បរទេស ៖ តម្លៃដុំមាសនៅក្នុងប្រទេសវៀតណាមបានកើនឡើង ១,១៩ភាគរយ ដល់ ៨៥ លានដុង ស្មើនឹង ៣.៤២១,៩០ ដុល្លារអាមេរិក ក្នុងមួយ តម្លឹង (១ tael ស្មើនឹង ៣៧,៥ ក្រាមឬ ១,២ អោន) នៅព្រឹកថ្ងៃអង្គារ ដែលជាកម្រិតខ្ពស់បំផុត ចាប់តាំងពីចុងខែឧសភា ខណៈដែលអត្រាពិភពលោក បានធ្លាក់ចុះបន្តិច។ តម្លៃមាសមានស្ថិរភាពគឺ ៨៣,៣ លានដុង។
យោងតាមសារព័ត៌មាន VN Express ចេញផ្សាយនៅថ្ងៃទី៨ ខែតុលា ឆ្នាំ២០២៤ បានឱ្យដឹងដោយផ្អែកតាមការចេញផ្សាយរបស់សារព័ត៌មាន រ៉យទ័រ ថា តម្លៃមាសនៅទូទាំងពិភពលោកបានធ្លាក់ចុះទាប នៅថ្ងៃអង្គារ ដោយសម្ពាធដោយប្រាក់ដុល្លារ កាន់តែរឹងមាំ ខណៈដែលអ្នកចូលរួមទីផ្សារ កំពុងរង់ចាំនាទីនៃកិច្ចប្រជុំ ចុងក្រោយរបស់ធនាគារ កណ្តាលអាមេរិក និងទិន្នន័យសេដ្ឋកិច្ច សម្រាប់សញ្ញាបន្ថែមទៀត លើផ្លូវអត្រាការប្រាក់ របស់សហរដ្ឋអាមេរិក ។
Spot Gold បានធ្លាក់ចុះ ០,២ភាគរយ មកនៅត្រឹម ២.៦៣៩,៤៥ដុល្លារ ក្នុងមួយអោន។ អនាគតមាសរបស់សហរដ្ឋអាមេរិកបានធ្លាក់ចុះ ០,៣ភាគរយ ដល់ ២.៦៥៨,៧០ ដុល្លារ។
ចំណែកសន្ទស្សន៍ប្រាក់ ដុល្លារបានហក់ឡើង ជិតដល់កម្រិតខ្ពស់រយៈពេល ៧សប្តាហ៍ ដែលធ្វើឱ្យមាស ដុំមានតម្លៃថ្លៃ ជាងសម្រាប់អ្នកកាន់រូ បិយប័ណ្ណផ្សេងទៀត ខណៈដែលការវាយតម្លៃស្តង់ដារគោល ១០ ឆ្នាំ របស់រតនាគារសហរដ្ឋអាមេរិក បានកើនឡើងដល់ ៤ភាគរយ ជាលើកដំបូងក្នុងរយៈពេលជាង ២ ខែ ៕
ប្រែសម្រួលៈ ណៃ តុលា
