ភ្នំពេញ៖ ក្រុមហ៊ុនឌឹ ហឺស្ស ធីអិមអេច (De Heus TMH Cambodia) នាថ្ងៃទី២៣ ខែកុម្ភៈ ឆ្នាំ២០២៤នេះ បានចែករំលែកនូវនៃក្តីសង្ឃឹម និងក្ដីស្រឡាញ់ តាមរយៈការផ្ដល់កញ្ចប់អាហារ ដល់បងប្អូនប្រជាជនចំនួន ១២៧គ្រួសារ នៅសមាគមន៍ស្មសាន ក្នុងភូមិដើមស្លែង១ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។
តាមរយៈបណ្ដាញសង្គមហ្វេសប៊ុកផ្លូវការរប់ខ្លួន ក្រុមហ៊ុនឌឹ ហឺស្ស ធីអិមអេច បានសរសេរថា «ចែករំលែកនូវនៃក្តីសង្ឃឹម! បានឃើញនូវស្នាមញញឹម នៅលើមុខរបស់ប្រជាជន ១២៧ គ្រួសារនៅក្នុងសមាគមន៍ស្មសាន ដែលទទួលបានកញ្ចប់អាហារ គឺពិតជាធ្វើឲ្យយើងមានក្ដីរីករាយជាអនេក។ រួមគ្នា យើងអាចបង្កើតពិភពលោកមួយ ដែលប្រជាជនគ្រប់រូបមានលទ្ធភាពប្រសើរជាមុន» ។
សូមបញ្ជាក់ថា ក្រុមហ៊ុនឌឹ ហឺស្ស ធីអិមអេច គឺជាក្រុមហ៊ុនមួយនៅក្នុងបុត្រឧបសម្ព័ន្ធក្រុមហ៊ុនចំណីសត្វ ឌឹ ហឺស្ស ជាមួយការបណ្តាក់ទុនរវាង ក្រុមហ៊ុនចំណីសត្វ ឌឹ ហឺស្ស និងដៃគូកម្ពុជា ធីអិមអេច។ នៅក្នុងតំបន់អាស៊ី ឌឹ ហឺស្ស មានវត្តមានក្នុងប្រទេសមួយចំនួន ដោយមានទីស្នាក់ការកណ្តាលប្រចាំតំបន់នៅប្រទេសវៀតណាម។ ដោយចាប់ផ្តើមពីប្រទេសវៀតណាម ឌឹ ហឺស្ស បានពង្រីកយ៉ាងឆាប់រហ័សនៅក្នុងប្រទេសផ្សេងទៀតក្នុងតំបន់។
ក្រុមហ៊ុន ឌី ហឹស្ស ធីអិមអេច គឺជាក្រុម ហ៊ុនផលិតចំណីសត្វមួយក្នុងចំណោមក្រុមហ៊ុនផលិតចំណីសត្វធំជាងគេទាំង ១០នៅក្នុងពិភពលោក ហើយក៏ជាក្រុមហ៊ុនមានអាយុជាង ១១១ឆ្នាំមកហើយ គឺជំនាន់ទី៥ នៃដូនតាដែលជាស្ថាបនិកបង្កើតក្រុមហ៊ុននេះនៅប្រទេសហូឡង់ ៕
