ព្រះសីហនុ៖ កូនល្មិច ឬអណ្តើសមុទ្រ ៣០ក្បាល បានបង្ហាញខ្លួនជាលើកដំបូង នៅឆ្នេរខ្សាច់ឋានសួគ៍កោះរ៉ុង មុខម៉ាហ្វីយ៉ារីសត ជាទីកន្លែង ដែលលោកឧកញ៉ា ទៀ វិចិត្រ តែងតែនាំយក ប្រភេទអំបូរសត្វទាំងនេះ ទៅប្រលែង អោយរស់រាន ក្នុងសមុទ្រធម្មជាតិ ជាច្រើនក្បាល កន្លងមក ។
លោកឧកញ៉ា ទៀ វិចិត្រ មានប្រសាសន៍ថា ជាធម្មជាតិ មេអណ្តើកសមុទ្រតែងឡើង មកពង នៅកន្លែងសុវត្ថិភាព ក្នុងពំនូកខ្សាច់លើឆ្នេរ ហើយការដែលសត្វនេះឡើងមកពង រហូតដល់ញាស់ នៅឆ្នេរឋានសួគ៍កោះរ៉ុងនេះ ដោយសារទីតាំងនេះ ជាទីកន្លែងសុវត្ថិភាពមួយ មិនមានអ្នករំខានដល់ការពងកូន ហើយមានសត្វល្មិច ឬអណ្តើកសមុទ្រតូចធំ ច្រើនក្បាលត្រូវបានលែង នៅខាងមុខម៉ាហ្វីយ៉ារីសត ឆ្នេរឋានសួគ៍កោះរ៉ុងកន្លងមក។
លោកឧកញ៉ា ទៀ វិចិត្រ មានប្រសាសន៍បន្ថែមថា ក្រោយកូនសត្វល្មិច ទាំង៣០ក្បាលញាស់ បង្ហាញខ្លួននៅលើឆ្នេរ ក្រុមការងាររបស់លោកឧកញ៉ា ក៍បានជួយប្រមូល យកទៅដាក់ក្នុងទឹកសមុទ្រ អោយកូនសត្វល្មិច ឬអណ្តើកសមុទ្រទាំងអស់នេះ រស់នៅជាមួយមេ និងហ្វូងអំបូររបស់ខ្លួន ក្នុងសមុទ្រធម្មជាតិ ដ៍សុខសាន្ត គ្មានអ្នករំខាន និងគ្មានអ្នកសម្លាប់។
ដំណឹងនេះ លោកឧកញ៉ាទៀ វិចិត្រក៍ជូនជាកុសល ដល់បងប្អូនប្រជាពលរដ្ឋ ដែលស្មគ្រ័ចិត្ត ប្រគល់សត្វអណ្តើកសមុទ្រ អោយលោកឧកញ៉ា យកមកលែង ក៍ដូចជាជូនដល់មន្ត្រី ផ្នែកពាក់ពន្ធ័ទាំងអស់ ដែលបានចូលរួមក្នុងការលែង សត្វកន្លងមក ទទួលយក នូវបុណ្យកុសលទាំងអស់គ្នា តាមរយៈការចូលរួមអភិរក្ស័ បន្តពូជអំបូរសត្វសមុទ្រកម្រ ៕
