្មវិធីឈ្នះរង្វាន់ស្រាបៀរ និងទឹកប្រាក់ដ៏ច្រើន សន្ធឹកសន្ធាប់ ពីស្រាបៀរអាន់ឆ័រចាប់ផ្តើមពីថ្ងៃនេះរហូតដល់ដំណាច់ឆ្នាំ ២០១៩។ រាល់ការជាវស្រាបៀរអាន់ឆ័រ លោកអ្នក នឹងមានឱកាស ឈ្នះរង្វាន់ស្រាបៀរ អាន់ឆ័រ១កំប៉ុង ១២កំប៉ុង ២៤ កំប៉ុង ព្រមទាំងរង្វាន់ទឹកប្រាក់ ១០០ (មួយរយ) ដុល្លារ ១០០០ (មួយពាន់ដុល្លារ និង១០០០០ (មួយម៉ឺន)ដុល្លារ ពីស្រាបៀរអាន់ឆ័រ។ ក្រុមហ៊ុននឹងរៀបចំ ពេលវេលាជូនអ្នកឈ្នះរង្វាន់ទឹកប្រាក់១ម៉ឺនដុល្លារ និងអ្នកឈ្នះរង្វាន់ទឹកប្រាក់១ពាន់ដុល្លារដើម្បីបើករង្វាន់ដ៏អស្ចារ្យនេះ នៅការិយាល័យ រោងចក្រស្រាបៀរអាន់ឆ័រ។ ចំពោះរង្វាន់ផ្សេងទៀតលោក អ្នកអាចបើកភ្លាមនៅតាម ដេប៉ូចែកចាយ ស្រាបៀរអាន់ឆ័រ។ បញ្ជាក់៖ ដើម្បីបើករង្វាន់ លោកអ្នកត្រូវបង្ហាញ សម្បកកំប៉ុង និងក្រវិលកំប៉ុង ដែលឈ្នះរង្វាន់។

សូមប្រញាប់ឡើង! ជាវស្រាបៀរអាន់ឆ័រដើម្បីមាន ឱកាស ឈ្នះរង្វាន់១ ម៉ឺនដុល្លារ រាល់ខែ! អ្នកឈ្នះបន្ទាប់អាចជារូបអ្នក!!!

ចំពោះព័ត៌មានបន្ថែម សូមទាក់ទងមកយើងខ្ញុំ តាមរយៈលេខ៖ 092 333 900 / 010 833 000។

ពិសាដោយការទទួលខុសត្រូវ!