អ្នកឧកញ៉ា ទៀ វិចិត្រ បញ្ជូនអូប័រទៅជួយសង្គ្រោះអ្នកនេសាទម្នាក់ ជួបគ្រោះថ្នាក់ដាក់ខ្សែរ៉តនៅលើទូកចំក្បាលរងរបួសធ្ងន់
By
Posted on
ភ្នំពេញ៖ អ្នកឧកញ៉ា ទៀ វិចិត្រ នៅយប់ថ្ងៃទី១១ ខែកុម្ភៈ ឆ្នាំ២០២៥នេះ បានបញ្ជូនអូប័រល្បឿនលឿន របស់ក្រុមហ៊ុន GTVC ទៅទទួលអ្នកនេសាទម្នាក់ បានជួបគ្រោះថ្នាក់ដាក់ខ្សែរ៉តនៅលើទូក បណ្តាលឲ្យចំក្បាលធ្ងន់ធ្ងរ យកមកសង្គ្រោះនៅមន្ទីរពេទ្យ។
អ្នកនេសាទរូបនេះមានឈ្មោះ ស៊ាង ស៊ាត មានអាយុ ៤៨ឆ្នាំ រស់នៅបណ្តោះអាសន្ន នៅម្តុំទំនប់រលក ក្នុងសង្កាត់លេខ១ ក្រុងព្រះសីហនុ។
អ្នកនេសាទខាងលើនេះ ត្រូវបានក្រុមការងារ របស់អ្នកឧកញ៉ា បញ្ជូនតាមអូប័រ មកកាន់កំពង់ផែទេសចរណ៍ក្រុងព្រះសីហនុដោយសុវត្ថិភាព នឹងបន្តដឹកតាមរថយន្តសង្គ្រោះក្រមហ៊ុន GTVC របស់អ្នកឧកញ៉ា យកទៅសង្គ្រោះបន្ទាន់នៅមន្ទីរពេទ្យ ក្នុងខេត្តព្រះសីហនុ ទាន់ពេលវេលា៕
