ធនាគារ អេស៊ីលីដា៖ ដើម្បីទីក្រុងស្អាត ចូរយើងទាំងអស់គ្នា ចូលរួមបង់ប្រាក់ ថ្លៃសេវាប្រមូលសំរាម និងសំណល់រឹង

ដើម្បីឲ្យទីក្រុងស្អាត ធនាគារ អេស៊ីលីដា បន្តបង្កើតនូវភាពងាយស្រួល សម្រាប់ប្រជាពលរដ្ឋ អាចបង់ប្រាក់ ថ្លៃសេវាប្រមូលសំរាម និងសំណល់រឹង តាមរយៈមធ្យោបាយងាយស្រួល ផ្សេងៗដូចជា៖ បង់ប្រាក់តាមអេស៊ីលីដា ទាន់ចិត្ត បង់ប្រាក់តាមអេធីអឹម អេស៊ីលីដា បង់ប្រាក់តាមអេស៊ីលីដា អ៊ីនធើណែត បង់ប្រាក់តាម App របស់ដៃគូ និងបង់ប្រាក់តាមភ្នាក់ងារ របស់ដៃគូជាច្រើនទៀត ។

តាមរយៈវីដេអូរបស់ ធនាគារ អេស៊ីលីដា បានបង្ហាញ ពីការ អរគុណសន្តិភាព ដែលធ្វើឲ្យប្រទេសជាតិ មានការអភិវិឌ្ឃន៍ ។ សន្តិភាព បានផ្តល់នូវសេចក្តីសុខ ដល់មនុស្សទាំងឡាយ រស់នៅបានសប្បាយសុខដុមរម្យនា ជួបជុំគ្នា មានសុភមង្គល ជាមួយនឹងជីវភាពកិច្ចការប្រចាំថ្ងៃ ។

ដើម្បីអភិវឌ្ឍប្រទេសជាតិរបស់យើង ឲ្យកាន់តែរីកចម្រើន និងបង្កើនជីវភា​ព កាន់តែសម្បូរសប្បាយ រួមនឹងបំណងប្រាថ្នារស់នៅ មានផាសុខភាព យើងទាំងអស់គ្នា ត្រូវចូលរួមថែរក្សាទីក្រុងរបស់យើង ឲ្យក្លាយជាទីក្រុងស្អាត មានសោភ័ណ្ឌភាព សណ្តាប់ធ្នាប់ អនាម័យ និងបរិស្ថានល្អ ។

ទីក្រុងស្អាត​ ចាប់ផ្តើមពីយើងទាំងអស់គ្នា យើងគោរពគ្នា យើងជួយធុរៈគ្នា យើងជាពលរដ្ឋ រស់ក្នុងសង្គម ដែលមានអរិយធម៌ខ្ពង់ខ្ពស់ ដើម្បីទីក្រុងស្អាត ចូរយើងទាំងអស់គ្នា ចូលរួមបង់ប្រាក់ ថ្លៃសេវាប្រមូលសំរាម និងសំណល់រឹង តាមរយៈមធ្យោបាយងាយស្រួល ផ្សេងៗដូចជា៖ បង់ប្រាក់តាមអេស៊ីលីដា ទាន់ចិត្ត បង់ប្រាក់តាមអេធីអឹម អេស៊ីលីដា បង់ប្រាក់តាមអេស៊ីលីដា អ៊ីនធើណែត បង់ប្រាក់តាម App របស់ដៃគូ និងបង់ប្រាក់តាមភ្នាក់ងារ របស់ដៃគូជាច្រើនទៀត..៕